ព័ត៌មានអន្ដរជាតិ
អង់គ្លេស រកឃើញអ្នកផ្ទុកវីរុសគ្រោះថ្នាក់ ដែលឆ្លងតាមរយៈចៃឆ្កែ
មន្ត្រីសុខាភិបាលអង់គ្លេសបានព្រមានថា មេរោគគ្រោះថ្នាក់ ឆ្លងតាមរយៈចៃឆ្កែ ត្រូវបានរកឃើញជាលើកដំបូងនៅក្នុងផ្នែកមួយចំនួននៃប្រទេសនេះ។
មេរោគរលាកខួរក្បាល (TBEV) ដែលបង្កឡើងដោយចៃឆ្កែខាំ ត្រូវបានទីភ្នាក់ងារសន្តិសុខសុខភាពចក្រភពអង់គ្លេស (UKHSA) រកឃើញក្នុងខ្លួនអ្នកជំងឺចំនួន៣នាក់ នៅទីក្រុង Yorkshire, Norfolk និងតាមព្រំដែនទីក្រុង Hampshire។
បច្ចុប្បន្ន មេរោគនេះ បានរាលដាលក្នុងផ្នែកខ្លះនៃទ្វីបអឺរ៉ុបនិងអាស៊ី ហើយឥឡូវ បានឆ្លងចូលដល់ចក្រភពអង់គ្លេសហើយ ខណៈអ្នកជំនាញព្រមានថា TBEV ទំនងជាមិនបាត់ទៅវិញទេ។
ទោះបីជាយ៉ាងណាក៏ដោយ មន្ត្រីសុខាភិបាលសាធារណៈនិយាយថា ហានិភ័យនៅមានកម្រិតទាបណាស់ ប៉ុន្តែបានជំរុញឲ្យមនុស្សទាំងឡាយមានការប្រុងប្រយ័ត្ន និងស្វែងរកជំនួយផ្នែកវេជ្ជសាស្ត្រ ប្រសិនបើពួកគេធ្លាក់ខ្លួនឈឺបន្ទាប់ពីត្រូវចៃឆ្កែខាំ។
វេជ្ជបណ្ឌិត Helen Callaby មកពី UKSA បាននិយាយថា “ថ្វីបើហានិភ័យចំពោះមនុស្សទូទៅនៅមានកម្រិតទាបក៏ពិតមែន ប៉ុន្តែវាជារឿងសំខាន់បំផុតសម្រាប់អ្នកទាំងអស់គ្នា ដែលត្រូវប្រុងប្រយ័ត្នដើម្បីការពារខ្លួនកុំឲ្យចៃឆ្កែខាំ”។
ជាធម្មតា វីរុសនេះបង្កជារោគសញ្ញាដូចជំងឺគ្រុនផ្តាសាយស្រាលដែរ ប៉ុន្តែអាចនាំឲ្យមានការឆ្លងមេរោគធ្ងន់ធ្ងរនៅក្នុងប្រព័ន្ធសរសៃប្រសាទកណ្តាល ដូចជាជំងឺរលាកស្រោមខួរ ឬរលាកខួរក្បាល។ ករណីធ្ងន់ធ្ងរជាងនេះ អាចរួមមានគ្រុនក្តៅខ្លាំង ឈឺក្បាល ឈឺ ក វង្វេងស្មារតី ឬសន្លប់ជាដើម ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ប្រទេសនៅអាហ្វ្រិក កើតជំងឺហូរឈាមតាមច្រមុះដ៏អាថ៌កំបាំង ពេលនេះសម្លាប់មនុស្សបណ្តើរៗហើយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង