តាមសេចក្តីរាយការណ៍របស់ BBC, ហេតុការណ៍នេះកើតឡើងនៅមណ្ឌលចែកជំនួយរបស់អង្គការមនុស្សធម៌ហ្គាហ្សាដែលគាំទ្រដោយអាមេរិក ក្នុងតំបន់ Khan Younis។ 

ក្នុងវីដេអូដែលគេចែកចាយពាសពេញបណ្តាញសង្គម គេឃើញមានមនុស្សយ៉ាងច្រើនកកកុញប្រជ្រៀតគ្នាចូលទៅយកជំនួយ មានទាំងក្មេងនិងមនុស្សចាស់។

ទោះបីជាយ៉ាងណាក៏ដោយ មិនមានការបញ្ចេញព័ត៌មានលម្អិតទេពាក់ព័ន្ធហេតុការណ៍ដ៏រន្ធត់នេះ។

ឧបទ្ទវហេតុដ៏សោកសៅខាងលើ បានបង្ហាញយ៉ាងច្បាស់ពីស្ថានភាពមនុស្សធម៌ដ៏ធ្ងន់ធ្ងរនិងភាពអស់សង្ឃឹមនៅតំបន់ហ្គាហ្សា។ ទីនោះ រងកង្វះខាតស្បៀងអាហារធ្ងន់ធ្ងរ ដោយប្រជាជនជាច្រើនកំពុងស្ថិតក្នុងភាពអត់ឃ្លាននិងត្រូវការជំនួយបន្ទាន់។

មុនការរត់ជាន់គ្នានេះ ក៏មានពលរដ្ឋប៉ាឡេស្ទីនរាប់រយនាក់ ត្រូវបានកងកម្លាំងអ៊ីស្រាអែលបាញ់សម្លាប់ផងដែរនៅកន្លែងចែកជំនួយរបស់ GHF បើទោះបីជាអ៊ីស្រាអែល ដោះសារថា ពួកគេសម្រេចចិត្តបើកការវាយប្រហារដើម្បីតែការពារ និងព្រោះតែពលរដ្ឋទាំងនោះមិនស្តាប់ការព្រមានក៏ដោយ។

ម្យ៉ាង កងទ័ពអ៊ីស្រាអែល ក៏និយាយដែរថា មានសកម្មប្រយុទ្ធក្រុមហាម៉ាស បង្កប់ខ្លួននៅក្នុងចំណោមប្រជាជនដែលរត់មករកជំនួយ៕

អត្ថបទ៖ សុខ សុវណ្ណ

ចុចអាន៖ UN៖ កុមារខ្វះអាហារូបត្ថម្ភ​​កើនឡើងនៅហ្គហ្សា ខណៈ​មួយថ្ងៃអ៊ីស្រាអែលសម្លាប់​ជនជាតិប៉ាឡេស្ទីន ៩៣ នាក់

The post ពលរដ្ឋប៉ាឡេស្ទីន ២០នាក់ ជាន់គ្នាស្លាប់ ពេលដណ្តើមជំនួយនៅ ហ្គាហ្សា appeared first on Kampuchea Thmey Daily.

ហេតុការណ៍រត់ជាន់គ្នានេះបានកើតឡើងកាលពីល្ងាចថ្ងៃសៅរ៍ ខណៈដែលមនុស្សរាប់ពាន់នាក់បានប្រមូលផ្តុំគ្នានៅស្ថានីយ៍រថភ្លើង New Delhi រង់ចាំឡើងរថភ្លើង បណ្ដាលឲ្យមនុស្ស១៨នាក់ស្លាប់និងរបួសជាច្រើននាក់ទៀត។

យោងតាមក្រុមមន្ត្រី រថភ្លើងចំនួនពីរត្រូវបានពន្យារពេលនៅស្ថានីយ ខណៈដែលរថភ្លើងទីបី ឆ្ពោះទៅកាន់ទីក្រុង Prayagraj ដែលជាកន្លែងប្រារពពិធីបុណ្យសាសនាហិណ្ឌូដ៏ធំ Kumbh Mela កំពុងរង់ចាំការចេញ​ដំណើរ​ ទើបមនុស្ស​បានរុញច្រានគ្នាទៅវិញទៅមក​ដើម្បី​សម្រុកទៅ​ជិះរថភ្លើងនោះ។ ជនរងគ្រោះជាច្រើននាក់ គឺជាអ្នកធ្វើធម្មយាត្រាហិណ្ឌូ ដែលកំពុងធ្វើដំណើរទៅពិធីបុណ្យនោះ។

ដោយសារតែហេតុការណ៍នេះ លោកនាយករដ្ឋមន្ត្រី​​ឥណ្ឌា លោក Narendra Modi ក៏បានបង្ហោះសារលើ​បណ្តាញសង្គម​ X ចូលរួមរំលែកទុក្ខដល់គ្រួសារជនរងគ្រោះ​។ នៅពេលនេះការស៊ើបអង្កេតកំពុងដំណើរការ ហើយអាជ្ញាធរបានប្រកាសផ្តល់សំណងដល់​ជន​រងគ្រោះផងដែរ។

គួររម្លឹកថា យ៉ាងហោចណាស់មនុស្ស​៣០នាក់បានស្លាប់នៅក្នុងការរត់ជាន់គ្នានៅឯពិធីបុណ្យរយៈពេលប្រាំមួយសប្តាហ៍កាលពីខែមុន បន្ទាប់ពីអ្នកកាន់សាសនាហិណ្ឌូរាប់សិបលាននាក់បានប្រមូលផ្តុំគ្នាដើម្បីជ្រមុជទឹកនៅក្នុងទឹកទន្លេដ៏ពិសិដ្ឋ៕

អត្ថបទ៖ ប៊ុន សុភាព

The post ហេតុការណ៍រត់ជាន់គ្នាបណ្តាល​ឱ្យ​ស្លាប់​១៨នាក់​នៅស្ថានីយរថភ្លើង New Delhi appeared first on Kampuchea Thmey Daily.

តាមការចុះផ្សាយរបស់​ CNBC នៅថ្ងៃសុក្រទី៣១ខែមករាឆ្នាំ២០២៥ ហេតុការណ៍ថ្មីនេះ កើតឡើងក្នុងតំបន់ Jhusi នៃរដ្ឋ Uttar Pradesh ដដែល ដោយសម្លាប់មនុស្សចំនួន៧នាក់ រួមមានទាំងកុមារម្នាក់ផងដែរ។

លោក Rudra Kumar Singh មន្ត្រីប៉ូលិសក្នុងតំបន់បានប្រាប់ទៅអ្នកសារព័ត៌មានថា ដូចទៅនឹងហេតុការណ៍មុនដែរ មនុស្សបាននាំគ្នាសម្រុកទៅកាន់ Sangam ដែលជាចំណុចប្រសព្វនៃទន្លេទាំង៣ ដូចជាគង្គា យ៉ាមូណានិង សារ៉ាស្វាទី ដើម្បីមុជទឹកលាងបាប។ យើងមើលទៅ ឃើញមានមនុស្សយ៉ាងណែនតាន់តាប់។

សូមជម្រាបជាថ្មី ពិធីបុណ្យ Kumbh Mela គឺរៀបចំឡើងរៀងរាល់១២ឆ្នាំម្តងនៅ Sangam ដែលជាចំណុចប្រសព្វនៃទន្លេដ៏ពិសិដ្ឋទាំងបីគឺ គង្គា យ៉ាមូណានិង សារ៉ាស្វាទី។

អ្នកកាន់សាសនាហិណ្ឌូជឿថា ការងូតនៅក្នុងទឹកពិសិដ្ឋនេះ នឹងលាងជម្រះអំពើបាបរបស់ពួកគេ ហើយជួយឲ្យពួកគេ ទទួលបានសេចក្ដីសង្រ្គោះ៕

អត្ថបទ៖ សុខ សុវណ្ណ

ចុចអាន៖ រត់ជាន់គ្នាក្នុងពិធីបុណ្យសាសនានៅឥណ្ឌា មនុស្សស្លាប់ កើនដល់ ៣៩នាក់

The post ឥណ្ឌា កើតហេតុការណ៍ រត់ជាន់គ្នាជាថ្មីក្នុងពិធីបុណ្យសាសនា ស្លាប់មនុស្សច្រើននាក់ទៀត appeared first on Kampuchea Thmey Daily.

តាមការចុះផ្សាយរបស់ Reuters នៅថ្ងៃព្រហស្បតិ៍ទី៣០ខែមករាឆ្នាំ២០២៥ អ្នកទាំងនោះគឺត្រូវបាត់បង់ជីវិតដោយសារប្រជ្រៀតគ្នា សម្រុកធ្វើដំណើរទៅកាន់ទន្លេពិសិដ្ឋ ដើម្បីងូតទឹកលាងបាប ក្នុងពិធីបុណ្យ Maha Kumbh Mela នៅទីក្រុង Prayagraj ភាគខាងជើងប្រទេសឥណ្ឌា ដែលមានការចូលរួមពីសំណាក់អ្នកប្រតិបត្តិសាសនាហិណ្ឌូប្រមាណ ១០០លាននាក់។ 

តាមការបញ្ជាក់ពីប៉ូលិស ក្នុងចំណោមអ្នកស្លាប់ គឺមាន២៥នាក់ហើយ ដែលគេស្គាល់អត្តសញ្ញាណ ខណៈសពអ្នកដទៃកំពុងតម្កល់នៅមន្ទីរពេទ្យ រង់ចាំការពិនិត្យ។

ដ្បិតតែកើតឧបទ្ទវហេតុដ៏អាក្រក់នេះក៏ដោយ ក៏មិនអាចហាមឃាត់អ្នកកាន់សាសនាហិណ្ឌូពីការទៅងូតទឹកលាងបាបនៅទន្លេពិសិដ្ឋដែរ ពោលគឺនៅតែមានមនុស្ស៥០លាននាក់ រឹងទទឹងធ្វើពិធីសាសនាដដែល។

សូមជម្រាបជាថ្មី ពិធីបុណ្យ Kumbh Mela គឺរៀបចំឡើងរៀងរាល់១២ឆ្នាំម្តងនៅ Sangam ដែលជាចំណុចប្រសព្វនៃទន្លេដ៏ពិសិដ្ឋទាំងបីគឺ គង្គា យ៉ាមូណានិង សារ៉ាស្វាទី។

អ្នកកាន់សាសនាហិណ្ឌូជឿថា ការងូតនៅក្នុងទឹកពិសិដ្ឋនេះ នឹងលាងជម្រះអំពើបាបរបស់ពួកគេ ហើយជួយឲ្យពួកគេ ទទួលបានសេចក្ដីសង្រ្គោះ៕

អត្ថបទ៖ សុខ សុវណ្ណ

ចុចអាន៖ ស្លាប់កើនដល់១២នាក់ ក្នុងហេតុការណ៍រត់ជាន់គ្នា អំឡុងពិធីបុណ្យសាសនាដ៏ធំ នៅឥណ្ឌា

The post រត់ជាន់គ្នាក្នុងពិធីបុណ្យសាសនានៅឥណ្ឌា មនុស្សស្លាប់ កើនដល់ ៣៩នាក់ appeared first on Kampuchea Thmey Daily.

ទោះបីជាយ៉ាងណាក៏ដោយ ក្រុមមន្ត្រីប៉ាន់ស្មានថា តួលេខមនុស្សស្លាប់នឹងកើនឡើងជាបន្តទៀត ខណៈអ្នករងរបួសក៏មានច្រើននាក់ផងដែរ។

ពេលកើតហេតុភ្លាមៗ ប៉ូលិសក៏បានរារាំងហ្វូងមនុស្ស កុំឲ្យសម្រុកទៅចំណុចប្រសព្វនៃទន្លេបីហៅថា សាំងហ្គាម (Sangam) ដើម្បីងូតទឹកពិសិដ្ឋលាងបាប ផងដែរ ប៉ុន្តែពួកគេមិនស្តាប់ឡើយ ហើយនៅតែរឹងទទឹង។

ប៉ូលិសក៏នៅមិនទាន់ហ៊ានអះអាងអំពីមូលហេតុបង្កឲ្យមានសោកនាដកម្មនេះផងដែរ។ យ៉ាងណា នាយករដ្ឋមន្ត្រីឥណ្ឌា បានផ្ញើសាររម្លែកទុក្ខទៅដល់ក្រុមគ្រួសារដែលបាត់បង់សមាជិក ក្នុងគ្រោះអកុសលនេះ។

សូមជម្រាបថា ហេតុការណ៍​មនុស្ស​រត់ជាន់គ្នា គឺកើតឡើង​ញឹក​ញាប់ណាស់​ក្នុង​ប្រទេស​ឥណ្ឌា ខណៈមូលហេតុចម្បងត្រូវបានគេចង្អុលទៅទីតាំងតូចចង្អៀត និងភាពណែនតាន់តាប់នៃមនុស្សចូលរួម។

យោងតាមទិន្នន័យរបស់រដ្ឋាភិបាល, ប្រទេសឥណ្ឌាមានហេតុការណ៍រត់ជាន់គ្នាចំនួន៤៧លើក ចន្លោះឆ្នាំ២០២១ដល់២០២២ ប៉ុន្តែមិនបញ្ជាក់ច្បាស់អំពីតួលេខជនរងគ្រោះនោះទេ។

ដោយឡែក កាលពីឆ្នាំមុន មនុស្សជាង១២០នាក់បានបាត់បង់ជីវិត ក្នុងស្រុក Hathras នៃរដ្ឋ Uttar Pradesh អំឡុងពិធីសាសនាមួយ៕

អត្ថបទ៖ សុខ សុវណ្ណ

ចុចអាន៖ រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា

The post ស្លាប់កើនដល់១២នាក់ ក្នុងហេតុការណ៍រត់ជាន់គ្នា អំឡុងពិធីបុណ្យសាសនាដ៏ធំ នៅឥណ្ឌា appeared first on Kampuchea Thmey Daily.

ភ្លាមៗ ប៉ូលិសមិនទាន់បញ្ចេញរបាយការណ៍លម្អិតអំពីជនរងគ្រោះឬមូលហេតុបង្កឲ្យមានការរត់ជាន់គ្នាទេ ប៉ុន្តែគេឃើញថា មានសាកសពត្រូវបានគេយកចេញពីកន្លែងរៀបចំពិធី និងអ្នករបួស ដេកត្រៀបត្រានៅមន្ទីរពេទ្យ។

ស្របពេលជាមួយគ្នានោះ អាជ្ញាធរបញ្ជាក់ថា មានមនុស្សប្រមាណ១០០លាននាក់ បានចូលរួមក្នុងពិធីបុណ្យសាសនាហិណ្ឌូមួយនេះ។

ដោយប្រារព្ធឡើងរៀងរាល់១២ឆ្នាំម្តង, Kumbh Mela គឺជាពិធីបុណ្យដែលប្រមូលផ្តុំមនុស្សទ្រង់ទ្រាយធំបំផុតរបស់ពិភពលោក ខណៈថ្ងៃពុធគឺជាថ្ងៃសំខាន់បំផុតនៃព្រឹត្តិការណ៍នេះ ពោលគឺជាថ្ងៃងូតទឹកពិសិដ្ឋដែលអ្នកកាន់សាសនាហិណ្ឌូជឿថា ការងូតទឹកនេះនឹងជួយពួកគេលាងបាប ហើយត្រូវព្រះជួយ។

ឆ្នាំនេះ ពិធីបុណ្យ Kumbh Mela បានចាប់ផ្តើមនៅថ្ងៃទី១៣ខែមករា ហើយនឹងបន្តរហូតដល់ថ្ងៃទី២៦ខែកុម្ភៈ៕

អត្ថបទ៖ សុខ សុវណ្ណ

ចុចអាន៖ បុណ្យ​សាសនា​ធំ​បំផុត​នៅ​ឥណ្ឌា រំពឹង​​មនុស្ស​ចូលរួម ៤០០​លាន​នាក់​ដើម្បីងូត​ទឹក​ពិសិដ្ឋ

The post Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា appeared first on Kampuchea Thmey Daily.

ប៉ូលិសបានឲ្យដឹងថា ជនរងគ្រោះភាគច្រើនជាស្រ្តីនិងមានមួយចំនួនទៀតជាកុមារ ខណៈមន្ត្រីជំនាញ កំពុងព្យាយាមកំណត់អត្តសញ្ញាណពួកគេ។

ទោះបីជាយ៉ាងណាក៏ដោយ ភ្លាមៗ មិនទាន់មាននរណាដឹងច្បាស់អំពីមូលហេតុដែល ឈានដល់កើតមានសោកនាដកម្មនេះទេ ប៉ុន្តែសាក្សីនៅកន្លែងកើតហេតុ បានប្រាប់ទៅ​ Reuters ថា មានមនុស្សប្រហែល ៥ ០០០នាក់នៅទីនោះ។ កន្លែងចាកចេញពីទីតាំងប្រារព្ធពិធីគឺមានភាពតូចចង្អៀត ហើយម្យ៉ាងវិញទៀត ពេលនោះក៏កើតមានខ្យល់កួចផងដែរ ជាហេតុនាំឲ្យគ្រប់គ្នាភ័យស្លន់ស្លោ រត់ជាន់លើគ្នាតែម្តង។

យ៉ាងណាមិញ លោក Yogi Adityanath ប្រមុខរដ្ឋ Uttar Pradesh ក៏បានប្រាប់អ្នកសារព័ត៌មានដែរថា ការរត់ជាន់គ្នា កើតឡើងនៅពេលអ្នកចូលរួមចាប់ផ្តើមរុញគ្នា ដើម្បីឲ្យបានប៉ះគ្រូសាសនាម្នាក់ ដែលកំពុងធ្វើដំណើរចុះពីលើឆាករៀបចំពិធី។

ពេលដឹងដំណឹងដ៏សោកសៅនេះភ្លាម លោកនាយករដ្ឋមន្ត្រី Narendra Modi បានប្រកាសផ្តល់ជាជំនួយ និងសំណងជាទឹកប្រាក់ចំនួន ២០០ ០០០ រូពី (២ ៤០០ ដុល្លារ) ដល់គ្រួសារអ្នកស្លាប់ និង ៥០ ០០០ រូពីសម្រាប់អ្នករងរបួស។

គ្មានអ្វីថ្មីទេ គ្រោះថ្នាក់អំឡុងពិធីសាសនានៅប្រទេសឥណ្ឌា គឺឧស្សាហ៍កើតឡើងណាស់ ព្រោះថា មនុស្សយ៉ាងច្រើនណែនតាន់តាប់ តែងប្រមូលផ្តុំគ្នានៅក្នុងទីតាំងដ៏តូចចង្អៀត ទាំងដែលមិនសូវមានអ្នកគោរពតាមវិធានការសុវត្ថិភាពឲ្យបានខ្ជាប់ខ្ជួន។

ជាក់ស្តែង ក្នុងឆ្នាំ២០១៨ មនុស្សប្រហែល៦០នាក់បានស្លាប់ បន្ទាប់ពីរថភ្លើងបុកហ្វូងមនុស្សដែលកំពុងមើលការប្រារព្ធពិធីបុណ្យសាសនាហិណ្ឌូឈ្មោះថា Dusshera។ ចំណែកក្នុងឆ្នាំ ២០១៣ ការរត់ជាន់គ្នាក្នុងពិធីបុណ្យហិណ្ឌូមួយទៀត នៅកណ្តាលរដ្ឋ Madhya Pradesh បានផ្តាច់ជីវិតមនុស្ស១១៥នាក់៕

អត្ថបទ៖ សុខ សុវណ្ណ

ចុចអាន៖ ទៅយកអំណោយ បែរជារត់ជាន់គ្នាស្លាប់ ៧៨នាក់ នៅ យេម៉ែន

The post មនុស្សរត់ជាន់គ្នាស្លាប់ក្នុងពិធីបុណ្យសាសនានៅឥណ្ឌា កើនដល់ជាង ១០០នាក់ appeared first on Kampuchea Thmey Daily.

ក្រសួងមហាផ្ទៃ Houthi និយាយថា មនុស្សរាប់សិបនាក់ ក៏ត្រូវបានបញ្ជូនទៅមន្ទីរពេទ្យនៅក្បែរនោះផងដែរ ខណៈពេលពួកគេចូលរួម​ព្រឹត្តិការណ៍ចែកអំណោយ​មួយ។

យោងតាមក្រសួងមហាផ្ទៃ, ព្រឹត្តិការណ៍នេះ មិនមានការសម្របសម្រួលជាមួយអាជ្ញាធរមូលដ្ឋានទេ ហើយអ្នករៀបចំពីរនាក់ត្រូវចាប់ខ្លួន ខណៈការស៊ើបអង្កេតកំពុងដំណើរការ។

សាក្សីឃើញផ្ទាល់ភ្នែកបានប្រាប់សារព័ត៌មាន Associated Press (AP) ថា មន្ត្រីក្រុម Houthi បានបាញ់ទៅលើអាកាស ក្នុងការប៉ុនប៉ងគ្រប់គ្រងហ្វូងមនុស្ស ដែលជាហេតុបណ្តាលឲ្យអ្នកចូលរួមភ័យស្លន់ស្លោ ឈានទៅដល់ការរត់ជាន់គ្នាតែម្តង។

គួរបញ្ជាក់ថា ក្រុម Houthi ដែលគាំទ្រដោយអ៊ីរ៉ង់ បានគ្រប់គ្រងទីក្រុង សាណា ចាប់តាំងពីឆ្នាំ២០១៤មក នៅពេលក្រុមឧទ្ទាមនេះ បណ្តេញរដ្ឋាភិបាលដែលទទួលស្គាល់ជាអន្តរជាតិរបស់ប្រទេសយេម៉ែន។

ទោះបីជាយ៉ាងណាក៏ដោយ ក្រុមចម្រុះដឹកនាំដោយអារ៉ាប៊ីសាអូឌីត បានធ្វើអន្តរាគមន៍ក្នុងឆ្នាំ២០១៥ ដោយបង្វែរជម្លោះនេះទៅជាសង្រ្គាមប្រូកស៊ីរវាងទីក្រុងរីយ៉ាដ និងទីក្រុងតេហេរ៉ង់។

សង្គ្រាមស៊ីវិលនៅយេម៉ែនបានសម្លាប់មនុស្សជាង ១៥០ ០០០ នាក់ និងបង្កើតគ្រោះមហន្តរាយមនុស្សធម៌ដ៏ធ្ងន់ធ្ងរបំផុតមួយរបស់ពិភពលោក៕

ប្រែសម្រួល៖ Vann Vann

ប្រភព៖ DW

ចុចអាន៖ មេប៉ូលិសកូរ៉េខាងត្បូង ចេញមុខទទួលស្គាល់កំហុស ពាក់ព័ន្ធហេតុការណ៍ រត់ជាន់គ្នា

The post ទៅយកអំណោយ បែរជារត់ជាន់គ្នាស្លាប់ ៧៨នាក់ នៅ យេម៉ែន appeared first on Kampuchea Thmey Daily.