Connect with us

ព័ត៌មានអន្ដរជាតិ

ឥណ្ឌា កើតហេតុការណ៍ រត់ជាន់គ្នាជាថ្មីក្នុងពិធីបុណ្យសាសនា ស្លាប់មនុស្សច្រើននាក់ទៀត

បានផុស

នៅ

ប្រទេសឥណ្ឌា កើតមានការរត់ជាន់គ្នាជាថ្មីទៀតអំឡុងពិធីបុណ្យ Maha Kumbh Mela ខណៈហេតុការណ៍លើកមុនបានបណ្តាលឲ្យមនុស្សស្លាប់រហូតដល់ទៅ៣៩នាក់។

(រូបថត៖ Reuters)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់​ CNBC នៅថ្ងៃសុក្រទី៣១ខែមករាឆ្នាំ២០២៥ ហេតុការណ៍ថ្មីនេះ កើតឡើងក្នុងតំបន់ Jhusi នៃរដ្ឋ Uttar Pradesh ដដែល ដោយសម្លាប់មនុស្សចំនួន៧នាក់ រួមមានទាំងកុមារម្នាក់ផងដែរ។

លោក Rudra Kumar Singh មន្ត្រីប៉ូលិសក្នុងតំបន់បានប្រាប់ទៅអ្នកសារព័ត៌មានថា ដូចទៅនឹងហេតុការណ៍មុនដែរ មនុស្សបាននាំគ្នាសម្រុកទៅកាន់ Sangam ដែលជាចំណុចប្រសព្វនៃទន្លេទាំង៣ ដូចជាគង្គា យ៉ាមូណានិង សារ៉ាស្វាទី ដើម្បីមុជទឹកលាងបាប។ យើងមើលទៅ ឃើញមានមនុស្សយ៉ាងណែនតាន់តាប់។

(រូបថត៖ Reuters)

សូមជម្រាបជាថ្មី ពិធីបុណ្យ Kumbh Mela គឺរៀបចំឡើងរៀងរាល់១២ឆ្នាំម្តងនៅ Sangam ដែលជាចំណុចប្រសព្វនៃទន្លេដ៏ពិសិដ្ឋទាំងបីគឺ គង្គា យ៉ាមូណានិង សារ៉ាស្វាទី។

អ្នកកាន់សាសនាហិណ្ឌូជឿថា ការងូតនៅក្នុងទឹកពិសិដ្ឋនេះ នឹងលាងជម្រះអំពើបាបរបស់ពួកគេ ហើយជួយឲ្យពួកគេ ទទួលបានសេចក្ដីសង្រ្គោះ៕

អត្ថបទ៖ សុខ សុវណ្ណ

ចុចអាន៖ រត់ជាន់គ្នាក្នុងពិធីបុណ្យសាសនានៅឥណ្ឌា មនុស្សស្លាប់ កើនដល់ ៣៩នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម