ការអំពាវនាវ ធ្វើឡើងអំឡុងពេល សម្ព័ន្ធលុបបំបាត់ជំងឺរលាកថ្លើម (HEA)  រៀបចំកម្មវិធី «ជំនួបវេជ្ជបណ្ឌិត៖ ស្ដីពីបច្ចុប្បន្នភាពគោលការណ៍ថ្នាក់ជាតិព្យាបាលជំងឺរលាកថ្លើមប្រភេទបេ និងសេ» កាលពីថ្ងៃទី៦ ខែធ្នូ ឆ្នាំ២០២៥ ក្រោមអធិបតីភាពរបស់ វេជ្ជបណ្ឌិត លី សូវ៉ាន់ ទីប្រឹក្សាក្រសួងសុខាភិបាល ប្រធានគណៈកម្មការលុបបំបាត់ជំងឺរលាកថ្លើមនៅកម្ពុជា និងជាប្រធាននាយកដ្ឋានប្រយុទ្ធនឹងជំងឺឆ្លង វាគ្មិនកិត្តិយស និងភ្ញៀវកិត្តិយសរួមមានសាស្រ្តចារ្យ វេជ្ជបណ្ឌិតឯកទេសថ្លើម អញ្ជើញចូលរួមសរុប​​ ១២៤ រូប។

កម្មវិធីនេះ រៀបចំក្នុងគោលបំណងបង្កើតឱ្យមានជាវេទិកាមួយសម្រាប់វេជ្ជបណ្ឌិតកម្ពុជាក្នុងការពិភាក្សា ចែករំលែកចំណេះដឹង និងបទពិសោធន៍ការងារទៅវិញទៅមកតាមរយៈការធ្វើបច្ចុប្បន្នភាពចំណេះដឹងស្តីពីវិធីសាស្ត្រព្យាបាលថ្មីៗបំផុត ជាពិសេសក្នុងការព្យាបាលជំងឺរលាកថ្លើមបេ និងសេ ដែលនៅតែជាបញ្ហាកង្វល់សុខភាពសាធារណៈសំខាន់មួយរបស់ប្រទេសកម្ពុជា។ កម្មវិធីនេះ ក៏បានផ្តល់ពានរង្វាន់កិត្តិយសដល់វេជ្ជបណ្ឌិតឆ្នើមទាំង ១០រូប របស់សម្ព័ន្ធលុបបំបាត់ជំងឺរលាកថ្លើម HEA ប្រចាំឆ្នាំ២០២៥ ដោយពានរង្វាន់នេះត្រូវបានផ្តល់ជូនដល់វេជ្ជបណ្ឌិតដែលបានមើលថែអ្នកជំងឺដោយភាពកក់ក្ដៅ ភាពសប្បុរស និងការយកចិត្តទុកដាក់ខ្ពស់ ដើម្បីជាគំរូល្អ និងលើកទឹកចិត្តដល់វេជ្ជបណ្ឌិតគ្រប់រូបឱ្យបន្តផ្តល់សេវាថែទាំអ្នកជំងឺឱ្យបានល្អប្រសើរជាងមុន។

យ៉ាងណាក៏ដោយ កញ្ញា ម៉េង សក្ដា អ្នកតំណាងសម្ព័ន្ធលុបបំបាត់ជំងឺរលាកថ្លើម HEA បានប្រាប់ថា ការលើកកម្ពស់គុណភាពនៃការព្យាបាល និងការជួយសម្រួលតម្លៃសេវាដែលពាក់ព័ន្ធមួយចំនួនចំពោះជំងឺរលាកថ្លើមប្រភេទបេ និងសេជូនដល់សាធារណជន គឺជាបេសកកម្មសំខាន់របស់ HEA កន្លងមកនេះ ក្រោមការសហការជាមួយដៃគូភាគីដែលពាក់ព័ន្ធរួមមាន រាជរដ្ឋាភិបាលកម្ពុជា វេជ្ជបណ្ឌិតជំនាញ និងសាធារណជនទូទាំងប្រទេស។

ជាដំណឹងល្អសម្រាប់ប្រជាពលរដ្ឋ កញ្ញាក៏បានប្រកាសផងដែរអំពីកិច្ចសហការថ្មីមួយរវាងសម្ព័ន្ធលុបបំបាត់ជំងឺរលាកថ្លើមជាមួយនឹងឱសថស្ថាននៃសាកលវិទ្យាល័យពុទ្ធិសាស្ត្រផងដែរ។ កិច្ចសហការនេះនឹងចូលរួមចំណែកជួយសម្រួលដល់ការចំណាយរបស់ សារធារណជនឱ្យកាន់តែសមរម្យមួយកម្រិតទៀតទៅលើតម្លៃថ្នាំព្យាបាលជំងឺរលាកថ្លើមប្រភេទបេ និងសេ ដែលនេះនឹងបង្កើនលទ្ធភាពបងប្អូនប្រជាពលរដ្ឋខ្មែរក្នុងការទទួលបាននូវការព្យាបាលដែលពួកគាត់ត្រូវការជាចាំបាច់។

ជាចុងក្រោយ សម្ព័ន្ធលុបបំបាត់ជំងឺរលាកថ្លើម HEA និងវាគ្មិនកិត្តយស បានអំពាវនាវដល់ប្រជាពលរដ្ឋកម្ពុជាទាំងអស់ឱ្យមានការយកចិត្តទុកដាក់ចំពោះសុខភាពរបស់ខ្លួន ដោយទៅធ្វើតេស្តរកមេរោគរលាកថ្លើមបេ និងសេឱ្យបានទៀងទាត់ ហើយប្រសិនបើរកឃើញថាមានមេរោគ សូមទទួលការព្យាបាលឱ្យបានទាន់ពេលវេលា។ ការរកឃើញ និងព្យាបាលឱ្យបានមុនពេលជំងឺធ្ងន់ធ្ងរ អាចបង្ការផលវិបាកធ្ងន់ធ្ងរដល់ថ្លើម និងជួយសង្គ្រោះជីវិតរបស់ពលរដ្ឋបានបាន ព្រោះជំងឺរលាកថ្លើមបេ និងសេ អាចគ្រប់គ្រងបាន ប្រសិនបើទទួលការព្យាបាលឱ្យបានត្រឹមត្រូវ និងទាន់ពេលវេលា៕

The post អ្នកជំនាញ អំពាវនាវឱ្យពលរដ្ឋ យកចិត្តទុកដាក់ខ្ពស់ពីជំងឺរលាកថ្លើមប្រភេទបេ និងសេ appeared first on Kampuchea Thmey Daily.

ដំបូងឡើយ ថ្លើមគឺជាសរីរាង្គសំខាន់នៃរាងកាយដែលទទួលខុសត្រូវក្នុងការបន្សាបជាតិពុល រួមទាំងការច្រោះឈាមចេញពីបំពង់រំលាយអាហារ បំបែកជាតិពុលដូចជា ស្រា ថ្នាំ សារធាតុគីមី និងការបញ្ចេញទឹកឃ្មុំដើម្បីយកកាកសំណល់ចេញ។ ថ្លើមធ្វើការជាបន្តបន្ទាប់ និងមានប្រសិទ្ធភាពខ្លាំងនៅពេលដែលគាំទ្រដោយរបៀបរស់នៅដែលមានសុខភាពល្អ។ ដូច្នេះហើយ គំនិតនៃផ្លែទុំត្រូវលាងសម្អាតដោយភេសជ្ជៈ ខ្វះមូលដ្ឋានវិទ្យាសាស្ត្រ។

ទាក់ទងនឹងទឹកក្រូចឆ្មា ក្រូចឆ្មាមានផ្ទុកវីតាមីន C សារធាតុ flavonoids និងអាស៊ីតនៃក្រូចឆ្មា ដែលមានលក្ខណៈសម្បត្តិប្រឆាំងអុកស៊ីតកម្ម ជួយដល់ការរំលាយអាហារ និងបង្កើនការស្រូបយកសារធាតុចិញ្ចឹម។ នៅក្នុងការសិក្សាលើសត្វកណ្តុរ ទឹកក្រូចឆ្មាមានប្រសិទ្ធភាពការពារថ្លើមពីការបំផ្លាញជាតិអាល់កុល កាត់បន្ថយ AST, ALT, ខ្លាញ់ក្នុងថ្លើម និងការខូចខាតជាលិកាថ្លើម។ ទោះជាយ៉ាងណាក៏ដោយ នេះគឺជាការធ្វើតេស្តលើសត្វ មិនមានទិន្នន័យសមមូលគ្រប់គ្រាន់ចំពោះមនុស្សដើម្បីបញ្ជាក់ថាការផឹកទឹកក្រូចឆ្មានឹងបន្សាបជាតិពុលពីថ្លើមនោះទេ។

ជាងនេះទៅទៀត អ្នកជំនាញនិយាយថា ការផឹកទឹកក្រូចឆ្មាគ្រាន់តែជួយដោយប្រយោលប៉ុណ្ណោះ ឧទាហរណ៍ បង្កើនបរិមាណទឹកស្រវឹង ល្អសម្រាប់តម្រងនោម សម្រួលដល់ការរំលាយអាហារ ប៉ុន្តែមិនមានភស្តុតាងណាមួយបញ្ជាក់ថា ទឹកក្រូចឆ្មាជាពិសេសបង្កើនប្រសិទ្ធភាពបន្សាបជាតិពុលក្នុងថ្លើមលើសពីមុខងារធម្មជាតិរបស់វានោះទេ។ អ្នកជំនាញក៏ណែនាំផងដែរថា បច្ចុប្បន្ននេះមិនមានការបញ្ជាក់ដោយវិទ្យាសាស្រ្តទេ ភេសជ្ជៈ detox តែមួយមុខ របបបន្សាបជាតិពុលថ្លើម។

ការផឹកទឹកក្រូចឆ្មារមួយកែវនៅពេលព្រឹកអាចជាទម្លាប់ល្អ ជួយផឹកទឹកឲ្យបានគ្រប់គ្រាន់ ផ្តល់វីតាមីន C បន្ថែម និងជួយដល់ការរំលាយអាហារ។ ប៉ុន្តែវាមិនគួរត្រូវបានចាត់ទុកថា ជាវិធីសាស្រ្តអព្ភូតហេតុនៃការបន្សាបជាតិពុលថ្លើមនោះទេ។

ដើម្បីឲ្យថ្លើមមានសុខភាពល្អ វាជារឿងសំខាន់ក្នុងការថែរក្សាទម្ងន់សមហេតុផល ញ៉ាំបន្លែបៃតង និងជាតិសរសៃឲ្យបានគ្រប់គ្រាន់។ កម្រិតជាតិអាល់កុល និងជាតិស្ករចម្រាញ់ ហើយធ្វើលំហាត់ប្រាណឱ្យបានទៀងទាត់។ ប្រសិនបើអ្នកមានជំងឺថ្លើម ដូចជាខ្លាញ់រុំថ្លើម រលាកថ្លើម អ្នកគួរតែទៅពិគ្រោះជាមួយវេជ្ជបណ្ឌិត មិនមែនគ្រាន់តែពឹងផ្អែកលើភេសជ្ជៈធម្មតានោះទេ៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

ម្សៅកូនក្មេង Johnson ផ្ទុកសារធាតុបង្កមហារីក ក្រោយអ្នករងគ្រោះរាប់ពាន់នាក់សម្រុកប្ដឹងក្រុមហ៊ុន

The post បន្សាបជាតិពុលក្នុងថ្លើម ពីការផឹកទឹកក្រូចឆ្មាប៉ុណ្ណោះ appeared first on Kampuchea Thmey Daily.

នៅពេលនិយាយអំពីជំងឺមហារីកថ្លើម មនុស្សជាច្រើននឹងគិតភ្លាមៗអំពីគ្រឿងស្រវឹង។ ដូច្នេះ​តើ​ការ​ផឹក​ស្រា​មាន​ទំនាក់ទំនង​នឹង​ជំងឺ​មហារីក​ថ្លើម​ដែរ​ឬ​ទេ?

យោងតាមទិន្នន័យចុងក្រោយបំផុតឆ្នាំ ២០១៧ ពីសមាគមជំងឺមហារីកអាមេរិក ៤១% នៃមហារីកមាត់ ២៣% នៃមហារីកច្រមុះ ២២% នៃមហារីកថ្លើម ២១% នៃមហារីកបំពង់អាហារ ១៦% នៃមហារីកសុដន់ និង ១៣% នៃមហារីកពោះវៀនធំ ត្រូវបានផ្សារភ្ជាប់ជាមួយនឹងគ្រឿងស្រវឹង។

Acetaldehyde – ផលិតផលកម្រិតមធ្យមនៃការរំលាយអាហារជាតិអាល់កុល – មានសមត្ថភាពបំផ្លាញ DNA រារាំងដំណើរការជួសជុលកោសិកាដោយខ្លួនឯងហើយត្រូវបានចាត់ថ្នាក់ជាសារធាតុបង្កមហារីកដ៏គ្រោះថ្នាក់។ ទីភ្នាក់ងារអន្តរជាតិសម្រាប់ការស្រាវជ្រាវលើជំងឺមហារីក (IARC) នៃអង្គការសុខភាពពិភពលោកបានចាត់ថ្នាក់អាសេតាល់ដេអ៊ីតជាយូរយារណាស់មកហើយថាជាសារធាតុបង្កមហារីកក្រុមទី១ ។

ដូច្នេះហើយ អ្នកដែលផឹកស្រា ហើយមុខក្រហម ងាយនឹងកកកុញ acetaldehyde នៅក្នុងខ្លួន ដែលមានន័យថា ហានិភ័យខ្ពស់នៃជំងឺមហារីកថ្លើម។ ទោះជាយ៉ាងណាក៏ដោយ ក្រៅពីគ្រឿងស្រវឹង មានកត្តាសំខាន់មួយទៀតដែលមិនអាចមើលរំលងបាននោះគឺ របបអាហារ។

កាលពីពេលថ្មីៗនេះ មានអ្នកជំងឺមហារីកថ្លើមដែលពួកគេមិនមានជំងឺរលាកថ្លើមប្រភេទវីរុស ហើយក៏មិនមានទម្លាប់ផឹកស្រាយូរដែរ។ តាមរយៈការសាកសួរ ទើបដឹងថា អ្នកជំងឺរស់នៅក្នុងបរិយាកាសសើម ចំណីអាហារនៅក្នុងផ្ទះតែងតែមានផ្សិត ប៉ុន្តែគាត់សោកស្តាយដែលមិនបានបោះវាចោល ហើយមានទម្លាប់ប្រើប្រាស់អាហារដែលមានផ្សិតយូរមកហើយ។

Aflatoxin គឺជាជាតិពុលដែលលាក់កំបាំងដោយផ្សិត Aspergillus flavus និង Aspergillus parasiticus ។ នៅឆ្នាំ ១៩៦០ ថ្នាំ aflatoxin ត្រូវបានគេរកឃើញជាលើកដំបូងនៅពេលដែលទួរគីចំនួន ១០០,០០០ នៅចក្រភពអង់គ្លេសបានស្លាប់ដោយសារជំងឺចម្លែកមួយ។ ដើម្បីស្វែងរកមូលហេតុ អ្នកវិទ្យាសាស្ត្របានធ្វើការស៊ើបអង្កេត ហើយបានរកឃើញថា បញ្ហានេះស្ថិតនៅក្នុងចំណីសត្វ ដែលជាប្រភេទនំធ្វើពីសណ្តែកដី។ បន្ទាប់មកពួកគេបានរកឃើញជាតិពុលដែលផលិតដោយផ្សិតនៅក្នុងនំសណ្តែកដី ហើយដាក់ឈ្មោះវាថា aflatoxin ។

Aflatoxins fluoresce នៅក្រោមពន្លឺអ៊ុលត្រាវីយូឡេរលកវែង ហើយត្រូវបានបែងចែកទៅជា B1, B2, G1, G2, M1, M2, P1, R1, GM និង aflatoxicol យោងទៅតាមពណ៌ fluorescence តម្លៃ RF និងរចនាសម្ព័ន្ធរបស់វា។

ប្រភេទនីមួយៗនៃ aflatoxin មានជាតិពុលខុសៗគ្នា ដែលគួរឱ្យកត់សម្គាល់បំផុតគឺ aflatoxin B1 ។

ការស្រាវជ្រាវបង្ហាញថាការពុលនៃ aflatoxin B1 គឺ ១០ ដងនៃប៉ូតាស្យូម cyanide និង ៦៨ ដងនៃអាសេនិច។ ជាមួយនឹងជាតិពុលដ៏អាក្រក់បែបនេះ វាគ្មានអ្វីចម្លែកទេដែលវាអាចសម្លាប់សត្វទួរគីចំនួន ១០០,០០០ ក្បាលក្នុងរយៈពេលត្រឹមតែមួយយប់។

ការសិក្សាជាច្រើនបានបង្ហាញថា សូម្បីតែក្នុងកម្រិតទាបក៏ដោយ ថ្នាំ aflatoxin មានគ្រោះថ្នាក់ដល់ថ្លើម។ វាបណ្តាលឲ្យកោសិកាជួសជុល DNA មិនត្រឹមត្រូវ បង្កើនហានិភ័យនៃជំងឺមហារីកថ្លើម។ Aflatoxin ក៏បណ្តាលឲ្យមានការផ្លាស់ប្តូរនៅក្នុងហ្សែន P53 ដែលជាហ្សែនទប់ស្កាត់ដុំសាច់ដែលបង្ហាញឲ្យឃើញតាមបែបវិទ្យាសាស្ត្រ។ នៅពេលដែលហ្សែន P53 ត្រូវបានផ្លាស់ប្តូរ មហារីកថ្លើមទំនងជាវិវត្ត។

នៅឆ្នាំ ១៩៦០ អាហ្វឡាតូស៊ីនត្រូវបានគេរកឃើញដំបូង។ នៅឆ្នាំ ១៩៦១​អ្នកវិទ្យាសាស្ត្របានរកឃើញថាសណ្តែកដីដែលមានមេរោគផ្សិត Aspergillus អាចបង្កឱ្យមានជំងឺមហារីកថ្លើមចំពោះសត្វកណ្តុរ។ នៅឆ្នាំ ១៩៦២​ aflatoxin ត្រូវបានគេកំណត់ថាជាសារធាតុបង្កមហារីកដ៏ខ្លាំងក្លា។ នៅឆ្នាំ ១៩៩៣ អង្គការសុខភាពពិភពលោក (WHO) បានចាត់ថ្នាក់ aflatoxin B1 ជាសារធាតុបង្កមហារីកក្រុមទី១ ។

មនុស្សមួយចំនួនផឹកស្រាពេញមួយជីវិតមុនពេលកើតមហារីកថ្លើម ប៉ុន្តែប្រសិនបើពួកគេត្រូវបានប៉ះពាល់នឹងសារធាតុ aflatoxin ជាប្រចាំ ពួកគេអាចកើតជំងឺនេះក្នុងរយៈពេលតែប៉ុន្មានឆ្នាំប៉ុណ្ណោះ។ ការពុលនៃ aflatoxin ចំពោះថ្លើមលើសពីជាតិអាល់កុល – យ៉ាងហោចណាស់ ១០ ដង។ វាគឺជាឃាតកកំពូលដែលបង្កឲ្យមានជំងឺមហារីកថ្លើម។

គួរឱ្យភ័យខ្លាចជាងនេះទៅទៀត aflatoxin មានភាពធន់នឹងកំដៅខ្ពស់ ជាមួយនឹងសីតុណ្ហភាពរលួយរហូតដល់ 280°C។ សូម្បីតែនៅពេលទឹកឆ្អិនត្រូវបានប្រើប្រាស់នៅសីតុណ្ហភាព ១០០ អង្សារក៏ដោយ អាហ្វឡាតូស៊ីនមិនត្រូវបានបំផ្លាញទេ។

ចំពោះ​អ្នក​ជំងឺ​មហារីក​ថ្លើម ជំងឺនេះ​ត្រូវ​បាន​បែង​ចែក​ជា ៣ ប្រភេទ​គឺ ដុំ​ធំ ដុំ​ពក និង​សាយភាយ។ ដោយមិនគិតពីប្រភេទណាមួយឡើយ នៅពេលដែលវាត្រូវបានរកឃើញ ថ្លើមជាធម្មតាត្រូវបានខូចខាតយ៉ាងធ្ងន់ធ្ងរ។

ថ្លើមគឺជាក្រពេញរំលាយអាហារដ៏ធំបំផុតរបស់រាងកាយ។ អ្វីដែលយើងញ៉ាំកំណត់សុខភាពថ្លើមរបស់យើង។ មាន​របស់​ដែល​ត្រូវ​ញ៉ាំ និង​របស់​ដែល​ត្រូវ​ចៀសវាង។ របស់ដែលខូចគួរបោះចោល កុំលះបង់សុខភាពដើម្បីសន្សំ៕

អត្ថបទ៖ សាង ស្រីល័ក្ខ

ចុចអាន៖ចង់ឲ្យតម្រងនោមល្អ អាហារ ៥មុខនេះ គួរកុំរំលងឲ្យសោះ

The post សារធាតុពុលមួយប្រភេទ អាចបង្កមហារីកថ្លើមខ្លាំងជាងស្រាទៅទៀត appeared first on Kampuchea Thmey Daily.

ការផ្សព្វផ្សាយនោះបានសរសេរថា៖ “សូមបងប្អូនប្រជាពលរដ្ឋយកចិត្តទុកដាក់ខ្ពស់លើសុខភាពថ្លើមរបស់លោកអ្នក និងកុំទទួលទានគ្រឿងស្រវឹង ដែលជាហានិភ័យខ្ពស់បង្កឱ្យមានការរលាកថ្លើមធ្ងន់ធ្ងរ”។ ជាមួយគ្នានេះ ប្រភពខាងលើបញ្ជាក់ថា ការរលាកថ្លើមធ្ងន់ធ្ងរ ជាគ្រោះថ្នាក់មួយដែលបង្កឡើងដោយការទទួលទានសុរាលើសលប់ ហើយអ្នកជំងឺមានអត្រាស្លាប់លើសពី ៥០% ប្រសិនបើគ្មានការប្តូរសរីរាង្គថ្លើមជាបន្ទាន់ទេនោះ។

មន្ទីរពេទ្យកាល់ម៉ែត បានឱ្យដឹងទៀតថា ជាទូទៅបរិមាណសុរាអាស្រ័យទៅនឹងចំនួន និងកម្រិតជាតិអាល់កុលរបស់សុរាដែលបានពិសា។ គេចាត់ទុក ការពិសាគ្រឿងស្រវឹងក្នុងចំនួនច្រើនលើសលប់គឺ ចាប់ពីបរិមាណលើសពី ៤កែវស្តង់ដារក្នុងមួយថ្ងៃ ឬ១៥កែវស្តង់ដារក្នុងមួយសប្តាហ៍ចំពោះបុរស និងលើសពី ៣កែវស្តង់ដារក្នុងមួយថ្ងៃ ឬ ៧កែវស្តង់ដារក្នុងមួយសប្តាហ៍ ចំពោះស្រ្តី ។

– (1កែវស្តង់ដា ស្មើនឹង 340មល ប៊ីយែរ (អាល់កុល5%)

– 150មល ស្រាក្រហម (អាល់កុល12%)

– 45-50មល ស្រា whiskey (អាល់កុល 40-45%) ។

បន្ថែមពីនេះ ជំងឺរលាកថ្លើមដែលបង្កឡើងដោយសុរា វាអាចលេចឡើងក្រោមរូបភាពដូចជា ការរលាកថ្លើមស្រួចស្រាវ ការរលាកថ្លើមរ៉ាំរ៉ៃ និងខ្លាញ់រុំថ្លើមផងដែរ។ រោគសញ្ញារបស់អ្នកជំងឺជាទូទៅមិនស្តែងចេញជាសញ្ញាអ្វីទាំងអស់ ដែលទាមទារអោយគាត់មកពិគ្រោះពិនិត្យជាមួយវេជ្ជបណ្ឌិត និងពិនិត្យមើលឈាមអំពីមុខងារថ្លើមផ្សេងៗ និងសញ្ញានៃការរលាកថ្លើម។ នៅក្នុងករណីខ្លះអ្នកជំងឺអាចស្តែងចេញជាសញ្ញា លឿងភ្នែក ទឹកនោមលឿងចាស់ខុសពីធម្មតា ចុកសៀតក្រោមឆ្អឹងជំនីខាងស្តាំ ឬរហូតដល់វង្វេងវង្វាន់ស្មារតី ឬរហូតដល់សន្លប់ ដែលជាសញ្ញាគ្រោះថ្នាក់ នៃការរលាកថ្លើមស្រួចស្រាវផងដែរ។ នេះបើតាមការលើកឡើងរបស់មន្ទីរពេទ្យកាល់ម៉ែត។

គួរបញ្ជាក់ថា កាលពីថ្ងៃទី១០ ខែតុលា ឆ្នាំ២០២៤កន្លងទៅ លោកស្រី ឱ វណ្ណឌីន រដ្ឋលេខាធិកាក្រសួងសុខាភិបាលធ្លាប់បានលើកឡើងនៅក្នុងសិក្ខាសាលាមួយដែលរៀបចំក្នុងគោលដៅរៀបចំសណ្តាប់ធ្នាប់ការផ្សព្វផ្សាយ ពាណិជ្ជកម្មផលិតផលគ្រឿងស្រវឹង និងកាត់បន្ថយគ្រោះថ្នាក់ដែលបណ្តាលមកពីការសេពគ្រឿងស្រវឹង ថា គ្រឿងស្រវឹងគឺប៉ះពាល់ដល់សុខភាពមនុស្សតាំងពីកែវដំបូង ដោយមិនមានកម្រិតគ្រឿងស្រវឹងណាដែលបញ្ជាក់ថា ​មានសុវត្ថិភាពដល់សុខភាពមនុស្សឡើយ។ លោកស្រីវេជ្ជបណ្ឌិត ក៏បានបញ្ជាក់ទៀតថា គ្រឿងស្រវឹងធ្វើឱ្យប៉ះពាល់ដល់ការចងចាំរបស់មនុស្ស បង្កជាអំពើហិង្សា ហើយបើយោងតាមអង្គការសុខភាពពិភពលោក ការស្លាប់ដែលបណ្តាលមកពីការប្រើប្រាស់គ្រឿងស្រវឹងគឺ ៤.៧% នៃចំនួនស្លាប់ទាំងអស់។

លោកស្រី វេជ្ជបណ្ឌិត ឱ វណ្ណឌីន បានលើកឡើងពីចំណុចសំខាន់ៗ៥ ដែលអ្នកទទួលទានគ្រឿងស្រវឹងធ្វើឱ្យខូចសេរីរាង្គដូចជា ទី១ខូចថ្លើម ក្រិនថ្លើម រលាកថ្លើម ដែលវិវត្តទៅជាមហារីកថ្លើមទៀតផង។ ទី២ ខូចលំពេង ដែលវិវត្តទៅជាជំងឺរ៉ាំរ៉ៃ។ ទី៣ រលាកក្រពះពោះវៀន ឬមហារីកក្រពះពោះវៀន ទី៤ ធ្វើឱ្យមានបញ្ហាមហារីកមាត់ និងបំពង់ក និងទី៥ អាចបណ្តាលឱ្យមានជំងឺឆ្កួតជ្រូកទៀតផង៕

The post គ្រូពេទ្យជំនាញ ស្នើពលរដ្ឋកុំពិសាគ្រឿងស្រវឹងច្រើន នាំឱ្យមានការរលាកថ្លើមធ្ងន់ធ្ងរដែលមានអត្រាស្លាប់លើសពី៥០% appeared first on Kampuchea Thmey Daily.

លោក​វេជ្ជបណ្ឌិត លី សូ​វ៉ាន់ អ្នកនាំពាក្យ​ក្រសួងសុខាភិបាល ប្រធាន​នាយកដ្ឋាន​ប្រយុទ្ធ​នឹង​ជំងឺឆ្លង និង​ជា​ប្រធាន​ក្រុម​បច្ចេកទេស​សម្រាប់​ជំងឺ​ថ្លើម បាន​មាន​ប្រសាសន៍​នៅ​ព្រឹក​ថ្ងៃ​ទី ០៣ កុម្ភៈ នេះ​ថា តាម​ការ​ប៉ាន់ស្មាន​នៅ​ប្រទេស​កម្ពុជា ចំនួន​អ្នក​មាន​ជំងឺ​រលាក​ថ្លើម​ប្រភេទ​វីរុស​បេ មាន ៣ ភាគរយ ស្មើនឹង ៤៧ ម៉ឺន ៥ ពាន់​នាក់ និង​អ្នក​កំពុង​រស់នៅ​ជាមួយ​ជំងឺ​រលាក​ថ្លើម​រ៉ាំរ៉ៃ​ប្រភេទ​សេ​ចំនួន ១,៦ ភាគរយ ស្មើនឹង ២៥ ម៉ឺន ៧ ពាន់​នាក់។

លោក​វេជ្ជបណ្ឌិត បាន​បន្ត​ថា ក្នុង​ចំណោម​អ្នកជំងឺ​រលាក​ថ្លើម​ប្រភេទ​បេ ៤៧ ម៉ឺន ៥ ពាន់​នាក់ ត្រូវ​បាន​គេ​ប៉ាន់ស្មាន​ថា ក្នុង​នោះ​មាន​អ្នក​ស្លាប់​ប្រចាំ​ឆ្នាំ​ចំនួន ៣៦០៥ នាក់។ ចំណែក​អ្នកជំងឺ​រលាក​ថ្លើម​ប្រភេទ​សេ​វិញ ក្នុង​ចំណោម ២៥ ម៉ឺន ៧ ពាន់​នាក់ ត្រូវ​បាន​ប៉ាន់​គេ​ស្មានថា ក្នុង​នោះ​មាន​អ្នក​ស្លាប់​ប្រចាំ​ឆ្នាំ​ចំនួន ២៩៧៦ នាក់។

ពាក់ព័ន្ធ​នឹង​ជំងឺ​ថ្លើម​នេះ​ដែរ លោក​វេជ្ជបណ្ឌិត លី សូ​វ៉ាន់ បាន​ពន្យល់​ថា ជំងឺ​ថ្លើម​ប្រភេទ​សេ និង​បេ​នេះ ភាគច្រើន​ឆ្លងតាម​ឈាម និង​ការ​រួម​ភេទ តាមរយៈ​ការ​ចាក់​ថ្នាំ ឬ​បញ្ចូល​ឈាម​ដោយ​មិន​មាន​សុវត្ថិភាព។ ប៉ុន្តែ​មាន​ការ​សិក្សា​ខ្លះ​ដែរ​ថា មាន​ការ​ឆ្លង​តាម​ចំណីអាហារ តែ​មិន​មាន​ភស្តុតាង​ណា​មួយ​បញ្ជាក់​ឲ្យ​បាន​ច្បាស់លាស់​នោះ​ទេ។

យ៉ាង​ណា​ក៏ដោយ លោក​វេជ្ជបណ្ឌិត លី សូ​វ៉ាន់ បាន​ណែ​នាំ​ឲ្យ​ប្រជាពលរដ្ឋ​រក្សា​អនាម័យ ហើយ​ពេល​បរិភោគ​អាហារ គួរ​តែ​កុំ​ប្រើ​ការ​ដួស​សម្ល​រួមគ្នា ត្រូវ​ដាក់​វែក​ដួស​ដាក់​រៀងៗ​ខ្លួន ដើម្បី​ការពារ​ជំងឺ​ផ្សេងៗ​ទៀត​ដែល​ឆ្លង​តាម​ចំណីអាហារ​ក្រៅពី​ជំងឺ​ថ្លើម​ប្រភេទ​សេ និង​បេ ដើម្បី​ការពារ​សុខភាព​យើង​ទាំងអស់​គ្នា។

លោក​វេជ្ជបណ្ឌិត បាន​បញ្ជាក់​ថា ប្រជាពលរដ្ឋ​គួរតែ​ទៅ​ធ្វើតេស្ត​ជំងឺ​រលាក​ថ្លើម​ប្រភេទ​បេ និង​សេ តាមរយៈ​ធ្វើតេស្ត​រហ័ស និង​ការ​ធ្វើតេស្ត​រាប់​មេរោគ​ដែល​ធ្វើតាម​ម៉ាស៊ីន​ជីន​អ៊ិ​ច​ស្ពើ​ត ដើម្បី​ព្យាបាល​ឲ្យ​បាន​ទាន់​ពេលវេលា បើ​ទុក​យូរ​អាច​ប្រឈម​ទៅ​ជា​ជំងឺ​រ៉ាំរ៉ៃ អាច​មាន​ផល​ប៉ះពាល់​ធ្ងន់ធ្ងរ​ដូចជា ជំងឺ​ក្រិន​ថ្លើម និង​មហារីក។

លោក​វេជ្ជបណ្ឌិត បាន​បន្ថែម​ថា ជំងឺ​ថ្លើម​ប្រភេទ​សេ ប្រសិន​បើ​អ្នកជំងឺ​មិន​ស្ថិត​នៅ​ក្នុង​សភាព​ធ្ងន់ធ្ងរ​ទេ យើង​អាច​ព្យាបាល​ជាសះស្បើយ​បាន​រហូត​ជិត​ដល់ ៩៨ ភាគរយ ហើយ​បច្ចុប្បន្ន​តម្លៃ នៃ​ការ​ព្យាបាល​មាន​ត្រឹម​ខ្ទង់រយ​ប៉ុណ្ណោះ ខណៈ​ពីមុន​ត្រូវ​ចំណាយ​ប្រមាណ ៥ ពាន់ ទៅ ១ ម៉ឺន​ដុល្លារ។ ចំពោះ​ជំងឺ​រលាក​ថ្លើម​ប្រភេទ​បេ មាន​តម្លៃ​ខ្ពស់​ជាង​នេះ៕

អត្ថបទ ៖ សំអឿន

The post កម្ពុជា មានអ្នកស្លាប់ជាង ៦៥០០ នាក់ ជារៀងរាល់ឆ្នាំ ដោយសារជំងឺរលាកថ្លើមប្រភេទបេ និងសេ appeared first on Kampuchea Thmey Daily.

ទីភ្នាក់ងារសុខភាព និងសន្តិសុខចក្រភពអង់គ្លេស (UKHSA) បាននិយាយថា ឥឡូវនេះ មានការប្តូរថ្លើមចំនួន ១២ ហើយ ប៉ុន្តែមិនមានកុមារណាម្នាក់ ស្លាប់នៅក្នុងចក្រភពអង់គ្លេសនោះទេ។ ទោះបីជាយ៉ាងណាក៏ដោយ មាតាបិតាគ្រប់រូប ត្រូវប្រុងប្រយ័ត្នឲ្យមែនទែន ចំពោះកូនៗរបស់ពួកគេ។ តួលេខនេះ មានចំនួនខ្ពស់ជាងអ្វីដែលគេរំពឹងទុក ចាប់តាំងពីជំងឺដ៏អាថ៌កំបាំងនេះ ផ្ទុះឡើង។

កាលពីថ្ងៃទី ៧ ខែមិថុនា អង្គការសុខភាពពិភពលោក (WHO) បាននិយាយថា ជំងឺរលាកថ្លើមភ្លាមៗ និងមិនអាចពន្យល់ចំនួន ៧០០ករណី បានកើតឡើងចំពោះកុមារតូចៗនៅទូទាំង ៣៤ ប្រទេស។

ខណៈករណីជំងឺនេះ កំពុងកើនឡើងទូទាំងពិភពលោក មន្ត្រីសុខាភិបាល នៅតែមានការងឿងឆ្ងល់អំពីមូលហេតុ។ ជាធម្មតា ស្ថានភាពរលាកថ្លើម គឺបណ្តាលមកពីជំងឺរលាកថ្លើមប្រភេទ A ដល់ E។

នៅក្នុងរបាយការណ៍ដែលចេញផ្សាយជាលើកដំបូងចាប់តាំងពីថ្ងៃទី១៩ខែឧសភាមក, UKHSA បាននិយាយថា ករណីភាគច្រើនគឺកើតឡើងលើកុមារអាយុក្រោម៥ឆ្នាំ។ ជំងឺនេះបង្ហាញរោគសញ្ញាដំបូងដូចជារាគ និងចង្អោរ អមដោយការកើតខាន់លឿង។

ក្នុងចំណោមករណីដែលបានបញ្ជាក់នោះ មាន១៨០ករណីនៅក្នុងប្រទេសអង់គ្លេស ៣២ករណីនៅស្កុតឡែន ១៧ករណីនៅវែលស៍ និង ២២ករណីនៅអៀរឡង់ខាងជើង។

ចំពោះកុមារដែលកើតជំងឺរលាកថ្លើម, មានជាង១៧ភាគរយ ក៏បានធ្វើតេស្តវិជ្ជមានមេរោគកូវីដ១៩ផងដែរ។ ប៉ុន្តែក្រុមអ្នកជំនាញបានធានាថា គ្មានទំនាក់ទំនងរវាងវ៉ាក់សាំងនិងជំងឺនោះទេ៕

ប្រែសម្រួល៖ សន្យា

ប្រភព៖ Sun

The post អង់គ្លេស ព្រមានឲ្យមាតាបិតាប្រុងប្រយ័ត្ន ខណៈកុមារកាន់តែច្រើន កើតជំងឺរលាកថ្លើមអាថ៌កំបាំង appeared first on Kampuchea Thmey Daily.

ក្នុងនោះកុមារអាមរិកជាមធ្យមអាយុ ២ឆ្នាំបានរកឃើញមានករណីនៃជំងឺរលាកថ្លើមអាថ៌កំបាំង ដែលករណីស្លាប់មានចំនួន ៥នាក់ និង ១៤ភាគរយនៃអ្នកជំងឺ ត្រូវទទួលការវះកាត់ប្តូរថ្លើម។

ចំពោះស្ថានការណ៍ដែលចេះតែបន្តវិវឌ្ឍទៅមុខ ខាងក្រោមគឺជារឿង ៥យ៉ាងដែលឪពុកម្ដាយគ្រប់រូប គួរដឹងអំពីជំងឺរលាកថ្លើមកុមារប្រភេទថ្មីនេះ៖

១. រោគសញ្ញាទូទៅនៃជំងឺរលាកថ្លើមកុមារ

វេជ្ជបណ្ឌិត Rima Fawaz ជាគ្រូពេទ្យ និងជានាយកផ្នែកវេជ្ជសាស្ត្រផ្នែកជំងឺថ្លើមកុមារ និងការវះកាត់ប្តូរថ្លើមកុមារនៅសាលាវេជ្ជសាស្ត្រ Yale បានប្រាប់សារព័ត៌មាន The Hill ថា រោគសញ្ញាក្រោយកើតជំងឺ ស្បែកកុមារនឹងឡើងពណ៌លឿង និងរោគសញ្ញាផ្សេងទៀតមានដូចជា រាក ក្អួត ទឹកនោមខ្មៅស្រអាប់ ចំណែកឯលាមកឡើងពណ៌លឿងស្រាល។

២. អ្នកជំងឺភាគច្រើនអាចជាសះស្បើយពេញលេញមកវិញ

យោងតាមលោក Fawaz ក្នុងករណីភាគច្រើន ជំងឺរលាកថ្លើមដ៏អាថ៌កំបាំងនេះអាចជាសះស្បើយដោយឯកឯង ដោយមិនត្រូវការការព្យាបាលទេ។ ចំពោះក្មេងៗដែលគ្មានបញ្ហារ៉ាំរ៉ៃ ឬគ្មានជំងឺថ្លើមរ៉ាំរ៉ៃ អាចជាសះស្បើយពីជំងឺ​រលាក​ថ្លើម​​ ហើយវិលមកសុខភាពដើមវិញ។ ក្នុងនោះអត្រាជាដាច់ស្រឡះ មានច្រើនជាង ៩០ភាគរយឯណោះ។

ទោះជាយ៉ាងណា លោក Fawaz បានកត់សម្គាល់ថា ក្នុងករណីអ្នកប្ដូរថ្លើម នឹងត្រូវប្រើថ្នាំប្រឆាំងមេរោគពេញមួយជីវិត ដូចករណីនៃការប្តូរសរីរាង្គផ្សេងទៀតដែរ។

៣. មិនទាន់មានរបាយការណ៍ច្បាស់ពីករណីកើនឡើងនៃជំងឺទេ

CDC ​អាមេរិក បានទទួលស្គាល់ថា ខ្លួនមិនទាន់ប្រាកដអំពីករណីថ្មីៗនៅឡើយទេ។ ការកើនឡើងនៃជំងឺរលាកថ្លើមអាថ៌កំបាំងនេះកំពុងតាមដាន ហើយស្ថាប័នកំពុងបន្តពង្រីកការធ្វើតេស្តដើម្បីរកករណីថ្មី។

៤. មិនទាន់មានការធានាទេថា ករណីថ្មីៗមិនពាក់ព័ន្ធនឹងជំងឺកូវីដ-១៩

ដោយសារតែកុមារដែលរងផលប៉ះពាល់ភាគច្រើនស្ថិតនៅវ័យក្រោម ៥ឆ្នាំ ពួកគេមិនមានសិទ្ធិទទួលថ្នាំបង្ការកូវីដ-១៩ នៅឡើយទេ។ ដូចច្នេះអ្នកជំនាញខ្លះថា វាអាចលទ្ធផលនៃផលប៉ះពាល់ដែលមិនបានចាក់ថ្នាំបង្ការ។

ដោយឡែកអង្គការសុខភាពពិភពលោក (WHO) ដែលកំពុងគាំទ្រការស៊ើបអង្កេតលើករណីជំងឺរលាកថ្លើមជុំវិញពិភពលោក បានឱ្យដឹងថា អ្នកជំងឺភាគច្រើនបានរកឃើញលើកុមារដែលមានអាយុចន្លោះពី ១ខែ ដល់អាយុ ១៦ឆ្នាំ។

យោងតាម ​​CDC កុមារភាគច្រើនដែលកើតជំងឺរលាកថ្លើម ពុំមានប្រវត្តិធ្លាប់ឆ្លងមេរោគកូវីដ-១៩នោះទេ ដូច្នេះករណីទាំងនេះ មិនគួរទាក់ទងនឹងវីរុសកូវីដឡើយ។

៥. យ៉ាងហោចមានប្រទេសចំនួន ២០ កំពុងរាយការណ៍ករណីជំងឺរលាកថ្លើមអាថ៌កំបាំង

យោងតាមអង្គការសុខភាពពិភពលោក យ៉ាងហោចណាស់មានប្រទេសចំនួន ២០ហើយ ដែលបានរាយការណ៍ពីករណីនៃជំងឺរលាកថ្លើមកុមារ ហើយករណីស្ទើរតែទាំងអស់ បានរកឃើញនៅអាមេរិកខាងជើង និងអឺរ៉ុប។ ក្នុងនោះមាន ចក្រភព អេស្ប៉ាញ អ៊ីស្រាអែល សហរដ្ឋអាមេរិក ដាណឺម៉ាក អៀរឡង់ ហូឡង់ អ៊ីតាលី ន័រវេស បារាំង រូម៉ានី និងបែលហ្ស៊ិកជាដើម៕

ប្រែសម្រួល៖ សន្យា

ប្រភព៖ yahoo

ចុចអាន៖ ករណីជំងឺរលាកថ្លើមកុមារដ៏អាថ៌កំបាំង កើនឡើងច្រើនទៅៗ ទូទាំងពិភពលោក

The post ៥ យ៉ាង​ ឪពុកម្ដាយត្រូវ​ដឹង​អំពី​ជំងឺ​រលាក​ថ្លើម​កុមារ ដើម្បីប្រុងប្រយ័ត្នជាមុន appeared first on Kampuchea Thmey Daily.

ជំងឺ​នេះ ​បង្ក​ឲ្យ​មានការ​រលាក​សាច់​ថ្លើម និង អាច​វិវត្តន៍​ទៅ​រក​សភាព​ក្រិន​ថ្លើម​បាន។ ជាពិសេស​វា​ក៏​អាច​វិវត្តន៍​ទៅជា​បញ្ហា​ដុំ​មហារីក​ថ្លើម ដែល​អាច​ឲ្យ​ប៉ះពាល់​ដល់​អាយុជីវិត និង​ក៏​ជា​ឃាតក​ដ៏​សាហាវ​ស្ងៀម​ស្ងាត់​មួយ​ផង​ដែរ ព្រោះថា​ជាទូទៅ ៨០ ទៅ ៨៥​ ភាគរយ ​នៃ​អ្នកជំងឺ​នេះ​ គឺ​គ្មាន​រោគសញ្ញា​អ្វី​អាច​ឲ្យ​យើង​បាន​ដឹង​ជាមុន​នោះ​ឡើយ។​

​ក​) រោគសញ្ញា ៖
​រោគសញ្ញ្ញា​ដែល​កើត​អាចមាន​នៅលើ​អ្នកជំងឺ​គឺ​អាស្រ័យទៅលើ​កម្រិត ​នៃ​ការ​រលាក និង សភាព​របស់​សាច់​ថ្លើម​របស់​អ្នកជំងឺ​ផង​ដែរ (​សាច់​ថ្លើម​នៅ​ទន់​ធម្មតា​គ្រាន់តែ​មានការ​រលាក​, សាច់​ថ្លើម​រឹង និង ថ្លើម​ក្រិន​)។ នៅ​ខាងក្រោម​នេះ ​គឺជា​សញ្ញា​មួយ​ចំនួន ហើយ​មានតែ ១០ ទៅ ១៥ ភាគរយ​ នៃ​អ្នក​ជំងឺ​ថ្លើម​ប្រភេទ​បេ ដែល​ស្តែងចេញ :
– ការ​ហេវ​ហត់ ចុះខ្សោយ​កម្លាំង និង សុខភាព ​ដោយ​មិន​មាន​មូលហេតុ​ច្បាស់លាស់​
– ឡើង​លឿង​ភ្នែក និង ស្បែក​
– មាន​រោគសញ្ញា​ស្រដៀង​នឹង​ជំងឺ​ផ្ដាសាយធំ​
– មានការ​ហើមជើង​ជាដើម​…​។​

​ខ​) ការធ្វើ​រោគវិនិច្ឆ័យ ៖
​មានតែ​ការពិនិត្យ​ឈាម​ប៉ុណ្ណោះ ដែល​អាច​ធ្វើ​រោគវិនិច្ឆ័យ​ជំងឺ​នេះ​បាន ដោយ​ការ​រក​មេរោគ និង រាប់​ចំនួន​មេរោគ (Ag Hbs, Ac Hbs, Ac Hbc និង PCR HBV quantitatif)​។​

​គ​) ការ​ចម្លង​រោគ ៖
​មេរោគ​នេះ​អាច​ឆ្លង​តាមរយៈ​
– ការប៉ះពាល់​ឈាម​អ្នកជំងឺ​ថ្លើម​ប្រភេទ បេ​
– ពី​ម្តាយ​ដែលមាន​ផ្ទុកមេរោគ​ទៅ​កូន (​អំឡុង​មាន​ផ្ទៃពោះ និង​សម្រាល​)
– ការរួម​ភេទ​ដោយ​មិន​ប្រើប្រាស់​ស្រោមអនាម័យ​បាន​ត្រឹមត្រូវ​
– ការប្រើប្រាស់​សម្ភារៈ ឬ វត្ថុ​មុត​ស្រួច​រួមគ្នា ដែល​មាន​ការ​ដាច់​រលាត់​ចេញឈាម (​កន្ត្រៃ​កាត់​ក្រចក​, ច្រាស់​ដុសធ្មេញ​, កន្ត្រៃ​កាត់​សាច់​, ម្ជុលចាក់​…)

​ឃ​) វិធី​ការពារ ៖
​ជំងឺ​ថ្លើម​ប្រភេទ បេ ជា​ជំងឺ​មួយ​ដែល​យើង​អាច​ចៀសផុត និង​ការពារ​បាន តាមរយៈ​ការ​ចាក់​វ៉ាក់សាំង​ការពារ​មេរោគ​ថ្លើម​ប្រភេទ បេ ឲ្យ​បាន​ត្រឹមត្រូវ​តាម​ក្បួន​វេជ្ជសាស្ត្រ។ ជាទូទៅ​ការ​ចាក់​វ៉ាក់សាំង​នេះ​មាន​ចំនួន​៣​ដង ហើយ​យើង​ត្រូវ​ពិនិត្យ​ឈាម​ដើម្បី​បញ្ជាក់​ច្បាស់​ថា ខ្លួន​របស់​យើង​មាន​ប្រព័ន្ធ​ការ​ពារ​មេរោគ​នេះ​ពី​ការ​ចម្លង​។​

​ង​) វិធី​ព្យាបាល ៖
​ជំងឺ​រលាក​ថ្លើម​ប្រភេទ បេ អាច​ព្យាបាល​ជាសះស្បើយ ដោយ​តម្រូវ​ឲ្យ​ព្យាបាល​រយៈពេល​យូរ ពិសា​ថ្នាំ​ឲ្យ​បាន​ទៀងទាត់ តាមដាន​ជំងឺ​ជាប់​លាប់ ​ដោយ​គោរព​តាម​ការ​ណាត់​របស់​គ្រូពេទ្យ​។ ការ​ព្យា​បាល​ប្រសើរ​បំផុត គឺ​នៅ​ដំណាក់កាល​ថ្លើម​មិនទាន់​ក្រិន ឬ មិន​មាន​ដុំ​មហារីក​សាច់​ថ្លើម ចៀស​វាង​បណ្តែតបណ្តោយ​ឲ្យ​ជំងឺ​នេះ​កាន់តែ​ធ្ងន់ធ្ងរ និង​ពិបាក​ព្យាបាល។​

* ការព្យាបាល​ជំងឺ​រលាក​ថ្លើម​ប្រភេទ បេ នេះ​ គឺ​ទាមទារ​ការព្យាបាល​រយៈ​ពេល​យូរ និង មាន​ភាព​ស្មុគ​ស្មាញ​ដែរ ដូច្នេះ​អ្នក​ជំងឺ​គួរ​គប្បី​ធ្វើការ​ព្យាបាល និង តាមដាន​ជាមួយ​វេជ្ជបណ្ឌិត​ឯកទេស​ជំនាញ​ឲ្យ​បាន​ត្រឹមត្រូវ​បំផុត​តាម​បច្ចេកទេស​វេជ្ជសាស្ត្រ។​

«​សូម​លោក លោកស្រី ​អញ្ជើញ​មក​ជួប​ពិគ្រោះ​ជាមួយ​វេជ្ជបណ្ឌិត​ឯកទេស ជំនាញ​នៅ​មន្ទីរពេទ្យ​កាល់​ម៉ែត ដើម្បី​ទទួលបាន​ព័ត៌មាន​លំអិត​ក្បោះក្បាយ ​អំពី​វិធីសាស្ត្រ​ នៃ​ការ​ការពារ​លោកអ្នក​ ពី​មេរោគ​ថ្លើម​ប្រភេទ​បេ និង​វិធីសាស្ត្រ ​នៃ​ការ​ព្យាបាល​ទាន់ពេលវេលា ចៀសវាង​ផលវិបាក ​នៃ​ជំងឺ​នេះ ដូចជា​ ការ​រលាក​រ៉ាំរ៉ៃ​, ក្រិន​ថ្លើម​, ដុំ​មហារីក​ថ្លើម​, ទាច​ទឹក​ជាដើម​»៕​

អត្ថបទ ៖ រស្មី​

ចុចអាន៖ជំងឺ​រលាក​ថ្លើម​ដោយ​មេរោគ​ប្រភេទ សេ

ចុចអាន៖ឃើញកូនក្ដៅខ្លួន ក្អួត កុំប្រហែស អាអូនអាចកើតជំងឺរលាកថ្លើមប្រភេទ

The post ជំងឺ​រលាក​ថ្លើម​ដោយ​មេរោគ​ប្រភេទ បេ ជា​ឃាតក​ស្ងៀមស្ងាត់​ដ៏​គួរ​ឲ្យ​ខ្លាច appeared first on Kampuchea Thmey Daily.