Connect with us

ព័ត៌មានអន្ដរជាតិ

អង់គ្លេស ព្រមានឲ្យមាតាបិតាប្រុងប្រយ័ត្ន ខណៈកុមារកាន់តែច្រើន កើតជំងឺរលាកថ្លើមអាថ៌កំបាំង

បានផុស

នៅ

កុមារចក្រភពអង់គ្លេសសរុប២៥១នាក់ ឥឡូវនេះបានរងផលប៉ះពាល់ដោយការផ្ទុះឡើង នៃជំងឺរលាកថ្លើមដ៏អាថ៌កំបាំង ខណៈករណីបន្ថែមចំនួន ១១ ត្រូវបានប្រកាសកាលពីថ្ងៃសុក្រ ទី១៧ ខែមិថុនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសុខភាព និងសន្តិសុខចក្រភពអង់គ្លេស (UKHSA) បាននិយាយថា ឥឡូវនេះ មានការប្តូរថ្លើមចំនួន ១២ ហើយ ប៉ុន្តែមិនមានកុមារណាម្នាក់ ស្លាប់នៅក្នុងចក្រភពអង់គ្លេសនោះទេ។ ទោះបីជាយ៉ាងណាក៏ដោយ មាតាបិតាគ្រប់រូប ត្រូវប្រុងប្រយ័ត្នឲ្យមែនទែន ចំពោះកូនៗរបស់ពួកគេ។ តួលេខនេះ មានចំនួនខ្ពស់ជាងអ្វីដែលគេរំពឹងទុក ចាប់តាំងពីជំងឺដ៏អាថ៌កំបាំងនេះ ផ្ទុះឡើង។

កាលពីថ្ងៃទី ៧ ខែមិថុនា អង្គការសុខភាពពិភពលោក (WHO) បាននិយាយថា ជំងឺរលាកថ្លើមភ្លាមៗ និងមិនអាចពន្យល់ចំនួន ៧០០ករណី បានកើតឡើងចំពោះកុមារតូចៗនៅទូទាំង ៣៤ ប្រទេស។

ខណៈករណីជំងឺនេះ កំពុងកើនឡើងទូទាំងពិភពលោក មន្ត្រីសុខាភិបាល នៅតែមានការងឿងឆ្ងល់អំពីមូលហេតុ។ ជាធម្មតា ស្ថានភាពរលាកថ្លើម គឺបណ្តាលមកពីជំងឺរលាកថ្លើមប្រភេទ A ដល់ E។

នៅក្នុងរបាយការណ៍ដែលចេញផ្សាយជាលើកដំបូងចាប់តាំងពីថ្ងៃទី១៩ខែឧសភាមក, UKHSA បាននិយាយថា ករណីភាគច្រើនគឺកើតឡើងលើកុមារអាយុក្រោម៥ឆ្នាំ។ ជំងឺនេះបង្ហាញរោគសញ្ញាដំបូងដូចជារាគ និងចង្អោរ អមដោយការកើតខាន់លឿង។

ក្នុងចំណោមករណីដែលបានបញ្ជាក់នោះ មាន១៨០ករណីនៅក្នុងប្រទេសអង់គ្លេស ៣២ករណីនៅស្កុតឡែន ១៧ករណីនៅវែលស៍ និង ២២ករណីនៅអៀរឡង់ខាងជើង។

ចំពោះកុមារដែលកើតជំងឺរលាកថ្លើម, មានជាង១៧ភាគរយ ក៏បានធ្វើតេស្តវិជ្ជមានមេរោគកូវីដ១៩ផងដែរ។ ប៉ុន្តែក្រុមអ្នកជំនាញបានធានាថា គ្មានទំនាក់ទំនងរវាងវ៉ាក់សាំងនិងជំងឺនោះទេ៕

ប្រែសម្រួល៖ សន្យា

ប្រភព៖ Sun

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម