ការបង្ក្រាបនេះធ្វើឡើងក្រោមបទបញ្ជាផ្ទាល់ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដោយកម្លាំងនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងនគរបាលខេត្តព្រះសីហនុ ដែលជាម្ចាស់ករណី បង្ក្រាបក្រុមជនសង្ស័យក្នុងទឹកដីភូមិសាស្ត្ររាជធានីភ្នំពេញ។

ជនសង្ស័យទាំង ០៦ នាក់ រួមមាន ៖ ០១.ឈ្មោះ WANG HU ភេទប្រុស អាយុ ៣៥ ឆ្នាំ , ០២.ឈ្មោះ LYU XIAN KUI ភេទប្រុស អាយុ ៤៧ ឆ្នាំ , ០៣.ឈ្មោះ PU XING WANG ភេទប្រុស អាយុ ៣៦ ឆ្នាំ , ០៤.ឈ្មោះ YINGLEł ភេទប្រុស អាយុ ៣៩ ឆ្នាំ , ០៥.ឈ្មោះ CHEN YIFING EI ភេទប្រុស អាយុ ២៤ ឆ្នាំ , ០៦.ឈ្មោះ WANG LING ភេទប្រុស អាយុ ៤៣ ឆ្នាំ។

ក្នុងការបង្ក្រាប កម្លាំងសមត្ថកិច្ច ដកហូតបានរថយន្តម៉ាក TOYOTA ALPHARD ០១ គ្រឿង ពណ៌ស ស៊េរីឆ្នាំ ២០១៥ ពាក់ផ្លាកលេខ កម្ពុជា H.DAV289 , អាវុធខ្លី ម៉ាក NP៤២ ០១ ដើម បង់ចំនួន ០១ និង គ្រាប់ចំនួន ១០ គ្រាប់ , ទូរសព្ទ័ដៃចំនួន ០៦ គ្រឿង និង វត្ថុតាងពាក់ព័ន្ធមួយចំនួនទៀត។

បច្ចុប្បន្ន ជនសង្ស័យ និង វត្ថុតាង ត្រូវបានបញ្ជូនទៅកាន់ស្នងការដ្ឋាននគរបាលខេត្តព្រះសីហនុ ដើម្បីចាត់វិធានការទៅតាមផ្លូវច្បាប់៕
អត្ថបទ ៖ សុភា

The post នគរបាលរាជធានី ស្រាវជ្រាវបង្ក្រាបជនជាតិចិន ០៦ នាក់ លួចផ្លាកលេខរថយន្ត និង កាន់កាប់អាវុធខុសច្បាប់ ប្រព្រឹត្តិនៅខេត្តព្រះសីហនុ appeared first on Kampuchea Thmey Daily.

ប្រតិបត្តិការនេះកាលពីថ្ងៃទី ១៦ ខែឧសភា ឆ្នាំ ២០២៦ ធ្វើឡើងក្រោមការបញ្ជាផ្ទាល់ពីលោកវរសេនីយ៍ឯក នួន ប៉ិន អធិការនគរបាលស្រុកអង្គរបូរី។

ជនជាប់ចោទទី ១.ឈ្មោះ សៅ សារុន ភេទប្រុស អាយុ ៦៥ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិភ្នំបូរី ឃុំព្រែកផ្ទោល ស្រុកអង្គរបូរី ខេត្តតាកែវ។ ជននេះ ត្រូវបានសមត្ថកិច្ចចាប់ខ្លួនតាមដីកាលេខ ២៤២/២០១៩ ចុះថ្ងៃទី ២៧ ខែធ្នូ ឆ្នាំ ២០១៨ របស់សាលាដំបូងខេត្តតាកែវ ពាក់ព័ន្ធបទល្មើស “ឃាតកម្ម” ដែលបានប្រព្រឹត្តនៅភូមិភ្នំបូរី ឃុំព្រែកផ្ទោល ស្រុកអង្គរបូរី ខេត្តតាកែវ កាលពីថ្ងៃទី ២៦ ខែធ្នូ ឆ្នាំ ២០១៣។ ដោយឡែក ជនជាប់ចោទទី ២.ឈ្មោះ ផាន់ មិថុនា ភេទប្រុស អាយុ ២៨ ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិភ្នំបូរី ឃុំព្រែកផ្ទោល ស្រុកអង្គរបូរី ខេត្តតាកែវ ត្រូវបានចាប់ខ្លួនតាមដីកាលេខ ១៤២“ដ”/២០២៥ ចុះថ្ងៃទី ១១ ខែមីនា ឆ្នាំ ២០២៥ របស់សាលាដំបូងខេត្តតាកែវ ពាក់ព័ន្ធបទល្មើស “អំពើលួច” ដែលបានប្រព្រឹត្តកាលពីថ្ងៃទី ១២ ខែកញ្ញា ឆ្នាំ ២០២៤ នៅក្នុងមូលដ្ឋានដដែល។ ក្រោយការចាប់ខ្លួន សមត្ថកិច្ចបានបញ្ជូនជនជាប់ចោទទាំង ២ នាក់ ទៅកាន់ស្នងការដ្ឋាននគរបាលខេត្តតាកែវ ដើម្បីបន្តចាត់ការតាមនីតិវិធីច្បាប់។

សមត្ថកិច្ចបានបញ្ជាក់ថា ការអនុវត្តដីកាចាប់ខ្លួននេះ គឺជាផ្នែកមួយ នៃការពង្រឹងការអនុវត្តច្បាប់ និង ការបង្ក្រាបបទល្មើសក្នុងមូលដ្ឋាន ដើម្បីធានាសន្តិសុខ សុវត្ថិភាព និង សណ្តាប់ធ្នាប់សាធារណៈជូនប្រជាពលរដ្ឋ៕
អត្ថបទ ៖ វីរៈ

The post នគរបាល​ស្រុកអង្គរបុរី​ ចាប់​ខ្លួន​ជនជាប់ចោទ ២ នាក់​ ខណៈ​ម្នាក់ជាប់ចោទ​ពីបទឃាតកម្មកាលពីជាង ១០ ឆ្នាំ​មុន appeared first on Kampuchea Thmey Daily.

ការបញ្ជូនខ្លួននេះ កាលពីព្រឹកថ្ងៃទី ១៣ ខែឧសភា ឆ្នាំ ២០២៦ នេះ ក្រោយបញ្ចប់នីតិវិធីសួរនាំ។ ជនសង្ស័យរួមមាន ៖ ១.ឈ្មោះ FEI YIYUAN ភេទប្រុស អាយុ ៤២ ឆ្នាំ ជនជាតិចិន មុខរបរមិនពិតប្រាកដ។ ២.ឈ្មោះ XUE XITAO ភេទប្រុស អាយុ ៣៤ ឆ្នាំ ជនជាតិចិន មុខរបរមិនពិតប្រាកដ។ ៣.ឈ្មោះ QIAN XIQIANG ភេទប្រុស អាយុ ៣៤ ឆ្នាំ​ ជនជាតិចិន មុខរបរមិនពិតប្រាកដ។ ជនសង្ស័យទាំង ០៣ ស្នាក់នៅបន្ទប់ជួល អគារ​ BAI LY 2 ផ្លូវសបិត​ សង្កាត់ទន្លេបាសាក់ ខណ្ឌចំការមន​ រាជធានីភ្នំពេញ។

លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បញ្ជាក់ថា កាលពីវេលាម៉ោង ៧ និង ៣០ នាទីព្រឹក​ ថ្ងៃទី ៤ ខែឧសភា ឆ្នាំ ២០២៦ ជនសង្ស័យ បានលួចរថយន្តម៉ាក ALPHARD ពណ៍ខ្មៅ​ ពាក់ស្លាកលេខ​ APO. K66​។ លុះនៅវេលាម៉ោង ៨ និង ៣០ នាទីព្រឹក ថ្ងៃទី ៦ ខែឧសភា ឆ្នាំ ២០២៦​ ជនសង្ស័យ បានយករថយន្ត LEXUS LM350 ពណ៍ខ្មៅ​ ពាក់ស្លាកលេខ​ H.Z.8998 និង​ រថយន្ត​ GAC NG8 ពណ៍ស គ្មានលេខ​។

លោកបន្តថា លុះមកដល់ថ្ងៃទី ១០ ខែឧសភា ឆ្នាំ ២០២៦ ការិយាល័យនគរបាលព្រហ្មទណ្ឌកម្រិតស្រាល បានស្រាវជ្រាវរហូតឈានដល់ការឃាត់ខ្លួនជនសង្ស័យចំនួន ៣ នាក់ នៅចំណុចផ្លូវសហពន្ធ័រុស្សី សង្កាត់ទឹកល្អក់ទី ១​ ខណ្ឌទួលគោក​ រាជធានីភ្នំពេញ នាំមកកាន់ស្នងការដ្ឋាននគរបាលរាជធានីភ្នំពេញ តែម្តង។

បន្ទាប់ពីសួរនាំរួចរាល់ ជនសង្ស័យ សារភាពថា ករណីទី១.ពួកខ្លួនបានធ្វើសកម្មភាពលួចរថយន្តម៉ាក ALPHARD ពណ៍ខ្មៅ​ ពាក់ស្លាកលេខ​ APO.K66 នៅចំណុចអគារខុនដូរ​ ONE PRAK សង្កាត់ស្រះចក​ ខណ្ឌដូនពេញ​ រាជធានីភ្នំពេញ​។ ករណីទី២.កាលពីវេលាម៉ោង​ ១១ និង ៤៤ នាទីយប់ ថ្ងៃទី ៥ ខែឧសភា ឆ្នាំ ២០២៦​ លួចរថយន្តម៉ាក LEXUS LM350 ពណ៍ខ្មៅ​ ពាក់ស្លាកលេខ​ H.Z.8998 នៅចំណុច អគារខុនដូរ​ ONE PRAK សង្កាត់ស្រះចក​ ខណ្ឌដូនពេញ​ រាជធានីភ្នំពេញ។ ករណីទី៣.កាលពីវេលាម៉ោង​ ១២ យប់រំលងអធ្រាត្រ ឈានចូលថ្ងៃទី ៥ ខែឧសភា ឆ្នាំ ២០២៦​ លួចរថយន្តម៉ាក GAC NG8 ពណ៌ស ពាក់ស្លាកលេខ​ 2CI-3521 នៅចំណុចបុរី ប៉េង ហួត​ គម្រោងអេកូសាន់រ៉ាយ​ ភូមិស្វាយតាអុក​ សង្កាត់វាលស្បូវ​ ខណ្ឌច្បារអំពៅ​ រាជធានីភំពេញ។ ករណីទី៤.កាលពីវេលាម៉ោង ៨ ថ្ងៃទី ៧ ខែឧសភា ឆ្នាំ ២០២៦​ លួចស្លាកលេខ រថយន្តលេខ ភ្នំពេញ 2M-2149 នៅចំណុចមុខឃ្លាំង ក្នុងបរិវេណបុរីមង្គលថ្មី ភូមិ ១ ឃុំព្រែកខ្សាយ(ខ) ស្រុកពាមរក៏ ខេត្តព្រៃវែង។ ករណីទី៥.កាលពីវេលាម៉ោង​ ៨ និង ៣០ នាទី ថ្ងៃទី ៦ ខែឧសភា ឆ្នាំ ២០២៦​ លួចស្លាកលេខ រថយន្តលេខ ភ្នំពេញ 2W-4016 នៅចំណុចមុខផ្ទះលេខ ៤៩៧ ផ្លូវលំ ភូមិកោះតេជោ ២ សង្កាត់គគីរធំ ស្រុកកៀនស្វាយ ខេត្តកណ្តាល។ ករណីទី៦.កាលពីវេលាម៉ោង​ ១០ យប់ ថ្ងៃទី ៦ ខែឧសភា ឆ្នាំ ២០២៦​ លួចស្លាកលេខ រថយន្តលេខ ភ្នំពេញ 2CH-6300 នៅចំណុចភូមិលេខ ៦ សង្កាត់កំពង់លាវ ក្រុងព្រៃវែង ខេត្តព្រៃវែង។ ដោយឡែកវត្ថុតាងដកហូតរួមមាន ៖ រថយន្តចំនួន ១ គ្រឿង ម៉ាកព្រុស ពណ៍ទឹកមាស​ សា្លកលេខ ភ្នំពេញ 2BC-8308 (ជាមធ្យោបាយធ្វើសកម្មភាព)។ សម្ភារៈមួយចំនួនសម្រាប់ធ្វើសកម្មភាពលួច រួមនឹងស្លាកលេខចំនួន ១០ សន្លឹក។

បច្ចុប្បន្ន ជនសង្ស័យ ត្រូវបានសមត្ថកិច្ចកសាងសំណុំរឿងចាត់ការតាមនីតិវិធីច្បាប់៕
អត្ថបទ ៖ រដ្ឋា

The post បញ្ជូនជនជាតិចិន ៣ នាក់ លួចរថយន្ត និង ស្លាកលេខ ចំនួន ៦ ករណី ទៅកាន់តុលាការ appeared first on Kampuchea Thmey Daily.

លោកចៅសង្កាត់បានបន្តថា ចំពោះអំពើចោរកម្មនេះគឺនៅពេលដែលកម្លាំងប្រជាការពារសង្កាត់បានចុះល្បាតបានឃើញនៅជើងបង្គោលភ្លើងបំភ្លឺផ្លូវបានបាត់ចំនួនគ្រាប់២តាមបង្គោលចំនួន២។

លោក យុិន វុធ បានបញ្ជាក់ថា ពេលដឹងថាមានបាត់ប៊ូឡុងតាមបង្គោលភ្លាមលោកក៏បានចាត់ឲ្យកម្លាំងយកប៊ូឡុងថ្មីទៅចាប់ដាក់តាមបង្គោលចៀសវាងបាក់រលំសង្កត់លើអ្នកធ្វើដំណើរ។ ទោះជាយ៉ាងណាក៏លោកចៅសង្កាត់នឹងចាត់កម្លាំងឲ្យឃ្លាំចាប់ក្រុមជនសង្ស័យនេះយកមកចាត់ការតាមច្បាប់។ហើយក្រុមពួកចោរនេះច្រើនជាមុខសញ្ញារដើររើសអេតចាយបន្លំលួចតែម្តង៕នរា

The post ចោរលួចដោះប៊ូឡុងខ្ចៅ បង្គោលភ្លើងលើស្ពានព្រះមុនីវង្សចាស់ ខណៈនេះអាជ្ញាធរកំពុងជួលជុលឡើងវិញ appeared first on Kampuchea Thmey Daily.

ក្រោម​បទបញ្ជា​យ៉ាង​ម៉ឺងម៉ាត់​ពី​សំណាក់ លោក​ឧត្តមសេនីយ៍ត្រី សេង សុភាព មេបញ្ជាការ​កងរាជអាវុធហត្ថ​ខេត្តស្ទឹងត្រែង និង​ដោយ​មានការ​សម្របសម្រួល​នីតិវិធី​លោក កែវ សុធា ព្រះរាជអាជ្ញា​អម​សាលាដំបូង​ខេត្ត កម្លាំង​ជំនាញ​បាន​ធ្វើការស្រាវជ្រាវ រហូតឈានដល់​ឃាត់ខ្លួន​ជនសង្ស័យ​ចំនួន​២​នាក់ ពាក់ព័ន្ធ​ករណី​លួច និង​គ្រឿងញៀន។

គួររំលឹកផងដែរថា កាលពី​ថ្ងៃ​ទី​១៤ ខែកុម្ភៈ ឆ្នាំ​២០២៦ វេលា​ម៉ោង​១៩:០០នាទី​យប់ ការិយាល័យ​ព្រហ្មទណ្ឌ​នៃ​មន្ទីរ​ស្រាវជ្រាវ និង​បង្ក្រាប​បទល្មើស ទទួល​ពាក្យបណ្ដឹង​ពី​ជន​រង​គ្រោះ​ បន្ទាប់​ពី​បាត់បង់​ទូរស័ព្ទ​ដៃ​ម៉ាក ​ViVO ចំនួន​ ១​គ្រឿង ។

ក្រោយ​ទទួល​ពាក្យបណ្ដឹង​ភ្លាម លោក​វរសេនីយ៍ទោ ហ៊ាន សុវណ​ក​ណា​រិ​ទ្ធ ប្រធាន​មន្ទីរ សហការ​ជាមួយ​កម្លាំង​ស្នាក់​ការ​សន្តិសុខ​៧២២ កម្លាំង​ជំនាញបានបើកការ​ស្រាវជ្រាវ រហូត​ឈាន​ដល់​ការ​ឃាត់ខ្លួន​ជនសង្ស័យ​បាន​ចំនួន ០២​នាក់ ។ ក្នុង​រង្វង់ប្រតិបត្តិការ​នេះ សមត្ថកិច្ច​​បាន​រក​ឃើញ​នូវ​ឧបករណ៍​សម្រាប់​សេព និង​ថ្នាំ​ញៀន​មួយ​ចំនួន​ទៀត​ផង​ដែរ។

បច្ចុប្បន្នជនសង្ស័យ​ទាំង​២​នាក់ រួម​ជាមួយ​វត្ថុ​តាង ត្រូវ​បាន​ការិយាល័យ​ជំនាញ​កសាង​សំណុំរឿង​ ​បញ្ជូន​ទៅ​កាន់​សាលាដំបូង​ខេត្តស្ទឹងត្រែង ចាត់ការ​បន្ត​តាម​នីតិវិធី​ច្បាប់​៕

The post អាវុធហ្ថតខេត្តស្ទឹងត្រែង បញ្ជូនជនសង្ស័យ២នាក់ ទៅកាន់តុលាការ ពាក់ព័ន្ធករណីលួច និង​គ្រឿងញៀន appeared first on Kampuchea Thmey Daily.

ហេតុការណ៍​នេះ​បង្ក​ការ​ភ្ញាក់ផ្អើល​កាលពី​វេលា​ម៉ោង ១០ និង ៣០ នាទី​យប់ ថ្ងៃ​ទី ៩ ខែ​កុម្ភៈ ឆ្នាំ ២០២៦ ស្ថិត​នៅ​តាម​បណ្ដោយ​ផ្លូវ​ព្រះស៊ីសុវត្ថិ សង្កាត់​ជ័យជំនះ ខណ្ឌ​ដូនពេញ រាជធានី​ភ្នំពេញ។

បុរស​រង​គ្រោះ​ជា​ជនបរទេស បាន​ឲ្យ​ដឹង​ថា នៅមុន​ពេល​កើតហេតុ​ រូប​គាត់​បាន​ចូល​ម៉ាស្សា​នៅ​ទីតាំង ១ កន្លែង យីហោ (ម៉ាស្សា ម៉ាស្សា) ដើម្បី​ឲ្យ​ស្រួលខ្លួន។ ក្រោយពី​ម៉ាស្សា​រួច គាត់​ក៏បាន​រាប់​លុយ​ទៅ​ឲ្យ​នារី​ម៉ាស្សា​ខាងលើ ស្រាប់តែ​ស្រឡាំងកាំង ឃើញ​សុទ្ធតែ​លុយ​ក្លែងក្លាយ​(​លុយ​សែន​) ខណៈ​លុយ​របស់​គាត់​បាន​បាត់​ចំនួន ១ ពាន់​ដុល្លារ។ ក្នុង​នោះ​ដែរ នារី​ជា​អ្នក​ម៉ាស្សា និង​បក្ខពួក បាន​បន្លំ​យក​លុយ​របស់​គាត់​ទៅ​បាត់​ រួច​បិទទ្វារ​ហាង​រត់​គេច​ខ្លួន​បាត់ស្រមោល​តែម្ដង។

ក្រោយ​កើតហេតុ​សមត្ថកិច្ច​មូលដ្ឋាន​ចុះ​មកដល់​ក៏បាន​នាំ​ខ្លួន​ជនបរទេស​ខាងលើ​ទៅ​ប៉ុស្តិ៍​នគរបាល​សង្កាត់​ជ័យជំនះ ដើម្បី​ទទួល​ពាក្យបណ្ដឹង និង​ធ្វើការ​ស្រាវជ្រាវ​តាម​ចាប់ខ្លួន​ក្រុម​នារី​ក្នុង​កន្លែង​ម៉ាស្សា ព្រមទាំង​បក្ខពួក យក​មក​ចាត់ការ​តាម​នីតិវិធី​ច្បាប់៕

អត្ថបទ ៖ សុខា

The post ជនបរទេសម្នាក់ ទៅម៉ាស្សានៅទីតាំង ១ កន្លែង ត្រូវនារីម៉ាស្សាបន្លំលួចលុយ ១ ពាន់ដុល្លារ appeared first on Kampuchea Thmey Daily.

ប្រតិបត្តិការ​ឃាត់ខ្លួន​នេះ​បាន​ធ្វើ​ឡើង​កាលពី​ព្រឹក​ថ្ងៃ​ទី ៥ ខែ​មករា ឆ្នាំ ២០២៦ ដោយ​កម្លាំង​អធិការដ្ឋាន​នគរបាល​ខណ្ឌ​ដង្កោ សហការ​ជាមួយ ស្នងការដ្ឋាន​នគរបាល​ខេត្ត​កំពត។

សមត្ថកិច្ច​បាន​ឲ្យ​ដឹង​ថា កម្លាំង​នគរបាល​ព្រហ្មទណ្ឌ​ខណ្ឌ​ដង្កោ បាន​ចុះ​ធ្វើការ​ស្រាវជ្រាវ​ឃើញ​សកម្មភាព​ជនសង្ស័យ​លួច​រថយន្ត​របស់​ជនរងគ្រោះ​នៅ​វេលា​ម៉ោង ២ និង ២៥ នាទី​យប់​រំលង​អធ្រាត្រ​ឈាន​ចូល​ថ្ងៃ​ទី ៥ ខែ​មករា ឆ្នាំ ២០២៦។ ក្នុង​នោះ​ដែរ សមត្ថកិច្ច ក៏បាន​ចុះ​សហការ​ជាមួយ​ស្នងការដ្ឋាន​នគរបាល​ខេត្ត​កំពត ធ្វើការ​ឃាត់ខ្លួន​ជនសង្ស័យ​បាន​ចំនួន ៤ នាក់ រួមមាន ៖ ឈ្មោះ ឈឹម បូរ៉ា ភេទ​ប្រុស អាយុ ៣៧ ឆ្នាំ ជនជាតិខ្មែរ , ឈ្មោះ លី រ៉ាវី ភេទ​ប្រុស អាយុ​ ២៨ ​ឆ្នាំ ជនជាតិ​ខ្មែរ ស្នាក់នៅ​សង្កាត់​ច្រាំង​ចំរេះ​ទី ​១ ខណ្ឌ​ឫស្សីកែវ រាជធានី​ភ្នំពេញ , ឈ្មោះ ពៅ ពេជ្រ ភេទ​ប្រុស អាយុ​ ២៧​ ឆ្នាំ ជនជាតិ​ខ្មែរ ស្នាក់នៅ​ភូមិ​ទ្រា​ ១ សង្កាត់​ស្ទឹងមានជ័យ​ ១ ខណ្ឌ​មានជ័យ រាជធានី​ភ្នំពេញ , ឈ្មោះ ប្រាក់ អុល ភេទ​ប្រុស អាយុ​ ២៣ ​ឆ្នាំ ជនជាតិ​ខ្មែរ ស្នាក់នៅ​ភូមិ​ទ្រា​ ១ សង្កាត់​ស្ទឹង​មាន​ជ័យ​ ១ ខណ្ឌ​មានជ័យ រាជធានី​ភ្នំពេញ។ ដោយឡែក ​វត្ថុតាង​ដកហូត​បាន​រួមមាន ៖ រថយន្ត ១ គ្រឿង ម៉ាក Prius ពណ៌​ខៀវ ស៊េរី​ឆ្នាំ​ ២០០៦ ពាក់​ស្លាក​លេខ ភ្នំពេញ ​2BK-0148។

បច្ចុប្បន្ន ជនសង្ស័យ​ទាំង ៤ នាក់ ព្រមទាំង​វត្ថុតាង ត្រូវ​បាន​ឃាត់ខ្លួន និង​រក្សាទុក ដើម្បី​កសាង​សំណុំរឿង​បញ្ជូន​ទៅ​តុលាការ​ចាត់ការ​តាម​នីតិវិធី។

គួរ​បញ្ជាក់​ថា កាលពី​វេលា​ម៉ោង ៩ និង ៣០ នាទី​យប់ ថ្ងៃ​ទី ៤ ខែ​មករា ឆ្នាំ ២០២៦ ជនរងគ្រោះ​បាន​ទុក​រថយន្ត ១ គ្រឿង ម៉ាក Prius នៅមុខ​ផ្ទះ​លេខ​ ៣៥B ផ្លូវ​លេខ ​២B ក្នុង​បុរី ​លឹម ​ឈាង​ហាក់ ស្ថិត​នៅ​ភូមិ​ម័ល សង្កាត់​ដង្កោ ខណ្ឌ​ដង្កោ រាជធានី​ភ្នំពេញ ដោយ​បាន​ចាក់សោ​ទ្វារ​រថយន្ត​ត្រឹមត្រូវ រួច​ក៏បាន​ចូល​សម្រាក​ក្នុង​ផ្ទះ។ លុះ​រហូត​ដល់​វេលា​ម៉ោង ៤​ និង​ ១៥​ នាទី​ទៀបភ្លឺ​ ឈាន​ចូល​ថ្ងៃ​ទី ៥ ខែ​មករា ឆ្នាំ ​២០២៦ ជនរងគ្រោះ​បាន​ក្រោក​ពី​ដេក​ចេញ​ទៅ​មើល ស្រាប់តែ​បាត់​រថយន្ត​ពី​កន្លែង​ទុក។ ពេលនោះ ​ជនរងគ្រោះ​ក៏​បាន​រាយការណ៍​ប្រាប់​សមត្ថកិច្ច​ប៉ុស្តិ៍​នគរបាល​រដ្ឋបាល​ដង្កោ​ឲ្យ​ជួយ​អន្តរាគមន៍​តែម្ដង៕

អត្ថបទ ៖ រដ្ឋា​

The post នគរបាលដង្កោ ស្រាវជ្រាវ ៦ ម៉ោង តាមចាប់ជនសង្ស័យ ៤ នាក់ ក្រោយលួចរថយន្តពលរដ្ឋទុកនៅខាងមុខផ្ទះ appeared first on Kampuchea Thmey Daily.

ជនរងគ្រោះ​ឈ្មោះ Dao Guilin ភេទ​ស្រី អាយុ ២៧ ឆ្នាំ ជនជាតិ​ចិន បានទៅដាក់ពាក្យ​បណ្តឹង​សមត្ថកិច្ច បន្ទាប់ពីឃើញ​បាត់បង់​ទ្រព្យ​សម្បត្តិ​អស់ជាច្រើន ដោយសារតែហៅជនសង្ស័យចូលមកធើ្វការបានមួយថ្ងៃ។

ក្រោយ​ទទួល​ពាក្យ​បណ្តឹង កម្លាំង​ព្រហ្មទណ្ឌ​កម្រិតស្រាល​នៃ​ស្នងការដ្ឋាន​នគរបាល​រាជធានី​ភ្នំពេញ បានបើក​ការ​ស្រាវជ្រាវ​រហូតដល់វេលាម៉ោង ៥:២០ នាទីល្ងាច ​ថ្ងៃទី ២៥ ខែវិច្ឆិកា ឆ្នាំ ២០២៥។ សមត្ថកិច្ច​បានកំណត់​មុខសញ្ញា និងឃាត់ខ្លួន​ជនសង្ស័យ នៅបន្ទប់ជួលមួយកន្លែង ក្នុងសង្កាត់​ជ្រោយចង្វារ ខណ្ឌ​ជ្រោយចង្វារ។ ក្រៅពីនេះក៏បានឃាត់ខ្លួន​បុរស​ម្នាក់​ទៀត ដែលជាអ្នក​ទទួល​ផល​ចោរកម្មនៅក្នុងករណីនេះផងដែរយកមកស្នងការនរគបាលរាជធានីភ្នំពេញ។

ជនសង្ស័យ​ជា​ស្ត្រីឈ្មោះ ឡូស អៃស៊ះ អាយុ ៣៨ ឆ្នាំ ជនជាតិ​ខ្មែរ ត្រូវបាន​ជនរងគ្រោះ​អាណិត​ហៅ​មក​ធ្វើការ ជា​មេផ្ទះ បានតែ​មួយ​ថ្ងៃ ប៉ុន្តែ​ស្រាប់តែ​បង្ក​សកម្មភាព​លួច​ទ្រព្យ​សម្បត្តិ​របស់​ម្ចាស់ផ្ទះ ដែល​មាន​តម្លៃ​ប្រមាណ ៧ម៉ឺន​ដុល្លារ ​រត់​គេចខ្លួន។

បន្ទាប់ពី​រង្វង់​ប្រតិបត្តិការ​ជោគជ័យ ជនសង្ស័យទាំងអស់ ​ត្រូវ​បាន​បញ្ជូន​ទៅ​ការិយាល័យ​ព្រហ្មទណ្ឌ​កម្រិត​ស្រាល នៃ​ស្នងការដ្ឋាន​នគរបាល​រាជធានី​ភ្នំពេញ ធើ្វការសួរនាំ ដើម្បី​ចាត់ការតាម​និតិវិធី​ច្បាប់៕

អត្ថបទ ៖ សំណាង

The post ម្ចាស់ផ្ទះអាណិតហៅមកធ្វើការជាមេផ្ទះបានមួយថ្ងៃ លួចទ្រព្យសម្បត្តិជិត ៧ ម៉ឺនដុល្លារ appeared first on Kampuchea Thmey Daily.