សន្តិសុខសង្គម

ម្ចាស់ផ្ទះអាណិតហៅមកធ្វើការជាមេផ្ទះបានមួយថ្ងៃ លួចទ្រព្យសម្បត្តិជិត ៧ ម៉ឺនដុល្លារ

បានផុស

៧ ខែ មុន

នៅ

ថ្ងៃព្រហស្បតិ៍ ២៧ វិច្ឆិកា ២០២៥

ដោយ

ស្ត្រីម្នាក់ ត្រូវសមត្ថកិច្ចកម្លាំងព្រហ្មទណ្ឌធើ្វការស្រាវជ្រាវឃាត់ខ្លួន ពាក់ព័ន្ធករណីលួចទ្រព្យសម្បត្តិមានតម្លៃជិត៧ម៉ឺនដុល្លារ កាលពីវេលាម៉ោង ២១:០០ នាទី ថ្ងៃទី ១៦ ខែវិច្ឆិកា ឆ្នាំ ២០២៥ នៅផ្ទះលេខ១៩ ផ្លូវ១១ ភូមិស្វាយតាអុក សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះឈ្មោះ Dao Guilin ភេទស្រី អាយុ ២៧ ឆ្នាំ ជនជាតិចិន បានទៅដាក់ពាក្យបណ្តឹងសមត្ថកិច្ច បន្ទាប់ពីឃើញបាត់បង់ទ្រព្យសម្បត្តិអស់ជាច្រើន ដោយសារតែហៅជនសង្ស័យចូលមកធើ្វការបានមួយថ្ងៃ។

ក្រោយទទួលពាក្យបណ្តឹង កម្លាំងព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញ បានបើកការស្រាវជ្រាវរហូតដល់វេលាម៉ោង ៥:២០ នាទីល្ងាច ថ្ងៃទី ២៥ ខែវិច្ឆិកា ឆ្នាំ ២០២៥។ សមត្ថកិច្ចបានកំណត់មុខសញ្ញា និងឃាត់ខ្លួនជនសង្ស័យ នៅបន្ទប់ជួលមួយកន្លែង ក្នុងសង្កាត់ជ្រោយចង្វារ ខណ្ឌជ្រោយចង្វារ។ ក្រៅពីនេះក៏បានឃាត់ខ្លួនបុរសម្នាក់ទៀត ដែលជាអ្នកទទួលផលចោរកម្មនៅក្នុងករណីនេះផងដែរយកមកស្នងការនរគបាលរាជធានីភ្នំពេញ។

ជនសង្ស័យជាស្ត្រីឈ្មោះ ឡូស អៃស៊ះ អាយុ ៣៨ ឆ្នាំ ជនជាតិខ្មែរ ត្រូវបានជនរងគ្រោះអាណិតហៅមកធ្វើការ ជាមេផ្ទះ បានតែមួយថ្ងៃ ប៉ុន្តែស្រាប់តែបង្កសកម្មភាពលួចទ្រព្យសម្បត្តិរបស់ម្ចាស់ផ្ទះ ដែលមានតម្លៃប្រមាណ ៧ម៉ឺនដុល្លារ រត់គេចខ្លួន។

បន្ទាប់ពីរង្វង់ប្រតិបត្តិការជោគជ័យ ជនសង្ស័យទាំងអស់ ត្រូវបានបញ្ជូនទៅការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ធើ្វការសួរនាំ ដើម្បីចាត់ការតាមនិតិវិធីច្បាប់៕

អត្ថបទ ៖ សំណាង