សន្តិសុខសង្គម

ជនបរទេសម្នាក់ ទៅម៉ាស្សានៅទីតាំង ១ កន្លែង ត្រូវនារីម៉ាស្សាបន្លំលួចលុយ ១ ពាន់ដុល្លារ

បានផុស

៥ ខែ មុន

នៅ

ថ្ងៃអង្គារ ១០ កុម្ភៈ ២០២៦

ដោយ

បុរសជាជនជាតិបរទេសម្នាក់ ចូលទៅម៉ាស្សានៅទីតាំង ១ កន្លែង ត្រូវបានក្រុមនារីម៉ាស្សាលួចបន្លំលុយពិត រួចប្ដូរដាក់លុយក្លែងក្លាយមកវិញ ចំនួនប្រមាណ ១ ពាន់ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ១០ និង ៣០ នាទីយប់ ថ្ងៃទី ៩ ខែកុម្ភៈ ឆ្នាំ ២០២៦ ស្ថិតនៅតាមបណ្ដោយផ្លូវព្រះស៊ីសុវត្ថិ សង្កាត់ជ័យជំនះ ខណ្ឌដូនពេញ រាជធានីភ្នំពេញ។

បុរសរងគ្រោះជាជនបរទេស បានឲ្យដឹងថា នៅមុនពេលកើតហេតុ រូបគាត់បានចូលម៉ាស្សានៅទីតាំង ១ កន្លែង យីហោ (ម៉ាស្សា ម៉ាស្សា) ដើម្បីឲ្យស្រួលខ្លួន។ ក្រោយពីម៉ាស្សារួច គាត់ក៏បានរាប់លុយទៅឲ្យនារីម៉ាស្សាខាងលើ ស្រាប់តែស្រឡាំងកាំង ឃើញសុទ្ធតែលុយក្លែងក្លាយ(លុយសែន) ខណៈលុយរបស់គាត់បានបាត់ចំនួន ១ ពាន់ដុល្លារ។ ក្នុងនោះដែរ នារីជាអ្នកម៉ាស្សា និងបក្ខពួក បានបន្លំយកលុយរបស់គាត់ទៅបាត់ រួចបិទទ្វារហាងរត់គេចខ្លួនបាត់ស្រមោលតែម្ដង។

ក្រោយកើតហេតុសមត្ថកិច្ចមូលដ្ឋានចុះមកដល់ក៏បាននាំខ្លួនជនបរទេសខាងលើទៅប៉ុស្តិ៍នគរបាលសង្កាត់ជ័យជំនះ ដើម្បីទទួលពាក្យបណ្ដឹង និងធ្វើការស្រាវជ្រាវតាមចាប់ខ្លួនក្រុមនារីក្នុងកន្លែងម៉ាស្សា ព្រមទាំងបក្ខពួក យកមកចាត់ការតាមនីតិវិធីច្បាប់៕

អត្ថបទ ៖ សុខា