លោក Viktor Orban ដែលបានគ្រប់គ្រងប្រទេសហុងគ្រីអស់រយៈពេល ១៦ឆ្នាំ បានទទួលស្គាល់ការបរាជ័យ ​ក្រោយ​​​ប្រជាប្រិយភាព​​របស់ លោក Peter Magyar ដែលគាំទ្រអឺរ៉ុប ដែលបានឈ្នះសំឡេងភាគច្រើនលើសលប់នៅក្នុងការបោះឆ្នោត។

​យោង​តាម ​AFP ការចាញ់របស់លោក Orban បានដកហូតលោក Putin របស់រុស្ស៊ីពីការ​​​​ដឹង​​ព័ត៌មាន​ផ្ទៃក្នុងរបស់​​​​អ៊ីរ៉ុប​ដែល​លោក​ពូទីន បាន​ទទួល​​តាមរយៈការ​​​ផ្តល់​​​​​ព័ត៌មាន​​ពីសំណាក់​សម្ព័ន្ធមិត្ត​របស់​លោក។

​ក្នុងសា​រ​បែក​ធ្លាយ​​ចុង​ក្រោយ​ក្នុង​​​ការ​សន្ទនា​​រវាង​រដ្ឋមន្ត្រី​ការ​បរទេសហុងគ្រី ​លោក Peter Szijjarto និង​រដ្ឋមន្ត្រី​ការ​បរទេស​​រុស្ស៊ី លោក Sergei Lavrov ភាគី​ហុង​គ្រី​​ដោយ​រួម​ដៃ​ជាមួយ​​ភាគី​ស្លូវ៉ាគី​ សន្យា​​ធ្វើជា​ឧបសគ្គ​​ក្នុង​​​​រារាំង​​​ កញ្ចប់​ថវិកា​​​ប្រមាណ​​៩០​ពាន់​លាន​​​​អឺរ៉ូ​​ដល់​ប្រទេសអ៊ុយក្រែន​។

​នៅ​មុន​កា​របោះឆ្នោ​ត និង​ចុងបញ្ចប់​នៃ​យុទ្ធនាការ​បោះឆ្នោត​កាល​ពីថ្ងៃសុក្រ ប្រធានាធិបតីអាមេរិក ដូណាល់ ត្រាំ បានធ្វើអន្តរាគមន៍នៅចុងយុទ្ធនាការបោះឆ្នោតដ៏ជូរចត់ក្នុងប្រទេសហុងគ្រី ដោយ​មើល​ឃើញ​នូវ​ការ​ធ្លាក់​ចុះ​ប្រជា​ប្រិយភាព​​ទៅ​ភាគី​​​ប្រជែង​របស់​ នាយករដ្ឋមន្ត្រី លោក Viktor Orban ​ទៅ​កាន់​គូប្រជែង​ដែល​គាំទ្រអឺរ៉ុប ដែល​ស្តែង​ឲ្យ​ឃើញ​នៅក្នុងការស្ទង់មតិ។ នេះបើយោងតាមសារព័ត៌មាន france24.។

​ក្នុងការ​អន្តរាគមន៍​ពេលនោះដោយ​មានការ​បញ្ជូន​​រដ្ឋមន្ត្រី​ការបរទេសអាមេរិក​ លោក Marco Robio ទៅ​ផង លោកត្រាំ បានសន្យាថា នឹងនាំយក «អំណាចសេដ្ឋកិច្ច» របស់សហរដ្ឋអាមេរិកមកកាន់ប្រទេសហុងគ្រី ប្រសិនបើគណបក្សរបស់លោក Orban ទទួលបានជ័យជម្នះលើគូប្រជែងសំខាន់របស់គាត់ គឺលោក Peter Magyar ក្នុងការបោះឆ្នោតនៅថ្ងៃអាទិត្យ។

លោក ត្រាំ បាន​សរសេរនៅលើប្រព័ន្ធផ្សព្វផ្សាយសង្គមថា «យើងរំភើបក្នុងការវិនិយោគលើវិបុលភាពនាពេលអនាគត ដែលនឹងត្រូវបានបង្កើតឡើងដោយការដឹកនាំជាបន្តបន្ទាប់របស់លោក Orban»។

​ប៉ុន្តែ​​ នៅ​ទីបំផុត​ ​យោងតាមលទ្ធផលផ្លូវការ បានឲ្យដឹងថា ជាមួយនឹងការរាប់សន្លឹកឆ្នោតចំនួន ៩៧,៣៥ ភាគរយ គណបក្សកណ្តាល-ស្តាំរបស់ លោក Peter Magyar បានទទួលបាន ១៣៨ អាសនៈក្នុងចំណោម ១៩៩ អាសនៈនៃសភា ដោយទទួលបានសំឡេងគាំទ្រ ៥៣,៦ ភាគរយ ខណៈដែលគណបក្សជាតិនិយមរបស់លោក Orban ទទួលបានត្រឹមតែ ៥៥ អាសនៈប៉ុណ្ណោះ ដោយទទួលបានសំឡេងគាំទ្រ ៣៧,៨ ភាគរយ។

លោក Orban ដែលបានដឹកនាំប្រទេសហុងគ្រីអស់រយៈពេល ១៦ ឆ្នាំ និងជិតស្និទ្ធនឹងលោកត្រាំ និងប្រធានាធិបតីរុស្ស៊ី លោកពូទីន ប្រឈមមុខនឹងបញ្ហាប្រឈមដែលមិនធ្លាប់មានពីមុនមក ជា​ពិសេស​ក្នុង​​ការ​​ដែល​​ព្យាយាម​រារាំង​​​លទ្ធភាព​ទទួល​បាន​​​កញ្ចប់សាច់ប្រាក់​ពី​​​អឺរ៉ុប​របស់​អ៊ុយក្រែន។ ​

ដោយឡែក លោក Orban ​​បាន​ទទួលស្គាល់​ការ​ចាញ់ឆ្នោត និង បានហៅ​ទូរស័ព្ទអបអរសាទរ​ លោក លោក Peter Magyar។ នេះ​បើ​យោង​តាម​ Al Jazeera៕​​

អត្ថបទ៖ សាង ស្រីល័ក្ខ

The post ​លោក ត្រាំ និង លោក ពូទីន បាត់​បង់​សម្ព័ន្ធ​មិត្ត​ដ៏ទុកចិត្ត​​​ពី​​អឺរ៉ុប​ គឺ​ ការ​ចាញ់​ឆ្នោត​របស់​ លោក Orban appeared first on Kampuchea Thmey Daily.

តាមការផ្សាយរបស់ RT នៅថ្ងៃចន្ទទី១៣ខែមេសាឆ្នាំ២០២៦ គណបក្ស Fidesz របស់លោកបានបរាជ័យក្រោមស្នាដៃគណបក្សប្រឆាំង Tisza ដឹកនាំដោយលោក Peter Magyar ក្នុងសំឡេង៣៩%ទល់នឹង៥២%។

ជ័យជម្នះភ្លូកទឹកភ្លូកដីនេះ ធ្វើឲ្យគណបក្ស Tisza ទទួលបានអាសន្នៈ ១៣៨ ក្នុងចំណោម ១៩៩ នៅក្នុងសភាជាតិ ដែលផ្តល់ឲ្យពួកគេនូវអំណាច «សំឡេងភាគច្រើនលើសលប់» ដែលអាចកែប្រែរដ្ឋធម្មនុញ្ញបាន។

លោក Orbán បានចេញមុខទទួលស្គាល់បរាជ័យនៅយប់ថ្ងៃបោះឆ្នោត ដោយលោកបានថ្លែងថា លទ្ធផលនេះគឺជារឿងឈឺចាប់ប៉ុន្តែច្បាស់លាស់។ លោកក៏ផ្ញើសារអបអរសាទរទៅកាន់លោក Péter Magyar ផងដែរ។

សូមជម្រាបថានេះគឺជាការបញ្ចប់យុគសម័យ «លទ្ធិប្រជាធិបតេយ្យអសេរី» ដែលលោក Orbán ខំកសាងអស់រយៈពេល ១៦ ឆ្នាំមកហើយ។

លោក Orbán គឺជាបុគ្គលដែលបង្ហាញជំហរម៉ឺងម៉ាត់គាំទ្ររុស្ស៊ីក្នុងប្រតិបត្តិការយោធានៅអ៊ុយក្រែន។ គោលនយោបាយនេះ ធ្វើឲ្យប្រជាជនខ្លួនមិនពេញចិត្តឡើយ ជាហេតុនាំឲ្យយុវជនហុងគ្រីយ៉ាងច្រើនសន្ធឹកសន្ធាប់បានចេញទៅបោះឆ្នោត ដើម្បីទាមទារការផ្លាស់ប្តូរ និងចង់ឲ្យប្រទេសវិលត្រឡប់ទៅរកគន្លងសហភាពអឺរ៉ុបវិញ។

ម្យ៉ាងប្រជាជនហុងគ្រីជាច្រើន ក៏មានការធុញទ្រាន់នឹងការចោទប្រកាន់ពីអំពើពុករលួយក្នុងរដ្ឋាភិបាល ផងដែរ៕

អត្ថបទ៖ សុខ សុវណ្ណ

The post នាយករដ្ឋមន្ត្រីហុងគ្រី ចាញ់ឆ្នោតធ្ងន់ធ្ងរ បាត់បង់តំណែងធ្លាប់កាន់កាប់ ១៦ឆ្នាំ appeared first on Kampuchea Thmey Daily.

ថ្លែងសុន្ទរកថា ទៅកាន់អ្នកគាំទ្រដែលបានប្រមូលផ្តុំគ្នានៅមាត់ទ្វារអគារសភា នាយករដ្ឋមន្ត្រី​ Orban បានអំពាវនាវឲ្យអ៊ុយក្រែន​បោះបង់ចោលគោលនយោបាយអរិភាព រួមទាំង «ការបិទផ្លូវប្រេង ការជំរិតទារប្រាក់ និងការគំរាមកំហែងដល់ថ្នាក់ដឹកនាំហុងគ្រី» ដោយបញ្ជាក់ថា ទីក្រុង Budapest មិនដកថយដាច់ខាត។ នេះបើយោងតាមសេចក្តីរាយការណ៍ ពី Reuters ។

លោក Orban បានបញ្ជាក់ជាថ្មីថា វិធានការដាក់សម្ពាធទាំងអស់ដែលបានរៀបរាប់ខាងលើពីអ៊ុយក្រែន មិនអាចធ្វើឲ្យហុងគ្រី ដែលជាប្រទេសមានអាយុកាលរាប់ពាន់ឆ្នាំមកហើយ មានអារម្មណ៍ភ័យខ្លាចនោះទេ។

រដ្ឋមន្ត្រីការបរទេស លោក Peter Szijjarto ក៏មានវត្តមាននៅក្នុងការដង្ហែក្បួននោះ ដោយលោកមានប្រសាសន៍ថា សហភាពអឺរ៉ុប (EU) និងទីក្រុងកៀវ មានមហិច្ឆតាចង់ផ្តួលរំលំរដ្ឋាភិបាលរបស់លោក Orban «ពីព្រោះពួកគេចង់ឲ្យប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី បង្កើតរដ្ឋាភិបាលហុងគ្រីដែលគាំទ្រអ៊ុយក្រែន»។

ភាពតានតឹងរវាងទីក្រុង Budapest និងទីក្រុងកៀវបានកើនឡើងក្នុងរយៈពេលប៉ុន្មានខែថ្មីៗនេះ បន្ទាប់ពីអ៊ុយក្រែនបានផ្អាកការផ្គត់ផ្គង់ប្រេងរបស់រុស្ស៊ី​ឆ្លងកាត់​អ៊ុយក្រែន​​ទៅកាន់ប្រទេសហុងគ្រី និងស្លូវ៉ាគី តាមរយៈបំពង់បង្ហូរប្រេងដែល​សាងសង់​ក្នុងសម័យសូវៀត។ ក្រោយ​មកទៀតលោក ហ្សេលេនស្គី បានចេញការគំរាមកំហែងផ្ទាល់ខ្លួនប្រឆាំងនឹងលោក Orban ផ្ទាល់តែម្ដង។

មិនតែប៉ុណ្ណោះ ពីដើមខែមីនា អាជ្ញាធរហុងគ្រីបានរារាំងក្បួនរថយន្តដឹកសាច់ប្រាក់ចំនួន ៤០ លានដុល្លារ និងដុំមាសចំនួន ៩ គីឡូក្រាម ដែលគេជឿថាកំពុងធ្វើដំណើរទៅកាន់ធនាគាររដ្ឋអ៊ុយក្រែន ក៏ជាផ្នែកមួយនៃការស៊ើបអង្កេតអំពីការលាងលុយកខ្វក់។ នោះនាំឲ្យមេដឹកនាំទីក្រុងកៀវមានការខឹងសម្បារ រហូតគំរាមថា «បុគ្គលម្នាក់ដែលរារាំងប្រាក់កម្ចីរបស់សហភាពអឺរ៉ុបដល់អ៊ុយក្រែន សូមបញ្ឈប់! បើមិនដូច្នោះទេ លោកនឹងផ្តល់អាសយដ្ឋានរបស់បុគ្គលនោះទៅយោធាអ៊ុយក្រែន ដើម្បីឲ្យពួកគេ និយាយជាភាសារបស់ពួកគេ»។ កាលណោះ ទាំងលោក Orban និងមេដឹកនាំគណបក្សប្រឆាំង Tisza លោក Peter Magyar បានថ្កោលទោសការគំរាមកំហែងទាំងនេះយ៉ាងខ្លាំង៕

អត្ថបទ៖ សាង ស្រីល័ក្ខ

The post ហុងគ្រីមិនដកថយ​គោល​ជំហរ​​​​​លើ​​កម្ចី​​អឺរ៉ុប​​ដល់​អ៊ុយក្រែន​ដែល​​​ទប់បំពង់​ឧស្ម័ន​​រុស្ស៊ី​​​ appeared first on Kampuchea Thmey Daily.

លោក Orban ត្រូវបានដកស្រង់សម្តីដោយសារព័ត៌មាន RT ដែលនិយាយនៅឯពិធីជួបជុំមួយក្នុងទីក្រុង Kecskemet កាលពីថ្ងៃអាទិត្យទី៧ខែធ្នូឆ្នាំ២០២៥ថា EU បានរៀបចំវិធានការ៤ដំណាក់កាលជាប់គ្នាដូចជាដំបូងត្រូវផ្តាច់ទំនាក់ទំនងការទូតជាមួយរុស្ស៊ីសិន រួចដាក់ទណ្ឌកម្ម ហើយបញ្ចប់កិច្ចសហប្រតិបត្តិការសេដ្ឋកិច្ច និងចុងក្រោយទើបចាប់ផ្តើមផ្ទុះជម្លោះប្រដាប់អាវុធតែម្តង។

លោកបន្តថា វិធានការទាំងនេះមានគោលបំណងធ្វើឲ្យរុស្ស៊ីចុះខ្សោយ និងពង្រឹងកម្លាំង EU ឲ្យត្រៀមខ្លួនបានកាន់តែល្អ ទើបធ្វើសង្គ្រាមនៅក្នុងឆ្នាំ២០៣០។

យ៉ាងណា លោក Orban បានបញ្ជាក់យ៉ាងច្បាស់អំពីជំហរប្រឆាំងសង្គ្រាមរបស់ហុងគ្រី ដោយអះអាងថា ទីក្រុងប៊ុយដាប៉ែស ចង់ឲ្យអឺរ៉ុបនៅឆ្ងាយពីការច្បាំងគ្នា។

នេះមិនមែនជាលើកដំបូងឡើយដែលលោក Orban ព្រមានពីការផ្ទុះសង្គ្រាមរវាង EU ជាមួយរុស្ស៊ី ពោលគឺនាយករដ្ឋមន្ត្រីហុងគ្រីរូបនេះ ធ្លាប់ព្រមានចំៗម្តងរួចមកហើយកាលពីខែឧសភាថា ការទទួលយកទីក្រុងកៀវ ចូលជាសមាជិករបស់ EU គឺមានតែធ្វើឲ្យជម្លោះរុស្ស៊ី-អ៊ុយក្រែនកាន់តែអូសបន្លាយពេលប៉ុណ្ណោះ ហើយអ្វីដែលកាន់តែធ្ងន់ធ្ងរនោះគឺថា វានឹងបង្កហានិភ័យអូសទាញប្លុកនេះ ឲ្យធ្លាក់ចូលទៅក្នុងភ្លើងសង្គ្រាមដែរ ជាក់ជាមិនខាន។

កាលនោះ លោកបានប្រាប់ទៅសន្និសីទប្រធានសភា EU ក្នុងទីក្រុងប៊ុយដាប៉ែស ថា៖ «ហុងគ្រីសូមប្រឆាំងយ៉ាងដាច់អហង្ការចំពោះសមាជិកភាពរបស់អ៊ុយក្រែនក្នុង EU។  ក្នុងនាមជាអ្នកជិតខាងអ៊ុយក្រែន យើងជឿថា បើអ៊ុយក្រែនចូល EU បានមែន នោះមានន័យស្មើនឹងសង្គ្រាមហើយ។ យល់ល្អ EU កុំទទួលយកប្រទេសដែលកំពុងមានសង្គ្រាមអី»។ 

សូមជម្រាបថា EU តែងយកការគំរាមពីរុស្ស៊ី ធ្វើជាលេសដើម្បីបង្ហាញថា ការបង្កើនថ្លៃចំណាយយោធាយ៉ាងច្រើនសន្ធឹកសន្ធាប់ គឺជារឿងសមហេតុផល។ យ៉ាងណា ប្រធានាធិបតីរុស្ស៊ី វ្ល៉ាឌីមៀរ ពូទីន បញ្ជាក់ថា ទីក្រុងមូស្គូ គ្មានផែនការប្រយុទ្ធ ជាមួយ EU ឬ NATO នោះទេ ប៉ុន្តែគំរាមឆ្លើយតប ប្រសិនបើបណ្តាប្រទេសលោកខាងលិចចាប់ផ្តើមសង្រ្គាមប្រឆាំងរុស្ស៊ី៕

អត្ថបទ៖ សុខ សុវណ្ណ

The post ហុងគ្រី ព្រមានពីការផ្ទុះសង្គ្រាមអឺរ៉ុប-រុស្ស៊ី នៅឆ្នាំ​២០៣០ appeared first on Kampuchea Thmey Daily.

លោកព្រមានបែបនេះនៅក្នុងសារបង្ហោះលើបណ្តាញសង្គម X កាលពីថ្ងៃសៅរ៍ទី២៨ខែមិថុនា ដោយសរសេរថា «សមាជិកភាពណាតូរបស់អ៊ុយក្រែន គឺមានន័យស្មើនឹងសង្គ្រាមជាមួយរុស្ស៊ី និងសង្គ្រាមលោកលើកទី៣នៅថ្ងៃស្អែក។ ការទទួលស្គាល់អ៊ុយក្រែនទាំងប្រញាប់ប្រញាល់ដោយមិនប្រុងប្រយ័ត្នរបស់សហភាពអឺរ៉ុប នឹងទាញខ្សែត្រៀមជួរមុខចូលទៅក្នុងបេះដូងនៃអឺរ៉ុប»។

ការព្រមានរបស់លោក Orban កើតឡើងមួយថ្ងៃប៉ុណ្ណោះបន្ទាប់ពីនាយករដ្ឋមន្ត្រីរូបនេះ ផ្តល់បទសម្ភាសជាមួយកាសែតហុងគ្រី ដោយអះអាងថា សមាជិកភាពអ៊ុយក្រែន ក្នុង EU នឹងបំផ្លាញប្លុកនេះទាំងមូល រួមទាំងសេដ្ឋកិច្ចរបស់ប្រទេសហុងគ្រីផងដែរ។

សូមជម្រាបថា ហុងគ្រីមិនមែនជាអ្នកគាំទ្រអ៊ុយក្រែនទេ ពោលគឺប្រទេសនេះតែងជំទាស់គោលនយោ​បាយរបស់អង្គការណាតូចំពោះជម្លោះរវាងទីក្រុងកៀវនិងមូស្គូ។ ម្យ៉ាង ទីក្រុងប៊ុយដាប៉ែស ក៏ប្រឆាំងយ៉ា​ងដាច់អហង្ការចំពោះការផ្តល់ជំនួយជាសព្វាវុធដល់អ៊ុយក្រែននិងការដាក់ទណ្ឌកម្មលើរុស្ស៊ីផងដែរ។ 

ពាក់ព័ន្ធរឿងអ៊ុយក្រែនចូលរួមក្នុងអង្គការណាតូនេះ រុស្ស៊ី ធ្លាប់ព្រមានរួចមកហើយថា ខ្លួននៅតែមិនអាចទទួលយកបានចំពោះសមាជិកភាពណាតូរបស់ទីក្រុងកៀវ ហើយទ្វីបអឺរ៉ុប នឹងកើតមហន្តរាយ បើរឿងនេះកើតឡើងមែន។  

អ្នកនាំពាក្រសួងការបរទេសរុស្ស៊ីលោកស្រី Maria Zakharova លើកឡើងថា ទីក្រុងមូស្គូ មិនអាចទទួលយកសមាជិកភាពណាតូរបស់អ៊ុយក្រែនបានឡើយ ព្រោះវានឹងបង្កការគំរាមកំហែងយ៉ាងធ្ងន់ធ្ងរ ដល់សន្តិសុខរបស់រុស្ស៊ី ហើយអាចបង្កឲ្យមានផលវិបាកដ៏មហន្តរាយសម្រាប់ទ្វីបអឺរ៉ុបទាំងមូល។

លោកស្រីបន្ថែមថា អ៊ុយក្រែនគួរតែបំភ្លេចសន្យាអំឡុងកិច្ចប្រជុំកំពូលណាតូនៅទីក្រុងប៊ុយការ៉េស នៃប្រទេសរ៉ូម៉ានី ក្នុងឆ្នាំ២០០៨ទៅ ដែលកាលនោះទីក្រុង កៀវ ត្រូវគេសន្យាឲ្យខ្លួនចូលក្នុងសម្ព័ន្ធភាពយោធាដឹកនាំដោយអាមេរិកមួយនេះ៕

អត្ថបទ៖ សុខ សុវណ្ណ

ចុចអាន៖ អ្នកវិភាគអន្តរជាតិបារម្ភថា ការលូកដៃកាន់តែជ្រៅរបស់អាល្លឺម៉ង់ អាចបញ្ឆេះសង្គ្រាមលោកលើកទី៣ 

The post ហុងគ្រីព្រមានថា ថ្ងៃណាអ៊ុយក្រែនបានចូល​ណាតូ ​ស្អែក​ឡើងច្បាស់ជាកើតសង្គ្រាមលោកលើកទី៣ appeared first on Kampuchea Thmey Daily.

​នាយក​រដ្ឋមន្ត្រី​ ហុង គ្រី ​លោក Viktor Orban ដែល​បាន​កាន់​អំណាច​​​​១៥​ឆ្នាំ​នៅ​ប្រទេស​ហុង​គ្រី​ចាប់​តាំងពីឆ្នាំ​២០១០នោះ បាន​​​អត្ថាធិប្បាយ​​ឆ្លើយតបទៅនឹងសេចក្តីថ្លែងការណ៍របស់​ប្រធានគោលនយោបាយការបរទេសរបស់សហភាពអឺរ៉ុបលោកស្រី​​ Kaja Kallas ​​​បង្ហាញ​​ការ​រួប​រួម​គ្នា​​គាំទ្រ​អ៊ុយក្រែន និង​​​ចាត់ទុក​ថាការ​ចរចា​សន្តិភាព​​អ៊ុយក្រែន​​មិនអាច​អត់វត្តមាន​អ៊ុយក្រែននិង​អឺរ៉ុប​នោះទេ។​

ពិភាក្សាតាមទូរស័ព្ទរវាងប្រធានាធិបតីរុស្ស៊ីលោក វ្ល៉ាឌីមៀរ ពូទីន និងប្រធានាធិបតីសហរដ្ឋអាមេរិក លោក ដូណាល់ ត្រាំ ​​កាល​ពីថ្ងៃ​ពុធ​ទី​​១២​ខែ​កុម្ភៈ បាន​ធ្វើ​ឲ្យ​អឺរ៉ុប​​ក៏ដូចជា​អ៊ុយក្រែន​ស្រឡាំង​កាំង​ជាខ្លាំង ពីព្រោះថា​ ការ​ជជែក​ទ្វេភាគី​​​​រវាង​មហា​អំណាច​ទាំងពីរ​​​​ដោយ​ពិភាក្សា​លើ​បញ្ហា​អ៊ុយក្រែន ដោយ​មិនបាន​រួមបញ្ចូល​អ៊ុយក្រែន​នោះទេ។ ​

​​​​ដោយ​បាន​ចេញ​សេចក្តីថ្លែងការណ៍ក្នុង​នាមសហភាពអឺរ៉ុប ក៏ដូចជា ប្រទេសបារាំង អាល្លឺម៉ង់ ប៉ូឡូញ អ៊ីតាលី អេស្ប៉ាញ និងចក្រភពអង់គ្លេសផងនោះ ​លោកស្រី​​ Kaja Kallas ដែល​​ជា​អនុប្រធាន​គណៈកម្មការ​អឺរ៉ុប​ផងនោះ បានទទូចថា អឺរ៉ុប និងអ៊ុយក្រែនគួរតែត្រូវបានរួមបញ្ចូលនៅក្នុងការចរចាណាមួយដើម្បីដោះស្រាយជម្លោះ។

នាយករដ្ឋមន្ត្រីហុងគ្រី លោក ​Viktor Orban ​បាន​ថ្លែងថា៖«សេចក្តីប្រកាសនេះគឺជាសក្ខីភាពដ៏ក្រៀមក្រំមួយនៃភាពជាអ្នកដឹកនាំនៅទីក្រុងប្រ៊ុចសែលដ៏អាក្រក់។ ខណៈពេលដែលប្រធានាធិបតី ដូណាល់ ត្រាំ និងប្រធានាធិបតី ពូទីន​ ចរចាសន្តិភាព មន្ត្រីសហភាពអឺរ៉ុបបានចេញសេចក្តីថ្លែងការណ៍ដែលគ្មានតម្លៃ។ អ្នកមិនអាចស្នើសុំកៅអីនៅតុចរចាបានទេ។ អ្នកត្រូវតែរកបានវា តាមរយៈកម្លាំង ភាពជាអ្នកដឹកនាំល្អ និងការទូតដ៏ឆ្លាតវៃ។ ជំហររបស់ទីក្រុងប្រ៊ុចសែល ក្នុង​ការ​គាំទ្រការសម្លាប់ដរាបណាខ្លួន​ត្រូវការ នោះ​គឺគ្មានសីលធម៌ និងនយោបាយ។»​

ចាប់​តាំង​ពី​ដឹង​ថា លោក ដូណាល់ ត្រាំ ឈ្នះ​ការ​បោះឆ្នោត​នៅសហរដ្ឋអាមេរិក នាយករដ្ឋមន្ត្រី​ ហុងគ្រី បាន​ចេញសារ​អប​អរសាទរ​ និងបាន​បង្ហាញ​ជំហរ​វាយប្រហារ​​សហភាព​អឺរ៉ុប ដែល​ប្រទេសហុងគ្រី​ជាសមាជិក​សហភាពអឺរ៉ុបផង និង​ជាសមាជិក​អង្គការ​ណាតូផង។

ក្នុងចំណោម​ប្រទេសសមាជិក​ទាំង​​៣០​​ពេលដែល​ស៊ុយអែត​និង​ហ្វាំងឡង់​​ដាក់​ពាក្យ​ចូលជាស​មាជិកអង្គការ​ណាតូ ព្រោះ​តែ​ភ័យខ្លាច​ការ​ឈ្លានពាន​​ពីសំណាក់​រុស្ស៊ីដូចករណីអ៊ុយក្រែន គឺ​នាយករដ្ឋមន្ត្រី​ហុងគ្រី លោក Viktor Orban ជាអ្នក​ជំទាស់​ខ្លាំង​បំផុត​និង​យូរបំផុត​សម្រាប់​ការអនុម័ត​​​សមាជិកភាព​របស់​ស៊ុយអែត​៕

ដោយ រ៉ាន់ រើយ​

The post ​​Viktor Orban ដែល​កាន់​អំណាច​១៥ឆ្នាំ​នៅហុងគ្រី​ បរិហារការដឹកនាំអឺរ៉ុប​​​ដែលឈឺ​ជំនួស​អ៊ុយក្រែន​ appeared first on Kampuchea Thmey Daily.

តាមសេចក្តីរាយការណ៍​របស់​ទីភ្នាក់ងារ​ព័ត៌មាន TASS ​នៅ​​​ជាងមួយម៉ោង​នៃការ​ឡើង​កាន់​អំណាច​​ជាថ្មី​របស់​លោក ដូណាល់ ត្រាំ លោក​ពូទីន បាននិយាយថា៖«យើងក៏បើកចំហសម្រាប់ការសន្ទនាជាមួយរដ្ឋបាលថ្មីរបស់សហរដ្ឋអាមេរិកអំពីជម្លោះអ៊ុយក្រែន។ អ្វីដែលសំខាន់បំផុតនោះគឺការលុបបំបាត់មូលហេតុឫសគល់នៃវិបត្តិ ដែលយើងបាននិយាយជាច្រើនដងមកហើយ។ នេះជារឿងចាំបាច់បំផុត»​។ .

យោងតាមលោក ពូទីន ទីក្រុងមូស្គូបានកត់សម្គាល់សេចក្តីថ្លែងការណ៍របស់ ដូណាល់ ត្រាំ និងក្រុមរបស់គាត់អំពីបំណងប្រាថ្នាដើម្បីស្តារទំនាក់ទំនងឡើងវិញនិងតម្រូវការក្នុងការខិតខំប្រឹងប្រែងដើម្បីបញ្ចៀសសង្គ្រាមលោកលើកទី៣​។

លោក ដូណាល់ ត្រាំ ​បានថ្លែង​យ៉ាងល្បី​បំផុត​​​ក្នុងអំឡុង​ពេល​នៃ​យុទ្ធនាការ​រកការគាំទ្រ​​សម្រាប់​ការបោះឆ្នោត​កាល​មុន​ខែវច្ឆិកា​ថា ប្រសិនបើគាត់ឈ្នះការបោះឆ្នោត គាត់នឹងដោះស្រាយជម្លោះអ៊ុយក្រែនក្នុងរយៈពេល២៤​ម៉ោង។ ប្រធានាធិបតី ត្រាំ ដែល​កាន់​អំណាច​ចាប់​ពីថ្ងៃទី​​២០ខែ​មករានេះ បានរំលឹកឡើងវិញ​​​នូវ​ការ​ដឹកនាំ​​បញ្ចប់ជម្លោះនៅអ៊ុយក្រែន បញ្ឈប់ភាពចលាចលនៅមជ្ឈិមបូព៌ា និងទប់ស្កាត់សង្គ្រាមលោកលើកទី៣​។​

​ងាក​ទៅកាន់​​​អឺរ៉ុប​ខាងកើត​វិញ ​នៅ​មុនប៉ុន្មានម៉ោង​នៃការឡើង​កាន់​អំណាច​របស់​ដូណាល់ ត្រាំ នាយករដ្ឋមន្ត្រី​​ហុងគ្រី លោក Viktor Orban ដែល​គេ​ដឹងថា មាន​​ភាព​ស្និទ្ធ​ទៅនឹងលោក​ពូទីន បាន​និយាយ​ខ្លាំង​​បរិហា​​រ​សហភាពអឺរ៉ុប​​​ដែល​មានទីស្នាក់​នៅទីក្រុងប្រ៊ុចសែល​ថា ​បាន​ដាក់​នឹមត្រួតត្រា​លើ​ប្រទេសនៅអឺរ៉ុប​​ឲ្យ​គាំទ្រ​អ៊ុយក្រែន​​ក្នុងជម្លោះតតាំង​ជាមួយមហា​អំណាច​រុស្ស៊ី។

​នាយករដ្ឋមន្ត្រីហុងគ្រី និយាយថា៖​«ត្រឹមតែ​ប៉ុន្មានម៉ោង ព្រះអាទិត្យ​​នឹងរះ​​ពីទិសផ្សេង​ក្នុង​ប្រ៊ុចសែល»៕​

ដោយ រ៉ាន់ រើយ​

The post ​ពូទីន ប្រកាសចំហ​​​ចរចា​ជាមួយ​រដ្ឋបាល​ដូណាល់ ត្រាំ ខណៈហុងគ្រីបរិហារ​អឺរ៉ុប​​ appeared first on Kampuchea Thmey Daily.

ក្នុងសារបង្ហោះលើបណ្តាញសង្គម X លោក Orban សរសេរថា « នៅចុងអាណត្តិជាប្រធានសហភាពអឺរ៉ុបរបស់ហុងគ្រី យើងបានខិតខំប្រឹងប្រែងខ្លាំងណាស់ដើម្បីសន្តិភាព។ យើងបានស្នើឲ្យមានបទឈប់បាញ់នៅថ្ងៃបុណ្យណូអែល និងការដោះដូរអ្នកទោសទ្រង់ទ្រាយធំ ប៉ុន្តែគួរឲ្យស្ដាយ​ដែលលោក Zelensky មិនព្រម ហើយ​ច្រាន​ចោល​រឿង​នេះថែមទៀត»។

ការលើកឡើងរបស់លោក Orban គឺឆ្លើយតបទៅលោក Zelensky ដែលបង្ហោះសាររិះគន់កិច្ចសន្ទនាតាមទូរស័ព្ទរវាងលោកជាមួយនឹងប្រធានាធិបតីរុស្ស៊ី Vladimir Putin ហើយចំអកថា លោក Orban ប្រហែលជាមិនត្រូវគេហៅឲ្យទៅទីក្រុងមូស្គូ ដើម្បីស្តាប់ការប្រៀនប្រដៅដូចប្រធានាធិបតីស៊ីរី Bashar al Assad ទេមើលទៅ។

ពាក់ព័ន្ធរឿងបទឈប់បាញ់នេះដែរ ក្នុងបទសម្ភាសន៍ជាមួយ Sky News កាលពីថ្ងៃសុក្រទី២៩ខែវិច្ឆិកាឆ្នាំ២០២៤ ប្រមុខដឹកនាំរដ្ឋាភិបាលទីក្រុង កៀវ បានបញ្ជាក់ថា លោកអាចចុះហត្ថលេខាលើបទឈប់បាញ់ជាមួយរុស្ស៊ី ក្នុងករណីអង្គការណាតូ យល់ព្រមការពារទឹកដីអ៊ុយក្រែន ដែលនៅសេសសល់។

នោះជាការផ្លាស់ប្តូរជំហររបស់លោក Zelensky លើបទឈប់បាញ់ ខណៈដើមឡើយលោកតែងអះអាងថា លក្ខខណ្ឌតែម្យ៉ាងគត់ដែលអ៊ុយក្រែន ទទួលយកកិច្ចព្រមព្រៀងនេះ គឺលុះត្រារុស្ស៊ី ដកទ័ពទាំងអស់ចេញពីទឹកដីដែលខ្លួនកាន់កាប់។

អត្ថបទ៖ សុខ សុវណ្ណ

ចុចអាន៖ លោក ហ្សេលេនស្គី ប្តូរជំហរលើបទឈប់បាញ់ជាមួយ រុស្ស៊ី

The post ហុងគ្រី ថា លោក Zelensky មិនព្រមឲ្យមានបទឈប់បាញ់បុណ្យណូអែល appeared first on Kampuchea Thmey Daily.