កម្មវិធីនេះត្រូវបានរៀបចំឡើងក្នុងគោលបំណងលើកស្ទួយសក្តានុពលទេសចរណ៍ វប្បធម៌ និងរបៀបរស់នៅតាមសហគមន៍ ក្នុងភូមិស្រុកនានា ក្នុងន័យលើកតម្កើងតម្លៃប្រពៃណី-វប្បធម៌ ក៏ដូចជាទេសចរណ៍កម្ពុជា។ ជាមួយគ្នានេះ ក៏ជាវេទិកាដ៏សំខាន់សម្រាប់យុវជន សិស្សនិស្សិត និងអ្នកស្រលាញ់ការផលិតមាតិកា ក្នុងការបង្ហាញសមត្ថភាព និងគំនិតច្នៃប្រឌិតរបស់ខ្លួនផងដែរ។ ក្នុងចំណោមនោះ លទ្ធផលជ័យលាភីរួមមាន៖

១. ម្ចាស់ជ័យលាភីចំណាត់ថ្នាក់លេខ១ នៅក្នុងកម្មវិធីប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» មានគណនីហ្វេសប៊ុកឈ្មោះ Hang out with me & Brab Domneong ។

២. ជ័យលាភីចំណាត់ថ្នាក់លេខ២ នៅក្នុងកម្មវិធីប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» គណនីហ្វេសប៊ុកឈ្មោះ Kallyka Rithy ។

៣. ជ័យលាភីចំណាត់ថ្នាក់លេខ៣ នៅក្នុងកម្មវិធីប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» គណនីហ្វេសប៊ុកឈ្មោះ ម៉ុល លីតា ។

៤. ជ័យលាភីចំណាត់ថ្នាក់លេខ៤ នៅក្នុងកម្មវិធីប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» គណនីឈ្មោះ Orn Kimchheang ។

៥. ជ័យលាភីចំណាត់ថ្នាក់លេខ៥ នៅក្នុងកម្មវិធីប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» គណនីឈ្មោះ Kea Diary ។

ជាមួយគ្នានេះ សមាគមសិល្បករខ្មែរ បានសម្តែងការអបអរសាទរយ៉ាងកក់ក្តៅចំពោះម្ចាស់ជ័យលាភីទាំងអស់ ខណៈដែលក៏បានថ្លែងអំណរគុណ និងលើកទឹកចិត្តដល់បេក្ខភាពផ្សេងទៀត ដែលបានចូលរួមប្រកួត ទោះមិនទទួលបានជ័យលាភីក៏ដោយ។ ការចូលរួមយ៉ាងសកម្មរបស់បេក្ខភាពទាំងអស់ ត្រូវបានគេចាត់ទុកថា ជាផ្នែកសំខាន់ក្នុងការផ្សព្វផ្សាយសិល្បៈ វប្បធម៌ និងទំនៀមទម្លាប់ប្រពៃណីខ្មែរ ជាពិសេសបរិយាកាសសង្ក្រាន្តនៅតាមតំបន់នានាទូទាំងប្រទេស៕

The post ជ័យលាភីទាំង៥ ក្នុងការប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» ជំរុញវប្បធម៌ និងទេសចរណ៍កម្ពុជា appeared first on Kampuchea Thmey Daily.

អ្នកជំនាញទី១ គឺអ្នកឧកញ៉ា គួច ម៉េងលី បានលើកឡើងថា ដើម្បីឱ្យអ្នកផលិតវីដេអូ អាចផលិតបានវីដេអូដែលមានការអប់រំបានត្រឹមត្រូវ គឺផ្តើមចេញពីក្រសួង និងស្ថាប័នផ្សេងៗមួយចំនួន។ ក្រសួង និងស្ថាប័ន មានតួនាទីធ្វើ និងដាក់ចេញនូវកម្មវិធីផ្សេងៗសម្រាប់ឱ្យមានដំណើរការល្អ មានគុណភាព។ ភាគីពាក់ព័ន្ធ មិនត្រូវអង្គុយចាំតែធ្វើ និងទទួលតែផលប្រយោជន៍ឡើយ គឺត្រូវចេះមានគំនិតផ្តួចផ្តើម កែច្នៃ ដើម្បីកសាងជាតិ និងពង្រឹងលើវិស័យអប់រំគ្រប់ស្ថាប័នរដ្ឋ និងឯកជនឱ្យបានល្អ ដើម្បីបម្រើដល់ជាតិ និងប្រជាជន។

អ្នកឧកញ៉ា មានប្រសាសន៍ថា៖ “ប្រទេសជាតិត្រូវការអ្នកដឹកនាំតាមសាម៉ីក្រសួង ស្ថាប័ននីមួយៗ ឱ្យដើរ ដើម្បីប្រជាជនមានសេវាកម្មដែលត្រូវមាន”។  លោកសង្កត់ធ្ងន់ថា បញ្ញវន្ត ត្រូវមានភាពក្លាហាន អនុវត្តនូវអ្វីដែលបម្រើដល់សង្គម។ ប្រជាជនគ្រប់រូប ក៏ត្រូវចេះគិតគូរ ខ្វាយខ្វល់ នូវកំហុសឆ្គងដែលកើតមានក្នុងសង្គម កុំរស់នៅដើម្បីតែភាពអាត្មានិយមរបស់ខ្លួន។

ចំណែក លោកបណ្ឌិត ឈត ប៊ុនថង អ្នកជំនាញផ្នែកទស្សនវិជ្ជា និងសីលធម៌សង្គម នៃរាជបណ្ឌិត្យសភាកម្ពុជា យល់ឃើញថា ក្រសួង និងអ្នកផលិត ពិតជាដើរតួនាទីសំខាន់ណាស់ក្នុងបញ្ហានេះ។ លោកបានលើកឡើង ៤ចំណុច ដែលអាចឱ្យយុវជនផលិតវីដេអូអប់រំដែលចំគោលដៅ។

ទី១ ក្រសួង និងស្ថាប័ន មានតួនាទីណែនាំផ្ទាល់ ឬ ធ្វើជាវីដេអូណែនាំពីវិធីសាស្ត្រនៃការបង្កើតវីដេអូអប់រំល្អៗដល់អ្នកផលិត។ ទី២ ក្នុងករណីដែលពួកគេនៅតែបន្ត អជ្ញាធរមានតួនាទីទប់ស្កាត់ ដើម្បីរក្សាអត្តសញ្ញាណជាតិ។ ទី៣ ជម្រើសចុងក្រោយ គឺប្រើប្រាស់បច្ចេកវិទ្យាចាប់ពាក្យគន្លឹះ ឬ រូបភាពមិនសមរម្យ ធ្វើឱ្យប៉ះពាល់ដល់សង្គម រួចប្លុកវីដេអូ នោះចោលតែម្តង ទើបធ្វើកិច្ចសន្យាតាមក្រោយ។ ចំណុចទី៤ គឺយុវជនអ្នកផលិតខ្លួនឯងផ្ទាល់ ត្រូវចេះរៀន និងសង្កេតពីសង្គមឱ្យបានច្រើន រួចពិចារណាដោយខ្លួនឯងថា វីដេអូដែលខ្លួនផលិតនោះ អាចនឹងប៉ះពាល់អ្វីខ្លះដល់សង្គម? នេះបើតាមការបញ្ជាក់ របស់លោកបណ្ឌិត។

លោកបណ្ឌិត ឈត ប៊ុនថង មានប្រសាសន៍ថា៖ “យុវជនយើង គួរតែបង្កើនចំណេះដឹង បង្កើនការអាន ហើយមុននឹងធ្វើអ្វីមួយក៏គួរតែមានចំណេះដឹងដែរ។ បើគ្មានចំណេះដឹងទេ ត្រូវទៅរៀនសិន កុំឱ្យចេះតែធ្វើស្មានៗ”។

មួយរយៈចុងក្រោយនេះ ហាក់មានយុវជនជាច្រើន និយមបង្កើតវីដេអូដោយខ្លួនឯង ធ្វើតាមមាតិកាផ្សេងៗសម្រាប់ការអប់រំ និងកម្សាន្តជាដើម។ ក្នុងនោះក៏មានជាវីដេអូអប់រំមួយចំនួន មិនបានធ្វើឡើងត្រឹមត្រូវតាមការអប់រំរបស់សង្គមឡើយ បែរជាបង្កចលាចលដល់សង្គមទៅវិញ។ ហើយអ្នកដែលផលិតវីដេអូបង្កចលាចលមួយចំនួន ក៏ត្រូវបានក្រសួងធ្វើការណែនាំរួចមកហើយដែរ៕

ដោយ៖ អុន ស្រីមាន

The post អ្នកជំនាញថា យុវជនផលិតវីដេអូអប់រំបានល្អ គឺត្រូវការចូលរួមពីក្រសួង-ស្ថាប័នពាក់ព័ន្ធ និងសាម៉ីខ្លួន appeared first on Kampuchea Thmey Daily.

លោកបណ្ឌិត ឈត ប៊ុនថង អ្នកជំនាញផ្នែកទស្សនវិជ្ជា និងសីលធម៌សង្គម នៃរាជបណ្ឌិត្យសភាកម្ពុជា បានលើកឡើងថា សង្គមខ្មែរមួយរយៈចុងក្រោយនេះ ហាក់សម្បូរទៅដោយអ្នកបង្កើតវីដេអូអប់រំផ្សេងៗ។ ក្នុងចំណោមនោះ ក៏មានវីដេអូអប់រំមួយចំនួនត្រូវទៅនឹងបរិបទសង្គម និងអប់រំប្រាកដមែន។ ឯវីដេអូ មួយចំនួនតូចផលិតឡើងប្រាសចាកពីក្រមសីលធមី និងសុជីវធម៌សង្គម មិនបានជួយអប់រំសង្គមអ្វីឡើយ គឺពួកគេផលិត ដើម្បីតែចង់បានការ Like និង Share ប៉ុណ្ណោះ។

អ្នកជំនាញផ្នែកសីលធម៌សង្គមរូបនេះ មានប្រសាសន៍ថា៖  “ក្រៅពីវីដេអូអប់រំ យើងឃើញមានវីដេអូមិនល្អមួយចំនួន​ ទាក់ទងនឹងភាពស៊ិចស៊ីហួសហេតុ, អាសអាភាស, បង្ហាញពីការស៊ីផឹក ឬ ជក់បារី និងការកាបចាក់គ្នា”។ លោកបណ្ឌិតក៏បានលើកឡើងនូវហេតុផល ៣ចំណុចដែលនាំឱ្យអ្នកផលិតវីដេអូមួយចំនួន បង្កើតមាតិកាទាំងនោះឡើងមក។

ហេតុផលទី១ គឺអ្នកផលិតវីដេអូ បង្កើតឡើងដោយមិនបានដឹងថារឿងដែលបានបង្កើតនោះ ប៉ះពាល់ដល់សង្គមបែបណាឡើយ។ ពោលគឺ ពួកគេបានខ្វល់ពីចំណុច ល្អ ឬ មិនល្អអ្វីឡើយ គឺចេះតែធ្វើតាមចិត្តប៉ុណ្ណោះ។ ទី២គឺ អ្នកបង្កើតវីដេអូ ធ្វើឡើងដើម្បីតែចង់បាន Like និង Share ច្រើនៗប៉ុណ្ណោះ។ ទី៣ អ្នកធ្វើវីដេអូ មិនយល់ និងមិនដឹងពីវិធីដែលផលិតវីដេអូត្រូវតាមស្តង់ដារឡើយ គឺពួកគេបង្កើតឡើងដើម្បីតម្រូវតាមខ្លួនឯងប៉ុណ្ណោះ។

ចំណែក អ្នកជំនាញ១រូបទៀត គឺអ្នកឧកញ៉ា គួច ម៉េងលី ស្ថាបនិកក្រុមហ៊ុន ម៉េងលី ជេ. គួច អេឌ្យូខេសិន បានអះអាងថា កត្តាដែលបណ្តាលឱ្យមានការបង្កើតវីដេអូបែបនេះឡើងមក គឺមកពីកត្តាសង្គម វិស័យអប់រំ និងការគ្រប់គ្រងជាដើម។ អ្នកឧកញ៉ាលើកឡើងថា បច្ចុប្បន្ន សម្បូរដោយគ្រួសារបែកបាក់ នាំឱ្យកូនៗមិនទទួលបានការអប់រំ និងដំបូន្មានពីអាណាព្យាបាល។ រីឯ សង្គមក៏មិនសូវមានការឱបក្រសោប វិស័យអប់រំក៏នៅមិនទាន់មានភាពទូលំទូលាយនៅឡើយចំពោះពលរដ្ឋខ្មែរ។

អ្នកឧកញ៉ា គួច ម៉េងលី ថ្លែងថា៖ ​“ប្រទេសកំពុងអភិវឌ្ឍត្រូវការតម្រង់ទិសខ្លាំងណាស់ បើមិនអីចឹងទេ វាទៅជាអ្វីមួយដែលខុសប្លែក។ រាល់ថ្ងៃប្រជាជនខ្មែរកំពុងដើរខុសប្លែក ដោយសារវិស័យឱបក្រសោមនៅមិនទាន់មាន”។

លោកបានបន្ថែមថា មិនត្រឹមតែយុវជនប៉ុណ្ណោះទេដែលមានបញ្ហា សូម្បីតែអ្នកតាំងខ្លួនជាអ្នកអប់រំ និងមានឥទ្ធិពលក្នុងបណ្តាញសង្គម ក៏នៅមានកំហុសឆ្គងច្រើនចំពោះវីដេអូ ដែលពួកគេបានបង្កើតមកក្នុងន័យអប់រំ។ ទាំងនេះ ក៏ព្រោះតែកត្តាអប់រំពួកគេនៅទាប មិនទាន់មានភាពស៊ីជម្រៅ ទើបធ្វើឱ្យពួកគេមិនចេះពីពិធីសាស្ត្រធ្វើបែបណាទើបក្លាយជាវីដេអូអប់រំមួយដែលចំគោលដៅ៕

ដោយ៖ អុន ស្រីមាន

The post អ្នកជំនាញ២រូប បង្ហាញពីហេតុផលដែលនាំឱ្យយុវជនផលិតវីដេអូប៉ះពាល់ដល់សង្គម appeared first on Kampuchea Thmey Daily.

អ្នកឧកញ៉ា គួច ម៉េងលី បានលើកឡើងថា កម្ពុជា គឺជាប្រទេសកំពុងអភិវឌ្ឍ ដូច្នេះហើយ ធនធានមនុស្សក៏មិនសូវបានល្អប្រសើរ ពោល គឺប្រជាជននៅមិនទាន់មានគំនិតស៊ីជម្រៅ ចេះគិតគូរ និងវែកញ៉ែកបានត្រឹមត្រូវនៅឡើយទេ។ នៅពេលដែលពួកគេបានឃើញវីដេអូដែលបង្ហាញពីគ្រឿងស្រវឹង ការរំលោភបំពាន ជួញដូរផ្លូវភេទ ឬ រូបភាពស្រើបស្រាលផ្សេងៗ មិនបានធ្វើឱ្យពួកគេយល់ថា ជាការអប់រំឡើយ ប៉ុន្តែ បែរជាធ្វើឱ្យពួកគេប្រព្រឹត្តអំពើនោះតាមទៅវិញ។

លោកយល់ថា ចំពោះផលិតករមួយចំនួនដែលមានចំណេះដឹង និងក្រមសីលធម៌ល្អ គឺពួកគេតែងតែបង្កើតវីដេអូណាដែលមានផលប្រយោជន៍ និងអប់រំដល់សង្គមជាតិ។ ប៉ុន្តែ ចំពោះផលិតករមួយចំនួន ដែលមិនសូវមានការយល់ដឹង គ្មានក្រមសីលធម៌នៅក្នុងខ្លួននោះ គឺតែងតែផលិតវីដេអូឡើងមកដើម្បីតែលុយប៉ុណ្ណោះ។ ពួកគេមិនបានខ្វល់ពីតម្លៃអប់រំ និងសារប្រយោជន៍ដល់សង្គមឡើយ។ បុគ្គលទាំងនេះហើយ ដែលធ្វើឱ្យប្រជាជនដែលបានទស្សនារាប់លាននាក់ ប្រព្រឹត្ត និងដើរតាមរឿងអវិជ្ជមានរបស់ពួកគេ សង្គមក៏សម្បួរតែរឿងអវិជ្ជមានតាមនោះផងដែរ។

អ្នកឧកញ៉ាមានប្រសាសន៍ថា៖ “ពួកគេត្រូវយល់ពីកម្រិតចំណេះដឹងរបស់ប្រជាជនខ្មែរ ដើម្បីដឹងថាត្រូវផលិតវីដេអូអប់រំបែបណាទើបបានជាប្រយោជន៍ដល់ពួកគេ ទើបពួកគេមិនទទួលបានគំនិតអប់រំផ្ទុយឬអវិជ្ជមាន”។ លោកក៏បានផ្តាំផ្ញើដល់គ្រឹះស្ថានអប់រំផ្សេងៗ ត្រូវតែបង្ហាត់បង្រៀនសិស្ស និស្សិត នូវក្រមសីលធម៌ វប្បធម៌ប្រពៃណី សុជីវធម៌ ចរិយាមាយាទឱ្យបានច្រើនបំផុត ដើម្បីឱ្យពួកគេមានភាពយល់ដឹងខ្ពស់ កុំផ្តល់តែសញ្ញាបត្រមួយសន្លឺក ប៉ុន្តែគ្មានគុណភាព។ រីឯ ក្រុមគ្រួសារ ដើរតួនាទីសំខាន់ណាស់ក្នុងការអប់រំកូនៗរបស់ខ្លួនប្រកបដោយគន្លងធម៌។ ចុងក្រោយ អ្នកឧកញ៉ា គួច ម៉េងលី ក៏បានផ្ញើសារដល់បុគ្គលគ្រប់រូប ត្រូវប្តេជ្ញាចិត្ត ប្រព្រឹត្តរឿងអ្វីដែលផ្តល់តែប្រយោជន៍ដល់ខ្លួន គ្រួសារ និងសង្គម ចៀសវាងតាមដានវីដេអូណាដែលមិនផ្តល់ជាប្រយោជន៍អ្វីសោះ ដល់សង្គម៕

The post អ្នកឧកញ៉ា គួច ម៉េងលី យល់ថា វីដេអូអប់រំខ្លះ មិនមានប្រយោជន៍ដល់សង្គមឡើយ appeared first on Kampuchea Thmey Daily.

ហេតុការណ៍នេះបានកើតឡើងនៅម៉ោងប្រហែល ២រសៀល (ម៉ោងក្នុងស្រុក) ខណៈពេលឧទ្យាននេះកំពុងមានមនុស្សដើរលេងច្រើន ដោយសារតែជាថ្ងៃឈប់សម្រាករដូវក្តៅរបស់សាលារៀន។

យោងតាមសារព័ត៌មាន ABC News, ឧទ្ធម្ភាគចក្រមួយគ្រឿងក្នុងចំណោមនោះ មានឡូហ្គោ Sea World ហើយអាចចុះចតបាន បន្ទាប់ពីបុកគ្នា។

ទោះបីជាយ៉ាងណាក៏ដោយ មូលហេតុពិតប្រាកដនៃគ្រោះថ្នាក់នេះ មិនទាន់ត្រូវបានគេដឹងនៅឡើយទេ។

ខាងក្រោមនេះ ជាវីដេអូដែលគេថតជាប់ ពេលដែលឧទ្ធម្ភាគចក្រហោះទៅបុកគ្នា៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ឧទ្ធម្ភាគចក្រពីរគ្រឿង បុកគ្នានៅ អូស្រ្តាលី បណ្តាលឲ្យមនុស្សស្លាប់និងរបួសច្រើននាក់

The post វីដេអូ ថតជាប់ ឧទ្ធម្ភាគចក្រ ២គ្រឿងហោះទៅបុកគ្នានៅ អូស្រ្តាលី សម្លាប់មនុស្សច្រើននាក់ appeared first on Kampuchea Thmey Daily.

យ៉ាងណាមិញ ប្រជាជនអ៊ុយក្រែន ​បាន​ថត​វីដេអូ​នៃ​សង្រ្គាម​ដែល​បាន​លាតត្រដាង​នៅ​ចំពោះ​មុខ​​របស់​ពួក​គេ ដោយបង្ហាញមីស៊ីលហោះ​ពី​លើ​ក្បាល ទាហាន​រុស្ស៊ី​លោត​ឆ័ត្រយោង និង​ការ​បំផ្ទុះ​ដ៏បំផ្លិចបំផ្លាញ​ជុំវិញ​ពួកគេ។

ខាងក្រោមនេះ គឺជាបណ្តុំវីដេអូស្តែងៗ នៃការវាយប្រហារដែលបង្កការភ្ញាក់ផ្អើលទូទាំងពិភពលោក កាលពីម្សិលមិញ៖

មីស៊ីលធ្លាក់ជិតអ្នកជិះកង់ក្នុងតំបន់ Cherkassy របស់ប្រទេស​ អ៊ុយក្រែន

រថក្រោះឆេះនៅខាងក្រៅទីក្រុង Kharkivរថក្រោះឆេះនៅខាងក្រៅទីក្រុង Kharkiv

ការវាយប្រហារដោយមីស៊ីលលើឃ្លាំងមួយក្នុងទីក្រុង Odessa

មីស៊ីល វាយប្រហារអាកាសយានដ្ឋាននៅភាគខាងកើត អ៊ុយក្រែន

រថក្រោះរុស្ស៊ីឡោមព័ទ្ធរោងចក្រថាមពលនុយក្លេអ៊ែរ Chernobyl

ឧទ្ធម្ភាគចក្ររុស្ស៊ី កាន់កាប់ព្រលានយន្តហោះ នៅខាងក្រៅទីក្រុង គៀវ

កម្ទេចកម្ទីបាក់បែក​ក្នុងទី​ក្រុង​គៀវ បន្ទាប់​ពីមីស៊ីល បាញ់ចំតំបន់លំនៅឋាន

ភ្លើងឆេះនៅអាកាសយានដ្ឋានអន្តរជាតិ Mariupol

អ្នក​ក្រុង​គៀវ ចូលការពារខ្លួននៅ​ក្រោម​ដី

ការផ្ទុះដ៏ធំនៅទីក្រុង Kharkov

ទាហានប៉ារ៉ារុស្ស៊ី លោតឆ័ត្រយោងចូល អ៊ុយក្រែន

ការ​ផ្ទុះ​ ​វាយប្រហារ​ជិត​ឃ្លាំង​ស្តុក​អាវុធរបស់​កងទ័ព ​អ៊ុយក្រែន

​ផ្សែង​ពណ៌​ទឹកក្រូច​ភ្លឺពេញ​មេឃនៃទីក្រុង Dnipro

ប្រែសម្រួល៖ Vann Vann

ប្រភព៖ Daily Mail

ចុចអាន៖ ប្រធានាធិបតីអ៊ុយក្រែន បញ្ជា កែនទ័ព និងហាមមនុស្សប្រុសអាយុ ១៨ដល់៦០ឆ្នាំ មិនឲ្យចេញពីប្រទេស

The post បណ្តុំវីដេអូស្តែងៗ រុស្ស៊ី បាញ់មីស៊ីលសង្គ្រុប អ៊ុយក្រែន ផ្អើលពិភពលោក ម្សិលមិញ appeared first on Kampuchea Thmey Daily.

ខណៈទាហានរុស្ស៊ីជាង១២៥,០០០នាក់កំពុងឈរជើងនៅជិតព្រំដែនអ៊ុយក្រែន ហើយគ្មានសញ្ញានៃការដកថយនោះ ភាពតានតឹងនៅក្នុងតំបន់ កំពុងបន្តឡើងកម្តៅកាន់តែខ្លាំង។

ប៉ុន្តែទោះបីជាស្ថានភាពយ៉ាប់យ៉ឺន និងមានការគំរាមកំហែងវាយប្រហារពីរុស្ស៊ីក៏ដោយ ក៏ទាហានម្នាក់នេះ បានបង្ហាញឲ្យគេឃើញពីស្មារតីល្អនៅពេលគាត់រាំមុខកាមេរា។

ទាហានម្នាក់នេះ ត្រូវបានគេឃើញពាក់ឈុតបន្លំខ្លួន បិទជិតពីក្បាលដល់ចុងជើង និងមានកាន់កាំភ្លើង AK-47។

យ៉ាងណាក្តី គេមិនដឹងថា វីដេអូរាំរបស់ទាហានរូបនេះ ថតនៅទីតាំងណានោះទេ ប៉ុន្តែគេឃើញគាត់ឈរនៅលើផ្លូវដ៏ធំទូលាយ និងមានព្រិលទឹកកក ដែលហាក់ដូចជាត្រូវបានបង្កើតឡើងដោយរថយន្តយោធា ជាមួយនឹងវាលស្មៅដុះលាតសន្ធឹងពីក្រោយគាត់។

ត្រឹមនៅលើ Twitter, វីដេអូនេះទទួលបានការចូលមើលជាង ៦០,០០០ដងទៅហើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ុយក្រែន អួតថា ពេលនេះមានអាវុធ អាមេរិក ក្នុងដៃរួចជាស្រេច

The post ទាហានអ៊ុយក្រែន រាំធ្វើព្រងើយ ទោះស្ថានភាពជាមួយរុស្ស៊ី កំពុងតានតឹងខ្លាំង appeared first on Kampuchea Thmey Daily.

បុរសឈ្មោះ Artem Ryabchuk បានបាញ់សម្លាប់ទាហានចំនួន៤នាក់ និងស្ត្រីជនស៊ីវិលម្នាក់ នៅរោងចក្រមីស៊ីល Pivdenmash ក្នុងទីក្រុង Dinpro នាពេលព្រឹកព្រលឹម។ កន្លែងកើតហេតុមានចម្ងាយប្រហែល៣០០គីឡូម៉ែត្រពីព្រំដែនរុស្ស៊ី ដែលទាហានរបស់វិមានក្រឹមឡាំងចំនួន១០០,០០០នាក់កំពុងឈរជើង។

ទាហានអាយុ២១ឆ្នាំ បានចាប់ផ្តើមការវាយប្រហារនៅម៉ោង៤និង៣០នាទីព្រឹក ក្នុងអំឡុងពេលចែកអាវុធនៅរោងចក្រ មុនពេលបន្តកាន់កាំភ្លើង AK-47 រត់ចេញទៅ។

វីដេអូដ៏រន្ធត់នេះ បង្ហាញពីខ្មាន់កាំភ្លើងកំពុងលាក់ខ្លួននៅមាត់ទ្វារ មុនពេលបើកការបាញ់ប្រហារលើទាហានដូចគ្នា ក្នុងបន្ទប់ឃ្លាំងអាវុធ មុនពេលលោតរំលងសាកសពដើម្បីទៅយកគ្រាប់បន្ថែមទៀត។

ក្រោយមក ខ្មាន់កាំភ្លើងត្រូវបានចាប់ខ្លួន បន្ទាប់ពីអាជ្ញាធរតាមប្រមាញ់អស់រយៈពេលមួយម៉ោង។

មកទល់ពេលនេះ ក្រុមអ្នកស៊ើបអង្កេតមិនទាន់អាចបញ្ជាក់បានអំពីហេតុផលនៃការវាយប្រហារនេះនៅឡើយទេ ហើយកំពុងពិនិត្យមើលថាតើគាត់ប្រឈមមុខនឹងសម្ពាធផ្លូវចិត្តនៅក្នុងក្រុមរបស់គាត់ដែរឬអត់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ផ្ទុះការវាយប្រហារនៅរោងចក្រមីស៊ីល អ៊ុយក្រែន

The post អ៊ុយក្រែន ទម្លាយវីដេអូបាញ់សម្លាប់មនុស្សស្តែងៗ នៅរោងចក្រមីស៊ីលម្សិលមិញ appeared first on Kampuchea Thmey Daily.