ជ័យលាភីទាំង៥ ក្នុងការប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» ជំរុញវប្បធម៌ និងទេសចរណ៍កម្ពុជា

ថ្មីៗនេះ សមាគមសិល្បករខ្មែរ បានប្រកាសលទ្ធផលជាផ្លូវការ នៃកម្មវិធីប្រកួតផលិតវីដេអូខ្លីក្រោមប្រធានបទ «លេងសង្ក្រាន្ត មកលេងស្រុកខ្ញុំ» ក្នុងឱកាសអបអរសាទរ បុណ្យចូលឆ្នាំថ្មីប្រពៃណីខ្មែរ ឆ្នាំ២០២៦ ដោយមានម្ចាស់ជ័យលាភីចំនួន ៥រូប ។លទ្ធផលនេះ ត្រូវបានប្រកាសនៅថ្ងៃទី១៦ ខែមេសា ឆ្នាំ២០២៦ បន្ទាប់ពីដំណើរការវិនិច្ឆ័យយ៉ាងត្រឹមត្រូវ ខណៈទើបនឹងបើកបង្ហាញស្នាដៃជ័យលាភីទាំង ៥ ជាបន្តបន្ទាប់ពីម្សិលមិញនេះ។

កម្មវិធីនេះត្រូវបានរៀបចំឡើងក្នុងគោលបំណងលើកស្ទួយសក្តានុពលទេសចរណ៍ វប្បធម៌ និងរបៀបរស់នៅតាមសហគមន៍ ក្នុងភូមិស្រុកនានា ក្នុងន័យលើកតម្កើងតម្លៃប្រពៃណី-វប្បធម៌ ក៏ដូចជាទេសចរណ៍កម្ពុជា។ ជាមួយគ្នានេះ ក៏ជាវេទិកាដ៏សំខាន់សម្រាប់យុវជន សិស្សនិស្សិត និងអ្នកស្រលាញ់ការផលិតមាតិកា ក្នុងការបង្ហាញសមត្ថភាព និងគំនិតច្នៃប្រឌិតរបស់ខ្លួនផងដែរ។ ក្នុងចំណោមនោះ លទ្ធផលជ័យលាភីរួមមាន៖

១. ម្ចាស់ជ័យលាភីចំណាត់ថ្នាក់លេខ១ នៅក្នុងកម្មវិធីប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» មានគណនីហ្វេសប៊ុកឈ្មោះ Hang out with me & Brab Domneong ។

២. ជ័យលាភីចំណាត់ថ្នាក់លេខ២ នៅក្នុងកម្មវិធីប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» គណនីហ្វេសប៊ុកឈ្មោះ Kallyka Rithy ។

៣. ជ័យលាភីចំណាត់ថ្នាក់លេខ៣ នៅក្នុងកម្មវិធីប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» គណនីហ្វេសប៊ុកឈ្មោះ ម៉ុល លីតា ។

៤. ជ័យលាភីចំណាត់ថ្នាក់លេខ៤ នៅក្នុងកម្មវិធីប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» គណនីឈ្មោះ Orn Kimchheang ។

៥. ជ័យលាភីចំណាត់ថ្នាក់លេខ៥ នៅក្នុងកម្មវិធីប្រកួតវីដេអូខ្លី «លេងសង្ក្រាន្ត មកលេងស្រុកខ្ញុំ» គណនីឈ្មោះ Kea Diary ។

ជាមួយគ្នានេះ សមាគមសិល្បករខ្មែរ បានសម្តែងការអបអរសាទរយ៉ាងកក់ក្តៅចំពោះម្ចាស់ជ័យលាភីទាំងអស់ ខណៈដែលក៏បានថ្លែងអំណរគុណ និងលើកទឹកចិត្តដល់បេក្ខភាពផ្សេងទៀត ដែលបានចូលរួមប្រកួត ទោះមិនទទួលបានជ័យលាភីក៏ដោយ។ ការចូលរួមយ៉ាងសកម្មរបស់បេក្ខភាពទាំងអស់ ត្រូវបានគេចាត់ទុកថា ជាផ្នែកសំខាន់ក្នុងការផ្សព្វផ្សាយសិល្បៈ វប្បធម៌ និងទំនៀមទម្លាប់ប្រពៃណីខ្មែរ ជាពិសេសបរិយាកាសសង្ក្រាន្តនៅតាមតំបន់នានាទូទាំងប្រទេស៕