ការសិក្សានេះគឺធ្វើឡើងដោយសេវាធានារ៉ាប់រងសុខភាពជាតិកូរ៉េខាងត្បូង លើមនុស្សពេញវ័យ ៨.៤លាននាក់ ចន្លោះឆ្នាំ២០២១ដល់២០២៣ ហើយលទ្ធផលត្រូវយកទៅផ្សាយដោយគេហទំព័រ Daily Mail កាលពីថ្ងៃចន្ទទី២៩ខែកញ្ញាឆ្នាំ២០២៥។

ក្នុងការសិក្សានោះ អ្នកវិទ្យាសាស្រ្តបានប្រៀបធៀបរវាងអ្នកមិនចាក់វ៉ាក់សាំងនិងអ្នកចាក់វ៉ាក់សាំងបានមួយឆ្នាំ ហើយរកឃើញថា អ្នកចាក់វ៉ាក់សាំង មានការកើនឡើងនូវហានិភ័យកើតជំងឺមហារីកក្រពេញទីរ៉ូអ៊ីត ក្រពះ ពោះវៀនធំ សួត សុដន់ និងក្រពេញប្រូស្តាត។

ពួកគេរកឃើញថា ក្រោយមួយឆ្នាំកន្លងផុត អ្នកចាក់វ៉ាក់សាំងកូវីដយ៉ាងតិចមួយដូស គឺមានហានិភ័យកើតជំងឺមហារីកក្រពេញទីរ៉ូអ៊ីតកើនឡើង៣៥% និងមហារីកក្រពះ ៣៤%។

ហានិភ័យនេះបានកើនឡើងដល់ ៥៣%សម្រាប់ជំងឺមហារីកសួត និង៦៨%សម្រាប់ក្រពេញប្រូស្តាត។ ទន្ទឹម​នោះ ជំងឺមហារីក​សុដន់មានហានិភ័យ​កើនឡើង២០% និង​ពោះវៀនធំ២៨%។

ទោះយ៉ាងណា ក៏មានការជំទាស់ដែរ ដោយអ្នកជំនាញជាច្រើននៅលើពិភពលោក បានចេញមុខច្រានចោលលទ្ធផលនេះថា គ្មានមូលដ្ឋាន។

ក្រុមអ្នកវិទ្យាសាស្ត្របាននាំគ្នាបដិសេធថា គ្មានព័ស្តុតាងច្បាស់លាស់និងយកជាការបានឡើយដែលថា វ៉ាក់សាំងកូវីដ មានពាក់ព័ន្ធនឹងការកកើតជំងឺមហារីកនៅក្នុងខ្លួនអ្នកចាក់៕

អត្ថបទ៖ សុខ សុវណ្ណ

ចុចអាន៖ បុរសម្នាក់ចោទវ៉ាក់សាំងកូវីដ-១៩ ធ្វើឱ្យខ្លួនបាក់ទឹកចិត្ត បានបើកការបាញ់ប្រហារដ៏សាហាវក្នុងរដ្ឋ Georgia សហរដ្ឋអាមេរិក

The post កូរ៉េខាងត្បូងរកឃើញថា អ្នកចាក់វ៉ាក់សាំងកូវីដ​ មាន​ហានិភ័យកើតជំងឺមហារីក ៦ប្រភេទ  appeared first on Kampuchea Thmey Daily.

អ្នកបាញ់ប្រហារឈ្មោះ Patrick Joseph White អាយុ ៣០ ឆ្នាំបានព្យាយាមចូលទៅក្នុង CDC ប៉ុន្តែត្រូវបានរារាំងដោយសន្តិសុខ។ បន្ទាប់មកគាត់បានទៅឱសថស្ថាននៅតាមផ្លូវ ហើយចាប់ផ្តើមបាញ់ប្រហារជាង១៨០គ្រាប់និង បំបែក​បង្អួចរបស់CDCអស់១៥០។ ប៉ូលិសម្នាក់ឈ្មោះ David Rose អាយុ ៣៣ ឆ្នាំត្រូវបានសម្លាប់នៅពេលព្យាយាមរារាំងWhite ។ ក្រោយមក White ត្រូវបានគេរកឃើញថាស្លាប់នៅក្នុងអគារក្បែរនោះ ប៉ុន្តែមិនទាន់ដឹងច្បាស់ថាគាត់បាញ់ខ្លួនឯង ឬត្រូវបានសម្លាប់ដោយប៉ូលិសនោះទេ។

បើតាមឪពុក និងអ្នកជិតខាងរបស់ White បាននិយាយថា គាត់ឈ្លក់វង្វេងនឹងគំនិតដែលថា វ៉ាក់សាំងមានគ្រោះថ្នាក់ និងមានការខកចិត្តចំពោះការស្លាប់របស់ឆ្កែរបស់គាត់ ប៉ុន្តែគ្មាននរណាម្នាក់រំពឹងនឹងក្លាយទៅជាហិង្សាបែបនេះនោះទេ។

CDC បាននិយាយថា ការបាញ់ប្រហារនេះមិនមែនជារឿងចៃដន្យទេ ហើយបានស្តីបន្ទោសព័ត៌មានមិនពិតអំពីវ៉ាក់សាំងដែលបង្កើតការស្អប់ខ្ពើមចំពោះអ្នកវិទ្យាសាស្ត្រ។ ពួកគេបានអំពាវនាវឱ្យមេដឹកនាំសហព័ន្ធនិយាយប្រឆាំងនឹងការអះអាងមិនពិត និងធ្វើឱ្យបរិវេណរបស់ CDC កាន់តែមានសុវត្ថិភាព។

គួរបញ្ជាក់ថាក្នុងអំឡុងពេលនៃការបាញ់ប្រហារនេះ បុគ្គលិកមួយចំនួន និងកុមារចំនួន ៩០ នាក់នៅមណ្ឌលថែទាំកុមាររបស់ CDC ត្រូវបានចាក់សោរនៅខាងក្នុងអស់រយៈពេលជាច្រើនម៉ោងដើម្បីសុវត្ថិភាព។ សហជីពបានណែនាំឲ្យ និយោជិត​មិន​គួរ​ធ្វើ​ការ​ក្បែរ​កន្លែងខូច​ខាត​ដោយ​គ្រាប់​កាំភ្លើង​ឡើយ រហូត​ដល់​ការ​ជួសជុល និង​ការ​ពិនិត្យ​សុវត្ថិភាព​ត្រូវ​រួចរាល់ ខណៈការស៉ើបលើករណីនេះនឹងប្រើរយៈពេលយូរ បើតាមប៉ូលិស៕

អត្ថបទ៖ ប៊ុន សុភាព

The post បុរសម្នាក់ចោទវ៉ាក់សាំងកូវីដ-១៩ ធ្វើឱ្យខ្លួនបាក់ទឹកចិត្ត បានបើកការបាញ់ប្រហារដ៏សាហាវក្នុងរដ្ឋ Georgia សហរដ្ឋអាមេរិក appeared first on Kampuchea Thmey Daily.

វីរុសកូវីដ-១៩ អូមីក្រុងបំប្លែងថ្មី ជេអិន១ (JN.1) ជាប្រភេទវីរុសដែលឆ្លងរីករាលដាលយ៉ាងឆាប់រហ័ស ធ្វើ​ឱ្យ​រាជរដ្ឋាភិបាល ថ្នាក់ដឹកនាំ និងមន្រ្តីរាជការខេត្តកោះកុង កំពុង​បង្កើនការប្រុងប្រយ័ត្នអំពីអត្រាឆ្លងរីករាលដាលជាថ្មី។

នៅរសៀលថ្ងៃទី២៦ ខែឧសភា ឆ្នាំ២០២៥នេះ លោក អ៊ុក សុតា នាយករងរដ្ឋបាលសាលាខេត្តកោះកុង ឱ្យដឹងថា តប​នឹង​ការ​អំពាវនាវរបស់រាជរដ្ឋាភិបាល ក្រសួងសុខាភិបាល និងលោកជំទាវ មិថុនា ភូថង អភិបាលខេត្ត ទើប​មាន​ការចូលរួមយុទ្ធការចាក់វ៉ាក់សាំងដូសជំរុញថ្មីបន្ថែមដល់ថ្នាក់ដឹកនាំ និង​មន្រ្តីរាជការប្រមាណ៦០នាក់ នៅសាលាខេត្ត ដោយជាការស្មោះចិត្តធ្វើជាគំរូសម្រាប់ប្រជាពលរដ្ឋចូលរួមអនុវត្ត។

លោកនាយករងរដ្ឋបាលសាលាខេត្ត បានបន្ថែមទៀតថា គិតចាប់តាំងពីម៉ោង២រសៀលដល់ម៉ោង៥ល្ងាច ថ្ងៃទី២៦ ខែឧសភា មានថ្នាក់ដឹកនាំ និងមន្រ្តីរាជការសរុបជាង៦០នាក់ បានទទួលថ្នាំវ៉ាក់សាំងដូសជំរុញ។ ចំពោះថ្នាក់ដឹកនាំ ឬមន្រ្តីរាជការ ដែលមានការខកខានមិនទាន់ចាក់វ៉ាក់សាំង ព្រោះតែមានបេសកម្មទៅក្រៅប្រទេស ទៅប្រជុំបណ្តារាជធានីខេត្ត និងមានជំងឺជាដើម។

ទាក់ទិននឹងបញ្ហានេះដែរ ព្រឹកមិញនេះ ក្រុមមន្រ្តីរាជការនៃមន្ទីរសុខាភិបាល ក៏បានចូលរួមចាក់វ៉ាក់សាំងដូចគ្នាដែរ។ ទន្ទឹមនឹងនោះ លោកវេជ្ជបណ្ឌិត ទៅ ម៉ឹង ប្រធាន​មន្ទីរសុខាភិបាល​ខេត្តកោះកុង បាន​រៀបចំ​ជាតារាង​ពេលវេលា​នីមួយៗចុះទៅផ្តល់​សេវាសុខាភិបាល ចាក់វ៉ាក់សាំងជំងឺកូវីដ១៩​នៅតាមមន្ទីរអង្គភាព និងសហគមន៍មូលដ្ឋាន ក្នុង​ន័យ​ធ្វើយ៉ាងណាបង្ខិតសេវាកាន់តែក្បែរមន្រ្តីរាជការ និងប្រជាពលរដ្ឋតែម្តង។

ក្រសួងសុខាភិបាល បង្ហាញថា ស្ថានភាពជំងឺកូវីដ-១៩ ក្នុងព្រះរាជាណាចក្រកម្ពុជា សម្រាប់ថ្ងៃទី២៥ ខែឧសភា ឆ្នាំ២០២៥៖ករណីឆ្លងថ្មី ២នាក់ ជាសះស្បើយ ២នាក់ និងករណីស្លាប់គ្មាន។ ទោះយ៉ាងណាក្រសួងស្នើដល់ពលរដ្ឋចូលរួមមានវិធានការធ្វើអនាម័យដោយលាងដៃ ពាក់ម៉ាស់ក្នុងពេលចាំបាច់ ខ្ចប់មាត់ច្រមុះពេលក្អកកណ្តាស់ដោយប្រើផ្នត់កែងដៃកន្សែង ឬ ក្រដាសអនាម័យ រក្សាគម្លាតជាមួយបុគ្គលមានរោគសញ្ញាផ្តាសាយ។ សូមទៅចាក់វ៉ាក់សាំង កូវីដ-១៩ រាល់ ៦ខែម្តង ជាពិសេស ជនវ័យចាស់ ជនចាស់ជរា អ្នកមានជំងឺរ៉ាំរ៉ៃ និងមានភាពសាំថយចុះ៕

អត្ថបទ ៖ សិរីវឌ្ឍនៈ

The post អាជ្ញាធរ​ខេត្ត​កោះកុង ចាក់វ៉ាក់សាំង​ដូស​ជំរុញ​បង្ការ​ការពារ​ជំងឺកូវី១៩បំប្លែងថ្មី appeared first on Kampuchea Thmey Daily.

លោកស្រី ហ៊ាង មករា ប្រធាន​មណ្ឌល​សុខភាព​ស្ទឹងមានជ័យ បាន​បញ្ជាក់​ឱ្យ​ដឹង​ថា ដោយ​អនុវត្ត​តាម​សេចក្តី​ប្រកាស​របស់​ក្រសួងសុខាភិបាល នៅ​មណ្ឌល​សុខភាព បាន​បង្កើន​ការ​យកចិត្តទុកដាក់ ក្នុង​ការ​ទទួល​ប្រជាពលរដ្ឋ​មកពី​គ្រប់ទិសទី ដើម្បី​ទទួល​ការ​ចាក់​វ៉ាក់សាំង​ដូស​ជំរុញ ដើម្បី​បង្ការ​ជាមុន សំដៅ​ធានា​សុំា​ក្នុង​សហគមន៍ ទប់ស្កាត់​ការ​រីក​រាលដាល នៃ​ជំងឺ​កូវីដ-១៩ ឆ្នាំ ២០២៥។

លោកស្រី​បាន​បន្ត​ទៀត​ថា យុទ្ធនាការ​នេះ​គឺជា​ការ​យកចិត្តទុកដាក់​របស់​រាជរដ្ឋាភិបាល ដែល​កន្លង​មក​ដឹកនាំ​ដោយ សម្ដេច​តេ​ជោ ហ៊ុន សែន បន្ត​ដឹកនាំ​ដោយ សម្ដេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី អាណត្តិ​ទី ៧ នៃ​ព្រះរាជាណាចក្រ​កម្ពុជា។

ប្រជាពលរដ្ឋ​ចាស់​ក្មេង ប្រុស​ស្រី បាន​នាំគ្នា​មក​ទទួល​វ៉ាក់សាំង ដើម្បី​បង្ការ​ការ​រីក​រាលដាល​ក្នុង​សហគមន៍ ហើយ​ក៏បាន​ថ្លែងអំណរគុណ​ដល់​រាជរដ្ឋាភិបាល ដែល​តែងតែ​គិតគូរ​ក្នុង​ការ​ផ្តល់​វ៉ាក់សាំង​ជា​បន្តបន្ទាប់ សម្រាប់​ចាក់​ជូន​ប្រជាពលរដ្ឋ​ក្នុង​ប្រទេស ក្នុង​គ្រា​ដែល​ជំងឺ​កូវីដ​-១៩ កំពុង​មាន​ការ​កម្រើក​ឡើង​មក​វិញ។

សូម​បញ្ជាក់​ថា ការ​ចាក់​វ៉ាក់សាំង​ដូស​ជំរុញ​នេះ នឹង​ធ្វើឡើង​នៅ​តាម​មណ្ឌល​សុខភាព​ទាំងអស់ នៅ​តាម​ថ្នាក់​មូលដ្ឋាន ដោយ​ចាក់​ជូន​កុមារ និង​ប្រជាពលរដ្ឋ ចាប់ពី​អាយុ ១២ ឆ្នាំ ឡើង​ទៅ ហើយ​ចាក់​បន្ត​ជូន​សម្រាប់​អ្នក​ដែល​បាន​ចាក់​វ៉ាក់សាំង​ពី​លើក​ទី ៣ បន្ត​ដល់​លើក​ទី ៧៕

អត្ថបទ ៖ សុភា

The post ពលរដ្ឋតាមមូលដ្ឋាន បន្តនាំគ្នាទៅចាក់វ៉ាក់សាំងដូសជំរុញ ការពារជំងឺកូវីដ-១៩ ថ្មី appeared first on Kampuchea Thmey Daily.

ដោយមានការព្រួយបារម្ភអំពី វីរុសបម្លែងខ្លួនថ្មីនេះ មន្ទីរសុខាភិបាលខេត្តមណ្ឌលគិរី បានចេញសេចក្ដីជូនដំណឹងនៅថ្ងៃទី១៩ ខែឧសភា ឆ្នាំ២០២៥ ស្ដីពីការចាក់វ៉ាក់សាំងការពារជំងឺកូវីដ-១៩ ជូនដល់ថ្នាក់ដឹកនាំកងកម្លាំងប្រដាប់អាវុធ មន្ត្រីរាជការ និងប្រជាពលរដ្ឋទូទាំងខេត្តមណ្ឌលគិរី ទៅទទួលការចាក់វ៉ាក់សាំងការពារជំងឺកូវីដ-១៩ ឱ្យបានគ្រប់ៗគ្នានៅតាមមន្ទីរពេទ្យបង្អែក និងមណ្ឌលសុខភាព ដែលនៅជិតបំផុត ដោយភ្ជាប់ឯកសារមកជាមួយ រួមមាន បណ្ណចាក់វ៉ាក់សាំងលើកមុន អត្តសញ្ញាណប័ណ្ណ ឬលិខិតបញ្ជាក់កំណើត ដើម្បីឱ្យក្រុមគ្រូពេទ្យបញ្ចូលទិន្នន័យក្នុងប្រព័ន្ធគ្រប់គ្រងការចាក់វ៉ាក់សាំង។

ក្រោយពីចេញសេចក្ដីជូនដំណឹងនេះ មន្ទីរសុខាភិបាលខេត្តមណ្ឌលគិរី សង្ឃឹមនិងជឿជាក់ថា មន្ត្រីរាជការកងកម្លាំងប្រដាប់អាវុធ និងប្រជាពលរដ្ឋ ក្នុងខេត្តមណ្ឌលគិរីទាំងអស់ នឹងមកទទួលការចាក់វ៉ាក់សាំងការពារជំងឺកូវីដ-១៩ ឱ្យបានគ្រប់ៗគ្នាដើម្បីការពារសុខភាព និងរួមចំណែកទប់ស្កាត់ការឆ្លងរីករាលដាលនៃជំងឺកូវីដ-១៩ ក្នុងសហគមន៍ ជាពិសេសវីរុសបម្លែងខ្លួនថ្មី(JN.1) នេះ៕

អត្ថបទ៖រៀម សុខហេង

The post មន្ទីរសុខាភិបាលខេត្តមណ្ឌលគិរី ជំរុញឱ្យពលរដ្ឋ ទៅទទួលការចាក់វ៉ាក់សាំងការពាកូវីដ-១៩ ឱ្យបានគ្រប់ៗគ្នា appeared first on Kampuchea Thmey Daily.

ថ្លែង​ក្នុង​ពិធី​អបអរសាទរ​ខួប​លើក​ទី ០៨ ទិវា​ជាតិ នៃ​ការ​ចងចាំ (​ថ្ងៃ​ទី ១៧ ខែ​មេសា ឆ្នាំ ១៩៧៥ ដល់​ថ្ងៃ​ទី ០៦ ខែ​មករា ឆ្នាំ ១៩៧៩) នៅ​វត្ត​ជោ​ត្ត​ញ្ញាណ ក្នុង​ក្រុង​ខេមរភូមិន្ទ លោកស្រី មិថុនា ភូថង បាន​បង្ហាញ​ក្តី​បារម្ភ​ជាថ្មី នៃ​ជំងឺ​កូវីដ-១៩ បំប្លែង​ថ្មី ប្រភេទ​ជិ​អិន។

ដើម្បី​ការពារ​ប្រសើរ​ជា​ការ​ព្យាបាល លោកស្រី​អភិបាល​ខេត្ត​កោះកុង បាន​អំពាវនាវ​លើកទឹកចិត្ត​ដល់​ប្រជាពលរដ្ឋ​គ្រប់រូប ត្រូវ​ទៅ​ចូលរួម​ចាក់​វ៉ាក់សាំង​បង្ការ​ការពារ​ឡើងវិញ​នៅ​តាម​ទីតាំង​ដែល​មន្ទីរ​សុខាភិបាល​រៀបចំ​ទុក​ក្នុង​មូលដ្ឋាន។

បញ្ហា​នេះ​ដែរ លោកស្រី មិថុនា ភូថង ស្នើ​ពលរដ្ឋ​ទាំងអស់​ការពារ​ខ្លួន​ពី​ការ​ឆ្លង​ជំងឺ​កូវីដ-១៩ ដោយ​ពាក់​ម៉ាស់​ជាប្រចាំ​ដែល​មាន​មនុស្ស​ច្រើន លាង​សម្អាត​ដៃ​ឱ្យ​បាន​ញឹកញាប់ ករណី​មាន​អាការ​ក្តៅខ្លួន ផ្តាសាយ ត្រូវ​ពាក់​ម៉ាស់ ដើម្បី​ទប់ស្កាត់​ឆ្លង​ទៅ​អ្នក​ដទៃ។

កាលពី​ថ្ងៃ​ទី ១៧ ខែ​ឧសភា ថ្មីៗ​នេះ លោកស្រី ឱ វណ្ណឌីន រដ្ឋលេខាធិការ​ក្រសួងសុខាភិបាល បាន​ដាស់តឿន​ឱ្យ​ពលរដ្ឋ​ទាំងអស់ ពិសេស​ក្រុម​ងាយ​រងគ្រោះ ដូចជា មនុស្ស​ចាស់ អ្នក​ដែល​មាន​ជំងឺ​រ៉ាំរ៉ៃ និង​អ្នក​មាន​ប្រព័ន្ធ​ការពារ​ខ្សោយ ត្រូវ​ទៅ​ចាក់​វ៉ាក់សាំង​កូវីដ-១៩ ប្រភេទ​ភី​ហ្វា​យ​ហ្សឺ​( Pfizer) នៅ​តាម​មណ្ឌល​សុខភាព និង​មន្ទីរពេទ្យ​រដ្ឋ​នៅ​ទូទាំង​ប្រទេស ចាប់ពី​ពេលនេះ​តទៅ។

មន្ត្រី​ជាន់​ខ្ពស់​ក្រសួងសុខាភិបាល ដដែល បាន​ចាត់ទុកថា នេះ​ជា​វិធានការ​បង្ការ​នៅ​ចំពោះ​មុខ ស្រប​ពេល​ដែល​វីរុស​កូវីដ-១៩ បំប្លែង​ថ្មី ប្រភេទ JN.1 កំពុង​ធ្វើ​ចរាចរ​នៅ​តាម​បណ្តា​ប្រទេសជិតខាង​កម្ពុជា និង​តាម​តំបន់​ជាច្រើន​នៅ​លើ​ពិភពលោក៕

អត្ថបទ ៖ សិរីវឌ្ឍនៈ

The post លោកស្រី មិថុនា ភូថង លើកទឹកចិត្តដល់ពលរដ្ឋបន្តចាក់វ៉ាក់សាំងការពារជំងឺកូវីដ ឡើងវិញ appeared first on Kampuchea Thmey Daily.

តាមរយៈលិខិតនេះ ក្រសួងសុខាភិបាល បានណែនាំឱ្យ នាយកមន្ទីរពេទ្យជាតិ និងប្រធានមន្ទីរសុខាភិបាល នៃរដ្ឋបាលរាជធានី ខេត្ត និងផ្នែកពាក់ព័ន្ធ ជំរុញការចាក់វ៉ាក់សាំងកូវីដ-១៩ និងរំលឹកដល់ប្រជាជនអាយុចាប់ពី ១២ឆ្នាំឡើង រាល់ ៦ខែ ម្តងតាមយុទ្ធសាស្ត្រនៃការចាក់រំលឹកវ៉ាក់សាំងកូវីដ-១៩ ជាពិសេសលើកទឹកចិត្តឱ្យមកទទួលវ៉ាក់សាំងដើម្បីការពារជំងឺកូវីដ-១៩ ថ្មី សម្រាប់ជនវ័យចាស់ ជនចាស់ជរា អ្នកមានជំងឺរ៉ាំរ៉ៃ និងមានភាពស៊ាំថយចុះជាដើម។ ដោយផ្តល់វ៉ាក់សាំងកូវីដ-១៩ ជាប្រចាំនៅគ្រប់មូលដ្ឋានសុខាភិបាលសាធារណៈរួមមានមន្ទីរពេទ្យជាតិ និងមណ្ឌលសុខភាព។ ព្រមទាំងផ្តល់វ៉ាក់សាំងកូវីដ-១៩ ដោយរួមបញ្ចូលជាមួយសកម្មភាពចុះផ្តល់សេវាសុខភាពមូលដ្ឋាន។

បើតាមសេចក្ដីប្រកាសព័ត៌មានរបស់ក្រសួងសុខាភិបាល កាលពីពេលកន្លងទៅ បានឱ្យដឹងថា ស្ថានភាពនៃការចម្លងវីរុសកូវីដ-១៩ នៅតែបន្តមាន ខណៈពពួកអូមីក្រុងបំប្លែងថ្មីប្រភេទជេអ៉ិន.១​ (JN.1) បានរីករាលដាលយ៉ាងឆាប់រហ័សនៅក្នុងតំបន់ជាច្រើននៅទូទាំងពិភពលោក។

សូមជម្រាបដែរថា កាលពីថ្ងៃទី១៧ ខែឧសភា ឆ្នាំ២០២៥នេះ ក្រសួងសុខាភិបាល បានប្រកាសពីការរកឃើញជំងឺកូវីដ-១៩ ឆ្លងថ្មីចំនួន៦ នាក់៕

The post ក្រសួងសុខាភិបាល ជំរុញឱ្យពលរដ្ឋទៅទទួលវ៉ាក់សាំងការពារជំងឺកូវីដ-១៩ ថ្មី ដើម្បីទប់ស្កាត់ការរីករាលដាលក្នុងសហគមន៍ appeared first on Kampuchea Thmey Daily.

តាមការចុះផ្សាយរបស់ RT កាលពីថ្ងៃសុក្រទី២ខែសីហា, ក្រុមអ្នកវិទ្យាសាស្រ្តមកពីសាកលវិទ្យាល័យ Cambridge, Bristol និង Edinburgh នៃចក្រភពអង់គ្លេស បានធ្វើការវិភាគលើកំណត់ត្រាសុខភាពមនុស្សពេញវ័យរាប់លាននាក់នៅក្នុងប្រទេសអង់គ្លេស ចាប់ពីខែធ្នូឆ្នាំ២០២០ដល់ខែមករាឆ្នាំ២០២២។

អ្នកដឹកនាំការសិក្សា គឺវេជ្ជបណ្ឌិត Samatha Ip មកពីសាកលវិទ្យាល័យ Cambridge និយាយថា «យើងបានសិក្សាលើវ៉ាក់សាំងកូវីដ-១៩ និងជំងឺសរសៃឈាមបេះដូងចំពោះមនុស្សពេញវ័យ ៤៥.៧លាននាក់នៅប្រទេសអង់គ្លេស ហើយរកឃើញថា ករណីពាក់ព័ន្ធជំងឺសរសៃឈាមបេះដូងដូចជា ការគាំងបេះដូងនិងជំងឺដាច់សរសៃឈាមខួរក្បាល បន្ទាប់ពីការចាក់វ៉ាក់សាំងដូសនីមួយៗ គឺមិនសូវមានទេ»។

តាមការរកឃើញដែលចេញផ្សាយនៅសប្តាហ៍នេះ ក្នុងទស្សនាវដ្តី Nature Communications, អត្រានៃការគាំងបេះដូងនិងជំងឺដាច់សរសៃឈាមខួរក្បាល បានធ្លាក់ចុះជិត១០% ក្នុងរយៈពេល១៣ទៅ២៤សប្តាហ៍ បន្ទាប់ពីការចាក់វ៉ាក់សាំងដូសទី១ ហើយវាធ្លាក់ចុះដល់ទៅ ២៧% បន្ទាប់ពីការចាក់ដូសទី២ជាមួយវ៉ាក់សាំង AstraZeneca និង២០% បើចាក់ Pfizer។

ស្របពេលជាមួយគ្នានោះដែរ លោក William Whiteley នាយករងនៅមជ្ឈមណ្ឌល BHF Data Science Center និងជាសាស្ត្រាចារ្យនៅសាកលវិទ្យាល័យ Edinburgh បាននិយាយថា «ការសិក្សាទូទាំងប្រទេសអង់គ្លេសនេះ គឺជាការធានាដល់អ្នកជំងឺអំពីសុវត្ថិភាពនៃជំងឺសរសៃឈាមបេះដូងផង និងបង្កើនកម្រិតការពារជំងឺកូវីដ-១៩ផង»។

ការសិក្សាថ្មីនេះបានបង្ហាញពីភាពវិជ្ជមានរបស់វ៉ាក់សាំងកូវីដ ផ្ទុយពីការស្រាវជ្រាវលើកមុន ដែលរកឃើញថា វ៉ាក់សាំងកូវីដជាពិសេសប្រភេទ mRNA បានរួមចំណែកបណ្តាលឲ្យអ្នកចាក់ មានកំណកឈាម។

ត្បិតតែមានការផ្សព្វផ្សាយជាច្រើនអំពីបញ្ហាទាក់ទងនឹងវ៉ាក់សាំងនេះក៏ពិតមែន ប៉ុន្តែពេលជំងឺកូវីដរាតត្បាតខ្លាំង វ៉ាក់សាំងទាំងនេះហើយ ដែលបានជួយសង្គ្រោះជីវិតមនុស្សរាប់លាននាក់នៅលើពិភពលោក៕ 

អត្ថបទ៖ សុខ សុវណ្ណ

ចុចអាន៖ ក្រុមហ៊ុន AstraZeneca ដាច់ចិត្តទម្លាយថា វ៉ាក់សាំងកូវីដរបស់ខ្លួន ពិតជាអាចបណ្តាលឲ្យមនុស្សស្លាប់មែន

The post ការសិក្សារកឃើញថា វ៉ាក់សាំងកូវីដ-១៩ កាត់បន្ថយ​ការ​គាំងបេះដូង appeared first on Kampuchea Thmey Daily.