ក្នុងរដូវរងា អាកាសធាតុប្រែជាត្រជាក់ និងធ្លាក់ចុះជាបន្តបន្ទាប់ នេះជាពេលដែលរាងកាយងាយនឹងឈឺក្បាល ផ្តាសាយ ហើយកាន់តែគ្រោះថ្នាក់ វាអាចឈានទៅដល់ជំងឺដាច់សរសៃឈាមខួរក្បាល គំរាមកំហែងដល់អាយុជីវិត ប្រសិនបើមិនបានព្យាបាលទាន់ពេល។

ដើម្បីការពារសុខភាពរបស់អ្នកក្នុងរដូវត្រជាក់ អ្នកជំនាញតែងតែណែនាំឲ្យចៀសវាងទម្លាប់គ្រោះថ្នាក់ ជាពិសេសត្រូវប្រុងប្រយ័ត្នពេលកក់សក់។ ការកក់សក់របស់អ្នកមិនត្រឹមតែជាទង្វើសាមញ្ញនៃអនាម័យផ្ទាល់ខ្លួនប៉ុណ្ណោះទេ ប៉ុន្តែវាក៏ប៉ះពាល់ដល់ខួរក្បាលផងដែរ ដែលមានប្រព័ន្ធសរសៃប្រសាទជាច្រើន កំណត់ភាពឆ្លាតវៃ និងការឆ្លុះបញ្ចាំងរបស់មនុស្ស។

ដូច្នេះហើយ នៅ​ថ្ងៃ​ត្រជាក់ អ្នកត្រូវ​ចៀ​ឲ្យ​ឆ្ងាយ​ពី​ទម្លាប់​អាក្រក់ ៤ យ៉ាង​ខាងក្រោម​នេះ៖

១ លាងសក់របស់អ្នកដោយទឹកត្រជាក់ពេក

ការកក់សក់ជាមួយនឹងទឹកដែលត្រជាក់ខ្លាំងពេក នឹងធ្វើឲ្យស្បែកក្បាលស្ងួត បណ្តាលឲ្យមានការរលាស់និងជ្រុះសក់ ដូច្នេះស្ត្រីជាច្រើនព្យាយាមស៊ូទ្រាំការលាងសក់ជាមួយនឹងទឹកត្រជាក់ក្នុងរដូវរងារ។ គេមិនដឹងថាការកក់សក់ជាមួយនឹងទឹកត្រជាក់ល្អសម្រាប់សក់របស់អ្នកឬអត់នោះទេ ប៉ុន្តែច្បាស់ណាស់ថា ទឹកត្រជាក់អាចធ្វើឲ្យសរសៃឈាមនៅក្នុងស្បែកក្បាលរួញភ្លាមៗ ធ្វើឲ្យអ្នកមានអារម្មណ៍ឈឺក្បាល វិលមុខ និងចង្អោរភ្លាមៗប៉ះពាល់ដល់សុខភាពរាងកាយ។

២ កក់សក់របស់អ្នកនៅពេលយប់ជ្រៅ ឬពេលព្រឹកព្រលឹម

ពេល​យប់ និង​ពេល​ព្រឹក​ព្រលឹម គឺ​ជា​ពេល​ដែល​សីតុណ្ហភាព​ធ្លាក់​ចុះ​ពីរ​ដង ហើយ​នៅ​ពេល​នេះ រាងកាយ​ច្រើន​តែ​ធ្លាក់​ក្នុង​ស្ថានភាព​សម្រាក ហើយ​នេះ​ក៏​ជា​ពេល​ដែល​មនុស្ស​នឿយ​ហត់ និង​ខ្វះ​ការ​ប្រុង​ប្រយ័ត្ន។ ដូច្នេះហើយ អ្នក​ត្រូវ​ប្រយ័ត្ន​ពេល​ងូត​ទឹក ឬ​កក់សក់​នៅពេលនេះ ជាការ​ល្អ​មិនត្រូវ​។

ការលាងសក់របស់អ្នកក្រោយម៉ោង ១០ យប់ធ្វើឲ្យឈាមដើរដោយលំបាក ធ្វើឲ្យឈឺក្បាល ក ស្មា អស់កម្លាំង និងឈឺរាងកាយ។ មនុស្សជាច្រើនមិនមានអារម្មណ៍ថាមានរោគសញ្ញាទាំងនេះភ្លាមៗនោះទេ ប៉ុន្តែប្រសិនបើទម្លាប់នៅតែបន្តរយៈពេលយូរ ផលប៉ះពាល់អវិជ្ជមាននឹងត្រូវបានគេដឹងយ៉ាងច្បាស់។ ជាពិសេសឈឺក្បាលរ៉ាំរ៉ៃ។

អ្នកជំនាញខាងឱសថសម័យទំនើបក៏ព្រមានពីការកក់សក់ ឬងូតទឹកនៅពេលយប់ដែរ។ តំបន់​ក្បាល​ជា​កន្លែង​ងាយ​នឹង​ផ្តាសាយ ធ្វើ​ឲ្យសរសៃប្រសាទ​រួម​តូច បណ្តាលឲ្យស្ទះ​សរសៃឈាម ។ នេះអាចនាំឲ្យខ្វិនមុខ ខូចមាត់ ដាច់សរសៃឈាមខួរក្បាល និងស្លាប់។ ទោះបីជារាងកាយរបស់អ្នកនឿយហត់ ឬអ្នកទើបតែត្រឡប់មកពីធ្វើការ ឬហាត់រៀនក៏ដោយ ក៏អ្នកមិនគួរងូតទឹកយឺតដែរ។ អ្នកត្រូវប្រយ័ត្នពេលកក់សក់ក្នុងរដូវរងា ជាពិសេសអ្នកដែលមានរាងកាយខ្សោយ ឬមានជំងឺដូចជា សម្ពាធឈាម ជំងឺ vestibular, neurasthenia, មនុស្សចាស់ ឬអ្នកដែលឈឺគួរតែប្រុងប្រយ័ត្នបន្ថែមទៀត។

៣ កក់សក់របស់អ្នកជារៀងរាល់ថ្ងៃ

ដើម្បី​ជួយឲ្យរាង​កាយ​សម្រាក​បាន​ច្រើន​បន្ទាប់​ពី​ធ្វើ​ការ​មួយ​ថ្ងៃ ស្ត្រី​តែង​មាន​ទម្លាប់​កក់​សក់​ជា​រៀង​រាល់​ថ្ងៃ។ ទោះជាយ៉ាងនេះក្តី រាងកាយមនុស្សទទួលរងឥទ្ធិពលយ៉ាងខ្លាំងពីអាកាសធាតុ។ ការកក់សក់របស់អ្នកច្រើនពេកបង្កើនហានិភ័យនៃជំងឺផ្តាសាយ ឬត្រូវខ្យល់។ វាកាន់តែគ្រោះថ្នាក់នៅពេលដែលអ្នកកក់សក់ជាមួយនឹងទឹកត្រជាក់ ឬក្នុងម៉ាស៊ីនត្រជាក់។

៤ កក់សក់របស់អ្នកជាមុនសិន បន្ទាប់មកលាងសំអាតខ្លួន

ការងូតទឹករដូវរងាចាំបាច់ត្រូវអនុវត្តតាមលំដាប់ច្បាស់លាស់។ អ្នកជំនាញនៅក្នុងកាសែត QQ ផ្តល់ដំបូន្មានថា ស្ត្រីគួរតែងូតទឹកពីកចុះក្រោម ហើយបន្ទាប់មកត្រឡប់ទៅផ្នែកខាងលើនៃក្បាលវិញ។ ការកក់សក់របស់អ្នកបន្ទាប់ពីលាងសម្អាតខ្លួនប្រាណ និងមុខរបស់អ្នកនឹងធ្វើឲ្យមនុស្សជាច្រើនមានអារម្មណ៍មិនស្រួលដោយសារតែសាប៊ូកក់សក់នឹងហូរមកលើរាងកាយម្តងទៀត។ ទោះជាយ៉ាងណាក៏ដោយ ការកក់សក់មុនពេលងូតទឹកធ្វើឲ្យរាងកាយមិនមានពេលវេលាដើម្បីស៊ាំនឹងសីតុណ្ហភាពទឹក ប្រសិនបើអ្នកងូតទឹកត្រជាក់វានឹងធ្វើឲ្យជញ្ជាំងសរសៃឈាមរួមតូច ធ្វើឲ្យសរសៃឈាមកក និងងាយធ្វើឲ្យរាងកាយអស់កម្លាំង។ ប្រសិនបើអ្នកងូតទឹកក្តៅ វាអាចបណ្តាលឲ្យមានការផ្លាស់ប្តូរសម្ពាធឈាមភ្លាមៗ ហើយកំដៅអាចបណ្តាលឲ្យមានសរសៃឈាម។

ជាពិសេស ការរក្សា​ក្បាលឲ្យសើម​ក្នុង​រយៈពេល​យូរ​ក៏​ធ្វើឲ្យក្បាល​ត្រជាក់​ដែរ ប្រសិនបើ​បន្ទប់ទឹក​មាន​ខ្យល់​ចេញចូល​បានល្អ អាច​ផ្តាសាយ ឈឺក្បាល វិលមុខ។​ លំដាប់ត្រឹមត្រូវនៅពេលងូតទឹកគឺ ដំបូងត្រូវលាងមុខ បន្ទាប់មកលាងសម្អាតខ្លួនប្រាណទាំងមូល ហើយចុងក្រោយលាងសក់របស់អ្នក៕

ប្រែសម្រួល៖ សាង ស្រីល័ក្ខ

ចុចអាន៖តើ​ពិត​ទេ​ដែល​ថា​ ការ​បរិភោគ​ត្រីទីឡាព្យ៉ាមាន​គ្រោះថ្នាក់​ដល់​សុខភាព?

The post ទម្លាប់កក់សក់ក្នុងរដូវរងា ៤ យ៉ាង អាចបង្កជំងឺដាច់សរសៃឈាមខួរក្បាល និងស្លាប់ appeared first on Kampuchea Thmey Daily.

ក្រចក​មាន​សុខភាព​ល្អ សរសៃ​សក់​ភ្លឺ​រលោង និង​ស្បែក​ស្អាត ជា​បំណង​ប្រាថ្នា​របស់​ស្រីៗ​យើង​​គ្រប់​រូប។ ពិត​ណាស់​ ក្រៅ​ពី​ជ្រើសរើស​ផលិតផល​ថែ​រក្សា​សម្រស់​ដែល​ត្រឹមត្រូវ គ្នា​យើង​ក៏​មិន​ត្រូវ​ភ្លេច​ថែទាំ​សុខភាព​​សម្រស់​ពី​ខាង​ក្នុង​ដែរ ដោយ​ការ​បញ្ចូល​របប​អាហារ​បំប៉ន​សម្រស់​ដូច​ខាង​ក្រោម។

១. ត្រី​សាម៉ុន

ត្រី​​សាម៉ុន មាន​គុណប្រយោជន៍​ល្អ​បំផុត​សម្រាប់​សុខភាព​ស្បែក​ និង​សក់ ពីព្រោះ​ត្រី​ដែល​មាន​ខ្លាញ់​ប្រភេទ​នេះ ផ្ទុក​ទៅ​ដោយ​ប្រូតេអ៊ីន​ អាស៊ីដ​អូមេហ្គា​៣ ជាតិ​ដែក​ និង​វីតាមីន​ B12 ដែល​ជួយ​ការពារ​ស្បែក​ពី​ការ​បំផ្លាញ​ដោយ​កម្តៅ​​ក្តៅ​ និង​ជួយ​ទ្រទ្រង់​ដល់​​សុខភាព​ស្បែក​ក្បាល។ បន្ថែម​ពី​នេះ ជាតិ​ប្រូតេអ៊ីន​នៅ​ក្នុង​ត្រី​សាម៉ុន​ក៏​អាច​ជួយ​កម្ចាត់​បញ្ហា​សក់​ជ្រុះ​បាន ផងដែរ។

២.​ ការ៉ុត

ទន្ទឹម​នឹង​នេះ​ដែរ ការ៉ុត​សម្បូរ​ទៅ​ដោយ​ជាតិ ​Beta-carotene ដែល​អាច​ជួយ​ឲ្យ​សក់​ ក៏​ដូចជា​ក្រចក​លូតលាស់​បាន​ល្អ។ បន្ថែម​ពី​នេះ ការ៉ុត​ ក៏​អាច​កម្ចាត់​រោគសញ្ញា​ដែល​ទាក់ទង​នឹង​ជំងឺ​ទឹក​នោម​ផ្អែម ផងដែរ។

៣. ប៉េងប៉ោះ

ចំណែក​ប៉េងប៉ោះ​វិញ ផ្ទុក​ទៅ​ដោយ​វីតាមីន ​C និង​សមាសធាតុ​មួយ​ចំនួន​ដូចជា​ carotenoids, lycopene និង beta-carotene ដែល​ជួយ​បង្កើន​រនាំង​ការពារ​ស្បែក​ពី​ការ​រលាក​ដោយ​កម្តៅ​ថ្ងៃ។

៤. ទឹក​ដោះ​គោ​មាន​ជាតិ​ខ្លាញ់​ទាប

ទឹក​ដោះ​គោ​​មួយ​ប្រភេទ​នេះ ជា​ប្រភព​នៃ​ជាតិ​កាល់ស្យូម​ និង​វីតាមីន​D ដែល​មាន​ប្រសិទ្ធភាព​ជួយ​ឲ្យ​ក្រចក​រឹងមាំ និង​សក់​ដុះ​លូតលាស់​ល្អ។ រី​ឯ​ទឹក​ដោះ​គោ​ជូរ​ និង​ឈីស​ដែល​មាន​ជាតិ​ខ្លាញ់​ទាប ក៏​អាច​ផ្តល់​ជាតិ​កាល់ស្យូម​ដ៏​ល្អ​ឯក​ដល់​រាងកាយ​។

៥. ផ្លែ​ប្លូប៊ឺរី

​ផ្លែ​ប្លូប៊ឺរី​មិន​ត្រឹម​តែ​មាន​រសជាតិ​ឆ្ងាញ់​ប៉ុណ្ណោះ​ទេ ប៉ុន្តែ​ក៏​​មាន​សារធាតុ​ប្រឆាំង​នឹង​អុកស៊ីតកម្ម​ខ្ពស់ ដែល​ជួយ​ឲ្យ​ស្បែក​ស្អាត ព្រម​ទាំង​ប្រឆាំង​នឹង​បញ្ហា​មុន​បាន​យ៉ាង​អស្ចារ្យ​៕

អត្ថបទផ្ដល់ដោយ៖Hello Krupet

ចុចអាន៖៥ មូលហេតុ អ្នកជំនាញណែនាំឲ្យជម្រុះកោសិកាចាស់រាល់ថ្ងៃ

ចុចអាន៖៥ កំហុសអ្នកជំនាញសរសៃសក់មិនធ្វើដាក់សក់ខ្លួនឯងដាច់ខាត

The post កំពូលអាហារទាំង ៥ ល្អបំផុតចំពោះស្បែក សក់ និងក្រចក​​​​​​​​​​​​​​​​​​​​​​​​​​​​​​​​​ appeared first on Kampuchea Thmey Daily.

១. មិនគួរកក់សក់ច្រើនដង

យើងមិនត្រូវកក់សក់លើសពី ៤ ដងក្នុងមួយសប្ដាហ៍ឡើយព្រោះពណ៌អាចនឹងចេញតាមសាប៊ូបន្តិចម្ដងៗរហូតដល់ស្លេក ។ ក្រៅពីសាប៊ូកក់សក់ អ្នកអាចជ្រើសរើសសាប៊ូស្ងួតមកបាញ់សក់ពេលឡើងប្រេងក៏បាន ។

២. ការពារសក់ពីកម្ដៅ

កម្ដៅព្រះអាទិត្យ កម្ដៅទឹក និងកម្ដៅប្រដាប់ធ្វើសក់សុទ្ធតែអាចបំផ្លាញពណ៌លើសក់របស់យើងយ៉ាងងាយស្រួល ។ គួរបន្ថែមដែរថា កាំរស្មី UVA និង UVB អាចបំបែកសារធាតុគីមីពណ៌សក់ធ្វើឲ្យហើរពណ៌ដូច្នេះមុនចេញទៅក្រៅអ្នកត្រូវពាក់មួកការពារកម្ដៅទើបប្រសើរ ។

៣. ផ្ដល់សំណើម និងសារធាតុចិញ្ចឹមដល់សក់

ដើម្បីឲ្យសក់មានទម្ងន់ ទន់រលោង អ្នកគួរប្រើក្រែមបន្ទប់ ឬម៉ាស់អប់សក់ជាប្រចាំដែលផ្ដល់គុណប្រយោជន៍សម្រាប់សុខភាពសរសៃសក់ និងរក្សាពណ៌សក់ជាពិសេស ។

ការលាបពណ៌សក់គឺជាសម្រេចចិត្តដ៏សំខាន់មួយដែលទាមទារការមើលថែទាំយកចិត្តទុកដាក់ បើមិនដូច្នោះទេសុខភាពសក់និងស្បែកក្បាលអាចធ្វើឲ្យអ្នកលាបកាន់តែមានបញ្ហា ៕

ប្រែសម្រួល ៖​ វារី

ចុចអាន ៖ តើពិតទេ? លាបពណ៌សក់ញឹកញាប់ ប្រឈមនឹងជំងឺមហារីក ជាពិសេសជាងអ៊ុតសក់

The post ៣ ចំណុចអ្នកលាបសក់គួរយល់ដឹង ដើម្បីការពារមិនឲ្យហើរពណ៌ appeared first on Kampuchea Thmey Daily.

១. ប្រើផលិតផលច្រើនជ្រុល

ផលិតផលច្រើនពេកស្បែកក្បាលមិនអាចស្រូបយកទាំងអស់នោះទេ ផលិតផលដែលនៅសល់នឹងធ្វើឲ្យស្ទះរន្ធដុះសក់ ថែមទាំងបង្កបញ្ហាផ្សេងៗទៀតផង។ គ្រូពេទ្យស្បែក Dhaval G. Bhanusali មានប្រសាសន៍ថា “ប្រើកាន់តែតិច បានកាន់តែច្រើនចំពោះផលិតផលសក់សម្រាប់សក់ស្ដើង” គាត់បន្តទៀតថា “ចាត់ទុកសក់ស្ដើងរបស់អ្នកជាកូនរុក្ខជាតិតូចៗ ស្រោចទឹកច្រើនពេកនឹងធ្វើឲ្យរុក្ខជាតិងាប់”។

២. ប្រើសាប៊ូកក់ស្ងួតច្រើន

ផលិតផលមិនហួតឬជ្រៀបទៅណាទេ វានឹងនៅផ្ដុំគ្នាលើស្បែកក្បាលរបស់អ្នក ដូច្នេះទើបការប្រើប្រាស់សាប៊ូស្ងួតច្រើនពេកនិងកម្ទេចសក់ស្ដើងប្រាកដណាស់។

៣. មិនយកចិត្តទុកដាក់លើស្បែកក្បាល

អ្នកត្រូវតាមដានសុខភាពស្បែកក្បាលឲ្យបានល្អសម្រាប់សក់ដុះតាមបំណង ជាពិសេសគួរស្វែងរកវិធីឬផលិតផលជម្រុះកោសិកាស្បែកក្បាលចាស់ៗចោលកាន់តែប្រសើរ។

៤. សាប់សក់

វាធ្វើឲ្យសក់កាន់តែស្ដើងដោយសារការកកិតច្រើនពីក្រាស់។

៥. ចងសក់តឹងៗ

ការ​ធ្វើ​សក់​​ម៉ូដ​​តឹង​ខ្លាំង​អាច​បំផ្លាញ​សក់​ស្តើង​បន្ថែម​ទៀត​ឬ​ធ្វើ​ឱ្យ​ខូចឬសសក់តែម្ដង។

៦. មិនថែរក្សាសុខភាពពីក្នុងមក

ពេលខ្លះសក់ស្ដើងបណ្ដាលមកពីយើងខ្វះសារធាតុចិញ្ចឹមពីក្នុងខ្លួនមក ដើម្បីសក់ដុះស្អាតយើងគប្បីងាកមកមើលរបបអាហារឡើងវិញ និងរៀបចំអាហារតាមអ្វីដែលរាងកាយត្រូវការ។

៧. វិនិច្ឆ័យមូលហេតុសក់ស្ដើងដោយខ្លួនឯង

ជួនកាលការវិនិច្ឆ័យដ៏សមហេតុផលរបស់អ្នកខុសស្រឡះពីការពិត ដែលកំពុងកើតឡើងក្នុងរាងកាយទៅវិញ អ្នកត្រូវទៅពេទ្យជំនាញដើម្បីឲ្យគាត់វិនិច្ឆ័យជំនួសបើមិនដូច្នោះទេ អ្នកនឹងប្រឈមមុខជាមួយការជ្រុះសក់ច្រើនជាងមុនជាមិនខាន៕

ប្រែសម្រួលដោយ៖ វារី

ចុចអាន៖ ដកសក់មិនជួយបំបាត់អាការឈឺក្បាលទេ តែអាចគ្រោះថ្នាក់ទៅវិញ

ចុចអាន៖ វិធីសាស្ត្រថែរក្សាសក់ឱ្យដុះលឿន តាមរយៈសកម្មភាពប្រចាំថ្ងៃ

The post អ្នកមានសក់ស្ដើងហាមធ្វើរឿង ៧ ចំណុចនេះដាច់ខាត appeared first on Kampuchea Thmey Daily.

ការដកសក់គឺជាការចាប់គួចសក់ដែលនៅជិតគល់សក់ចំនួនបន្តិច (មិនច្រើន ឬមិនតិចពេក) នឹង​ម្រាម​ដៃ រួចទាញសក់ក្នុងទិសដៅត្រង់។ លើសពីនេះទៅទៀត ពេលដកសក់ យើងនឹងឮសំឡេងក្រឹកៗ។

តាមពិតការដកសក់មិនអាចកាត់បន្ថយអាការៈឈឺក្បាលទេ ប៉ុន្តែការដកសក់អាចបង្វែរ​អារម្មណ៍​យើង​ពី​ការ​ឈឺ​ក្បាល។ ការឈឺចាប់ដែលបណ្តាល​មកពីសារការដកសក់អាច​ធ្វើឱ្យយើងធូរស្រាល​ពី​អាការៈ​ឈឺក្បាល ព្រោះ​ខួរ​ក្បាល​យើងកំពុង​ទទួល​សញ្ញា​នៃការ​ឈឺ​ចាប់​ផ្សេង​​ដែល​ខ្លាំងជាងការ​ឈឺក្បាល។

លោកវេជ្ជបណ្ឌិត Anthony S. Youn ឯកទេសវះកាត់កែសម្ផស្សនៅទីក្រុង Troy រដ្ឋ Michigan សហរដ្ឋ​អាមេរិកបានលើកឡើងថា នៅពេលយើងដកសក់ យើងក៏ទាញស្រទាប់ភ្នាស​ក្រោម​ស្បែក​ក្បាល (galea) ចេញ​ពីលលាដ៍ក្បាលដែរ ហើយនៅពេលស្រទាប់ភ្នាសក្រោមស្បែកក្បាល​ត្រលប់​ទៅ​បុកប៉ះនឹងលលាដ៍ក្បាលវិញ យើងនឹងមាន​ឮសំឡេងផង​។

សំឡេងដកសក់អាចធ្វើឱ្យយើងអាចពេញចិត្ត ឬស្កប់ចិត្ត ប៉ុន្តែការដក​សក់​អាចបណ្តាលឱ្យ៖

– រលាក​ស្បែក​ក្បាល៖ ការប្រើកម្លាំងដកសក់អាចបណ្តាល​ឱ្យស្បែកក្បាលយើង​រលាក​ដែល​ធ្វើឱ្យ​យើង​ឈឺ និងស្រគាលស្បែកក្បាល

– រ​ហែក​ស្បែក​ក្បាល៖ ស្បែក​ក្បាលយើងអាចដាច់រហែក នៅពេលយើង​ទាញ​ដកសក់​ដែល​បណ្តាល​ឱ្យយើង​មាន​ការ​ឈឺចាប់ និង​ឆ្លង​មេរោគ

– រហែកស្រទាប់ភ្នាសក្រោមស្បែកក្បាល៖ ការដកសក់ក៏អាចធ្វើឱ្យស្រទាប់​ភ្នាសក្រោម​ស្បែកក្បាល​ដាច់រហែកចេញពីលលាដ៍ក្បាល និងបណ្តាល​ឱ្យមានការហូរឈាមក្រោមស្បែកក្បាលដែរ។

– ខូចឫសសក់៖ ការប្រើកម្លាំងទាញសក់អាចធ្វើឱ្យឫសសក់ខូច ហើយធ្វើ​ឱ្យយើងជ្រុះសក់

លោក Jon Musgrave អ្នកម៉ាស្សាដែលមានអាជ្ញាប័ណ្ណនៅទីក្រុង​ញូវយ៉ក សហរដ្ឋអាមេរិក​បាន​ណែនាំ​ថា ពេលយើងឈឺក្បាល យើងអាចម៉ាស្សាក្បាលដោយប្រើចុងម្រាមដៃទាំង ១០ ដាក់​លើ​ក្បាល រួចម៉ាស្សាជាចលនារង្វង់តូចៗឱ្យសព្វពេញក្បាល។ ប​ន្ទាប់​មកម៉ាស្សា​សៀតផ្កា​ជាមួយ​ចុង​ម្រាម​ដៃចង្អុល និងម្រាមដៃកណ្តាលក្នុងចលនារង្វង់ៗ។

សរុបទៅការដកសក់មិនមែនជាមធ្យោបាយដ៏ល្អក្នុងការបំបាត់អាការៈ​ឈឺ​ក្បាលទេ។ ផ្ទុយទៅវិញ​អាច​បង្កផលវិបាកជាច្រើន៕

អត្ថបទផ្ដល់ដោយ៖ Hello Krupet

ចុចអាន៖មិនចង់ឲ្យសក់ឡើងប្រេង គួរដឹងវិធីការពារទាំងនេះ

ចុចអាន៖ដកសក់មិនជួយបំបាត់អាការឈឺក្បាលទេ តែអាចគ្រោះថ្នាក់ទៅវិញ

The post ដកសក់មិនជួយបំបាត់អាការឈឺក្បាលទេ តែអាចគ្រោះថ្នាក់ទៅវិញ appeared first on Kampuchea Thmey Daily.

យើងអាចការពារសក់ឡើងប្រេងដោយអនុវត្តតាមទម្លាប់ថែទាំសាមញ្ញៗប្រចាំថ្ងៃដូចខាងក្រោម៖

១. ចៀសវាងកក់សក់ញឹកញាប់ពេក

បន្ទាប់ពីកក់សក់រួច ស្បែកក្បាល និងសក់របស់យើងនឹងបាត់បង់ជាតិប្រេង ដូច្នេះស្បែកក្បាលយើង​នឹងផលិតជាតិប្រេងដើម្បីជំនួសជាតិប្រេងដែលបាត់បង់ និងដើម្បីរក្សារសំណើម។

ដូច្នេះ​នៅពេល​យើង​កក់សក់ញឹកញាប់ពេក ស្បែកក្បាលយើងអាចនឹងផលិតជាតិប្រេងច្រើនជ្រុល ហើយបង្កឱ្យ​ឫសសក់​ឡើងប្រេងជាងមុន។ យកល្អយើងគួរកក់សក់រៀងរាល់ ២ ទៅ ៣ ថ្ងៃម្តង តែបើយើង​បែក​ញើស​ខ្លំាង យើងគួរកក់សក់រាល់ថ្ងៃ។

២. ចៀសវាងប្រើគ្រីមបន្ទន់សក់លើឫសសក់ ឬស្បែកក្បាល

ការប្រើគ្រីមបន្ទន់សក់លើឫសសក់ ឬស្បែកក្បាលអាចបណ្តាលឱ្យ​ឫស​សក់​​ឡើងប្រេង ព្រោះ​គ្រីម​បន្ទន់​សក់ពោរពេញទៅដោយជាតិប្រេងដែល​យើងប្រើសម្រាប់បន្ថែមជាតិ​ប្រេងដល់សក់​ដើម្បីឱ្យ​សក់​ទន់ រលោង និងមានសំណើម។ ដូច្នេះយើងគួរប្រើគ្រីមបន្ទន់តែនៅចុងសក់ប៉ុណ្ណោះ។

៣. កាត់បន្ថយអាហារមានជាតិខ្លាញ់

ការញុំាអាហារមានជាតិខ្លាញ់ច្រើនអាចបណ្តាលឱ្យស្បែកក្បាលរបស់យើងផលិតជាតិប្រេងច្រើនដែលធ្វើឱ្យឫសសក់យើងឡើងប្រេងច្រើន។ ជំនួសមកវិញ យើងអាចញុំាបន្លែ និងផ្លែឈើឱ្យបានច្រើន ជាពិសេស អាហារដែលផ្ទុកទៅដោយវីតាមីន E ដូចជា ផ្លែបឺរ សណ្តែកដី និងគ្រាប់ផ្លែឈើជាដើម រួចទាំងអាហារសម្បូទៅដោយ B7 ដូចជា ផ្សិត ដំឡូងជ្វា និងចេក ជាដើមដើម្បី​ជួយឱ្យសក់មាន​សុខភាព​ល្អ។

៤. លាងសម្អាតក្រាសសិតសក់ឱ្យបានញឹកញាប់

សំណល់នៃគ្រីមបន្ទន់សក់ និងផលិតផលធ្វើម៉ូដសក់ដែលជាប់នៅលើ​ក្រាសសិតសក់អាច​ធ្វើឱ្យ​សក់​យើងឡើងជាតិប្រេង។ ដូច្នេះយើងគួរឧស្សាហ៍​​​លាង​សម្អាត​ក្រាសសិតសក់​ជាមួយសាប៊ូ​ឱ្យបាន​ស្អាត។​

៥. ចៀសវាងប៉ះសក់ញឹកញាប់

យើងគួរចៀសវាងយកដៃប៉ះសក់ សិតសក់ ឬបណ្តាលឱ្យសក់ធ្លាក់​ប៉ះនឹងមុខរបស់យើង​ញឹកញាប់​ពេក ព្រោះទង្វើទាំងនេះនឹងធ្វើឱ្យសក់ជាប់ជាតិប្រេងពីដៃ ឬមុខរបស់យើង។

៦. ចៀសវាងផលិតផលថែសក់មានសារធាតុស៊ីលីកូន

សាប៊ូកក់សក់ ក្រែមបន្ទន់សក់ និងផលិតផលធ្វើម៉ូដសក់ជាច្រើនមានផ្ទុកសារធាតុស៊ីលីកូនដូចជា cyclomethicone, amodimethicone និង dimethicone ដែលធ្វើឱ្យសក់ទន់ និងរលោង ប៉ុន្តែសារធាតុ​នេះ​ក៏ធ្វើឱ្យសក់យើងឡើងប្រេងដែរ។

បញ្ហាសក់ឡើងប្រេងអាចកាត់បន្ថយបានបើយើងកែប្រែទម្លាប់មួយចំនួនដូចជាការផ្លាស់ប្តូររបៀបថែទាំសក់ ការ​ប្រើ​ប្រាស់ផលិតផលថែរក្សាសក់ ​និង​របប​អាហារជាដើម៕

អត្ថបទផ្ដល់ដោយ៖ Hello Krupet

ចុចអាន៖វិធីសាស្ត្រថែរក្សាសក់ឱ្យដុះលឿន តាមរយៈសកម្មភាពប្រចាំថ្ងៃ

ចុចអាន៖ដកសក់មិនជួយបំបាត់អាការឈឺក្បាលទេ តែអាចគ្រោះថ្នាក់ទៅវិញ

The post មិនចង់ឲ្យសក់ឡើងប្រេង គួរដឹងវិធីការពារទាំងនេះ appeared first on Kampuchea Thmey Daily.

ប៉ុន្តែ​វា​មិន​ទាន់​ហួស​ពេល​ទេ ក្នុង​ការ​ចាប់ផ្ដើម​ថែរក្សា​សក់របស់អ្នកឱ្យដុះលឿន និងក្រាស់​តាមរយៈ​វិធីសាស្ត្រ​ដែល​អាច​អនុវត្ត​បាន​ដោយខ្លួនឯង​នៅផ្ទះទាំង ៥ ខាងក្រោម។

១. កាត់តម្រឹម​សក់​ឱ្យ​បាន​ញឹកញាប់

បើសិន​ជាអ្នកចង់បានសក់វែង និងមានសុខភាពល្អ អ្នកត្រូវកាត់តម្រឹមសក់ឱ្យបានញឹកញាប់។ លោក Michael Duenas ជា​អ្នកជំនាញខាងម៉ូដសក់ដ៏ល្បីនៅទីក្រុង LA  បានពន្យល់ថា ការកាត់សក់​មិនបានធ្វើឱ្យសក់ដុះលឿនទេ ប៉ុន្តែវាជួយកម្ចាត់បញ្ហាបែកចុងដែលធ្វើឱ្យសក់ខូច ហើយការតម្រឹមសក់ដែលបែកចុងចោល វាជួយឱ្យសក់របស់អ្នកដុះលូតលាស់លឿន។

២. ផ្លាស់ប្ដូរ​របប​អាហារ​ឱ្យ​បាន​ត្រឹមត្រូវ

ការដែល​មានសក់វែង និងរឹងមាំល្អ មិនមែន​ពឹងផ្អែកតែ​លើផលិតផលដែលអ្នកប្រើប្រាស់មួយ​មុខនោះទេ។ កត្តាខាងក្នុង​គឺ​មាន​សារៈសំខាន់​ជាង តាមរយៈរបបអាហារដែលអ្នកបរិភោគ។ អ្នកជំនាញ​បានណែនាំ​ឱ្យ​បរិភោគ​អាហារ​ដែល​មាន​ជាតិ​ប្រូតេអ៊ីនខ្ពស់​ដូចជា សាច់ សណ្ដែក ត្រី និង​គ្រាប់​ធញ្ញជាតិ។ ក្រៅពីប្រូតេអ៊ីន អ្នកគួរបរិភោគវីតាមីនA C E និងសារធាតុរ៉ែដូចជា ស័ង្កសី ជាតិ​ដែក អាស៊ីត​ខ្លាញ់ អូមេហ្គា៣ ដែលរួមចំណែកជួយសក់របស់អ្នកមានសុខភាពល្អ តាម​ការណែនាំ​របស់​មន្ទី​ពិសោធន៍​អាហារូបត្ថម្ភរបស់វិទ្យាស្ថានមួយកន្លែង។

៣. កាត់បន្ថយ​ការ​កក់សក់​ញឹកញាប់

ការកក់សក់ញឹកពេក វាអាចបណ្តាលឱ្យប៉ះពាល់ស្បែកក្បាល និងសុខភាពសក់។ អ្នកគួរ​កក់សក់ពី ២ ទៅ ៣ ដង​ក្នុង​មួយ​សប្ដាហ៍​គឺគ្រប់គ្រាន់។ ការធ្វើបែបនេះ វាធ្វើឱ្យស្បែកក្បាល​បញ្ចេញ​ប្រេង​ពី​ធម្មជាតិ ដើម្បីផ្តល់សំណើមដល់សក់លូតលាស់បានល្អ ព្រមទាំងជួសជុល​ភាព​ខូច​ដោយ​ខ្លួនឯង។ បើចង់បានសក់ក្រាស់ និងលឿនវែង អ្នកជំនាញផ្តល់យោបល់​ឱ្យជ្​រើសរើស​សាប៊ូ​កក់សក់​ដែល​មាន​អក្សរ “volumizing” ឬក៏ “thickening” នៅលើផលិតផល។ ជាពិសេស​ពេល​កក់សក់ ត្រូវ​លាងសាប៊ូចេញឱ្យបាន​ស្អាត​ល្អ​ជាមួយ​ទឹក​ ដែល​មាន​សីតុណ្ហភាព​ត្រជាក់​ល្មម និង​ហាម​ដាច់ខាត​ជាមួយ​ទឹក​ក្តៅ។ ពីព្រោះការដែលមិនបានលាងជម្រះសាប៊ូមិនបានស្អាតល្អ និងប្រើទឹកក្តៅកក់សក់ វាបណ្តាលឱ្យគល់សក់មានសភាពខ្សោយ ងាយនឹងជ្រុះ ឬកើតអង្គែ​។

៤. ចៀសវាង​ការ​ធ្វើសកម្មភាពខ្លាំងៗដល់ស្បែកក្បាល ឬសក់

ក្នុង​ន័យនេះ​សម្តៅ​ដល់ ការកៀប មូល ផ្លុំ ដោយ​កម្តៅក្តៅខ្លាំងដល់សក់ ឬការសិតសក់មួយ​ទំហឹងដៃជាដើម។ អ្នកគួរ​ចៀសវាង​ការធ្វើម៉ូតសក់រញ៉េរញ៉ៃពេក ដែលធ្វើឱ្យ​គល់សក់មាន​ភាពតឹងខ្លាំង ប៉ុន្តែ​បើជៀស​មិនបាន អ្នកគួរ​បន្ថយ​កម្ដៅ​នៃ​ម៉ាស៊ីន។ បើមិនដូច្នេះទេ អ្នក​នឹង​ប្រឈម​នឹ​ងការ​បំផ្លាញ​សក់​ដែល​នាំ​ឱ្យ​សក់ខូចជាដើម។ ជម្រើស​ដែល​ល្អ គួរធ្វើសក់​តាម​ស្ទាយ​បែប​ធម្មជាតិ ទើបសក់មានសភាពក្រាស់ និងដុះមកលឿន។

៥. ប្រើប្រាស់​សារធាតុ មីនអុកស៊ីឌីល (minoxidil)

សារធាតុសកម្ម មីនអុកស៊ីឌីល ត្រូវបានអនុម័តឱ្យ​ប្រើប្រាស់ ​ដើម្បីបញ្ឈប់ការជ្រុះសក់ និង​ពន្លឿន​ប្រវែង​នៃ​សក់ដោយ FDA( The Food and Drug Administration)។ ចំណែក​ឯបរិមាណ​ដែល​សមស្រប និងត្រឹមត្រូវ គឺមីនអុកស៊ីឌីល ២%។

បើសិនជាអ្នកគ្រាន់តែមានសក់ស្តើង និងមិនមាន​បញ្ហាស្បែកក្បាលនោះទេ អ្នក​គួរ​ព្យាយាម​សាកល្បង​​គន្លឹះ​ទាំង៥ខាងលើសិន។ ប៉ុន្តែ​បើ​សក់​របស់​អ្នក​នៅ​តែ​បន្ត​ជ្រុះ​ខ្លាំង​មិន​បាត់ វា​អាច​មក​ពី​ករណី​ផ្សេង​ក្រៅ​ពី​សកម្មភាព​សាមញ្ញ​នោះ។ ដូច្នេះ​អ្នក​គួរ​ប្រញាប់​ទៅ​ជួប​វេជ្ជបណ្ឌិត​ដែល​មាន​ជំនាញ​ច្បាស់លាស់ ដើម្បី​កុំ​ឱ្យវា​វិវត្ត​ទៅ​រក​ករណី​ធ្ងន់ធ្ងរ​ថែមទៀត៕

ប្រែសម្រួល៖ លីលី

ចុចអាន៖ជំនឿមិនពិត ៤ យ៉ាង អំពីក្បាលទំពែក បុរសៗតែងយល់ច្រឡំធំ

ចុចអាន៖ដកសក់មិនជួយបំបាត់អាការឈឺក្បាលទេ តែអាចគ្រោះថ្នាក់ទៅវិញ

The post វិធីសាស្ត្រថែរក្សាសក់ឱ្យដុះលឿន តាមរយៈសកម្មភាពប្រចាំថ្ងៃ appeared first on Kampuchea Thmey Daily.

ទន្ទឹម​នោះ​ នាយកដ្ឋាន​ឱសថ​នៃ​វិទ្យាស្ថាន​ជាតិ​មហារីក​របស់​ប្រទេស​ថៃ បានធ្វើការត្រួត​ពិនិត្យ​ការ​ពិត ​ហើយ​បាន​រក​ឃើញ មិនមាន​ភស្តុតាង​ស្រាវជ្រាវ​ណាមួយ​ ដែល​បង្ហាញ​ថា ​ស្ត្រី​ដែល​លាប​ពណ៌​សក់​ច្រើន ​ ​មាន​ហានិភ័យខ្ពស់នៃជំងឺមហារីកសុដន់នោះទេ។

ប៉ុន្តែ ទោះបីជាការលាប​សក់​មិនមែនជា​ភស្តុតាង​ច្បាស់លាស់ ​ដែលថា វាបង្កើន​ហានិភ័យនៃជំងឺ​មហារីក ​ដូចដែលមនុស្សមួយចំនួនគិត។ នោះមិនមានន័យ​ថា​ ថ្នាំ​លាប​សក់ គ្មាន​គ្រោះថ្នាក់​ដល់​រាងកាយទាល់តែសោះ។

លោកវេជ្ជបណ្ឌិត Somsak Ankasil អគ្គនាយកនៃ​នាយកដ្ឋាន​វេជ្ជសាស្ត្រ​ បាន​មាន​ប្រសាសន៍ថា ការ​ប្រើប្រាស់​ថ្នាំលាប​សក់​ជាប្រចាំ អាច​ប៉ះពាល់​ដល់សុខភាព ដូចជា​រមាស់​ស្បែក​ក្បាល ថ្ងាស ត្រចៀក ភ្នែក និង​ក កន្ទួល ឬ​កន្ទួល​លើ​រាងកាយ។ ប្រសិនបើមាន​ប្រតិកម្ម​អាឡ័កស៊ី​ធ្ងន់ធ្ងរ វា​អាច​បណ្ដាល​ឲ្យ​ពិបាក​ដកដង្ហើម និង​បាត់បង់​ស្មារតី។

បន្ថែមពីលើអ្នកដែលលាបពណ៌សក់ ជាង​អ៊ុតសក់​ ក៏មានហានិភ័យនៃការប៉ះពាល់​នឹងសារធាតុគីមី ជាង​អ្នក​ដែល​លាបពណ៌​សក់ ។ ដោយសារពួកគេប៉ះពាល់​នឹងសារធាតុគីមី​ ដែល​មក​ពី​សារធាតុ​គីមី​ផ្សេងៗ ជាទៀងទាត់​ផងដែរ។

យ៉ាងណាមិញ ​ចំពោះ​អ្នក​ដែល​មិន​ដែល​លាប​ពណ៌​សក់ ​មិន​គួរ​លាប​ពណ៌​សក់​ទេ។ ព្រោះ​នៅ​ក្នុង​ថ្នាំ​លាប​សក់​មាន​ជាតិ​គីមី​ច្រើន។ អាច​បណ្តាល​ឲ្យ​មាន​ប្រតិកម្ម​អាឡ័កស៊ី​ ទៅ​នឹង​សារធាតុ​គីមី​នៅ​លើ​ស្បែក ហើយ​គួរជ្រើសរើស​ផលិតផល​ដែល​មាន​សុវត្ថិភាព និង​ស្តង់ដារ។ សម្រាប់​ជាងលាបសក់ ស្រោមដៃ និង​ឧបករណ៍​ដកដង្ហើម គួរ​ពាក់​ពេល​កំពុង​ធ្វើការ ហើយ​គួរតែ​មាន​ប្រព័ន្ធ​ខ្យល់​ចេញ​ចូល​ល្អ នៅ​ក្នុង​ហាង​ធ្វើ​សក់​៕

ប្រែសម្រួល៖ សាង ស្រីល័ក្ខ

ចុចអាន៖ស្រីៗមិនចង់មានហានិភ័យមហារីកសុដន់ ល្មមភ្ញាក់ខ្លួន ងាកមកផ្ដោតអាហារក្រុមនេះវិញ

ចុចអាន៖កំហុស ៥ ពេលងូតទឹក អាចបំផ្លាញ សក់ដោយអត់ដឹងខ្លួន

The post តើពិតទេ? លាបពណ៌សក់ញឹកញាប់ ប្រឈមនឹងជំងឺមហារីក ជាពិសេសជាងអ៊ុតសក់ appeared first on Kampuchea Thmey Daily.