ស្រីៗមិនចង់មានហានិភ័យមហារីកសុដន់ ល្មមភ្ញាក់ខ្លួន ងាកមកផ្ដោតអាហារក្រុមនេះវិញ

តាមពិតទៅមិនមានអាហារឬរបៀបនៃការញ៉ាំណាដែលអាចការពារឬបង្កមហារីកសុដន់។ ប៉ុន្តែការជ្រើសរើសរបបអាហារដែលមានសុខភាពល្អ អាចធ្វើឲ្យមានការផ្លាស់ប្ដូរដ៏ធំ។

ចំពោះហានិភ័យនៃជំងឺមហារីកសុដន់​​ គឺជាជំងឺស្មុគស្មាញតែ​យើង​ក៏​ត្រូវ​ចេះ​ការ​ពារ​ខ្លួន​ទុក​មុន​ដែរ។

មហារីក​និង​អាហារូបត្ថម្ភតើវាទាក់ទងគ្នាដូចម្តេច?

កត្តាហានិភ័យមហារីក​ បង្កឡើងដោយកត្តាមួយចំនួន។ ការស្រាវជ្រាវបង្ហាញថាប្រហែល ៧០ ភាគរយនៃហានិភ័យនៃជំងឺមហារីក អាស្រ័យលើខ្លួនយើង ​រួមទាំងការញ៉ាំអាហារដូចជាការចៀសវាង​ជក់បារី ការដាក់កំហិត​ស្រា គ្រប់គ្រងទម្ងន់ និងធ្វើលំហាត់ប្រាណ​ឲ្យ​បានទៀងទាត់ ទាំងអស់នេះគឺជា​កត្តាល្អ​សម្រាប់​ការពារជំងឺ​មហារីក ហើយការហូប​របបអាហារដែលមានសុខភាពល្អ​ ក៏ជាកត្តាមួយដែល​អាចជួយការពារ​ជំងឺមហារីកផងដែរ។

ទម្លាប់ហូប​អាហារមួយចំនួនដូចជា អាហារ​សម្បូរផ្លែឈើ បន្លែនិងខ្លាញ់ដែលមានសុខភាពល្អ អាច​កាត់បន្ថយហានិភ័យនៃការវិវត្តទៅជាជំងឺមហារីក រួមទាំងមហារីកសុដន់ ប៉ុន្តែផ្ទុយទៅវិញ ការញ៉ាំអាហារសាច់កែច្នៃជាប្រចាំ បង្កើនហានិភ័យនៃពោះវៀន និងមហារីករន្ធគូថ ។

តើរបបអាហារដែលមានហានិភ័យមហារីកសុដន់មានអ្វីខ្លះ?

មហារីកសុដន់គឺជាជំងឺដែលអាចកើតមាននៅតំបន់ផ្សេងៗគ្នា។ ការព្យាបាលជំងឺមហារីកសុដន់​មានច្រើនទម្រង់​ ដែលត្រូវបានចាត់ទុកថាជាផ្នែកមួយនៃហានិភ័យ។ អាហារទាំងនេះត្រូវបានគេចាត់ទុក​ថាជាអាហារដែលមានសុខភាពល្អ​ វាជួយការពារការវិវត្តនិងការវិវត្តនៃជំងឺមហារីកសុដន់។

ផ្លែឈើនិងបន្លែ ផ្លែប៊ឺរី​ អាហារសម្បូរជាតិសរសៃដូចជាគ្រាប់ធញ្ញជាតិ និងសណ្តែក ផលិតផល​ទឹកដោះគោ ខ្លាញ់ធម្មជាតិល្អ ផលិតផលសណ្តែក អាហារសម្បូរវីតាមីន D និងវីតាមីនផ្សេងទៀត គ្រឿង​ទេសដែលមានលក្ខណៈប្រឆាំងនឹងការរលាក ដូចជារមៀត ខ្ទឹមស រុក្ខជាតិដែល​មាន​សារធាតុ​ប្រឆាំង​អុកស៊ីតកម្ម​ ក្រុមបន្លែបៃតង​ និងដំឡូងជ្វា​ឆ្អិន​ជា​ដើម។

អាហារ​គួរ​ចៀសវាង

ជាតិអាល់កុល ស្ករ ខ្លាញ់ សាច់​ក្រហម អាហារកែច្នៃ ។

ការទទួលទានអាហារ​ដែលផ្តល់អត្ថប្រយោជន៍ដល់​រាងកាយ មិនថាផ្លែឈើនិងបន្លែ សុទ្ធតែ​អាច​រួមចំណែកកាត់បន្ថយហានិភ័យនៃជំងឺមហារីកសុដន់បានច្រើន៕

ប្រែសម្រួល៖ សាង ស្រីល័ក្ខ

ចុចអាន៖ការពិត ១០ យ៉ាង ពីផ្លែឈើបរទេសមួយនេះ ដែលល្បីថា មានប្រយោជន៍ច្រើនដល់រាងកាយ

ចុចអាន៖ដំណាប់ល្មើល្អចំពោះសុខភាពមនុស្សទូទៅ ជាពិសេសជួយស្ត្រីសម្រាលកូនបានលឿន