៥ មូលហេតុ អ្នកជំនាញណែនាំឲ្យជម្រុះកោសិកាចាស់រាល់ថ្ងៃ

គ្រូពេទ្យជំនាញខាងសើស្បែក Michelle Henry ដែលទទួលស្គាល់ដោយក្រុមប្រឹក្សាមានមូលដ្ឋាននៅទីក្រុងញូវយ៉កបានណែនាំថា យើងគួរតែជម្រុះកោសិកាជារៀងរាល់ថ្ងៃព្រោះវាមានអត្ថប្រយោជន៍ច្រើនណាស់សម្រាប់ស្បែកដូចជា ៖

១. ធ្វើឲ្យស្បែកភ្លឺ

តាមធម្មជាតិកោសិកាស្បែកកើតឡើងថ្មីរាល់ ២៨ ថ្ងៃម្ដងធ្វើឲ្យស្បែករបស់អ្នកភ្លឺស្រស់ថ្លាជាងមុន ក្នុងករណីកោសិកាចាស់នៅតោងជាប់ស្បែកនោះយើងមិនអាចឃើញភាពស្រស់ស្អាតពីកោសិកាថ្មីទេ ។

២. ការពារស្ទះរន្ធញើស

ការជម្រុះកោសិកាជួយសម្អាតស្បែកមុខពីធូលីក្នុងរន្ធរោមដែលពិបាកសម្អាតដោយសាប៊ូលាងមុខជាប្រចាំ ជាពិសេសការពារមិនឲ្យរន្ធរោមរីកធំ និងការពារការឡើងមុនទៀតផង ។

៣. ប្រើផលិតផលបានផលល្អ

ស្បែកដែលពោរពេញដោយកោសិកាចាស់នឹងទប់ស្កាត់គ្រឿងផ្សំល្អៗពីការជ្រៀបចូលទៅចិញ្ចឹមស្បែក ដូច្នេះផលិតផលរបស់អ្នកអាចមិនផ្ដល់ផលល្អដូចអ្នកដទៃដែលគេជម្រុះកោសិកាចាស់ទៀងទាត់ទេ ។

៤. ស្បែកស្អាត និងមានពណ៌ស្មើគ្នា

ការជម្រុះកោសិកាធ្វើឱ្យផ្ទៃស្បែករលោងដោយជម្រះនូវកោសិកាស្ងួត ស្នាមអុចខ្មៅ ដែលជួយឱ្យស្បែករាបស្មើ និងកាត់បន្ថយស្បែកខ្មៅស្រអាប់ ។

៥. ផាត់មុខចូល

ស្បែកកាន់តែទន់រលោង គ្រឿងសម្អាងកាន់តែម៉ត់ស្អាតនៅលើមុខ លើសពីនេះកាកសំណល់គ្រឿងសម្អាតនឹងមិនស៊ីស្បែកមុខបង្កទៅជាមុន ឬរីករន្ធរោមទេ ។

សូមបញ្ជាក់ដែរថាមានគ្រឿងផ្សំជម្រុះកោសិកាមួយចំនួនស្ត្រីមានផ្ទៃពោះ ឬបំបៅដោះកូនប្រើមិនបានទេដូចជា Salicylic Acid ជាដើម ៕

ប្រែសម្រួល ៖ វារី

ចុចអាន ៖ កំហុសធំៗ ៦​ យ៉ាង ស្រីៗតែងធ្វើឲ្យ Skincare បាត់បង់ប្រសិទ្ធភាព

ចុចអាន ៖ ជាំមុខមានប៉ុន្មានប្រភេទ? អាចព្យាបាលជាទេ?