KPT+
កំហុស ៥ ពេលងូតទឹក អាចបំផ្លាញ សក់ដោយអត់ដឹងខ្លួន
ពេលខ្លះ យើងអាចបង្កើតកំហុសឆ្គងនៅអំឡុងពេលងូតទឹកដោយមិនដឹងខ្លួន ដែលជាហេតុនាំឲ្យសក់របស់យើងកាន់តែស្ដើងទៅៗ។ ពិតណាស់ សុខភាពសក់ក៏ជារឿងសំខាន់មួយសម្រាប់ស្រីៗយើងដែរ បើសក់ជ្រុះច្រើនជ្រុល វាអាចធ្វើឲ្យយើងបាត់បង់ទំនុកចិត្តលើខ្លួនឯង។ ដូច្នេះហើយ យើងគួរជៀសវាងទម្លាប់ខុសឆ្គងទាំងនេះ អំឡុងពេលងូតទឹក។
១. មិនពាក់ថង់កៅស៊ូរុំសក់ពេលងូតទឹក (Shower cap)
នៅពេលងូតទឹកម្ដងៗ គ្នាយើងប្រហែលជាចង់កក់សក់ ដើម្បីឲ្យមានអារម្មណ៍ស្រស់ស្រាយ។ ប៉ុន្តែ ការកក់សក់គ្រប់ពេល អាចធ្វើឲ្យស្បែកក្បាលរលាក និងស្ងួត ហេតុនេះហើយ ការពាក់ថង់កៅស៊ូរុំសក់ ជាជម្រើសដ៏ល្អមួយ ដែលអាចជួយការពារសរសៃសក់យើងឲ្យនៅស្ងួតល្អ ក៏ដូចជាកាត់បន្ថយបញ្ហាសក់ជ្រុះ។
២. ប្រើទឹកក្ដៅជ្រុល
ទន្ទឹមនឹងនេះដែរ ការងូតទឹកក្ដៅជ្រុល អាចបំផ្លាញសរសៃសក់របស់យើងបាន ដោយធ្វើឲ្យសក់ស្រអាប់ និងគ្មានជីវិត។ មួយវិញទៀត ការកក់សក់ដោយប្រើទឹកក្ដៅក៏អាចបំផ្លាញស្រទាប់ការពារធម្មជាតិនៃស្បែកក្បាល ដែលធ្វើឲ្យស្បែកក្បាលរមាស់ និងក្រហម។
៣. មិនបានសិតសក់មុនពេលងូតទឹក
គ្នាយើងអាចនឹងសិតសក់ឲ្យសព្វល្អក្រោយកក់សក់រួច ប៉ុន្តែការសិតសក់មុនពេលងូតទឹកអាចជួយឲ្យសក់របស់យើងមិនស្អិត ហើយក្រោយកក់សក់ យើងគ្រាន់តែជូតថ្នមៗជាការស្រេច។ ផ្ទុយទៅវិញ ក្រោយកក់សក់រួច បើយើងត្រដុសខ្លាំងៗ សក់នឹងជំពាក់ចូលគ្នា ក៏ដូចជាជ្រុះកាន់តែច្រើន។
៤. កក់សក់រាល់ពេលងូតទឹក
ជាមួយគ្នានេះដែរ បើយើងចង់បានសក់ដែលមានសុខភាពល្អ និងមានទម្ងន់ គួរជៀសវាងកក់សក់ញឹកញាប់ពេក ពីព្រោះការកក់សក់ញឹកញាប់អាចធ្វើឲ្យបាត់បង់ប្រេងធម្មជាតិសំខាន់ សម្រាប់ធ្វើឲ្យសក់ភ្លឺរលោង និងមានសំណើម។
៥. ញីស្បែកក្បាលជាមួយនឹងក្រចកដៃ
ថ្វីត្បិតតែការញីស្បែកក្បាលអាចជួយឲ្យយើងមានអារម្មណ៍ស្រស់ស្រាយក៏ពិតមែន ប៉ុន្តែបើយើងប្រើក្រចកដៃ វាអាចនឹងធ្វើឲ្យស្បែកក្បាលរបស់យើងក្រហាយ និងបណ្ដាលឲ្យរលាកផងដែរ។ ដូច្នេះហើយ គ្នាយើងគួរម៉ាស្សាស្បែកក្បាលដោយប្រើចុងម្រាមដៃរយៈពេលប្រហែល៣នាទី និងជៀសវាងញីត្រលប់ចុះឡើង ជៀសវាងធ្វើឲ្យសក់ជំពាក់កាន់តែខ្លាំង៕
ចុចអាន៖ផ្លែឈើ ៣ ប្រភេទនេះ ល្អចំពោះសុខភាពភ្នែក គួរញ៉ាំជាប្រចាំ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»