៣ ចំណុចអ្នកលាបសក់គួរយល់ដឹង ដើម្បីការពារមិនឲ្យហើរពណ៌

ខំលាបពណ៌ឡើងយូរហើយលទ្ធផលចេញមកស្អាតគួរជាទីគាប់ចិត្ត មិនយូរប៉ុន្មានស្រាប់តែចង់ហើរអស់បាត់ នេះជាបញ្ហារបស់អ្នកលេងពណ៌សក់មួយចំនួនធំ ។ ដូច្នេះដើម្បីការពារមិនឲ្យហើរពណ៌ អ្នកលាបសក់គួរយល់ដឹងពី ៣ ចំណុចខាងក្រោមជាមុនសិន ៖

១. មិនគួរកក់សក់ច្រើនដង

យើងមិនត្រូវកក់សក់លើសពី ៤ ដងក្នុងមួយសប្ដាហ៍ឡើយព្រោះពណ៌អាចនឹងចេញតាមសាប៊ូបន្តិចម្ដងៗរហូតដល់ស្លេក ។ ក្រៅពីសាប៊ូកក់សក់ អ្នកអាចជ្រើសរើសសាប៊ូស្ងួតមកបាញ់សក់ពេលឡើងប្រេងក៏បាន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

២. ការពារសក់ពីកម្ដៅ

កម្ដៅព្រះអាទិត្យ កម្ដៅទឹក និងកម្ដៅប្រដាប់ធ្វើសក់សុទ្ធតែអាចបំផ្លាញពណ៌លើសក់របស់យើងយ៉ាងងាយស្រួល ។ គួរបន្ថែមដែរថា កាំរស្មី UVA និង UVB អាចបំបែកសារធាតុគីមីពណ៌សក់ធ្វើឲ្យហើរពណ៌ដូច្នេះមុនចេញទៅក្រៅអ្នកត្រូវពាក់មួកការពារកម្ដៅទើបប្រសើរ ។

៣. ផ្ដល់សំណើម និងសារធាតុចិញ្ចឹមដល់សក់

ដើម្បីឲ្យសក់មានទម្ងន់ ទន់រលោង អ្នកគួរប្រើក្រែមបន្ទប់ ឬម៉ាស់អប់សក់ជាប្រចាំដែលផ្ដល់គុណប្រយោជន៍សម្រាប់សុខភាពសរសៃសក់ និងរក្សាពណ៌សក់ជាពិសេស ។

ការលាបពណ៌សក់គឺជាសម្រេចចិត្តដ៏សំខាន់មួយដែលទាមទារការមើលថែទាំយកចិត្តទុកដាក់ បើមិនដូច្នោះទេសុខភាពសក់និងស្បែកក្បាលអាចធ្វើឲ្យអ្នកលាបកាន់តែមានបញ្ហា ៕

ប្រែសម្រួល ៖​ វារី

ចុចអាន ៖ តើពិតទេ? លាបពណ៌សក់ញឹកញាប់ ប្រឈមនឹងជំងឺមហារីក ជាពិសេសជាងអ៊ុតសក់