បុរសទេសចរជនជាតិអេស្ប៉ាញរូបនេះមានអាយុ ៤៤ ឆ្នាំរូបនេះបានរងរបួសដៃ ពេលដើរទៅចំណតឡានក្រុង ប៉ុន្តែត្រូវបានព្យាបាលនៅមន្ទីរពេទ្យ ហើយបានចេញពីមន្ទីរពេទ្យនៅថ្ងៃដដែលនោះ។ ចាប់តាំងពីពេលនោះមក អាជ្ញាធរជប៉ុនបានបិទផ្លូវក្នុងស្រុក និងបង្កើនការល្បាត។

គួរបញ្ជាក់ថាឧបទ្ទវហេតុនេះកើតឡើងបន្ទាប់ពីការវាយសម្លាប់យ៉ាងសាហាវរបស់សត្ខខ្លាឃុំនៅភាគខាងជើងប្រទេសជប៉ុនកាលពីសប្តាហ៍មុន ។ ទិន្នន័យរបស់រដ្ឋាភិបាលជប៉ុនបង្ហាញថា ការវាយប្រហាររបស់សត្វខ្លាឃ្មុំរាប់សិបក្បាលកើតឡើងជារៀងរាល់ឆ្នាំ ដែលជំរុញឱ្យប្រទេសជប៉ុនថ្មីៗនេះបន្ធូរបន្ថយច្បាប់ម៉ាញ់សត្វដើម្បីការពារសហគមន៍៕

អត្ថបទ៖ ប៊ុន សុភាព

The post ទេសចរ​អេស្ប៉ាញម្នាក់​ត្រូវ​ខ្លាឃ្មុំ​វាយប្រហារ ក្នុង​តំបន់​បេតិកភណ្ឌ​របស់ប្រទេសជប៉ុន appeared first on Kampuchea Thmey Daily.

កាលពីពេលថ្មីៗនេះ អ្នកលេងអ៊ីនធឺណិតម្នាក់បានចែករំលែករូបភាពរបស់ Fu Bao នៅលើបណ្តាញអ៊ីនធឺណេត ដែលអ្នកផ្សេងទៀតបានកត់សម្គាល់ភ្លាមៗថា ខ្លាឃ្មុំផេនដាហាក់ដូចជាស្ថិតក្នុងស្ថានភាពមិនល្អ។ អ្នកទាំង​នេះ​បាន​ចង្អុល​បង្ហាញ​ថា រោម​របស់ផេនដា ហាក់​ដូច​ជា​មិន​មាន​ស្នាម​ប្រឡាក់​លើ​មុខរបស់វា។

មិនតែប៉ុណ្ណោះម្នាក់ៗបានសម្រុកចូលបញ្ចេញមតិខុសៗគ្នាថាគ្រាន់តែឃើញរូបភាព Fu Bao ពួកគេសឹងតែប្រេះបេះដូងជាពីរហើយ! ក្នុងនោះគេក៏ស្នើសូមមើល​ថែ​នាង​ឲ្យ​បាន​ល្អ​​ នាងប្រៀបដូច​ជា​គ្រឿងអលង្ការ​ដ៏​មាន​តម្លៃ បើមិនអាចមើលថែរបានទេ ឲ្យយកនាងមកប្រទេសកូរ៉េខាងត្បូងវិញ។

លើសពីនេះទៀតដែរ ប្រជាជនកូរ៉េដែលស្រលាញ់ Fu Bao ជាច្រើនបានសម្ដែងការខូចចិត្តជាខ្លាំងដោយថាភាគីខាងចិនបានរំលោភ​បំពានរាងកាយផេនដា។ ក្នុងពេលដែលកូរ៉េបានចាត់ទុកថានាងគឺជាព្រះនាងតូចនៅក្នុងសួនសត្វដែលនាំឲ្យអ្នកទស្សនាបំបាត់រាល់ការស្រ្តេសនិងទុក្ខកង្វល់នានា។

Fu Bao ដែលជាខ្លាឃ្មុំផេនដាយក្សកើតដំបូងគេនៅប្រទេសកូរ៉េខាងត្បូង បានកើតនៅថ្ងៃទី ២០ ខែកក្កដា ឆ្នាំ ២០២០ នៅសួនកម្សាន្ត Everland ។ វា​ជា​កូន​របស់ Ai Bao និង Le Bao ជា​ខ្លាឃ្មុំ​ផេនដា​ខ្ចី​ពី​ប្រទេស​ចិន។ បន្ទាប់ពីកិច្ចព្រមព្រៀងអន្តរជាតិទាក់ទងនឹងការអភិរក្សខ្លាឃ្មុំផេនដា Fu Bao ត្រូវបានផ្លាស់ទីលំនៅទៅប្រទេសចិនក្នុងខែមេសា ឆ្នាំ ២០២៤។ អ្នកគាំទ្រកូរ៉េខាងត្បូងរបស់ផេនដា កំពុងសម្តែងការព្រួយបារម្ភអំពីសុខភាពរបស់នាង និងបង្ហាញពីក្តីសង្ឃឹមសម្រាប់ការវិលត្រឡប់មកប្រទេសកូរ៉េវិញ៕

អត្ថបទ៖ សាង​​ ស្រីល័ក្ខ

ចុចអាន៖លោក​អូបាម៉ា​ ទម្លាក់សំណេរមួយ ក្រោយ​ធ្លាយដំណឹង​លែងលះជាមួយភរិយា

The post ផេនដា Fu Bao ធ្លាប់ឆក់យកបេះដូងប្រជាជនកូរ៉េ ពេលនេះសុខភាពទ្រុឌទ្រោម ក្រោយទៅដល់ចិន appeared first on Kampuchea Thmey Daily.

ខ្លាឃ្មុំ Bao Li ដែលជាខ្លាឃ្មុំផេនដាឈ្មោល និង Qing Bao ជាខ្លាឃ្មុំញីអាយុ៣ឆ្នាំត្រូវបានដឹកនាំទៅកាន់សួនសត្វ Smithsonian National ក្នុងទីក្រុង Washington ក្រោមកិច្ចព្រមព្រៀងបង្កាត់ពូជ និងស្រាវជ្រាវរយៈពេលមួយទសវត្សរ៍។

​មន្ត្រី​​សួនសត្វ បាន​លើក​ឡើង​ថា ពួកវាបានចាកចេញពីខេត្តស៊ីឈួននៃ​ប្រទេសចិន តាមជើងហោះហើរជួលមួយ​គ្រឿង​​ដែលមានឈ្មោះថា «Panda Express»។ សត្វ​ទាំង​នោះ​នឹង​ត្រូវ​ដាក់​ឲ្យ​នៅ​ដាច់​ដោយ​ឡែក​ពី​គេ មុន​នឹង​បង្ហាញ​ខ្លួន​ជា​សាធារណៈ​នៅ​ថ្ងៃ​ទី​២៤ខែ​មករា​ឆ្នាំ​២០២៥។

ការខ្ចីខ្លាឃ្មុំផេនដាទៅកាន់សួនសត្វ​សហរដ្ឋអាមេរិក​បានចាប់ផ្តើមបន្ទាប់ពីពេលនោះប្រធានាធិបតីអាមេរិក លោក Richard Nixon បានទៅ​លេងប្រទេសចិនក្នុងឆ្នាំ១៩៧២។ ពួកវាត្រូវបានគេចាត់ទុកថាជានិមិត្តសញ្ញានៃទំនាក់ទំនងមិត្តភាពរវាងសហរដ្ឋ​អាមេរិក​និង​ចិន​អស់រយៈ​ពេល​ជាង​៥០​ឆ្នាំមកហើយ។ ប៉ុន្តែ​គ្មាន​ខ្លាឃ្មុំ​ផេនដា​នៅ​សួន​សត្វ​អាមេរិកជិត​មួយ​ឆ្នាំ​ហើយ​ចាប់​តាំង​ពី​ខ្លាឃ្មុំមួយ​គូ និង​កូន​របស់​វា​ត្រូវ​បាន​គេ​បញ្ជូន​ត្រឡប់​ទៅ​ប្រទេស​ចិន​វិញ​ក្នុង​ឆ្នាំ២០២៣។

គួររម្លឹកថា ប្រធានាធិបតីចិនលោក Xi Jinping ក្នុងអំឡុងដំណើរទស្សនកិច្ចរបស់លោកទៅកាន់ទីក្រុង San Francisco កាលពីខែវិច្ឆិកាឆ្នាំមុន បានបង្ហាញថា ប្រទេសរបស់លោកនឹងពិចារណាបញ្ជូនខ្លាឃ្មុំផេនដាទៅកាន់សហរដ្ឋអាមេរិកម្តងទៀត។ ទោះយ៉ាងណាទំនាក់ទំនងការទូតខ្លាឃ្មុំផេនដាថ្មីរបស់ចិនជាមួយសហរដ្ឋអាមេរិកគឺជាចំណុច​ដ៏កម្រមួយនៅក្នុងទំនាក់ទំនងដ៏ស្វិតស្វាញរវាងគូប្រជែងមហាអំណាចទាំងពីរដែលត្រូវបានបំផ្លាញដោយភាពតានតឹងលើពាណិជ្ជកម្ម បច្ចេកវិទ្យា ភូមិសាស្ត្រនយោបាយ និងបញ្ហាជាច្រើនទៀត៕

អត្ថបទ៖ ប៊ុន សុភាព

The post ខ្លាឃ្មុំផេនដាយក្សពីរក្បាលមកពីប្រទេសចិនបាន​ទៅ​ដល់​សហរដ្ឋអាមេរិក appeared first on Kampuchea Thmey Daily.

បុគ្គលិកដែលបានស្លាប់មិនត្រូវបានបញ្ចេញឈ្មោះ​នោះ​ទេគឺ​គ្រាន់​តែ​បាន​បញ្ជាក់​ថា ពួកគេ​កំពុងធ្វើការឱ្យក្រុមហ៊ុន Nasittuq Corporation ដែលជាក្រុមហ៊ុនដឹកជញ្ជូនដែលប្រតិបត្តិការទីតាំងការពាររ៉ាដាក្នុងនាមរដ្ឋាភិបាលកាណាដា។

ក្រុមហ៊ុនបានចេញសេចក្តីថ្លែងការណ៍មួយថា កម្មករផ្សេងទៀតបានឆ្លើយតបទៅកាន់កន្លែងកើតហេតុ ហើយបានសម្លាប់ខ្លាឃ្មុំមួយក្បាល ខណៈការវាយប្រហារនេះបានកើតឡើងកាលពីសប្តាហ៍មុននៅលើកោះ Brevoort ភាគអាគ្នេយ៍នៃកោះ Baffin ។

ជាមួយគ្នានេះក្រុមហ៊ុនបាន​លើក​ឡើង​ថា​​៖«យើងកំពុងធ្វើការយ៉ាងជិតស្និទ្ធជាមួយអាជ្ញាធរមូលដ្ឋាន និងភ្នាក់ងារនិយតកម្ម ដើម្បីធ្វើការស៊ើបអង្កេតឱ្យបានហ្មត់ចត់ចំពោះកាលៈទេសៈជុំវិញឧបទ្ទវហេតុនេះ»។ ក្រុមហ៊ុនក៏បានប្ដេជ្ញាក្នុងការធានាសុវត្ថិភាព និងសុខុមាលភាពរបស់និយោជិត​ដែល​ជាអាទិភាពខ្ពស់បំផុតដើម្បីឱ្យមានបរិយាកាសការងារប្រកបដោយសុវត្ថិភាព។

គួរបញ្ចាក់ថា ការវាយប្រហាររបស់ខ្លាឃ្មុំតំបន់ប៉ូលលើមនុស្សគឺកម្រមានណាស់ ប៉ុន្តែនេះយ៉ាងហោចណាស់ការស្លាប់ចំនួន​ពីរលើក​ដែលត្រូវបានកត់ត្រាទុកពីការវាយប្រហាររបស់ខ្លាឃ្មុំប៉ូលចាប់តាំងពីឆ្នាំ២០២៣។ កាល​ពី​ឆ្នាំ​មុន ស្ត្រី​ម្នាក់​និង​កូន​ប្រុស​អាយុ​១​ឆ្នាំ​ត្រូវ​ខ្លា​ឃ្មុំ​ប៉ូល​សម្លាប់​នៅ​ភូមិ Alaskan​។ នៅក្នុងប្រទេសកាណាដា មានខ្លាឃ្មុំតំបន់ប៉ូលប្រហែល ១៧០០០ក្បាលរស់នៅ ដែលប្រហែល ២ភាគ៣ នៃចំនួនខ្លាឃ្មុំពិភពលោក។ នេះបើយោងតាមរដ្ឋាភិបាលកាណាដា។

លើសពីនេះក៏មានការវាយប្រហាររបស់ខ្លាឃ្មុំនៅកន្លែងផ្សេងទៀតដូចជា ក្មេងស្រីអាយុបីឆ្នាំនៅរដ្ឋ Montanaសហរដ្ឋអាមេរិក ត្រូវបានខ្លាឃ្មុំខ្មៅអូសចេញពីតង់របស់នាងនៅឯកន្លែងបោះជំរុំឯកជនមួយកាលពីថ្ងៃអាទិត្យ។មន្ត្រី​សត្វព្រៃ​បាន​ដាក់​អន្ទាក់ ហើយ​បាន​ចាប់​ខ្លាឃ្មុំ​មួយ​ក្បាល​ដែល​គេ​ជឿ​ថា​បាន​ជាប់​ពាក់ព័ន្ធ​នឹង​ការ​វាយប្រហារ​នេះ។

បើទោះបីជាខ្លាឃ្មុំខ្មៅមានទំហំតូចជាងខ្លាឃ្មុំប៉ូល ប៉ុន្តែនៅតែអាចមានគ្រោះថ្នាក់ខ្លាំងដល់មនុស្ស។នៅឆ្នាំ ២០២៣ ស្ត្រីម្នាក់នៅរដ្ឋCaliforniaត្រូវបានវាយប្រហារយ៉ាងធ្ងន់ធ្ងរ និងបានស៊ីនាងក្នុងផ្ទះដែលនេះជាការស្លាប់លើកដំបូងដោយខ្លាឃ្មុំខ្មៅនៅក្នុងប្រវត្តិសាស្ត្ររបស់រដ្ឋនេះ៕

អត្ថបទ៖ ប៊ុន សុភាព

The post ខ្លាឃ្មុំពីរក្បាល​ខាំ​សម្លាប់​កម្មករថែទាំ​រ៉ាដា​នៅ​អាក់​ទិក​​ appeared first on Kampuchea Thmey Daily.

កាលពីឆ្នាំ ២០២៣ អាជ្ញាធរជប៉ុនក៏បានឲ្យដឹងដែរថា មនុស្សចំនួន ៣៩ នាក់ ត្រូវបានវាយប្រហារដោយខ្លាឃ្មុំ ខណៈនៅឆ្នាំ២០១៧ គឺមានសត្វខ្លាឃ្មុំវាយប្រហារមនុស្សច្រើនបំផុតរហូតដល់៤០នាក់ ហើយនៅក្នុងឆ្នាំ២០២៤នេះ តួលេខអាចនឹងកើនឡើងលើសឆ្នាំមុនៗ ទៅទៀត។

យោងតាមក្រសួងបរិស្ថានជប៉ុន, រដ្ឋាភិបាលក្រុងទូទាំងប្រទេស បានទទួលរបាយការណ៍បន្ថែមទៀតអំពីការរកឃើញសត្វខ្លាឃ្មុំ និងដានជើងច្រើនជាងអ្វីដែលពួកគេទទួលបានក្នុងឆ្នាំធម្មតា។ ជាក់ស្តែងនៅខែមេសា និងឧសភា រដ្ឋាភិបាលក្នុងតំបន់បានទទួលរបាយការណ៍ចំនួន ៣ ០៣២ ដែលកើនឡើងជិត ៥០០ ពី ២ ៥៦៧ បើធៀបនឹងឆ្នាំមុន។

​អាជ្ញាធរក៏ព្រមាន អ្នក​ស្រុកអំពីផលប៉ះពាល់ដែល​អាច​កើត​មាន​ដូច​ជា​ផលដំណាំរបស់ពួកគេផងដែរ ខណៈខេត្តមួយចំនួន ចាប់ពីហុកកៃដូ រហូតដល់ភាគកណ្តាលប្រទេសជប៉ុន បាននិងកំពុងចេញការព្រមានអំពីសត្វខ្លាឃ្មុំ។ លើសពីនេះ ក្រុមមន្ត្រី​បាន​ណែនាំ​ប្រជាជន ​ឱ្យ​តាមដានព័ត៌មាន​អំពី​​សត្វ​ខ្លាឃ្មុំនៅ​លើ​គេហទំព័រ​របស់​ខេត្ត ដើម្បី​ចៀសវាង​ការ​ជួប​ខ្លាឃ្មុំ ដែលអាចបង្កឲ្យមានគ្រោះថ្នាក់៕

អត្ថបទ៖ ប៊ុន សុភាព

The post ត្រឹម៣ខែ មនុស្ស ៣៧ នាក់ ត្រូវខ្លាឃ្មុំវាយប្រហារ នៅជប៉ុន appeared first on Kampuchea Thmey Daily.

​ហេតុការណ៍នេះបានកើតឡើងនៅវេលាម៉ោង ១៖៤៥ នាទីរសៀល ថ្ងៃទី០៦ ខែវិច្ឆិកា ឆ្នាំ២០២៣ ត្រង់ចំណុចដំណាក់ត្រឡាច ជាប់ជើងភ្នំខ្មោចស្ថិតក្នុងភូមិឈើទាលជ្រុំ ឃុំប្រមោយ ស្រុកវាលវែង ខេត្តពោធិ៍សាត់។

​លោក ហ៊ុន រ៉ែម នាយប៉ុស្ត៍រដ្ឋបាលមូលដ្ឋានឃុំប្រម៉ោយឲ្យដឹងថា មុនពេលកើតហេតុជនរង​គ្រោះត្រូវបានឪពុកបង្កើតបបួលចេញពីផ្ទះទៅជួយដក គម ក្រវាញ ដើម្បីយកទៅលក់ដោះស្រាយ​ជីវភាព នៅម្ដុំជើងភ្នំខ្មោច មានចម្ងាយពីផ្ទះប្រមាណជាង ៣ គីឡូម៉ែត។

​លុះទៅដល់ចំណុចកើតហេតុអ្នកទាំងពីរក៏បានឃ្លាតចម្ងាយពីគ្នាប្រមាណ ៥ ម៉ែត្រ ចូលព្រៃស្រោង​វែកព្រៃរកដកគម​ក្រវាញ ភ្លាមនោះជនរងគ្រោះជាកូនក៏បានវាក់នឹងសត្វខ្លាឃ្មុំដ៍ធំ​មួយក្បាល វាក៏​ភ្ញាក់​ហើយ​លោតមកខាំបោកក្បាល និងជើងខាងស្ដាំបណ្ដាលឲ្យរបួសធ្ងន់។ ពេលនោះឪពុកក្រឡេកឃើញភ្លាមក៏បានកាប់ដំបងប៉ុនកដៃចូលជួយ​សង្រ្គោះកូន ប្រយុទ្ធជាមួយខ្លាំឃ្មុំ ដោយវាយ​ខ្លាឃ្មុំបានពីរដំបង ពេលនោះខ្លាឃ្មុំឈឺក៏រត់ចូលព្រៃស្រោងបាត់។

លោកមេប៉ុស្តិ៍បន្តថា៖ ក្រោយពេលឪពុកសង្រ្គោះកូនប្រុសគាត់ពីខ្លាឃ្មុំ​បាន​ហើយ ក៏បានយកមកលំនៅដ្ឋាន រូចក៏រាយការណ៍ជូនអាជ្ញាធរសមត្ថកិច្ចក៏បានយករថយន្តសង្រ្គោះ ដឹកជនរងគ្រោះទៅកាន់មន្ទីពេទ្យខេត្តពោធិ៍សាត់តែម្ដង។

ក្មេងជនរងគ្រោះឈ្មោះ រឹម រ៉ាន់ អាយុ​១៥ឆ្នាំ រស់នៅ​ភូមិឃុំកើតហេតុ រងរបួសធ្ងន់ធ្ងរ គឺខ្លាឃ្មុំខាំត្រូវជើង​ខាងស្ដាំ និងត្រង់ក្បាល៕

​អត្ថបទ៖ លាន គ្រន

The post ក្មេងប្រុសម្នាក់រួចជីវិតពីការវាយប្រហាររបស់ខ្លាឃ្មុំបន្ទាប់ពីឪពុកចូលជួយសង្គ្រោះនៅពោធិ៍សាត់ appeared first on Kampuchea Thmey Daily.

នៅថ្ងៃអាទិត្យ ទី១ ខែតុលា ទីភ្នាក់ងារសហព័ន្ធបាននិយាយនៅក្នុងសេចក្តីថ្លែងការណ៍ថា អាជ្ញាធរទទួលបានការជូនដំណឹងអំពីការវាយប្រហាររបស់ខ្លាឃ្មុំតាមឧបករណ៍ GPS កាលពីល្ងាចថ្ងៃសុក្រ ។ ទោះបីជា “ក្រុមឆ្លើយតបការវាយប្រហារមនុស្សរបស់សត្វព្រៃ Parks Canada” ធ្វើការចល័តភ្លាមៗក៏ដោយ ប៉ុន្តែលក្ខខណ្ឌអាកាសធាតុបានរារាំងពួកគេមិនឱ្យប្រើប្រាស់ឧទ្ធម្ភាគចក្រទេ ដូច្នេះត្រូវធ្វើដំណើរតាមដីគោកវិញ ។

នៅពេលដែលក្រុមឆ្លើយតបទៅដល់ទីតាំង ពួកគេបានរកឃើញមនុស្សពីរនាក់ស្លាប់បាត់ទៅហើយ។ សេចក្តីថ្លែងការណ៍បាននិយាយទៀតថា ពេលក្រុមឆ្លើយតបជួបប្រទះខ្លាឃ្មុំដែលបង្កគ្រោះថ្នាក់ វាមានលក្ខណៈកាចសាហាវ ទើបពួកគេសម្រេចចិត្តសម្លាប់វានៅនឹងកន្លែងតែម្ដង ដើម្បីធានាសុវត្ថិភាពសាធារណៈ ។

ជាមួយគ្នានេះដែរ Parks Canada បានណែនាំអ្នកឡើងភ្នំឲ្យដាក់ទឹកបាញ់ការពារខ្លាឃ្មុំតាមខ្លួន បង្កសំឡេងរំខានខ្លាំងៗ និងធ្វើដំណើរជាក្រុមច្រើននាក់ ។ ក្នុងករណីជួបប្រទះជាមួយខ្លាឃ្មុំ អ្នកត្រូវធ្វើចិត្តឲ្យស្ងប់ កុំរត់ និងធ្វើខ្លួនឲ្យមើលឃើញធំ ទើបមានឱកាសរស់រានមានជីវិតខ្ពស់ ៕

ប្រែសម្រួល៖ វារី

ប្រភព៖ insider

ចុចអាន៖ សត្វខ្លាឃ្មុំវាយប្រហារបុរសពីរនាក់រងរបួសធ្ងន់ ខណៈកំពុងដើរទៅដងត្រី

The post ខ្លាឃ្មុំមួយក្បាល ហែកសម្លាប់ប្ដីប្រពន្ធ ២ នាក់នៅ កាណាដា appeared first on Kampuchea Thmey Daily.

១. ខ្លាឃ្មុំទឹកកកជាថនិកសត្វសមុទ្រ

ដោយសារវារស់នៅលើទឹកកកនៃសមុទ្រអាក់ទិច និងស្វែងរកអាហារនៅទីនោះជាអចិន្ត្រៃយ៍ ទើបត្រូវចាត់ទុកជាថនិកសត្វសមុទ្រខុសពីខ្លាឃ្មុំដទៃ ។ 

២. ខ្លាឃ្មុំទឹកកកមានស្បែកខ្មៅ 

នៅពីក្រោមរោមពណ៌សស្គុះរបស់ខ្លាឃ្មុំទឹកកកគឺជា ស្បែកខ្មៅ ចំណែកឯរោមវិញមានសភាពថ្លាផ្លាតពីពន្លឺពណ៌ស ។

៣. ខ្លាឃ្មុំទឹកកកអាចហែលទឹកមិនឈប់ជាច្រើនថ្ងៃ

វាអាចហែលទឹកក្នុងល្បឿន ៦ម៉ាយ/មួយម៉ោង ដោយមិនឈប់ច្រើនម៉ោង ។ ក្រញាំដ៏ធំរបស់ពួកគេគឺ សម្រាប់ហែលទឹកយ៉ាងចំណាប់តែម្ដង ។

៤. អត្រាការប្រមាញ់ជោគជ័យនៃខ្លាឃ្មុំទឹកកកមានតិចជាង ២ភាគរយ

គ្រាន់តែការប្រមាញ់ចំណីរបស់ខ្លាឃ្មុំទឹកកកចំណាយពេលសឹងតែកន្លះជីវិតទៅហើយ ប៉ុន្តែមិនងាយទទួលបានជោគជ័យសោះ ។ ចំណីចម្បងរបស់ខ្លាឃ្មុំទឹកកកមានដូចជា ភេ Ringed និង ភេ Bearded ជួនកាលវាក៏ងាកមកស៉ីសត្វតូចៗ បក្សី ស៊ុត និងរុក្ខជាតិផងដែរ ។

៥. អ្នកវិទ្យាសាស្ត្រអាចទាញយក DNA របស់ខ្លាឃ្មុំទឹកកកបានពីស្នាមជើង

បច្ចេកទេសថ្មីប្រកបដោយភាពច្នៃប្រឌិតដែលបង្កើតឡើងដោយ WWF និងក្រុមហ៊ុនឯកទេស DNA SPYGEN អនុញ្ញាតឱ្យអ្នកវិទ្យាសាស្ត្រញែក DNA ចេញពីជើងខ្លាឃ្មុំប៉ូលនៅក្នុងព្រិលមិនគួរឲ្យជឿ ។ គេត្រូវការតែព្រិលក្រោមដានជើងចំនួនពីរស្លាបព្រាប៉ុណ្ណោះ ដើម្បីមើល DNA ព្រមទាំងអាចសម្គាល់ភេដែលវាទើបតែស៊ីទៀតឯណោះ ។

៦. ខ្លាឃ្មុំទឹកកករងការគម្រាមកំហែងខ្លាំងជាងអាកាសធាតុប្រែប្រួល

ខណៈការប្រែប្រួលនៃអាកាសធាតុជាបញ្ហាធំបំផុតចំពោះអាយុជីវិតខ្លាឃ្មុំទឹកកកឧស្សាហកម្មប្រេង និងឧស្ម័នកំពុងផ្ដល់ហានិភ័យលើតំបន់អាក់ទិកដោយការបំផ្លិចបំផ្លាញជម្រកសត្វ ។ ករណីកំពប់ប្រេងពិតជាជះឥទ្ធិពលយ៉ាងធ្ងន់ធ្ងរទៅលើឥទ្ធិពលអ៉ីសូឡង់នៃរោមខ្លាឃ្មុំបណ្ដាលឲ្យវាប្រើប្រាស់ថាមពលបន្ថែមដើម្បីរក្សាកម្ដៅខ្លួន និងអាចបំពុលសត្វបើសិនវាលេបចូលពោះ មិនតែប៉ុណ្ណោះខ្លាឃ្មុំទឹកកកកំពុងប្រឈមមុខនឹងអសមត្ថភាពបន្តពូជបូករួមទាំងបញ្ហាសុខភាពច្រើនទៀត ។

៧. ខ្លាឃ្មុំទឹកកកមានកូនកាត់

ខ្លាឃ្មុំទឹកកកអាចបង្កាត់ពូជជាមួយខ្លាឃ្មុំធម្មតាបានតាំងពី ១៥ម៉ឺនឆ្នាំមុនមកម្ល៉េះ ។ ខ្លាឃ្មុំកូនកាត់មានទម្លាប់រស់នៅ និងអាកប្បកិរិយាដូចខ្លាឃ្មុំទឹកកកបើសិនមានម្ដាយជាខ្លាឃ្មុំទឹកកក ។

៨. ខ្លាឃ្មុំទឹកកកមាន ១៩ប្រភេទផ្សេងៗគ្នា

ចំនួនខ្លាឃ្មុំទឹកកកសរុបមានប្រមាណ ២៦,០០០ក្បាល ត្រូវចែកចេញជា ១៩ប្រភេទ ។ ក្នុងនោះមាន ១ប្រភេទកំពុងកើនឡើង ៥ប្រភេទមានស្ថេរភាព និង ៤ប្រភេទកំពុងប្រឈមមុខនឹងការដាច់ពូជ សម្រាប់ ៩ប្រភេទទៀតគ្មានព័ត៌មានគ្រប់គ្រាន់ឲ្យសន្មត់ឡើយ ។

៩. ខ្លាឃ្មុំទឹកកកឈ្មោលមានទម្ងន់ធ្ងន់ប្រហែលបុរស ១០នាក់

ខ្លាឃ្មុំទឹកកកឈ្មោលមានទម្ងន់ប្រហែល ៨០០គីឡូក្រាម ធំជាងខ្លាឃ្មុំញីពីរដង និងមានប្រវែងដល់ទៅ ៣ម៉ែត្រគិតជាបណ្ដោយ ។

១០. ខ្លាឃ្មុំទឹកកកមានសមត្ថភាពហិតក្លិនចំណីរបស់វាដល់ទៅ១គីឡូម៉ែត្រ

វាមានសមត្ថភាពហិតក្លិនសត្វភេនៅក្នុងទឹក ឬរូងណាមួយ បន្ទាប់មកខ្លាឃ្មុំទឹកកកនឹងធ្វើការរង់ចាំរហូតដល់ភេចេញពីទឹក ឬរូងផុត រួចចាប់ផ្ដើមធ្វើសកម្មភាពប្រមាញ់ចំណីដោយមិនបង្អង់ ៕

ប្រែសម្រួលដោយ ៖ វារី

ចុចអាន៖ ការពិតដ៏អស្ចារ្យ ១០ យ៉ាង ពីសត្វសំពោច Meerkat

ចុចអាន៖ សត្វ ៥ ប្រភេទ ផុតពូជពីផែនដីគ្មានសល់

The post ១០ យ៉ាង ដ៏គួរឲ្យចាប់អារម្មណ៍ពីខ្លាឃ្មុំទឹកកក appeared first on Kampuchea Thmey Daily.