សន្តិសុខសង្គម
ក្មេងប្រុសម្នាក់រួចជីវិតពីការវាយប្រហាររបស់ខ្លាឃ្មុំបន្ទាប់ពីឪពុកចូលជួយសង្គ្រោះនៅពោធិ៍សាត់
ក្មេងប្រុសវ័យជំទង់ម្នាក់ត្រូវខ្លាឃ្មុំវាយប្រហារ ហើយឪពុកចូលវាយជាមួយខ្លាឃ្មុំដើម្បីសង្គ្រោះរួចជីវិត ខណៈអ្នកទាំងពីឪពុកកូន ទៅដក គម ក្រវាញ ក្នុងព្រៃក្បែរជើងភ្នំខ្មោច។
ហេតុការណ៍នេះបានកើតឡើងនៅវេលាម៉ោង ១៖៤៥ នាទីរសៀល ថ្ងៃទី០៦ ខែវិច្ឆិកា ឆ្នាំ២០២៣ ត្រង់ចំណុចដំណាក់ត្រឡាច ជាប់ជើងភ្នំខ្មោចស្ថិតក្នុងភូមិឈើទាលជ្រុំ ឃុំប្រមោយ ស្រុកវាលវែង ខេត្តពោធិ៍សាត់។
លោក ហ៊ុន រ៉ែម នាយប៉ុស្ត៍រដ្ឋបាលមូលដ្ឋានឃុំប្រម៉ោយឲ្យដឹងថា មុនពេលកើតហេតុជនរងគ្រោះត្រូវបានឪពុកបង្កើតបបួលចេញពីផ្ទះទៅជួយដក គម ក្រវាញ ដើម្បីយកទៅលក់ដោះស្រាយជីវភាព នៅម្ដុំជើងភ្នំខ្មោច មានចម្ងាយពីផ្ទះប្រមាណជាង ៣ គីឡូម៉ែត។
លុះទៅដល់ចំណុចកើតហេតុអ្នកទាំងពីរក៏បានឃ្លាតចម្ងាយពីគ្នាប្រមាណ ៥ ម៉ែត្រ ចូលព្រៃស្រោងវែកព្រៃរកដកគមក្រវាញ ភ្លាមនោះជនរងគ្រោះជាកូនក៏បានវាក់នឹងសត្វខ្លាឃ្មុំដ៍ធំមួយក្បាល វាក៏ភ្ញាក់ហើយលោតមកខាំបោកក្បាល និងជើងខាងស្ដាំបណ្ដាលឲ្យរបួសធ្ងន់។ ពេលនោះឪពុកក្រឡេកឃើញភ្លាមក៏បានកាប់ដំបងប៉ុនកដៃចូលជួយសង្រ្គោះកូន ប្រយុទ្ធជាមួយខ្លាំឃ្មុំ ដោយវាយខ្លាឃ្មុំបានពីរដំបង ពេលនោះខ្លាឃ្មុំឈឺក៏រត់ចូលព្រៃស្រោងបាត់។
លោកមេប៉ុស្តិ៍បន្តថា៖ ក្រោយពេលឪពុកសង្រ្គោះកូនប្រុសគាត់ពីខ្លាឃ្មុំបានហើយ ក៏បានយកមកលំនៅដ្ឋាន រូចក៏រាយការណ៍ជូនអាជ្ញាធរសមត្ថកិច្ចក៏បានយករថយន្តសង្រ្គោះ ដឹកជនរងគ្រោះទៅកាន់មន្ទីពេទ្យខេត្តពោធិ៍សាត់តែម្ដង។
ក្មេងជនរងគ្រោះឈ្មោះ រឹម រ៉ាន់ អាយុ១៥ឆ្នាំ រស់នៅភូមិឃុំកើតហេតុ រងរបួសធ្ងន់ធ្ងរ គឺខ្លាឃ្មុំខាំត្រូវជើងខាងស្ដាំ និងត្រង់ក្បាល៕
អត្ថបទ៖ លាន គ្រន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង