KPT+
១០ យ៉ាង ដ៏គួរឲ្យចាប់អារម្មណ៍ពីខ្លាឃ្មុំទឹកកក
អ្នកអាចរកខ្លាឃ្មុំទឹកកកបាននៅក្នុងរដ្ឋអាឡាស្កា កាណាដា រុស្ស៉ី ហ្គ្រីនឡែន និងកោះភាគខាងជើងមួយចំនួននៃប្រទេសន័រវេស ។ ផ្ទុយពីរូបរាងគួរឲ្យស្រលាញ់ ខ្លាឃ្មុំទឹកកកជាសត្វកាចសាហាវនិងបង្កគ្រោះថ្នាក់ខ្លាំងចំពោះមនុស្ស ហើយខាងក្រោមនេះជារឿង ១០យ៉ាងដែលអ្នកគួរដឹងពីវា ៖
១. ខ្លាឃ្មុំទឹកកកជាថនិកសត្វសមុទ្រ
ដោយសារវារស់នៅលើទឹកកកនៃសមុទ្រអាក់ទិច និងស្វែងរកអាហារនៅទីនោះជាអចិន្ត្រៃយ៍ ទើបត្រូវចាត់ទុកជាថនិកសត្វសមុទ្រខុសពីខ្លាឃ្មុំដទៃ ។
២. ខ្លាឃ្មុំទឹកកកមានស្បែកខ្មៅ
នៅពីក្រោមរោមពណ៌សស្គុះរបស់ខ្លាឃ្មុំទឹកកកគឺជា ស្បែកខ្មៅ ចំណែកឯរោមវិញមានសភាពថ្លាផ្លាតពីពន្លឺពណ៌ស ។
៣. ខ្លាឃ្មុំទឹកកកអាចហែលទឹកមិនឈប់ជាច្រើនថ្ងៃ
វាអាចហែលទឹកក្នុងល្បឿន ៦ម៉ាយ/មួយម៉ោង ដោយមិនឈប់ច្រើនម៉ោង ។ ក្រញាំដ៏ធំរបស់ពួកគេគឺ សម្រាប់ហែលទឹកយ៉ាងចំណាប់តែម្ដង ។
៤. អត្រាការប្រមាញ់ជោគជ័យនៃខ្លាឃ្មុំទឹកកកមានតិចជាង ២ភាគរយ
គ្រាន់តែការប្រមាញ់ចំណីរបស់ខ្លាឃ្មុំទឹកកកចំណាយពេលសឹងតែកន្លះជីវិតទៅហើយ ប៉ុន្តែមិនងាយទទួលបានជោគជ័យសោះ ។ ចំណីចម្បងរបស់ខ្លាឃ្មុំទឹកកកមានដូចជា ភេ Ringed និង ភេ Bearded ជួនកាលវាក៏ងាកមកស៉ីសត្វតូចៗ បក្សី ស៊ុត និងរុក្ខជាតិផងដែរ ។
៥. អ្នកវិទ្យាសាស្ត្រអាចទាញយក DNA របស់ខ្លាឃ្មុំទឹកកកបានពីស្នាមជើង
បច្ចេកទេសថ្មីប្រកបដោយភាពច្នៃប្រឌិតដែលបង្កើតឡើងដោយ WWF និងក្រុមហ៊ុនឯកទេស DNA SPYGEN អនុញ្ញាតឱ្យអ្នកវិទ្យាសាស្ត្រញែក DNA ចេញពីជើងខ្លាឃ្មុំប៉ូលនៅក្នុងព្រិលមិនគួរឲ្យជឿ ។ គេត្រូវការតែព្រិលក្រោមដានជើងចំនួនពីរស្លាបព្រាប៉ុណ្ណោះ ដើម្បីមើល DNA ព្រមទាំងអាចសម្គាល់ភេដែលវាទើបតែស៊ីទៀតឯណោះ ។
៦. ខ្លាឃ្មុំទឹកកករងការគម្រាមកំហែងខ្លាំងជាងអាកាសធាតុប្រែប្រួល
ខណៈការប្រែប្រួលនៃអាកាសធាតុជាបញ្ហាធំបំផុតចំពោះអាយុជីវិតខ្លាឃ្មុំទឹកកកឧស្សាហកម្មប្រេង និងឧស្ម័នកំពុងផ្ដល់ហានិភ័យលើតំបន់អាក់ទិកដោយការបំផ្លិចបំផ្លាញជម្រកសត្វ ។ ករណីកំពប់ប្រេងពិតជាជះឥទ្ធិពលយ៉ាងធ្ងន់ធ្ងរទៅលើឥទ្ធិពលអ៉ីសូឡង់នៃរោមខ្លាឃ្មុំបណ្ដាលឲ្យវាប្រើប្រាស់ថាមពលបន្ថែមដើម្បីរក្សាកម្ដៅខ្លួន និងអាចបំពុលសត្វបើសិនវាលេបចូលពោះ មិនតែប៉ុណ្ណោះខ្លាឃ្មុំទឹកកកកំពុងប្រឈមមុខនឹងអសមត្ថភាពបន្តពូជបូករួមទាំងបញ្ហាសុខភាពច្រើនទៀត ។
៧. ខ្លាឃ្មុំទឹកកកមានកូនកាត់
ខ្លាឃ្មុំទឹកកកអាចបង្កាត់ពូជជាមួយខ្លាឃ្មុំធម្មតាបានតាំងពី ១៥ម៉ឺនឆ្នាំមុនមកម្ល៉េះ ។ ខ្លាឃ្មុំកូនកាត់មានទម្លាប់រស់នៅ និងអាកប្បកិរិយាដូចខ្លាឃ្មុំទឹកកកបើសិនមានម្ដាយជាខ្លាឃ្មុំទឹកកក ។
៨. ខ្លាឃ្មុំទឹកកកមាន ១៩ប្រភេទផ្សេងៗគ្នា
ចំនួនខ្លាឃ្មុំទឹកកកសរុបមានប្រមាណ ២៦,០០០ក្បាល ត្រូវចែកចេញជា ១៩ប្រភេទ ។ ក្នុងនោះមាន ១ប្រភេទកំពុងកើនឡើង ៥ប្រភេទមានស្ថេរភាព និង ៤ប្រភេទកំពុងប្រឈមមុខនឹងការដាច់ពូជ សម្រាប់ ៩ប្រភេទទៀតគ្មានព័ត៌មានគ្រប់គ្រាន់ឲ្យសន្មត់ឡើយ ។
៩. ខ្លាឃ្មុំទឹកកកឈ្មោលមានទម្ងន់ធ្ងន់ប្រហែលបុរស ១០នាក់
ខ្លាឃ្មុំទឹកកកឈ្មោលមានទម្ងន់ប្រហែល ៨០០គីឡូក្រាម ធំជាងខ្លាឃ្មុំញីពីរដង និងមានប្រវែងដល់ទៅ ៣ម៉ែត្រគិតជាបណ្ដោយ ។
១០. ខ្លាឃ្មុំទឹកកកមានសមត្ថភាពហិតក្លិនចំណីរបស់វាដល់ទៅ១គីឡូម៉ែត្រ
វាមានសមត្ថភាពហិតក្លិនសត្វភេនៅក្នុងទឹក ឬរូងណាមួយ បន្ទាប់មកខ្លាឃ្មុំទឹកកកនឹងធ្វើការរង់ចាំរហូតដល់ភេចេញពីទឹក ឬរូងផុត រួចចាប់ផ្ដើមធ្វើសកម្មភាពប្រមាញ់ចំណីដោយមិនបង្អង់ ៕
ប្រែសម្រួលដោយ ៖ វារី
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)