អង្គភាពប្រចាំអំពើពុករលួយ បញ្ជាក់ក្នុងសេចក្ដីប្រកាសព័ត៌មានស្ដីពីលទ្ធផលកិច្ចប្រជុំលើកទី១០ អាណត្តិទី៤ នៃក្រុមប្រឹក្សាជាតិប្រឆាំងអំពើពុករលួយ(ក.ជ.ប.ព.)៖«ចេញនៅថ្ងៃទី២៨ ខែឧសភា  អ្នកស្រី ឡេង ចាន់ណា, ចាន់ ឃិន, ផុន សាមាន ទទួលស្គាល់ថាបានទទួលប្រាក់ពី ៩៣ ទៅ ៩៨លានដុល្លារ អាម៉េរិក ពីមេ ២៥ ហើយបានយកលុយទាំងនោះ ទិញដីអភិវឌ្ឍគម្រោង ផ្តល់ការប្រាក់ទៅឱ្យមេ ២៥ និងផ្តល់ការប្រាក់ទៅឱ្យអ្នកដែលបានចំណាយប្រាក់វិនិយោគ។ »។

ជាមួយគ្នានេះ យោងតាមរបាយការណ៍របស់ ត ទេសរដ្ឋមន្រ្តី ឱម យ៉ិនទៀង ប្រធាន អ.ប.ព. បានឱ្យដឹងថា តាមរយៈលទ្ធផលសវនាការសាលាឧទ្ធរណ៍ថ្ងៃទី២៩ ខែមេសា ឆ្នាំ២០២៦ និងប្រកាសសាលដីកាថ្ងៃទី២៧ ខែឧសភា ឆ្នាំ២០២៦ ករណី កន សុខកាយ, ដួង តារា, លី សាម៉េត, ឡាច សំរោង ពីបទប៉ុនប៉ងសូកប៉ាន់។

ACU បានឱ្យដឹងថា អំពីករណីឈ្មោះ តាំង សុវ័ន្ត ជនត្រូវចោទ ពីបទប៉ុនប៉ងសូកប៉ាន់ និងបរិហារកេរ្តិ៍មកលើមន្រ្តី និងស្ថាប័ន អ.ប.ព. និងលោក សែម បូរ៉ា អគ្គនាយកTNM TV Online និងករណី អ្នកស្រី ភី គិមសុង ភរិយា ជនត្រូវចោទ យ៉ាត កុសល បរិហារមួលបង្កាច់លើ អ.ប.ព.។

គួរឱ្យដឹងថា នៅថ្ងៃទី២៨ ខែឧសភា ឆ្នាំ២០២៦នេះ សម្ដេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព.) បានបើកកិច្ចលើកទី១០ អាណត្តិទី៤ ដើម្បីឆ្លងកំណត់ហេតុកិច្ចប្រជុំលើកទី៩ អាណត្តិទី៤, របាយការណ៍របស់អង្គភាពប្រឆាំងអំពើពុករលួយ (អ.ប.ព.) និងបញ្ហាផ្សេងៗ៕

The post ACU៖ អតីតឧកញ៉ា ឡេង ចាន់ណា និងបក្ខពួកទទួលស្គាល់ថាបានទទួលប្រាក់ពី៩៣ ទៅ ៩៨លានដុល្លារពីការបោកប្រាស់ appeared first on Kampuchea Thmey Daily.

ក្រៅពីមន្ត្រីនគរបាលខាងលើ ក៏មានជនសង្ស័យចំនួន២នាក់ទៀត បានជាប់ពាក់ព័ន្ធក្នុងករណីនេះ គឺប្រពន្ធរបស់លោកស្នងការរង សរ សំណាង និងម្នាក់ទៀត ឈ្មោះ យ៉ាត កុសល ក៏នឹងត្រូវបញ្ជូនទៅកាន់តុលាការនារសៀលនេះជាមួយគ្នាដែរ បន្ទាប់ពីអ្នកទាំង៤នាក់ ត្រូវបានអង្គភាពប្រឆាំងអំពើពុករលួយចាប់ខ្លួនជាបន្តបន្ទាប់ចាប់តាំងពីថ្ងៃទី១៩ ខែមេសា ឆ្នាំ២០២៦មក។

មូលហេតុឈានដល់ការឃាត់ខ្លួន និងកសាងសំណុំរឿងបញ្ជូនទៅតុលាការ ត្រូវបានលោក សយ ច័ន្ទវិចិត្ត ប្រាប់កម្ពុជាថ្មី ថា ឧត្តមសេនីយ៍ឯក អ៊ុក ហៃសីឡា ​និងឧត្តមសេនីយ៍ទោ សរ សំណាង ព្រមទាំងជនសង្ស័យ២នាក់ទៀតមានជាប់ពាក់ព័ន្ធនឹងករណីសង្ស័យស៊ីសំណូកពីក្រុមឆបោកតាមប្រព័ន្ធបច្ចេកវិទ្យា និងអំពើសម្អាតប្រាក់ ក្រោយការស៊ើបអង្កេតរបស់អង្គភាពប្រឆាំងអំពើពុករលួយជាច្រើនថ្ងៃកន្លងមក។ ចំពោះព័ត៌មានលម្អិតជុំវិញករណីនេះ លោក ថា នឹងបង្ហាញនៅពេលក្រោយ។

គួរការកត់សម្គាល់ មួយរយៈពេលចុងក្រោយនេះ អង្គភាពប្រឆាំងអំពើពុករលួយ បានចាប់ខ្លួនមន្ត្រី មានទាំងមន្ត្រីស៊ីវិល និងកងកម្លាំងប្រដាប់អាវុធជាបន្តបន្ទាប់ ដែលមានជាប់ពាក់ព័ន្ធនឹងការប្រព្រឹត្តអំពើពុករលួយ។ តួយ៉ាងកាលពីពេលថ្មីៗនេះ អង្គភាពប្រឆាំងអំពើពុករលួយ បានចាប់ខ្លួនអនុប្រធានសាខាគយខេត្តកោះកុងម្នាក់ ដែលល្បីខាងជំរិតទារប្រាក់ពីជនជាតិចិន ចាប់ឡានដឹកទំនិញមិនរើសមុខ ទាំងមានពន្ធ និងគ្មានពន្ធ រួមនឹងបក្ខពួកផ្សេងទៀត ក្រោយរកឃើញថា ទទួលប្រាក់ពុករលួយជាង១លានដុល្លារ។

មិនត្រឹមតែមន្ត្រីដែលបម្រើការងារតាមអង្គភាព និងស្ថាប័ននានានោះទេ សូម្បីតែមន្ត្រីរបស់អង្គភាពប្រឆាំងអំពើពុករលួយខ្លួនឯង ក៏ត្រូវបានសាម៉ីអង្គភាពចាប់ឃាត់ខ្លួន ហើយបញ្ជូនទៅតុលាការផងដែរ ឱ្យតែរកឃើញថា មានជាប់ពាក់ព័ន្ធនឹងការប្រព្រឹត្តអំពើពុករលួយ៕

ដោយ៖ ធឿន វ៉ាន់សុង

The post មន្ត្រីនគរបាលពីររូបថ្នាក់ឧត្តមសេនីយ៍ ត្រូវបាន ACU ឃាត់ខ្លួន និងបញ្ជូនទៅតុលាការ ក្រោយពាក់ព័ន្ធករណីស៊ីសំណូកពីក្រុម Online Scam appeared first on Kampuchea Thmey Daily.

អង្គភាពប្រឆាំងអំពើពុករលួយ បានឱ្យដឹងតាមរយៈសេចក្ដីប្រកាសនៅថ្ងៃទី២១ ខែមេសានេះ ថា វគ្គបណ្ដុះបណ្ដាលនេះត្រូវបានរៀបចំដោយគណៈត្រួតពិនិត្យកិច្ចការរដ្ឋខេត្តយូណាន និងការិយាល័យកិច្ចការបរទេសខេត្តយូណាន ហើយនេះជាវគ្គបណ្តុះបណ្តាលលើកទី៣សម្រាប់មន្ត្រីអង្គភាពប្រឆាំងអំពើពុករលួយកម្ពុជា។ វគ្គបណ្ដុះបណ្ដាលជាលើកទី៣ពេលនេះ មានរយៈពេល៥ថ្ងៃ គឺចាប់ពីថ្ងៃទី២០ ដល់ថ្ងៃទី២៥ ខែមេសា ឆ្នាំ២០២៦។

ការផ្ដល់វគ្គបណ្ដុះបណ្ដាលដោយភាគីចិនលើជំនាញប្រឆាំងអំពើពុករលួយ ធ្វើឡើងក្នុងបរិបទដែលត្រូវបានមើលឃើញថា បទល្មើសពុករលួយបានវិវត្តន៍កាន់តែស្មុគស្មាញ ក្នុងសម័យបច្ចេកវិទ្យាកាន់តែទំនើបនេះ ដែលទាមទារឱ្យមានការបង្កើនសមត្ថភាព និងផ្លាស់ប្តូរបទពិសោធជាបន្តបន្ទាប់ ដើម្បីធានាបាននូវប្រសិទ្ធភាពក្នុងការបង្ក្រាបបទល្មើសពុករលួយ។

តាមការបញ្ជាក់ដោយអង្គភាពប្រឆាំងអំពើពុករលួយ វគ្គបណ្តុះបណ្តាលនេះនឹងផ្តោតសំខាន់លើការសិក្សាពីយន្តការគ្រប់គ្រងដ៏មុតស្រួចរបស់បក្សកុម្មុយនីស្តចិន ទាំងផ្នែកទ្រឹស្តី និងការអនុវត្តជាក់ស្តែង ជាអាទិ៍ ការងារបច្ចេកទេស បច្ចេកវិទ្យាទំនើប វិធីសាស្ត្រស៊ើបអង្កេត និងការប្រមូលព័ត៌មានពាក់ព័ន្ធនឹងបទល្មើសពុករលួយ។

តាមរយៈកិច្ចសហប្រតិបត្តិការនេះ អង្គភាពប្រឆាំងអំពើពុករលួយ វាយតម្លៃថា គឺជាការស្តែងឱ្យឃើញពីចំណងមិត្តភាពដ៏រឹងមាំ និងកិច្ចសហប្រតិបត្តិការ «ត្បូងពេជ្រ» រវាងកម្ពុជា និងចិន ក្នុងគោលដៅរួមគ្នាកសាងសហគមន៍ជោគវាសនា រួមក្នុងយុគសម័យថ្មី៕

The post មន្ត្រី ACU ២៥នាក់ត្រូវបានពង្រឹងសមត្ថភាពបន្ថែមដោយភាគីចិនលើជំនាញប្រឆាំងអំពើពុករលួយ appeared first on Kampuchea Thmey Daily.

លោក យ៉ិនទៀង ពុទ្ធិរិទ្ធ ប្រធានស្តីទី អង្គភាពប្រឆាំងអំពើពុករលួយ បានឱ្យដឹងថា ACU បានបង្កើតក្រុមស៊ើបអង្គេតជាច្រើនក្រុមខុសៗគ្នា ដើម្បីស៊ើបអង្គេតអំពើពុករលួយរបស់មន្ត្រីគយ និងរដ្ឋាករខេត្តកោះកុង។ រយៈពេលជាង ៣សប្តាហ៍ ការស៊ើបអង្គេតមានលទ្ធផលជាក់ស្តែង ដោយរកឃើញភស្តុតាងរាប់រយករណី ក្នុងនោះ អង្គភាពប្រឆាំងអំពើពុករលួយ ក៏បានប្រមូលភស្តុតាងថា មានរថយន្តដឹកទំនិញ ៨២៩គ្រឿង ស្មើនឹង ៣ ០០០ក្បាលឡាន ដែលលោក ម៉ៅ សាន់សូនា បានទារ និងទទួលប្រាក់ជាការបង់ខែក៏មាន។ ជាភស្តុតាង ACU មានទាំងលេខឡាន ឈ្មោះម្ចាស់ទំនិញ និងទឹកប្រាក់ដែលបានប្រគល់មកឱ្យលោក ម៉ៅ សាន់សូនា។

បើតាមអង្គភាពប្រឆាំងអំពើពុករលួយ ចាប់តាំងពីថ្ងៃទី២ ខែមេសា ឆ្នាំ២០២៤ រហូតដល់ថ្ងៃទី២១ ខែកុម្ភៈ ឆ្នាំ២០២៦ ACU បានរកឃើញ លោក ម៉ៅ សាន់សូនា ទារ និងទទួលប្រាក់ដោយខុសច្បាប់ពីក្បាលរថយន្តនានា ចំនួន ៨០១ ៧១២ ដុល្លារអាមេរិក។ ទន្ទឹមនេះ លោក ម៉ៅ សាន់សូនា នៅមានសល់ប្រាក់ ៣០ម៉ឺនដុល្លារទៀត ដែលលាក់ទុករយៈកាលមានកំណត់​ដើម្បីយកការប្រាក់នៅក្នុងធនាគារ។

នៅទីបំផុត ទឹកប្រាក់ជាង ១លានដុល្លារនេះ ម៉ៅ សាន់សូនា បានទទួលស្គាល់ មិនមានប្រកែកទៀតទេក្នុងកំណត់ហេតុស្តាប់ចម្លើយលើកទី ២២១​ នៅថ្ងៃទី១៧ ខែមីនា ឆ្នាំ២០២៦ ទៅលើភស្តុតាង ដែល ACU បានរកឃើញ។

ក្រុមស៊ើបអង្គេត ផ្សេងៗទៀតរបស់ ACU ក៏បានរកឃើញលោក ម៉ៅ សាន់សូនា នៅបន្តទាក់ទងក្រុមអនឡាញស្កេម (Online Scam) ដែល លោក ម៉ៅ សាន់សូនា ធានាបើកផ្លូវក្រៅពីផ្លូវជាតិលេខ ៤៨ ពីម៉ឺនជ័យ ទៅប៉ោយប៉ែត ដើម្បីដឹកទូរសព្ទ ៧,០០០ គ្រឿង កុំព្យូទ័រ ២០០គ្រឿង ជាថ្នូរនឹងប្រាក់សំណូក ៣ ៥០០ដុល្លារ។

ជាមួយគ្នានេះ ក្រុមមស៊ើបអង្កេតផ្ទៃក្នុង ACU បានរកឃើញអ្នកដែលត្រូវមកស្តាប់ចម្លើយមួយចំនួន បានរត់ការខុសៗគ្នា ក្នុងនោះអនុប្រធានសាខាគយ និងរដ្ឋាករ មួយរូប បានផ្ដល់លុយចំនួន ២០ ០០០ដុល្លារ ឱ្យមន្ដ្រី ACU មួយរូប (ឈ្មោះ ជឹម អូន) ដើម្បីបិទសំណុំរឿងរបស់ខ្លួននៅ ACU៕

The post អនុប្រធានគយកោះកុង ត្រូវចាប់ខ្លួនក្រោយរកឃើញលុយពុករលួយជាង ១លានដុល្លារ សហការទូទាត់ក្នុងគណនីប្រពន្ធទី៧ appeared first on Kampuchea Thmey Daily.

ក្នុងកិច្ចប្រជុំក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព.) លើកទី៨ អាណត្តិទី៤  ធ្វើឡើងនាថ្ងៃទី២៥ ខែមីនា​នេះ ប្រធានស្តីទី អង្គភាពប្រឆាំងអំពើពុករលួយ លោកយ៉ិនទៀង ពុទ្ធិរិទ្ធ បានរាយការណ៍ថា កាលពីថ្ងៃទី១៨ ខែ មីនា ឆ្នាំ ២០២៦  អ.ប.ព. បានកសាងសំណុំរឿងពាក់ព័ន្ធអំពើ រំលោភអំណាច និង សម្អាតប្រាក់ ដែលមានជនសង្ស័យ ឈ្មោះ ម៉ៅ សាន់សូនា អនុប្រធានសាខាគយ និងរដ្ឋាករ  ខេត្តកោះកុង ឈរជើងនៅចំណុចអណ្តូងទឹក ដែលល្បីល្បាញ ចាប់ឡានដឹកទំនិញមិនរើស តាំងពីទំនិញមានពន្ធ ទំនិញគ្មានពន្ធ គ្រឿងអេតចាយ ត្រី សាច់ បន្លែ គ្រឿងផ្ទះដែលរុះរើ… ជាប់សង្ស័យក្នុងអំពើ រំលោភអំណាច និងសម្អាតប្រាក់ ទៅតុលាការ។  

បើតាមលោក យ៉ិនទៀង ពុទ្ធិរិទ្ធ អង្គភាពប្រឆាំងអំពើពុករលួយ ក៏បានកសាងសំណុំរឿងបញ្ជូនឈ្មោះ ម៉ៅ ទិត្យា បុគ្គលិកជាប់កិច្ចសន្យា នៃសាខាគយ និងរដ្ឋាករ ខេត្តកោះកុង ជាប់សង្ស័យពីបទ សមគំនិតក្នុងអំពើរំលោភអំណាច និងសម្អាតប្រាក់, ឈ្មោះ ពត ស្រីនាង មុខរបរមេផ្ទះ ជាប់សង្ស័យពីបទ សមគំនិតក្នុងការសម្អាតប្រាក់ និងទី៤-ឈ្មោះ ផល ដុល្លា មុខរបរ បុគ្គលិកធនាគារ ជាប់សង្ស័យពីបទ សមគំនិតក្នុងការសម្អាតប្រាក់ ដែលជាបក្សពួករបស់ឈ្មោះ ម៉ៅ សាន់សូនាទៅតុលាការដូចគ្នា។

យោងតាមសេចក្ដីរាយការណ៍ពីមូលដ្ឋានបានឱ្យដឹងថា អនុប្រធានសាខាគយ និងរដ្ឋាករខេត្តកោះកុង លោក ម៉ៅ  សាន់​សូនា ល្បីល្បាញខាងជម្រិតទារប្រាក់ពីជនជាតិចិនជាច្រើនករណី  ទារប្រាក់ពីអ្នកដឹកទំនិញ អ្នកដឹកគ្រឿងសមុទ្រ  និងល្បីខាងចាប់ដោយមិនលើកលែងឡើយសូម្បីតែអ្នកដឹកអេតចាយ។  

ក្រុមអ្នកបើកឡានដឹកទំនិញក្នុងស្រុកដែលបានឆ្លងកាត់ផ្លូវជាតិលេខ៤៨ ភូមិសាស្រ្តស្រុកបូទុមសាគរ ខេត្តកោះកុង  បានប្រាប់អ្នកយកព័ត៌មាន ថា នៅដែលបុគ្គល ម៉ៅ សាន់សូនា ឃាត់រថយន្តដឹកអេតចាយ ត្រីសាច់ បន្លែផ្លែឈើ ត្រួតពិនិត្យម្តងៗ អនុប្រធានគយ និងរដ្ឋាកររូបនេះបានជំរិតទាររាប់ពាន់ដុល្លារ ប៉ុន្តែក្រោយមកសម្រួលមកត្រឹម៤០ម៉ឺនរៀល  ដោយប្រើពាក្យថា«យល់យោគ» ទើបឱ្យរថយន្តដឹកទំនិញអាចបន្តដំណើរទៅមុខបាន។ ចំណែកពលរដ្ឋដឹកសម្ភារ:រុះរើផ្ទះផ្លាស់ទីលំនៅ ក៏ត្រូវលោក ម៉ៅ សាន់សូនា មិនលើកលែងឱ្យឡើយ ដោយជំរិតទារឱ្យបង់លុយក្រៅច្បាប់ចំនួន១៥ម៉ឺនរៀលក្នុង១រថយន្ត ក្រោមហេតុផលត្រូវបង់ថ្លៃបាយទឹក និងបានជម្រិតទារប្រាក់រាប់សែនរៀលពីអ្នកប្រកបរបរដឹកគ្រឿងសមុទ្រជាច្រើនលើកមកហើយ។

គួរកត់សម្គាល់ថា សារព័ត៌មានក្នុងស្រុកបានចេញផ្សាយកាលពីពាក់កណ្ដាលខែសីហា ឆ្នាំ២០២៥ ថា អនុប្រធានគយ និងរដ្ឋាករខេត្តកោះកុង ម៉ៅ សាន់សូនា បានប្រព្រឹត្តទង្វើដូចដែលក្រុមអ្នកបើករថយន្តដឹកទំនិញរៀបរាប់ខាងលើ និងបានប្រើប្រាស់រថយន្តពាក់ផ្លាកលេខរដ្ឋ និងស៊ីវិលប្រដេញចាប់រថយន្ត ប្រើប្រាស់សម្ដីអសុរោះ សម្លុតពលរដ្ឋជាដើម៕

ដោយ៖ ង៉ិល ណារ៉ាត់

The post ACU បញ្ចូនខ្លួនអនុប្រធានសាខាគយកោះកុង ល្បីរឿងជំរិតទារលុយជនជាតិចិន ចាប់លុះក្ស័យ ចាប់ឡានដឹកទំនិញបង់ពន្ធ គ្រឿងអេតចាយ និងបក្សពួកទៅតុលាការ appeared first on Kampuchea Thmey Daily.

ក្នុងកិច្ចប្រជុំក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព.) លើកទី៨ អាណត្តិទី៤  នាថ្ងៃទី២៥ ខែមីនា នេះប្រធានស្តីទី អង្គភាពប្រឆាំងអំពើពុករលួយ លោកយ៉ិនទៀង ពុទ្ធិរិទ្ធ បានរាយការណ៍ថា នៅថ្ងៃទី ២៧ ខែកុម្ភៈ បានបញ្ជូនសំណុំរឿងពាក់ព័ន្ធអំពើ បំផ្លាញ និងគៃបំបាត់ ទន្ទ្រាន ហ៊ុមព័ទ្ធ កាន់កាប់ ដុត កាប់ឆ្ការ រុករាន ឈូសឆាយព្រៃលិចទឹក ក្នុងភូមិសាស្រ្តស្រុករលាប្អៀរ ខេត្តកំពង់ឆ្នាំង ប្រព្រឹត្តដោយឈ្មោះ ស្រ៊ុន សុផល (គេចខ្លួន) និងមានជនសង្ស័យ ៣រូប ៖ ១ឈ្មោះ គី រតនា ជាអ្នកសារព័ត៌មាន, ទី២ឈ្មោះ ឈៀង ថាវរិទ្ធ និងទី៣ឈ្មោះ ចំរើន វិសាល ដែលអ្នកទាំង០៣ ជាប់សង្ស័យពីបទ សមគំនិតក្នុងអំពើបំផ្លាញ និងគៃបំបាត់។

នៅថ្ងៃទី ១៦ ខែមីនា ឆ្នាំ២០២៦ បានបញ្ជូនសំណុំរឿងពាក់ព័ន្ធអំពើ រំលោភអំណាច មានទ្រព្យសម្បត្តិដោយខុសច្បាប់ និងមិនប្រកាសទ្រព្យសម្បត្តិ ប្រព្រឹត្តដោយមន្រ្តី អ.ប.ព. ចំនួន២ រូប និងអ្នកសមគំនិត ១រូប ដែលមានជនសង្ស័យ ៣ រូប។ ក្នុងនោះទី១ឈ្មោះ ជឹមអូន ជាមន្រ្តី នៃនាយកដ្ឋានស៊ើបអង្កេត និងចារកម្ម នៃអង្គភាពប្រឆាំងអំពើពុករលួយ ជាប់សង្ស័យក្នុងអំពើ រំលោភអំណាច មានទ្រព្យសម្បត្តិដោយខុសច្បាប់ និងមិនប្រកាសទ្រព្យសម្បត្តិ និងបំណុល។ ទី២ឈ្មោះ ជឹមសុខជឿន ជំនួយការរបស់ជឹម អូន ជាប់សង្ស័យពីបទ សមគំនិតក្នុងអំពើរំលោភអំណាច និងទី៣ឈ្មោះ ភេនរចនា ភេទស្រី អាយុ ៣៦ ឆ្នាំ មន្រ្តីកិច្ចសន្យា នៃនាយកដ្ឋានរដ្ឋបាល និងហិរញ្ញវត្ថុ នៃអង្គភាពប្រឆាំងអំពើពុករលួយ ជាប់សង្ស័យពីបទសមគំនិតក្នុងអំពើរំលោភអំណាច។  នេះបើតាមរបាយការណ៍របស់លោក យ៉ិនទៀង ពុទ្ធិរិទ្ធ ដដែល។

ករណីអនុប្រធានសាខាគយ និងរដ្ឋាករ ខេត្តកោះកុង ឈរជើងនៅចំណុចអណ្តូងទឹក ដែលល្បីល្បាញ ចាប់ឡានដឹកទំនិញមិនរើស តាំងពីទំនិញមានពន្ធ ទំនិញគ្មានពន្ធ គ្រឿងអេតចាយ ត្រី សាច់ បន្លែ គ្រឿងផ្ទះដែលរុះរើ…ហើយនៅថ្ងៃទី១៨ ខែ មីនា ឆ្នាំ ២០២៦  អ.ប.ព. បានកសាងសំណុំរឿងពាក់ព័ន្ធអំពើ រំលោភអំណាច និង សម្អាតប្រាក់ ដែលមានជនសង្ស័យ ៤ រូប៖           ១-ឈ្មោះ ម៉ៅ សាន់សូនា ភេទប្រុស អាយុ ៥៨ ឆ្នាំ មុខរបរ អនុប្រធានសាខាគយ និងរដ្ឋាករ     ខេត្តកោះកុង ជាប់សង្ស័យក្នុងអំពើ រំលោភអំណាច និងសម្អាតប្រាក់ ២-ឈ្មោះ ម៉ៅ ទិត្យា     ភេទប្រុស អាយុ ៥៤ ឆ្នាំ មុខរបរ បុគ្គលិកជាប់កិច្ចសន្យា នៃសាខាគយ និងរដ្ឋាករ ខេត្តកោះកុង ជាប់សង្ស័យពីបទ សមគំនិតក្នុងអំពើរំលោភអំណាច និងសម្អាតប្រាក់ ៣-ឈ្មោះ ពត ស្រីនាង ភេទស្រី អាយុ ៣២ ឆ្នាំ មុខរបរ មេផ្ទះ ជាប់សង្ស័យពីបទ សមគំនិតក្នុងការសម្អាតប្រាក់ ៤-ឈ្មោះ ផល ដុល្លា ភេទ ប្រុស​ អាយុ ២៧ ឆ្នាំ មុខរបរ បុគ្គលិកធនាគារ ជាប់សង្ស័យពីបទ សមគំនិតក្នុងការសម្អាតប្រាក់។ នេះបើតាមរបាយការណ៍ដដែល។

គួររម្លឹកថា នៅក្នុងអំឡុងខែកុម្ភៈ ឆ្នាំ២០២៦នេះ អង្គភាពប្រឆាំងអំពើពុករលួយ(ACU) បានដំណើរការពិនិត្យ វិភាគ និងធ្វើការសម្រេចលើពាក្យប្ដឹងដែលមានក្នុងខែនេះ សរុបចំនួន ៤៦ពាក្យប្ដឹង និងបានបញ្ជូនសំណុំរឿងចំនួន ៣ករណីទៅ ដែលមានជនសង្ស័យចំនួន៦នាក់ សាលាដំបូងរាជធានីភ្នំពេញ និងសាលាដំបូងខេត្តកំពង់ឆ្នាំង។

គួរឱ្យដឹងថា លោក យ៉ិនទៀង ពុទ្ធិរិទ្ធ អនុប្រធានទី១ អ.ប.ព. រាយការណ៍ដូច្នេះ នៅក្នុងកិច្ចប្រជុំក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព.) លើកទី៨ អាណត្តិទី៤ ដែលបានដំណើរការក្រោមអធិបតីភាពដ៏ខ្ពង់ខ្ពស់របស់ សម្ដេចកិត្តិសង្គហបណ្ឌិត ម៉ែន សំអន ប្រធាន ក្រុមប្រឹក្សាជាតិ​ប្រឆាំងអំពើពុករលួយ ដើម្បីទី១ឆ្លងកំណត់ហេតុកិច្ចប្រជុំលើកទី៧ អាណត្តិទី៤, ទី២-របាយការណ៍របស់អង្គភាពប្រឆាំងអំពើពុករលួយ (អ.ប.ព.) និង ទី- បញ្ហាផ្សេងៗ៕

The post ខែមីនា ឆ្នាំ២០២៦ ACUសម្រេចលើពាក្យប្ដឹងចំនួន៣៣ និងបញ្ជូនសំណុំរឿងចំនួន៣ករណី មានមនុស្ស១០នាក់ទៅតុលាការ appeared first on Kampuchea Thmey Daily.

ទេសរដ្ឋមន្ត្រី ឱម យិនទៀង បានបន្តថា ប្រព័ន្ធគាំពារសង្គមអាចដំណើរការបានកាន់តែប្រសើរ លុះត្រាតែមានតម្លាភាព និងគណនេយ្យភាព។ តម្លាភាព និងគណនេយ្យភាព ជាសសរស្តម្ភដ៏សំខាន់២ នៃអភិបាលកិច្ចល្អ ហើយមានទំនាក់ទំនងជិតស្និទ្ធនឹងគ្នា តែមានអត្ថន័យដាច់ពីគ្នា។

លោក បានសង្កត់ធ្ងន់ថា៖ «មានគណនេយ្យភាព តែគ្មានតម្លាភាព គឺពិបាកនឹងរកភស្តុតាង ដើម្បីដាក់បន្ទុកលើអ្នកធ្វើខុស។ មានតម្លាភាព តែគ្មានគណនេយ្យភាព នោះគ្រាន់តែបានដឹងថា គេម្នាក់នោះ ឬច្រើនគ្នានោះ បានធ្វើខុស តែមិនអាចធ្វើអ្វីគេបាន។ ដូច្នេះ បើមានទាំងគណនេយ្យភាព និងតម្លាភាពព្រមគ្នា យន្តការនេះ ត្រូវបានមហាជន សាធារណជនមានទំនុកចិត្ត អាចទប់ស្កាត់អំពើពុករលួយ អាចកាត់បន្ថយឱកាសប្រើអំណាចខុសច្បាប់ ខុសគោលដៅ និងអាចបង្កើនប្រសិទ្ធភាពនៃការងារ»។

ទេសរដ្ឋមន្ត្រី ឱម យិនទៀង បន្តថា ការងារក្នុងប្រព័ន្ធគាំពារសង្គម ដែលក្នុងនោះមានថវិកា និងអត្ថប្រយោជន៍នានា ត្រូវទៅដល់ប្រជាពលរដ្ឋ ដែលត្រូវការពិតប្រាកដ ដោយគ្មានការលេចធ្លាយនៃអំពើទុច្ចរិត។ ក្នុងន័យនេះ ក្រសួងស្ថាប័ន រដ្ឋបាលថ្នាក់ជាតិ និងថ្នាក់ក្រោមជាតិ ត្រូវលើកកម្ពស់គណនេយ្យភាព តម្លាភាព ចំពោះប្រព័ន្ធគាំពារសង្គម តាមស្មារតី «យើងទាំងអស់គ្នាប្តេជ្ញាចិត្តសហការគ្នា ដើម្បីកសាងប្រព័ន្ធដែលបម្រើប្រជាពលរដ្ឋដោយស្មោះត្រង់ និងប្រសិទ្ធភាព»។

បើតាមលោក ចន ណារិទ្ធ អគ្គលេខាធិការក្រុមប្រឹក្សាជាតិគាំពារសង្គម កម្មវិធីជាតិជំនួយសង្គម និងរបបសន្តិសុខសង្គម បានពង្រីកវិសាលភាពលើសមុនជាង២ដង បន្ទាប់ការគ្របដណ្តប់ពលរដ្ឋបានកើនឡើង ពីចំនួនត្រឹមតែ៣,៣លាននាក់ កាលពីឆ្នាំ២០១៧ រហូតដល់ជាង៧,៩លាននាក់ ក្នុងឆ្នាំ២០២៥ ដោយក្នុងនោះរបបសន្តិសុខសង្គម បាននិងកំពុងគ្របដណ្តប់ពលរដ្ឋ សរុបប្រមាណ៣,៩លាននាក់។

លោក ចន ណារិទ្ធ បានបន្តថា គិតត្រឹមដំណាច់ ឆ្នាំ២០២៥កន្លងទៅនេះ, កម្មវិធីជាតិជំនួយសង្គម មានវិសាលភាពគ្របដណ្តប់ពលរដ្ឋគោលដៅសរុបចំនួនប្រមាណ៤,៨៤លាននាក់ ឬស្មើនឹងប្រមាណ២៨ភាគរយ នៃពលរដ្ឋសរុប ដោយក្នុងឆ្នាំ២០២៥ រាជរដ្ឋាភិបាល បានវិភាជថវិការដ្ឋចំនួនប្រមាណជាង១.០២៧ប៊ីលានរៀល ឬស្មើនឹង២៥៧លានដុល្លារអាម៉េរិក ដើម្បីអនុវត្តកម្មវិធីធំចំនួន៦។

បើតាមលោក ចន ណារិទ្ធ ដដែល សម្រាប់ជ្រុងនៃការអនុវត្តរបបសន្តិសុខសង្គម, គិតត្រឹមឆ្នាំ២០២៥ បានគ្របដណ្តប់ពលរដ្ឋប្រមាណ៣,៥លាននាក់ ដោយក្នុងឆ្នាំ២០២៥ រាជរដ្ឋាភិបាល បានវិភាជថវិកាជាតិប្រ មាណ១.៧០០ ប៊ីលានរៀល ឬស្មើនឹងប្រមាណ ៤២៥លានដុល្លារអាម៉េរិក បន្ថែមលើថវិកាភាគទានដែលប្រមូលបានពីសមាជិក ប.ស.ស. ដើម្បីអនុវត្តរបបសន្តិសុខសង្គមចំនួន៣ ធំៗ៕

The post មេACU៖​ការភ្ជាប់ប្រព័ន្ធគាំពារសង្គម ទៅនឹងការប្រឆាំងអំពើពុករលួយ គឺមិនមានជាជម្រើសទេ តែជាកាតព្វកិច្ច appeared first on Kampuchea Thmey Daily.

លើក​ឡើង​ក្នុង​ការ​ធ្វើ​បទ​បង្ហាញ​ក្នុង​សិក្ខាសាលាថ្នាក់ជាតិស្តីពីគណនេយ្យភាព និងតម្លាភាពនៃប្រព័ន្ធគាំពារសង្គមកម្ពុជា ​នៅ​រសៀល​ថ្ងៃ​ទី​១៩ ខែ​មីនា ឆ្នាំ​២០២៦​នេះ​ លោក ឱម យ៉ិនទៀង មាន​ប្រសាសន៍​ថា៖ «មាន​បុគ្គល​២នាក់​អត់​ប្រកាស​ទ្រព្យ​ទេ​! ១​មាន​ Chen Zhi នោះ​ ឱ្យ​តែ​តែង​តាំង​ជា​ទី​ប្រឹក្សា​ខ្ញុំ​អត់​ខ្វល់​រឿង​ចិន ចូរ អី​ទេ ឱ្យ​តែ​តែង​តាំង​ជា​ទី​ប្រឹក្សា​គឺ​ត្រូវ​ប្រកាស​ទ្រព្យ​ណា! មិន​មែន​រដ្ឋាភិបាល​យើង​ធ្វើ​លេង​សើច​ឯណា​។ ប្រកាស​ទ្រព្យ​មក​ ACU ប៉ុន្មាន​ដង​ហើយ​។ ពេល​គាត់​បញ្ឈប់​ពី​ទីប្រឹក្សា​គាត់​អត់​បាន​ប្រកាស​ទ្រព្យ​ចុង​ក្រោយ​ផង។ យើង​បាន​រាយការណ៍​មូលហេតុ​ព្រោះ​គាត់​ជាប់​គុក​នៅ​ប្រទេស​ចិន។​អាហ្នឹង​ខ្ញុំ​ត្រូវ​រាយការណ៍​ដល់​ក្រុម​ប្រឹក្សា​ជាតិ​កុំ​ឱ្យ​គាត់​ថា​យើង​​មិន​អនុវត្ត​ច្បាប់​លើ​ករណី​គាត់​មិន​ប្រកាស​ទ្រព្យ​នេះ​ Chen Zhi ណា»។

លោក ឱម យ៉ិនទៀង បាន​បញ្ជាក់​ថា​អ្នក​ដែល​ត្រូវ​ប្រកាស​ទ្រព្យ​សម្បត្តិ​នៅ​កម្ពុជា​គឺ​ចាប់​ពី​រាល់​អ្នក​ដែល​ត្រូវ​បាន​តែង​តាំង​ដោយ​អនុក្រឹត្យ​ឡើង​។

គួរ​ឱ្យ​ដឹង​ផង​ដែរ​ថា​ អតីត​អ្នក​ឧកញ៉ា​ Chen Zhi ត្រូវ​បាន​រដ្ឋាភិបាល​ចាប់​ខ្លួន​បញ្ជូន​ទៅ​កាន់​ប្រទេស​ចិន​កាល​ពី​ថ្ងៃ​ទី​៦ ខែ​មករា ឆ្នាំ​២០២៦ ក្នុង​ក្រប​ខ័ណ្ឌ​នៃ​កិច្ច​សហប្រតិបត្តិការ​ប្រយុទ្ធ​ប្រឆាំង​ឧក្រិដ្ឋកម្ម​ឆ្លងដែន និង​ដោយ​ផ្នែក​ទៅ​តាម​សំណើ​របស់​អាជ្ញាធរ​ចិន​។ ការ​ចាប់​ខ្លួន​ ចេនហ្ស៊ី នេះ​គឺ​បន្ទាប់​ពី​អាជ្ញាធរ​ចិន​បាន​ធ្វើ​ការ​ស៊ើប​អង្កេត​ដោយ​អាថ៌កំបាំង​លើ​ក្រុម​ហ៊ុន​ព្រីនស៍គ្រុប​ តាំង​ពី​ឆ្នាំ​២០២០ បន្ទាប់​ពី​ក្រុមហ៊ុន​នេះ​មាន​ឈ្មោះ​ក្នុង​បណ្ដឹង​នៅ​តុលាការ​ចិន​ក្នុង​សំណុំ​រឿង​ឆបោក​អនឡាញ​។

​​​​រដ្ឋមន្ត្រី​ការបរទេស​កម្ពុជា លោក​ឧបនាយករដ្ឋមន្ត្រី ប្រាក់ សុខុន បាន​លើក​ឡើង​ក្នុង​បទ​សម្ភាសន៍​មួយ​ជាមួយ​ Reuter កាល​ពី​ខែ​មករា​ថា ចេនហ្ស៊ី ទទួល​សញ្ញាតិ​ខ្មែរ​បាន​ដោយ​ខុស​ច្បាប់ ហើយ​ការ​បញ្ជូន​ទៅ​ប្រទេស​កំណើត​របស់​គេ​វិញ ​គឺ​​ឆ្លុះ​បញ្ចាំង​ពី​ការ​ប្ដេជ្ញា​ចិត្ត​យ៉ាង​មុត​មាំ​របស់​កម្ពុជា​ក្នុង​ការ​ប្រយុទ្ធ​ប្រឆាំង​នឹង​ឧក្រិដ្ឋកម្ម​បទ​ល្មើស​ឆបោក​បោក​អនឡាញ​នៅ​ក្នុង​ប្រទេស​៕

អត្ថបទ​ដោយ ហ៊ុន សិរីវឌ្ឍន៍ ​

The post ប្រធាន​ ACU រាយការណ៍​ប្រាប់​ក្រុមប្រឹក្សា​ប្រឆាំង​អំពើ​ពុករលួយ​ពី​ការ​មិន​បាន​ប្រកាស​ទ្រព្យ​សម្បត្តិ​របស់​ ចេនហ្ស៊ី appeared first on Kampuchea Thmey Daily.