លោកស្រី ដោ សម្ផស្ស នាយិការងរដ្ឋបាល និងជាអ្នកនាំពាក្យរដ្ឋបាលសាលារាជធានីភ្នំពេញ បានឱ្យដឹងថា អនុវត្តតាមការណែនាំរបស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ រដ្ឋបាលខណ្ឌកំបូលបានសហការជាមួយក្រុមហ៊ុនមីនេបៀ (ខេមបូឌា) ធ្វើការសម្អាតអនាម័យបរិស្ថាននៅតាមដងផ្លូវសំខាន់ៗ ស្ថិតក្នុងសង្កាត់ចំនួន៤ រួមមាន សង្កាត់កន្ទោក សង្កាត់កំបូល សង្កាត់ភ្លើងឆេះរទេះ និងសង្កាត់បឹងធំ ខណ្ឌកំបូល រាជធានីភ្នំពេញ។

សកម្មភាពនេះបានផ្តោតលើការប្រមូលសំរាម ការបោសសម្អាតតាមចិញ្ចើមផ្លូវ និងការរៀបចំបរិស្ថានសាធារណៈឱ្យមានសណ្តាប់ធ្នាប់ និងសោភណភាពល្អប្រសើរ។ ការសម្អាតដងផ្លូវជាប្រចាំ មិនត្រឹមតែជួយធ្វើឱ្យបរិស្ថានមានភាពស្អាតប៉ុណ្ណោះទេ ប៉ុន្តែថែមទាំងជួយកាត់បន្ថយការកកស្ទះសំរាម ការស្ទះប្រព័ន្ធលូ និងការបង្ការហានិភ័យនៃជំងឺផ្សេងៗ ដែលអាចប៉ះពាល់ដល់សុខភាពសាធារណៈផងដែរ។

ទន្ទឹមនឹងនេះ សកម្មភាពសម្អាតអនាម័យបរិស្ថានក៏ជាការលើកកម្ពស់ស្មារតីចូលរួមរបស់ប្រជាពលរដ្ឋ សហគមន៍ និងវិស័យឯកជន ក្នុងការថែរក្សាបរិស្ថានឱ្យបានស្អាត មានអនាម័យ និងប្រកបដោយចីរភាព ស្របតាមទិសដៅរបស់រាជធានីភ្នំពេញក្នុងការកសាងទីក្រុងស្អាត និងរស់នៅប្រកបដោយគុណភាព។

រដ្ឋបាលខណ្ឌកំបូល នឹងបន្តសហការយ៉ាងជិតស្និទ្ធជាមួយក្រុមហ៊ុន និងដៃគូពាក់ព័ន្ធ ក្នុងការរៀបចំសកម្មភាពសម្អាតអនាម័យបរិស្ថាន ក៏ដូចជាសកម្មភាពសង្គមនានាផ្សេងទៀត ដើម្បីរួមចំណែកអភិវឌ្ឍមូលដ្ឋានឱ្យកាន់តែស្អាត មានសណ្តាប់ធ្នាប់ និងទាក់ទាញ៕

ដោយ៖ ស្រីរ័ត្ន

The post រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ appeared first on Kampuchea Thmey Daily.

នៅតាមបណ្តាទីតាំងសំខាន់ៗ ទាំង ០៦ ក្នុងរាជធានីភ្នំពេញ ដែលមានការរៀបចំព្រឹត្តិការណ៍នគរសង្ក្រាន្ត ត្រូវបានអាជ្ញាធរ និងគណៈកម្មការគ្រប់គ្រងតាមទីតាំង បង្កើនការយកចិត្តខ្ពស់ ក្នុងការប្រមែប្រមូលសំរាម និងបាញ់លាងសម្អាតបរិស្ថានអនាម័យតាមដងផ្លូវពាក់ព័ន្ធ ក្រោយព្រឹត្តិការណ៍ ០៦ ថ្ងៃ បានទាក់ទាញប្រជាពលរដ្ឋ ភ្ញៀវជាតិ និងអន្តរជាតិជាច្រើន អញ្ជើញចញទៅលេងកម្សាន្ត។

ពលរដ្ឋ និងភ្ញៀវជាតិ សម្តែងក្តីពេញចិត្តចំពោះការថែទាំបរិស្ថានអនាម័យបានយ៉ាងល្អ ពីសំណាក់ក្រុមការងារអាជ្ញាធរ បើទោះបីជាយប់ថ្ងៃបញ្ចប់ នៃព្រឹត្តិការណ៍នគរសង្ក្រាន្ត មានមនុស្សម្នាកុះករចូលទៅកម្សាន្តក៏ដោយ ។ ជាក់ស្ដែងនាព្រឹកថ្ងៃច័ន្ទ ទី ២០ ខែមេសា ឆ្នាំ ២០២៦ នេះ អាជ្ញាធរ ក៏ដូចជា ភ្នាក់ងារពាក់ព័ន្ធ បានបាញ់ទឹកលាងសម្អាតតាមទីធ្លា សាធារណៈឲ្យមានភាពល្អប្រសើរផងដែរ។

គួរជម្រាបថា ព្រឹត្តិការណ៍នគរសង្ក្រាន្ត បានដំណើរការទៅរយៈពេល ០៦ ថ្ងៃ គិតចាប់ពីថ្ងៃទី ១៤ ដល់ថ្ងៃទី ១៩ ខែមេសា ឆ្នាំ ២០២៦ ដែលជាព្រឹត្តិការណ៍ធំរៀបចំដំបូងនៅក្របខណ្ឌរាជធានីភ្នំពេញ៕
អត្ថបទ ៖ សុភា

The post ក្រោយចប់ព្រឹត្តិការណ៍នគរសង្ក្រាន្ត បរិស្ថានអនាម័យតាមទីតាំងរៀបចំពិធី ត្រូវធានាបានល្អប្រសើរ ដើម្បីសោភ័ណភាពទីក្រុង appeared first on Kampuchea Thmey Daily.

លោក ជា ស៊ុនតិច ពលរដ្ឋនៅក្បែរតំបន់នោះបានលើកឡើងថា នៅពេលអាជ្ញាធរបានឧស្សាហ៍ចុះមកសម្អាតរៀងរាល់សប្តាហ៍ ដែលធ្វើអោយពួកគាត់សប្បាយ តែងឆ្លងកាត់ និងរស់ចំណុចអនសងខាងផ្លូវខាងលើ ងាយស្រួលមិនសូវភ័យរឿងគ្រោះថ្នាក់ ដោយសារដីខ្សាច់លើផ្លូវទៀតនោះឡើយ។

ពលរដ្ឋម្នាក់ទៀត សុំមិនបញ្ចេញឈ្មោះ ក៏បានលើកឡើងដែរថា កន្លងមកពិបាករស់នៅជាខ្លាំងពេលមានម៉ូតូ និងរថយន្តបើកឆ្លងកាត់ម្តងៗ ហ៊ុយចូលផ្ទះពួកគាត់ពេញៗតែម្តង ។

លោកស្រី វ៉ា សុរិន ចៅសង្កាត់ព្រែកថ្មី បានអោយ លោក សេន វណ្ណដា សមាជិកក្រុមប្រឹក្សាសង្កាត់ និង ប្រជាការពារ សង្កាត់ចុះធ្វើការ សំអាតអនាម័យ បរិស្ថាន ក្នុងនោះដែរ កម្លាំងរបស់រដ្ឋបាល សង្កាត់ បានកើបខ្សាច់ បោសសំអាត សំរាម និងបាញ់ទឹក សំអាតផ្លូវ ដើម្បីបរិស្ថាន ស្អាតក្នុងមូលដ្ឋាន ក៏ដូចជាជួយកាត់បន្ថយគ្រោះថ្នាក់ចរាចរណ៍បានមួយផ្នែកធំ ដោយសារបញ្ហាដី នៅលើដងផ្លូវផងដែរ។

លោកស្រីបានបញ្ជាក់បន្ថែមថា រដ្ឋបាលសង្កាត់តែងតែធ្វើការងារសំអាត អនាម័យ បរិស្ថាន នេះជាប្រចាំក្នុងមូលដ្ឋានរបស់ខ្លួន៕ អត្ថបទ ៖ រដ្ឋា

The post អាជ្ញាធរសង្កាត់ព្រែកថ្មី ចុះបាញ់ទឹកសម្អាតតាមដងផ្លូវ និងក្រោមស្ពានព្រែកសំរោង ដើម្បីបរិស្ថានស្អាតក្នុងមូលដ្ឋាន appeared first on Kampuchea Thmey Daily.

ដោយ​មាន​ការ​យកចិត្តទុកដាក់​ពី លោក ឃួង ស្រេង អភិបាល​រាជធានី​ភ្នំពេញ និង លោក ថេង សុថុល អភិបាល​ខណ្ឌ ៧ មករា បាន​ណែនាំ​ដល់​កម្លាំង​សណ្ដាប់ធ្នាប់​ខណ្ឌ និង​គណៈកម្មការ​ផ្សារ ក៏​ដូចជា​សន្តិសុខ​សណ្ដាប់ធ្នាប់​ផ្សារ​អូរឫស្សី ឲ្យ​បន្ត​យកចិត្តទុកដាក់​ពី​បញ្ហា បរិស្ថាន អនាម័យ សន្តិសុខ​សណ្ដាប់ធ្នាប់​ជា​ប្រចាំ ដើម្បី​រក្សា​អនាម័យ និង​សណ្ដាប់ធ្នាប់ ក្នុង​បរិវេណ​ផ្សារ​ឲ្យ​បាន​ល្អ​ប្រសើរ។ ជាពិសេស​បាន​បាញ់​ទឹក​លាង​សំអាត​ជា​ប្រចាំ​សប្ដាហ៍ ដើម្បី​មិន​ឲ្យ​មាន​ក្លិន​ឆ្អេះឆ្អាប ស្អុយ ទីតាំង​ដែល​មាន​ជាតិ​ខ្លាញ់ និង​ដី​ប្រឡាក់ ជូន​ដល់​អតិថិជន​ចូល​ផ្សារ ក៏ដូចជា​អាជីវករ​លក់ដូរ​ក្នុង​ផ្សារ​ផង​ដែរ ធ្វើ​យ៉ាងណា​ឲ្យ​មាន ផាសុកភាព សោភ័ណភាព និង​អនាម័យ​ស្អាត​ល្អ។

លោក ឡយ ស៊ាងអាង ប្រធាន​គណៈកម្មការ​ផ្សារ​អូរឫស្សី បាន​ឲ្យ​ដឹង​ថា បញ្ហា​សន្តិសុខ សណ្ដាប់ធ្នាប់ បរិស្ថាន​អនាម័យ គណៈកម្មការ​ត្រូវ​យកចិត្តទុកដាក់​ជា​ប្រចាំ មិន​ឲ្យ​មាន​ក្លិន​ឆ្អេះឆ្អាប ស្អុយ ជាពិសេស​ទីតាំង​លក់​សាច់ជ្រូក ត្រីងៀត ជាដើម ដែល​មាន​ជាតិ​ខ្លាញ់ ក្លិន និង​ដី​ប្រឡាក់ ដើម្បី​ជួយ​បាញ់​ទឹក​លាង​សំអាត បរិស្ថាន​អនាម័យ​ឲ្យ​ល្អ​ប្រសើរ។ ដូច្នេះ ​ក្នុង​នាម​ជា​ប្រធាន​គណៈកម្មការ​ផ្សារ លោក​បាន​បញ្ជាក់​ថា កម្លាំង​សន្តិសុខ​សណ្ដាប់ធ្នាប់​ផ្សារ បាន​យកចិត្តទុកដាក់​រៀបចំ​សណ្ដាប់ធ្នាប់ ធ្វើការ​បាញ់​ទឹក​សាប៊ូ លាង​សំអាត ក្នុង​បរិវេណ​ផ្សារ​ជា​ប្រចាំ។

លោក​ប្រធាន​គណៈកម្មការ​ផ្សារ​អូរឫស្សី បន្ត​ថា ក្រៅពី​ការ​បាញ់​ទឹក​លាង​សំអាត បរិស្ថាន​អនាម័យ នោះ កម្លាំង​គណៈកម្មការ​ផ្សារ នៅតែ​បន្ត​យកចិត្តទុកដាក់​ពី​បញ្ហា​សន្តិសុខ​សណ្ដាប់ធ្នាប់​ជុំវិញ​បរិវេណ​ផ្សារ ជៀសវាង​បង្ក​ការ​កកស្ទះ​ដល់​ប្រជាពលរដ្ឋ​ដំណើរ​ឆ្លងកាត់​ផ្សារ ឬ​ចេញ​ចូល​ផ្សារ ផង​ដែរ។

គួរ​ជម្រាប​ថា ក្រោយពី​កម្លាំង​សណ្ដាប់ធ្នាប់​បាន​បាញ់​ទឹក​លាង​សម្អាត​រួច កម្លាំង​គណៈកម្មការ​ផ្សារ​អូរឫស្សី បាន​លាបថ្នាំ​ពណ៌ គំនូស បន្ថែម​នៅ​តាម​បណ្ដោយ​សួន ស្រប​ផ្លូវ​នៅ​ជុំវិញ​បរិវេណ​ផ្សារ ដើម្បី​បង្ក​ភាព​ងាយស្រួល​ដល់​ប្រជាពលរដ្ឋ​ធ្វើ​ដំណើរ និង​លើក​កម្ពស់​សោភ័ណភាព​តាម​ដង​ផ្លូវ និង​ផ្សារ​ផង​ដែរ៕ 

អត្ថបទ ៖ សុភា

The post អាជ្ញាធរខណ្ឌ ៧ មករា យកចិត្តទុកដាក់ពីបញ្ហាបរិស្ថានអនាម័យនៅជុំវិញ បរិវេណផ្សារអូរឫស្សី ជាប្រចាំ appeared first on Kampuchea Thmey Daily.

ក្នុងសកម្មភាពនេះ ភ្នាក់ងារអនាម័យបានធ្វើការសំអាតសំរាមតាមផ្លូវបេតុង ក្នុងភូមិរោងចក្រ សង្កាត់គោកឃ្លាង ខណៈដែលក្រុមការងារក៏បានបន្តសម្អាតអនាម័យតាមបណ្តោយប្រឡាយបារាំង ស្ថិតក្នុងភូមិទ្រុងមាន់ សង្កាត់អូរបែកក្អម ដើម្បីបំបាត់សំរាម និងកាត់បន្ថយបញ្ហាបរិស្ថានដែលអាចប៉ះពាល់ដល់សុខភាពប្រជាពលរដ្ឋ។

ជាមួយគ្នានេះដែរ ភ្នាក់ងារក្រុមហ៊ុន 800 Super ក៏បានចូលរួមបោសសំអាត និងរើសសំរាមតាមកំណាត់វិថី លេខ ១០១៩ ខាងមុខសាលាបឋមសិក្សាភ្នំពេញថ្មី ដោយធ្វើការប្រមូលសំរាម និងសម្អាតផ្លូវ ដើម្បីធ្វើអោយបរិស្ថាននៅតំបន់នោះមានភាពស្អាត និងមានសណ្តាប់ធ្នាប់ល្អប្រសើរឡើង។

សូមបញ្ជាក់ថា សកម្មភាពខាងលើ គឺជាការចូលរួមយ៉ាងសកម្មរបស់អាជ្ញាធរ និងភ្នាក់ងារពាក់ព័ន្ធ ក្នុងការថែរក្សាបរិស្ថាន និងលើកកម្ពស់អនាម័យសាធារណៈ ដែលជាចំណែកសំខាន់ក្នុងការកសាងសហគមន៍ស្អាត មានរបៀបរៀបរយ។

អាជ្ញាធរ សូមអំពាវនាវដល់បងប្អូនប្រជាពលរដ្ឋទាំងអស់ ចូលរួមសហការជាមួយអាជ្ញាធរ និងក្រុមការងារអនាម័យ ដោយទុកដាក់វេចខ្ចប់សំរាមអោយបានត្រឹមត្រូវ និងបញ្ចេញសំរាមតាមម៉ោងដែលបានកំណត់។ ការអនុវត្តបែបនេះ នឹងជួយថែរក្សាអនាម័យបរិស្ថាន សោភណ្ឌភាពទីក្រុង និងផ្តល់នូវផាសុខភាពក្នុងការរស់នៅរបស់សហគមន៍យើងទាំងអស់គ្នា៕ អត្ថបទ៖សំណាង

The post អាជ្ញាធរ និងភ្នាក់ងារអនាម័យចូលរួមសម្អាតបរិស្ថាន ដើម្បីលើកកម្ពស់អនាម័យ និងសោភណ្ឌភាពក្នុងតំបន់ appeared first on Kampuchea Thmey Daily.

អាជ្ញាធរ​បាន​ឲ្យ​ដឹង​ថា ដោយ​អនុវត្ត​តាម​ផែនការ​ដឹកនាំ​របស់ លោក ឃឹម ស៊ុនសូដា អភិបាល នៃ​គណៈ​អភិបាល​ខណ្ឌ​កំបូល លោក ជា ឃឿន ប្រធាន​ការិយាល័យ​សាធារណការ ដឹកជញ្ជូន អនាម័យ បរិស្ថាន និង​សណ្ដាប់ធ្នាប់​សាធារណៈ បាន​ដឹកនាំ​មន្ត្រី​ការិយាល័យ រួម​ជាមួយ​អាជ្ញាធរ​សង្កាត់-ភូមិ ពាក់ព័ន្ធ សហការ​ជាមួយ​ក្រុមហ៊ុន Mizuda ចុះ​ធ្វើការ​សម្អាត​អនាម័យ បរិស្ថាន និង​បោស​លាង​សម្អាត​តាម​ដង​ផ្លូវ ដើម្បី​ផាសុកភាព​ដល់​ប្រជាពលរដ្ឋ​ធ្វើដំណើរ និង​អ្នក​រស់នៅ​ជាប់ៗ ផ្លូវ។

ជាមួយ​គ្នា​នេះ អាជ្ញាធរ បាន​អរគុណ​ដល់ ក្រុមហ៊ុន Mizuda ដែល​សហការ​ចុះ​បោស​លាង​សម្អាត​បរិស្ថាន​ មាន​ផាសុកភាព​ដល់​ប្រជាពលរដ្ឋ។ ក្នុង​នោះ អាជ្ញាធរ ក៏បាន​អំពាវនាវ​ដល់​ប្រជាពលរដ្ឋ​ទាំងអស់ សូម​មេត្តា​ទុក​ដាក់​សំរាម​ក្នុង​ធុង​ឲ្យ​បាន​ត្រឹមត្រូវ ងាយស្រួល​ក្រុមហ៊ុន​ប្រមូល​សំរាម៕

អត្ថបទ ៖ សុខា

The post រដ្ឋបាលខណ្ឌកំបូល ចុះបោសលាងសម្អាតអនាម័យ បរិស្ថាន ក្នុងមូលដ្ឋាន appeared first on Kampuchea Thmey Daily.

លោក វ៉ា សាវឿន ចៅ​សង្កាត់​ចោមចៅ​ទី ៣ លើក​ឡើង​ថា ក្រោយ​មេឃ​ធ្លាក់​ភ្លៀង​មួយ​មេ​ធំ ធ្វើ​ឲ្យ​តំបន់​មួយ​ចំនួន​ទឹក​លិច​លើ​ដង​ផ្លូវ មាន​កាកសំណល់ ដី​ភក់​ជាប់​នឹង​ដង​ផ្លូវ ប៉ះពាល់​ដល់​បរិស្ថាន​ អនាម័យ ជាពិសេស​ខ្លាច​មាន​ការ​រអិល​បង្ក​ឲ្យ​អ្នក​ធ្វើដំណើរ​តាម​ម៉ូតូ​ដួល​គ្រោះថ្នាក់​ត្រង់​ប្រការ​ណា​មួយ ទើប​លោក​ស្នើ​ទៅ​ប្រធាន​មន្ទីរ​សាធារណការ និង​ដឹកជញ្ជូន ផ្ដល់​រថយន្ត​បូម​ធូលី និង​បាញ់​ទឹក​លាង​សម្អាត​ផ្លូវ ១ គ្រឿង មក​បាញ់​លាង​សម្អាត​ចាប់ពី​ស្ពាន​អាកាស​កប់​ស្រូវ​រហូត​​ដល់​ព្រំប្រទល់​សង្កាត់​កន្ទោក ខណ្ឌ​កំបូល។

លោក វ៉ា សាវឿន តំណាង​ឲ្យ​រដ្ឋបាល​សង្កាត់​ចោមចៅ​ទី ៣ ទាំងមូល សូម​ថ្លែងអំណរគុណ​ដល់ លោក ឃួង ស្រេង អភិបាល​រាជធានី​ភ្នំពេញ លោក សាំ ពិសិដ្ឋ ប្រធាន​មន្ទីរ​សាធារណការ និង​ដឹកជញ្ជូន រួម​ទាំង​ក្រុម​ការងារ​រាជធានី​ភ្នំពេញ លោក សក់ ចន្ទ័កញ្ញារិទ្ធ អភិបាល​ខណ្ឌ​ពោធិ៍​សែន​ជ័យ ដែល​បាន​ផ្ដល់​រថយន្ត ១ គ្រឿង សម្រាប់​បាញ់​ទឹក​លាង​សម្អាត​ផ្លូវ សម្រួល​ការ​ធ្វើ​ដំណើរ​ដល់​ប្រជាពលរដ្ឋ៕

អត្ថបទ ៖ សុខា

The post ក្រោយភ្លៀងមួយមេ អាជ្ញាធរចុះបាញ់ទឹកលាងសម្អាតផ្លូវ ក្នុងមូលដ្ឋានសង្កាត់ចោមចៅទី ៣ appeared first on Kampuchea Thmey Daily.

ជាក់ស្ដែង​នា​រសៀល​ថ្ងៃ​ទី ៩ ខែ​មីនា ឆ្នាំ ២០២៦ នេះ កម្លាំង​សណ្ដាប់ធ្នាប់​ខណ្ឌ​កំបូល បាន​ចុះ​សម្អាត​តាម​ដង​ផ្លូវ​ទាំងអស់​នៅ​ក្នុង​មូលដ្ឋាន។

លោក ទុយ សុជាតិ អនុ​ប្រធាន​ការិយាល័យ​សាធារណការ ដឹកជញ្ជូន អនាម័យ បរិស្ថាន និង​សណ្ដាប់ធ្នាប់​សាធារណៈ បាន​ឲ្យ​ដឹង​ថា លោក​បាន​ដឹកនាំ​អាជ្ញាធរ​សង្កាត់ និង​ភូមិ​ពាក់ព័ន្ធ ចុះ​សម្អាត​អនាម័យ បរិស្ថាន តាម​បណ្ដោយ​ផ្លូវ​មហា​វិថី​ស៊ីជីនពីង អម​សងខាង​ផ្លូវ ដើម្បី​ថែរក្សា​អនាម័យ​ក្នុង​មូលដ្ឋាន ឲ្យ​មាន​សោភ័ណភាព បរិស្ថាន​ល្អ​ប្រសើរ ក៏​ដូចជា​ជួយ​កាត់បន្ថយ​ផល​ប៉ះពាល់​សុខភាព​ប្រជាពលរដ្ឋ​រស់នៅ​ក្បែរ​នោះ​ផង​ដែរ។

លោក​បាន​បន្ត​ថា ការ​ចុះ​សម្អាត​នេះ​ដែរ មន្ត្រី​ជំនាញ បាន​ធ្វើ​ចាប់ពី​ព្រំប្រទល់​ខណ្ឌ​ពោធិ៍​សែន​ជ័យ រហូត​ដល់​ព្រំប្រទល់​ខណ្ឌ​ដង្កោ ឆ្លងកាត់​ភូមិ​ចំនួន ៨ ក្នុងនោះ​ រួមមាន​ភូមិ​កន្ទោក​ជើង ភូមិ​ត្រាំ​ស្លឹក ភូមិ​កប់​ភ្លុក ភូមិ​ព្រៃកី ភូមិ​គោកខ្សាច់(ជើង) ភូមិ​គោកខ្សាច់(ត្បូង) ភូមិ​គោកមាស និង​ភូមិ​តាំងរនាម ស្ថិត​ក្នុង​សង្កាត់​កន្ទោក សង្កាត់​ភ្លើងឆេះរទេះ និង​សង្កាត់​ប្រទះឡាង ខណ្ឌ​កំបូល រាជធានី​ភ្នំពេញ។

លោក​ក៏បាន​អំពាវនាវ​ដល់​អ្នក​ធ្វើដំណើរ អ្នក​ប្រកប​អាជីវកម្ម​ចល័ត និង​ប្រជាពលរដ្ឋ​ទាំងអស់ ត្រូវ​នាំ​គ្នា​ចូលរួម​ថែរក្សា​អនាម័យ​ឲ្យ​បាន​ស្អាត​ជា​និច្ច ជា​ពិសេស​មិន​ត្រូវ​ចោល​សំរាម​ផ្ដេសផ្ដាស​នោះ​ឡើយ៕

អត្ថបទ ៖ រដ្ឋា

The post អាជ្ញាធរខណ្ឌកំបូល ចុះរៀបចំអនាម័យតាមដងផ្លូវ លើកកម្ពស់សោភ័ណភាព appeared first on Kampuchea Thmey Daily.