អុកស៊ីសែន Archives - Kampuchea Thmey Daily

របបអាហារទាំងនេះ ជួយរក្សាកម្រិតអុកស៊ីសែនក្នុងរាងកាយ

Sonya — Mon, 23 Aug 2021 03:01:00 +0000

ពិតណាស់ អុកស៊ីហ្សែនមានសារសំខាន់បំផុតសម្រាប់ទ្រទ្រង់ជីវិតរបស់យើងម្នាក់ៗ។ រីឯសារធាតុចិញ្ចឹមបានដើរតួនាទីស្នូលក្នុងការកំណត់អំពីសុខភាព រួមទាំងរក្សាកម្រិតអុកស៊ីហ្សែនក្នុងរាងកាយរបស់យើងឲ្យមានដំណើរការល្អផងដែរ។ ដូចនេះហើយ ដើម្បីរក្សាកម្រិតអុកស៊ីហ្សែន គ្នាយើងគប្បីបញ្ចូលអាហារទាំង៣ប្រភេទនេះទៅក្នុងរបបអាហារ។

១. អាហារដែលសំបូរសារធាតុប្រឆាំងអុកស៊ីតកម្ម

យើងរាល់គ្នាបានដឹងហើយថា សារធាតុប្រឆាំងនឹងអុកស៊ីតកម្ម មានសារសំខាន់ក្នុងការថែទាំសុខភាពរបស់យើង។ អាហារដែលសំបូរទៅដោយសារធាតុប្រឆាំងនឹងអុកស៊ីតកម្ម អាចការពារកោសិកាប្រឆាំងនឹងរ៉ាឌីកាល់សេរី ព្រមទាំងកាត់បន្ថយហានិភ័យនៃជំងឺជាច្រើន រួមទាំងជំងឺបេះដូង និងជំងឺមហារីកជាក់លាក់មួយចំនួន។ ផ្លែប័រ ចេក ការ៉ុត ខ្ទឹមស និងផ្លែលម៉ើមានកម្រិតអុកស៊ីតកម្មខ្ពស់ ដែលមានគុណប្រយោជន៍ល្អៗដល់សុខភាព។

២. អាហារសំបូរជាតិសរសៃ

ជាមួយគ្នានេះដែរ ជាតិសរសៃមានអត្ថប្រយោជន៍ចំពោះសុខភាពជាច្រើន ដូចជាធ្វើឲ្យសុខភាពពោះវៀនប្រសើរឡើង កាត់បន្ថយចំណង់អាហារ និងកម្រិតកូលេស្តេរ៉ូល។ ពពួកអាហារទាំងនេះ មានដូចជាផ្លែស្ត្រប៊ឺរី ប័រ ផ្លែប៉ោម ផ្កាខាត់ណាខៀវ ការ៉ុត សណ្ដែក និងគ្រាប់ធញ្ញជាតិ ដោយសារតែវាមានតម្លៃpH៨ ក៏ដូចជាងាយស្រួលក្នុងការរំលាយ។ បន្ថែមពីនេះ អាហារដែលមានជាតិសរសៃខ្ពស់ក៏មានអង់ស៊ីមជាច្រើន ដែលអាចជួយរក្សាតុល្យភាពអ័រម៉ូនរបស់រាងកាយ ព្រមទាំងបង្កើនកម្រិតអុកស៊ីហ្សែនក្នុងឈាម។

៣. ផ្លែក្រូចឆ្មារ

បន្ថែមពីនេះ ក្រូចឆ្មារក៏ជាអាហារកំពូលដែលសំបូរទៅដោយអុកស៊ីហ្សែន។ វាមានជាតិអាស៊ីដ ប៉ុន្តែនឹងប្រែទៅជាសារធាតុAlkalin ក្រោយពេលដែលយើងញ៉ាំវា។ ជាក់ស្ដែង ក្រូចឆ្មារមានផ្ទុកសារធាតុអេឡិចត្រូលីត្រដែលជាអាហារអាល់កាឡាំង ដ៏ល្អ។ ទន្ទឹមនឹងនេះដែរ វាក៏មានប្រសិទ្ធភាពក្នុងការព្យាបាលជំងឺក្អក ផ្ដាសាយ គ្រុនក្ដៅ ក្រហាយទ្រូង និងជំងឺផ្សេងៗទៀតជាច្រើន៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សាមញ្ញៗ! ទម្លាប់ញ៉ាំបែបនេះឲ្យទៀង ដឹងតែមិនងាយឈឺ

ចុចអាន៖ ការពារប្រព័ន្ធភាពស៊ាំចុះខ្សោយ មនុស្សមានក្រុមឈាមទាំង ៤ ត្រូវតមអាហារប៉ុន្មានមុខនេះ

The post របបអាហារទាំងនេះ ជួយរក្សាកម្រិតអុកស៊ីសែនក្នុងរាងកាយ appeared first on Kampuchea Thmey Daily.

សង្កេតមើលខ្លួន! លក្ខខណ្ឌបែបណាដែលគ្រូពេទ្យចាត់ទុកថា ឆ្លងកូវីដស្រាល ឬធ្ងន់ត្រូវបំពាក់អុកស៊ីសែន

សាង ស្រីល័ក្ខ — Tue, 10 Aug 2021 02:15:55 +0000

ខណៈមនុស្សម្នាក់បានឆ្លងកូវីដ មិនមែនមានន័យថា ត្រូវតែព្យាបាលតាមក្បួនវេជ្ជសាស្ត្រគ្រប់គ្នាទេ។ សម្រាប់អ្នកឈឺខ្លះ ក្នុងករណីស្រាលៗអាចព្យាបាលនៅផ្ទះខ្លួនឯងបាន ដោយពុំចាំបាច់ប្រើថ្នាំច្រើនមុខឬតម្រូវឲ្យមានការថែទាំពីក្រុមគ្រូពេទ្យឡើយ។

ដោយឡែកសម្រាប់អ្នកឈឺសមគួរឬធ្ងន់ធ្ងរ អាចឈានទៅធ្វើការបែងចែកកម្រិតនៃលក្ខណៈគ្លីនិក ដើម្បីបំពាក់អុកស៊ីសែន និងប្រើប្រាស់ឧបករណ៍ជំនួយខ្យល់ដកដង្ហើមថែមទៀតផង។

ការធ្វើចំណាត់ថ្នាក់កម្រិតភាពធ្ងន់ធ្ងរ សម្រាប់ករណីវិជ្ជមានដោយប្រើលក្ខខណ្ឌខាងក្រោម៖

១ ករណីគ្មានរោគសញ្ញា

-គ្មានរោគសញ្ញាឬសញ្ញានៃការបង្ករោគណាមួយ អ្នកឈឺអាចព្យាបាលនៅផ្ទះដោយខ្លួនឯង ឬលេបថ្នាំតាមការណែនាំរបស់ក្រសួងសុខាភិបាលឲ្យបានត្រឹមត្រូវ។

២ ករណីស្រាល

-មានផ្ដាសាយ

-ហៀរសំបោរ

-ឈឺបំពង់ក

-ឈឺសាច់ដុំឬឈឺសន្លាក់

-កម្ដៅតិចជាង ៣៨ អង្សារសេ

-ចង្វាក់ដង្ហើមធម្មតា (១៤ – ២០ ដង/នាទីសម្រាប់មនុស្សពេញវ័យ)

-កំហាប់អុកស៊ីសែន (SpO2) លើសពី ៩៤ ភាគរយ (ដោយមិនទាន់ដាក់អុកស៊ីសែន)។

៣ ករណីមធ្យម

-កម្ដៅលើសពី ៣៨ អង្សារសេ

-ចង្វាក់បេះដូង១០០ដង/នាទី

-ចង្វាក់ដង្ហើម២០ ទៅ ២៥ ដង/នាទី

-ពិបាកដង្ហើម SpO2: ៩២ ភាគរយ – ៩៤ ភាគរយ (ដោយមិនទាន់ដាក់អុកស៊ីសែន)

-រូបថតសួតមិនធម្មតា មានសញ្ញា ស ស្រអាប់ដាស នៅផ្នែកខាងនៃសួត។

៤ ករណីធ្ងន់ធ្ងរ

-កម្ដៅលើសពី ៣៨ អង្សារសេ

-ចង្វាក់បេះដូង ១២០ ដង/នាទី

-ចង្វាក់ដង្ហើម ២៥ ដង/នាទី

-វិបត្តិនៃការដឹងស្មារតី (ពិន្ទុ Glasgow Coma Scale ≤14 )

-SpO2 < ៩២% (ដោយមិនដាក់អុកស៊ីសែន)

-PaO2/FiO2 ≤ 300mmHg (1 mmHg = 0.133kPa)

មានការវិវត្តលឿននៃសញ្ញារលាកសួតលើរូបភាពថតសួត ដោយកាំរស្មីអ៊ិច ៥០ ភាគរយ (Lung infiltrates on CXR ≥50%) ក្នុងអំឡុងពេល ២៤ ទៅ ៤៨ ម៉ោង។

៥ ករណីសង្រ្គោះកម្រិតធ្ងន់

-មានលក្ខខណ្ឌណាមួយក្នុងចំណោមលក្ខខណ្ឌខាងក្រោម៖

-ដង្ហើមចុះខ្សោយ តម្រូវប្រើម៉ាស៊ីនជំនួយការដកដង្ហើម

-ស្លុក(Shock)

-សរីរាង្គផ្សេងចុះខ្សោយ តម្រូវឲ្យមានការថែទាំនៅផ្នែក ICU៕

អត្ថបទ៖ សាង ស្រីល័ក្ខ

ចុចអាន៖ទើបចាក់វ៉ាក់សាំង ដាច់ខាតកុំប្រើថ្នាំទាំងនេះ អាចរារាំងភាពស៊ាំក្នុងរាងកាយ និងបន្ថយប្រសិទ្ធភាព

ចុចអាន៖ដុកទ័របកស្រាយលម្អិត ពិតឬចចាមអារ៉ាម ក្រោយមើមខ្ជាយល្បីល្បាញថា អាចប្រឆាំងកូវីដបាន ១០០ ភាគរយ

The post សង្កេតមើលខ្លួន! លក្ខខណ្ឌបែបណាដែលគ្រូពេទ្យចាត់ទុកថា ឆ្លងកូវីដស្រាល ឬធ្ងន់ត្រូវបំពាក់អុកស៊ីសែន appeared first on Kampuchea Thmey Daily.

វេជ្ជបណ្ឌិត ពន្យល់ពីការព្យាបាលអ្នកជំងឺកូវីដតាមដំណាក់កាល ពីស្រាលនិងធ្ងន់ធ្ងរខ្លាំង រហូតត្រូវបំពាក់អុកស៊ីសែន

សាង ស្រីល័ក្ខ — Tue, 20 Jul 2021 07:14:42 +0000

គោលការណ៍នៃការព្យាបាលអ្នកជំងឺកូវីដ ជាចម្បងនោះគឺការផ្ដល់ថ្នាំឲ្យបានទាន់ពេលវេលា ប្រសិនបើថ្នាំត្រូវបានព្យាបាលនៅពេលវេលាខុស វានឹងមិនមានប្រសិទ្ធភាពទេ។

វេជ្ជបណ្ឌិត Thanee Thanyawan អ្នកឯកទេសខាងជំងឺសួតនិងជាសាស្ត្រាចារ្យផ្នែកវេជ្ជសាស្ត្រនៅសហរដ្ឋអាមេរិក បានពន្យល់អំពីការព្យាបាល ពីកម្រិតស្រាលរហូតដល់ដំណាក់កាលធ្ងន់ធ្ងរខ្លាំង។

ដំណាក់កាលដំបូង នៃការឆ្លង គឺយើងមានគោលបំណងកាត់បន្ថយចំនួនមេរោគឲ្យបានលឿនបំផុត តាមដែលអាចធ្វើទៅបាន ដោយផ្ដល់ថ្នាំប្រឆាំងវីរុស។

ដំណាក់កាលទី ២ អ្នកជំងឺចាប់ផ្តើមរលាកក្នុងខ្លួន ដោយសារមុខងារមិនធម្មតារបស់ប្រព័ន្ធភាពស៊ាំ។ នេះបណ្ដាលឲ្យសរីរាង្គជាពិសេសសួតនឹងខូច។ ការព្យាបាលនៅដំណាក់កាលនេះ ត្រូវការថ្នាំដើម្បីបង្ក្រាបភាពស៊ាំ ដែលមានមុខងារច្រើនពេក ដូចជាថ្នាំស្តេរ៉ូអ៊ីតជាដើម។

ដំណាក់កាលទី ៣ ត្រូវបានចាត់ទុកជារយៈពេលព្យាបាលដ៏សំខាន់។ រយៈពេលនេះខ្លីណាស់ វាចាំបាច់ក្នុងការធ្វើរោគវិនិច្ឆ័យ ការព្យាបាលទាន់ពេលវេលា។ កម្រិតនេះរោគសញ្ញានឹងកាន់តែអាក្រក់ទៅៗ ចំណែកការដកដង្ហើមស្ទើពុំរួច ហើយបើអ្នកជំងឺមិនអាចប្រឹងដកដង្ហើមបានទេ វាឈានទៅបរាជ័យ ហើយការរលាកក្នុងរាងកាយកើនឡើងយ៉ាងឆាប់រហ័ស។

ថ្នាំប្រឆាំងវីរុសនឹងរារាំងភ្នាក់ងាររលាក interleukin-6 ដើម្បីបញ្ឈប់មុខងារមិនធម្មតានៃប្រព័ន្ធភាពស៊ាំ ដែលបណ្ដាលឲ្យរលាកសួត (ប្រសិនបើថ្នាំអាចផ្តល់តាមពេលត្រឹមត្រូវ)។ ជាពិសេសអ្នកជំងឺនឹងអាចចៀសផុតការបំពាក់បំពង់ខ្យល់អុកស៊ីសែន។ ថ្នាំនេះប្រសិនបើមិនត្រូវបានផ្តល់ឲ្យត្រឹមត្រូវឬលឿនពេកនិងយឺតពេក វាមិនមានប្រសិទ្ធភាពទេ។ ប្រសិនបើរោគសញ្ញាមិនត្រូវបានបញ្ឈប់នៅដំណាក់កាលនេះ វានឹងឈានចូលដល់ដំណាក់កាលទី ៤ (ជាដំណាក់កាលធ្ងន់ធ្ងរ)។

ដំណាក់កាលទី ៤ ជាអ្នកជំងឺដែលស្ថិតក្នុងស្ថានភាពធ្ងន់ធ្ងរ រហូតដល់ត្រូវចូល ICU ហើយត្រូវដាក់បំពង់ខ្យល់ជាចាំបាច់។ ការព្យាបាលដោយប្រើថ្នាំប្រឆាំងនឹងការរលាក អាចគ្មានប្រសិទ្ធភាពនិងគ្មានប្រយោជន៍។ ការព្យាបាលសំខាន់ក្នុងអំឡុងពេលនេះ គឺដើម្បីរក្សានិរន្តរភាពដោយប្រើបំពង់ខ្យល់ផ្ដល់ឲ្យអ្នកជំងឺ នូវអុកស៊ីសែនគ្រប់គ្រាន់ និងពេលវេលាដើម្បីជាសះស្បើយ។

វេជ្ជបណ្ឌិតអាចផ្តល់ថ្នាំ sedatives ដើម្បីកាត់បន្ថយការប្រើប្រាស់ថាមពលរបស់អ្នកជំងឺ កាត់បន្ថយតម្រូវការអុកស៊ីសែនរបស់រាងកាយ។ អ្នកជំងឺដែលមានអុកស៊ីសែនទាប ក៏អាចតម្រូវឲ្យប្រើអុកស៊ីសែន ECMO បន្ថែម (អុកស៊ីសែន Extracorporeal Membrane ) ។

ទោះជាយ៉ាងណាក៏ដោយ អុកស៊ីសែន ECMO នេះមានផលប៉ះពាល់នៅក្នុងខ្លួន ហើយមិនជួយអ្នកជំងឺឲ្យជាសះស្បើយគ្រប់គ្នានោះទេ។ ប៉ុន្តែវាអាចរក្សាកម្រិតអុកស៊ីសែនក្នុងខ្លួន ដើម្បីរង់ចាំអ្នកជំងឺអាចជាសះស្បើយឡើងវិញ (អាស្រ័យលើស្ថានភាព)។ លើសពីនេះទៀត ដំណាក់កាលទី ៤ ត្រូវបានត្រួតពិនិត្យ ការពារ និងព្យាបាលចំពោះផលវិបាកផ្សេងៗដូចជា ការឆ្លងបាក់តេរី ឬភាពស្មុគស្មាញនៃផ្សិត ការខ្សោយតំរងនោម ឬដុំសាច់ក្នុងផ្នែកផ្សេងៗ។ ល។

នៅដំណាក់កាលទី ៤ អ្នកជំងឺខ្លះបានជាសះស្បើយ និងមានភាពប្រសើរឡើង ប៉ុន្តែមួយចំនួនទៀតមិនប្រសើរ និងស្លាប់ដោយសារផលវិបាកផ្សេងៗ។

ការព្យាបាលកូវីដមិនមែនងាយស្រួល ដូចជំងឺផ្សេងឡើយ វាត្រូវការពេលវេលានិងដំណាក់កាលនីមួយៗ នៃស្ថានភាពនិងសុខភាពរបស់អ្នកជំងឺ។ ដូច្នេះហើយ ត្រូវតែការពារខ្លួនឲ្យមែនទែន កុំក្លាហានក្នុងសម័យកូវីដ ដើរចេញក្រៅផ្ទះ ឬមានការជួបជុំមិត្តភ័ក្ដិ ភឿនបនឬដៃគូទំនាក់ទំនង ហើយតែងគិតថាជារឿងធម្មតា៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖មិនចង់ក្លាយជាអ្នកចម្លងទៅអ្នកផ្សេង មកដឹងពីរបៀបទុកដាក់សំរាមរបស់អ្នកជំងឺកូវីដតាមផ្ទះ

ចុចអាន៖វិធីថែទាំសុខភាពឲ្យរឹងមាំ មុនតេស្តរហ័សរកកូវីដ ដោយមិនមានការឈឺចាប់ឬភ័យខ្លាច

ចុចអាន៖មូលហេតុដែលយុវវ័យ មានសន្ទុះនៃការឆ្លងកូវីដលឿន ជាងមនុស្សចាស់

The post វេជ្ជបណ្ឌិត ពន្យល់ពីការព្យាបាលអ្នកជំងឺកូវីដតាមដំណាក់កាល ពីស្រាលនិងធ្ងន់ធ្ងរខ្លាំង រហូតត្រូវបំពាក់អុកស៊ីសែន appeared first on Kampuchea Thmey Daily.

មីយ៉ាន់ម៉ា កំពុងប្រឈមកង្វះអុកស៊ីសែនធ្ងន់ធ្ងរមែនទែន ក្រោយផ្ទុះកូវីដខ្លាំងទៅៗ

Sok Chivon — Tue, 13 Jul 2021 05:13:50 +0000

ប្រទេសមីយ៉ាន់ម៉ាកំពុងប្រឈមនឹងកង្វះអុកស៊ីសែន ខណៈដែលករណីឆ្លងជំងឺកូវីដ ១៩ កំពុងតែកើនឡើងនៅក្នុងប្រទេស ។

នៅក្នុងទីក្រុងធំបំផុត យ៉ាំងហ្គោន ប្រជាជនដែលមានធុងអុកស៊ីសែន បានតម្រង់ជួរនៅឯស្ថានីយដើម្បីដាក់បញ្ចូលខ្យល់អុកស៊ីសែន ។

ទន្ទឹមនោះ អ្នកជំងឺកូវីដជាច្រើនត្រូវតែសម្រាកព្យាបាលនៅផ្ទះ ព្រោះមន្ទីរពេទ្យមិនមានសមត្ថភាពគ្រប់គ្រាន់នោះទេ ដោយសារកំពុងស្ថិតក្នុងស្ថានភាពច្របូកច្របល់ បន្ទាប់ពីរដ្ឋប្រហារយោធា ។

កាលពីថ្ងៃចន្ទ ប្រព័ន្ធផ្សព្វផ្សាយរដ្ឋបានរាយការណ៍ថា មានករណីឆ្លងជាង ៣,៤០០ ករណី និងមានមនុស្សស្លាប់ជាង ៨០ នាក់ ។ តួលេខទាំងនោះ បានបង្កើតកំណត់ត្រាឆ្លងខ្ពស់ស្ទើរតែរាល់ថ្ងៃកាលពីសប្តាហ៍មុន ។

ស្របពេលជាមួយគ្នានេះ ប្រព័ន្ធផ្សព្វផ្សាយក្នុងស្រុកអះអាងថា តួលេខឆ្លងអាចច្រើនជាងនេះ ព្រោះការធ្វើតេស្តនៅមានកំណត់នៅឡើយ ។

ពាក់ព័ន្ធនឹងករណីនេះដែរ អាជ្ញាធរមីយ៉ាន់ម៉ា ក៏បានដាក់បញ្ជាដល់ប្រជាជនរស់នៅទីប្រជុំជនប្រហែល ២០ ទៀត ក្នុងទីក្រុងយ៉ាំងហ្គោន និងកន្លែងផ្សេងទៀតឲ្យស្នាក់នៅនៅផ្ទះ ហើយពួកគេត្រូវតែធ្វើការពីផ្ទះ លើកលែងតែការងារដែលចាំបាច់ប៉ុណ្ណោះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ មីយ៉ាន់ម៉ា សម្រេចបិទសាលារៀនជាថ្មី ក្រោយផ្ទុះឆ្លងកូវីដបំប្លែងខ្លួនខ្លាំងពេក

The post មីយ៉ាន់ម៉ា កំពុងប្រឈមកង្វះអុកស៊ីសែនធ្ងន់ធ្ងរមែនទែន ក្រោយផ្ទុះកូវីដខ្លាំងទៅៗ appeared first on Kampuchea Thmey Daily.

ខេត្តកោះកុង កំពុងត្រូវការបំពង់អុកស៊ីសែនបន្ថែម សម្រាប់ព្យាបាលអ្នកជំងឺកូវីដ-១៩

sopheak khoun — Thu, 08 Jul 2021 05:50:18 +0000

(កោះកុង)៖ ប្រធានមន្ទីរសុខាភិបាលខេត្តកោះកុង បានអះអាងថា ខេត្តកោះកុង កំពុងមានតម្រូវការបំពង់អុកស៊ីសែន ដើម្បីត្រៀមជួយសង្រ្គោះព្យាបាលអ្នកជំងឺកូវីដ-១៩ ខណៈចំនួនអ្នកឆ្លងថ្មីបន្តរកឃើញខ្ទង់ជិតរយនាក់ក្នុង១ថ្ងៃៗ។ អត្រាកំណើនអ្នកឆ្លងថ្មី នៅក្នុងខេត្តកោះកុងបច្ចុប្បន្ន បានធ្វើឲ្យអាជ្ញាធរ និងមន្រ្តីជំនាញរួមគ្នាបង្កើនការបម្រុងទុកជាមុន នូវគ្រឿងសម្ភារៈវេជ្ជសាស្រ្តបម្រើការ ដល់ខាងផ្នែកសង្រ្គោះបន្ទាន់ ចំពោះមនុស្សចាស់ដែលផ្ទុកជំងឺកាចសាហាវនេះ។

លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង បានឲ្យដឹងនៅថ្ងៃទី៨ ខែកក្កដានេះថា ក្រៅតែពីការរៀបចំទីតាំងបន្ថែមសម្រាប់ស្នាក់នៅព្យាបាលដល់អ្នកជំងឺកូវីដ-១៩ មន្ទីរ និងរដ្ឋបាលខេត្តកោះកុង បានអំពាវនាដល់សប្បុរសជន ជួយឧបត្ថម្ភ ជាបំពង់អុកស៊ីសែន ដែលជាតម្រូវការចម្បងមួយទៅថ្ងៃមុខ។

បើតាមលោកវេជ្ជបណ្ឌិត ទៅ ម៉ឹង ការត្រៀមលក្ខណៈខាងផ្នែក បច្ចេកទេសវេជ្ជសាស្រ្តយ៉ាងដូច្នេះ ក៏ព្រោះតែមើលឃើញពីការរីករាលដាលជំងឺកូវីដ-១៩ កាន់តែច្រើនដល់ក្នុងសហគមន៍ ភាគច្រើនមនុស្សចាស់ៗ ត្រូវការបំផុតអំឡុងព្យាបាលសម្រួលដល់ការដកដង្ហើម។

បច្ចុប្បន្ននៅក្នុងដៃរបស់មន្ទីរសុខាភិបាល មានបំពង់អុកស៊ីសែន ប្រមាណជិត២០០បំពង់ ហើយដែលបានមកពីការឧបត្តម្ភពីសប្បុរសជនពាក់ព័ន្ធនានា។ ប៉ុន្តែវាមិនពុំទាន់ឆ្លើយតប នឹងបរិមាណតម្រូវការនោះទេ។ ដូច្នេះមន្រ្តីជំនាញ អំពាវនាវដល់សប្បុរសជន មេត្តាបន្តជួយឧបត្ថម្ភបន្ថែមទៀត នូវអុកស៊ីសែនទៅតាមសន្ធា និងលទ្ធភាពដែលអ្នកពាក់ព័ន្ធមាន បម្រើការដល់ជួយសង្គមជាតិអំឡុងវិបត្តិកូវីដ-១៩។

តាមការបញ្ជាក់ របស់លោកប្រធានមន្ទីរសុខាភិបាលខេត្ត មន្ត្រីជំនាញ និងអាជ្ញាធរពាក់ព័ន្ធ នៅតែបន្តស្វែងរកអ្នកពាក់ព័ន្ធផ្ទាល់ និងប្រយោល នៅក្នុងខេត្តពុំទាន់បញ្ចប់នៅឡើយទេ ពោលគឺតាមដានស្រាវជ្រាវគ្រប់វេលា ដើម្បីទទួលយកពួកគាត់ មកព្យាបាលឲ្យបានទាន់ពេលវេលា ជៀសវាងរាលដាលកាន់តែធ្ងន់ធ្ងរឡើងៗ ពិបាកគ្រប់គ្រង។

ចំណែកផ្សារដងទង់ នឹងបិទផ្អាកអាជីវកម្មរយៈពេល១៤ថ្ងៃសិន ដោយពុំអាចបាញ់ថ្នាំសម្លាប់មេរោគក្នុងផ្សារ បាននៅឡើយទេ ពីព្រោះយុទ្ធនាការ រកអ្នកពាក់ព័ន្ធមិនអាចបញ្ចប់ដំណើរការ ហើយអាជ្ញាធរស្នើសុំដល់អាជីវករចូលរួមសហការបន្ថែមទៀត ក្នុងន័យកាត់ផ្តាច់អត្រាចម្លងឲ្យមានប្រសិទ្ធិភាព និងអនុវត្តវិធានការសុខាភិបាល និង៣ការពារ និង៣កុំ។

យោងតាមទិន្នផល របាយការណ៍របស់រដ្ឋបាលខេត្ត កាលពីថ្ងៃ៧ ខែកក្កដា ឆ្នាំ២០២១ បង្ហាញថា មានការរកឃើញអ្នកវិជ្ជមានកូវីដ-១៩ប្រមាណ៩៣នាក់ និងជាសះស្បើយចំនួន៨៧នាក់៕ អត្តបទ៖ សិរីវឌ្ឍនៈ

The post ខេត្តកោះកុង កំពុងត្រូវការបំពង់អុកស៊ីសែនបន្ថែម សម្រាប់ព្យាបាលអ្នកជំងឺកូវីដ-១៩ appeared first on Kampuchea Thmey Daily.

ខ្យល់អុកស៊ីសែន កំពុងជាទ័ពជួរមុខសង្គ្រោះជីវិតមនុស្សដែលឆ្លងកូវីដ ១៩

សាង ស្រីល័ក្ខ — Tue, 06 Jul 2021 06:05:00 +0000

អុកស៊ីសែនផ្នែកវេជ្ជសាស្ត្របានក្លាយជាឧបករណ៍សង្គ្រោះជីវិតដ៏សំខាន់មួយ ក្នុងការប្រយុទ្ធប្រឆាំងនឹងកូវីដ ក្នុងកំឡុងពេលដែលអ្នកជំងឺវិវត្តទៅជារលាកសួតនិងជំងឺ hypoxaemia ដែលជាកម្រិតអុកស៊ីសែនមានក្នុងឈាមទាប។

ផលប៉ះពាល់នៃកូវីដ ១៩ លើសួត

វីរុស Sars CoV-2 ច្រើនផ្ដោតលើប្រព័ន្ធដង្ហើមដែលនាំឲ្យមានការរលាកសួត។ ក្នុងករណីធ្ងន់ធ្ងរវាអាចបណ្ដាលឲ្យមានជំងឺ hypoxaemia ដែលជាមូលហេតុនាំមុខនៃការស្លាប់ក្នុងចំណោមអ្នកជំងឺកូវីដ ។

អុកស៊ីសែនកម្រិត (SpO2) លើស ៩៥ ភាគរយគឺមានសុខភាពល្អសម្រាប់កុមារនិងមនុស្សពេញវ័យ។ កម្រិតអុកស៊ីសែនក្រោម ៩០ ភាគរយត្រូវបានគេចាត់ទុកថាគ្រោះថ្នាក់។ យោងតាមអង្គការសុខភាពពិភពលោក (WHO) ប្រហែលជា ២០ ភាគរយនៃអ្នកជំងឺកូវីដត្រូវការការព្យាបាលដោយអុកស៊ីសែន ដើម្បីការពារការផ្លូវដង្ហើមប្រឈមនឹងគ្រោះថ្នាក់។

ប្រភេទនៃការព្យាបាលដោយអុកស៊ីសែន

អុកស៊ីសែនត្រូវបានគ្រប់គ្រងតាមវិធីផ្សេងៗគ្នា។ អុកស៊ីសែនពីកម្រិតទាបទៅមធ្យមអ្នកជំងឺអាចដាក់បំពង់ច្រមុះ ដែលជាបំពង់វេជ្ជសាស្ត្រដែលឆ្លងកាត់រន្ធច្រមុះទាំងពីរឬមុខ។ ក្នុងករណីទាំងនេះអុកស៊ីសែនពី១ទៅ ១៥ លីត្រ (៣.៣ gallons) ក្នុងមួយនាទី ត្រូវបានបញ្ជូនដើម្បីបំពេញបន្ថែមដង្ហើមរបស់អ្នកជំងឺ។

ប្រសិនបើបរិមាណអុកស៊ីសែនមានបរិមាណខ្ពស់ជាងនេះ អ្នកជំងឺអាចត្រូវបានគេដាក់នៅលើបំពង់ច្រមុះ ដែលមានលំហូរខ្ពស់នៃម៉ាស៊ីនបន្តសម្ពាធខ្យល់ (CPAP) ។ ក្នុងករណីទាំងនេះអុកស៊ីសែនរហូតដល់ ១០០ ភាគរយ ដែលមនុស្សម្នាក់ស្រូបចូល បានមកពីបំពង់អុកស៊ីសែនដើម្បីបន្តឲ្យអ្នកជំងឺមានជីវិត។

តើអុកស៊ីសែនវេជ្ជសាស្ត្រមកពីណា?

ប្រទេសមួយចំនួនជាពិសេសប្រទេសដែលមានប្រាក់ចំណូលទាបនិងមធ្យម កំពុងប្រឈមនឹងកង្វះអុកស៊ីសែន។ តួយ៉ាងនៅឥណ្ឌាមានចំនួនករណីជាច្រើនក្នុងរយៈពេលប៉ុន្មានសប្ដាហ៍កន្លងមកនេះ ត្រូវការអុកស៊ីសែនប្រមាណ ១៧ លានម៉ែត្រគូប) ដោយទាមទារជារៀងរាល់ថ្ងៃ។

យោងតាមធនាគារពិភពលោកក្នុងចំណោម ១០២ ប្រទេសដែលជាផ្នែកមួយនៃខ្សែសង្វាក់ពាណិជ្ជកម្មការនាំចេញ នាំចូលអុកស៊ីសែនវេជ្ជសាស្ត្រ ប្រទេសចំនួន ១០ បាននាំចេញរហូតដល់ ៨០ ភាគរយ បែលហ្ស៊ិកគឺជាអ្នកនាំចេញឈានមុខគេក្នុងតម្លៃ ២៣,៦ លានដុល្លារ បន្ទាប់មកប្រទេសបារាំង ១៤ ភាគរយ និងព័រទុយហ្គាល់ ៨ ភាគរយ។

តើអុកស៊ីសែនវេជ្ជសាស្ត្រត្រូវបានផលិតយ៉ាងដូចម្ដេច?

ខ្យល់ដែលយើងដកដង្ហើមមានអាសូត ៧៨ ភាគរយ អុកស៊ីសែន ២១ ភាគរយ និងឧស្ម័នផ្សេងទៀត ១ ភាគរយ រួមទាំងកាបូនឌីអុកស៊ីត។ អុកស៊ីសែនវេជ្ជសាស្ត្រយ៉ាងហោចណាស់ ៨២ ភាគរយនៃអុកស៊ីសែនសុទ្ធ ត្រូវបានផលិតនៅតាមរោងចក្រឧស្សាហកម្ម មុនពេលបញ្ជូនទៅមន្ទីរពេទ្យនិងក្នុងធុងឧស្ម័នធំៗ។

អុកស៊ីសែនផ្នែកវេជ្ជសាស្ត្រភាគច្រើនត្រូវបានផលិតឡើងដោយប្រើដំណើរការសន្សំសំចៃសម្ពាធ (Swing Absorption (PSA) ដែលមាន ៣ ដំណាក់កាលសំខាន់៖

Pressurisation៖ ខ្យល់ពីបរិយាកាសត្រូវបានបង្រួមនិងរក្សាទុកនៅក្នុងនាវាដែលមានសម្ពាធខ្ពស់។

Adsorption៖ ខ្យល់ឆ្លងកាត់ម៉ូលេគុល កន្លែងដែលអាសូតត្រូវបានស្រូបយកដោយសមាសធាតុអាលុយមីញ៉ូមនិងស៊ីលីកូនដែលត្រូវបានគេស្គាល់ថា zeolite ។

Depressurisation៖ ខ្យល់ឆ្លងកាត់ជំនួសដើម្បីយកឧស្ម័នដែលមិនចង់បាន។ ឧស្ម័នដែលទទួលបានគឺមានអុកស៊ីសែនសុទ្ធរហូតដល់ ៩៦ ភាគរយ។ អុកស៊ីសែននេះត្រូវបានផ្ទុកនៅក្នុងធុងមួយ បន្ទាប់មកទើបវាអាចបញ្ជូនទៅបំពង់អុកស៊ីសែនបាន៕

ប្រែសម្រួល៖ សាង ស្រីល័ក្ខ

ប្រភព៖aljazeera

ចុចអាន៖

ចុចអាន៖លោកស្រី យក់ សម្បត្តិ ៖ កម្ពុជាមិនខ្វះធុងអុកស៊ីសែន សម្រាប់ព្យាបាលអ្នកជំងឺកូវីដ១៩ ទេ

The post ខ្យល់អុកស៊ីសែន កំពុងជាទ័ពជួរមុខសង្គ្រោះជីវិតមនុស្សដែលឆ្លងកូវីដ ១៩ appeared first on Kampuchea Thmey Daily.

លោកស្រី យក់ សម្បត្តិ ៖ កម្ពុជាមិនខ្វះធុងអុកស៊ីសែន សម្រាប់ព្យាបាលអ្នកជំងឺកូវីដ១៩ ទេ

KC Virak — Tue, 06 Jul 2021 04:53:40 +0000

កម្ពុជាមានការកើនឡើងនៃការឆ្លង និងស្លាប់ដោយសារជំងឺកូវីដ-១៩ក្នុងរយៈពេលចុងក្រោយនេះ ប៉ុន្តែកម្ពុជាបានត្រៀមខ្លួនរួចជាស្រេចក្នុងការព្យាបាល និងផ្គត់ផ្គង់អុកស៊ីសែនដោយមិនមានការខ្វះខាតនោះទេ។ នេះជាការអះអាងរបស់ លោកស្រី យក់ សម្បត្តិ រដ្ឋលេខាធិការ និងជាអ្នកនាំពាក្យ ក្រសួងសុខាភិបាល នៅក្នុងការអញ្ជើញទៅទទួល វ៉ាក់សាំងប្រយុទ្ធប្រឆាំងនឹងជំងឺកូវីដ-១៩ ស៊ីណូហ្វាម ចំនួន ១លានដូសបន្ថែម ដែលដឹកពីចិន មកដល់ប្រទេសកម្ពុជានៅអាកាសយានដ្ឋានភ្នំពេញ នាព្រឹកថ្ងៃអង្គារ ទី០៦ ខែកក្កដា ឆ្នាំ២០២១នេះ។

លោកស្រី យក់ សម្បត្តិ មានប្រសាសន៍បញ្ជាក់ថាថា៖ “សម្ដេចតេជោបានដាក់យុទ្ធសាស្ត្រទាំង៦ យើងអត់ទាន់មានខ្វះអុកស៊ីសែនទេ។ អ៊ីចឹងរាជរដ្ឋាភិបាល និងអនុគណៈកម្មការទាំងអស់ ជាពិសេសគណៈប្រចាំការ គណៈប្រតិបត្តិ និងគណៈកម្មការអន្តរក្រសួងបាន និងកំពុងដុតដៃដុតជើងធ្វើការងារនេះ ប្រយុទ្ធប្រឆាំងកូវីដទូទាំងប្រទេស”។

លោកស្រីមានប្រសាសន៍បន្ថែមថា៖ “ឥឡូវនេះទាំងរាជធានីភ្នំពេញ ទាំងតាមបណ្ដាខេត្តដែលមានហានិភ័យខ្ពស់ យើងកំពុងធ្វើកិច្ចការហ្នឹងហើយ យើងអត់ទាន់មានការខ្វះខាតអុកស៊ីសែនទេ ហើយយើងកំពុងតែព្យាយាមធ្វើការព្យាបាល ធ្វើការកាត់បន្ថយការឆ្លង ធ្វើការកាត់បន្ថយហានិភ័យ ជាពិសេសការនាំចូលជំងឺតាមព្រំដែនប្រទេសជិតខាងឱ្យបានត្រឹមត្រូវ។ ហើយអនុគណៈកម្មការកំពុងធ្វើការងារប្រទាក់ក្រឡាគ្នាយ៉ាងស្វិតស្វាញបំផុត។ អ្នកស្លាប់ច្រើនមិនមែនដោយសារខ្វះអុកស៊ីសែនទេ”។

គួរបញ្ជាក់ផងថា បន្ទាប់ពីមានការកើនឡើងចំនួនអ្នកស្លាប់ដោយសារជំងឺកូវីដ-១៩ ជារៀងរាល់ថ្ងៃ ទន្ទឹមពេលតាមបណ្ដាប្រទេសមួយចំនួនដូចជាប្រទេសឥណ្ឌាជាដើមនោះបានជួបបញ្ហាខ្វះអុកស៊ីសែននេះ ទើបថ្មីៗនេះមានការលើកឡើង និងតាមរយៈការបង្ហោះតាមបណ្ដាញសង្គមថា ដោយសារមានកង្វះអុកស៊ីសែន ជាហេតុធ្វើឱ្យចំនួនអ្នកជំងឺកូវីដ-១៩នៅកម្ពុជាមានអត្រាស្លាប់កើនឡើង៕

អត្ថបទ៖ ច័ន្ទ វីរៈ

The post លោកស្រី យក់ សម្បត្តិ ៖ កម្ពុជាមិនខ្វះធុងអុកស៊ីសែន សម្រាប់ព្យាបាលអ្នកជំងឺកូវីដ១៩ ទេ appeared first on Kampuchea Thmey Daily.

ជួយគ្នាក្នុងគ្រាក្រ! ឥណ្ឌាទទួលជំនួយកូវីដយ៉ាងច្រើនសន្ធឹកសន្ធាប់ពីបរទេស ខណៈប្រទេសខ្លួនកំពុងដុនដាបខ្លាំងមែនទែន

សាង ស្រីល័ក្ខ — Tue, 11 May 2021 04:02:20 +0000

ក្រសួងសុខាភិបាលសហភាពឥណ្ឌាបាននិយាយថា ចំនួនសរុបនៃឧបករណ៍ជំនួយដកដង្ហើម ៨,៩០០ បំពង់អុកស៊ីសែន ៥,០៤៣ គ្រឿងបរិក្ខារផលិតអុកស៊ីសែន ១៨គ្រឿង និងដបថ្នាំ Remdesivir ចំនួន ៣.៤ លាន ដែលជាជំនួយពីបរទេស ត្រូវបានបញ្ជូននិងចែកចាយទៅកាន់រដ្ឋនានាដែលជារដ្ឋកំពុងតែរងគ្រោះខ្លាំងក្លា នៅចន្លោះពីថ្ងៃទី ២៧ ខែមេសា ដល់ថ្ងៃទី ៩ ខែឧសភា ខណៈប្រទេសកំពុងដុនដាបខ្លាំងមែនទែន។

សេចក្ដីថ្លែងការណ៍បាននិយាយថា ឧបករណ៍ជំនួសដកដង្ហើមចំនួន ៨,៩០០ បំពង់អុកស៊ីសែន ៥,០៤៣ គ្រឿងបរិក្ខារផលិតអុកស៊ីសែន ១៨គ្រឿង ឧបករណ៍បំពង់ខ្យល់ ៥,៦៩៨ គ្រឿង ដបថ្នាំ Remdesivir ចំនួន ៣.៤ លានត្រូវបានបញ្ជូននិងចែកចាយតាមផ្លូវគោកនិងអាកាសតាំងពីថ្ងៃទី ២៧ ខែមេសាដល់ថ្ងៃទី ៩ ខែ ឧសភា ។

ក្រសួងបាននិយាយបន្ថែមថា“ ការបែងចែកភ្លាមៗនិងមានប្រសិទ្ធភាពដល់ការប្រគល់ដល់រដ្ឋនិងអ្នកទទួល ឬស្ថាប័នសហជីពផ្សេងៗដែលកំពុងតែរងគ្រោះ” ។

ក្រសួងសុខាភិបាលកំពុងត្រួតពិនិត្យលើបញ្ហានេះជាប្រចាំ ដោយបានបន្ថែមថាការិយាល័យសម្របសម្រួលមួយត្រូវបានបង្កើតឡើងនៅក្នុងក្រសួង ដើម្បីសម្របសម្រួលការទទួលនិងបែងចែកសម្ភារៈជំនួយពីបរទេសជាជំនួយឥតសំណង។

គួរបញ្ជាក់ថា រដ្ឋាភិបាលឥណ្ឌាបានទទួលអំណោយនិងជំនួយអន្តរជាតិពីឧបករណ៍ជំនួយសង្គ្រោះនិងគ្រឿងបរិក្ខារពេទ្យចាប់តាំងពីថ្ងៃទី ២៧ ខែមេសា ពីប្រទេសនិងអង្គការផ្សេងៗគ្នាដើម្បីបង្កើនកិច្ចខិតខំប្រឹងប្រែងរបស់ខ្លួន ក្នុងការប្រយុទ្ធប្រឆាំងនឹងការកើនឡើងនៃករណីកូវីដនិងវីរុសបំប្លែងខ្លួនដែលមិនធ្លាប់មានពីមុនមកនៅក្នុងប្រទេស៕

ប្រែសម្រួល៖ សាង ស្រីល័ក្ខ

ប្រភព៖ndtv

ចុចអាន៖ឃើញដុនដាបដោយកូវីដខ្លាំងពេក! ក្រុមហ៊ុន Pfizer ចរចាស្វែងរកផ្លូវអនុម័តប្រើប្រាស់វ៉ាក់សាំងរបស់ខ្លួនក្នុងប្រទេសឥណ្ឌា

ចុចអាន៖វីដេអូ អគ្គិភ័យផ្ទុះឆេះរោងចក្រគីមីក្នុងប្រទេសឥណ្ឌា

The post ជួយគ្នាក្នុងគ្រាក្រ! ឥណ្ឌាទទួលជំនួយកូវីដយ៉ាងច្រើនសន្ធឹកសន្ធាប់ពីបរទេស ខណៈប្រទេសខ្លួនកំពុងដុនដាបខ្លាំងមែនទែន appeared first on Kampuchea Thmey Daily.

អុកស៊ីសែន Archives - Kampuchea Thmey Daily

របប​អាហារ​​ទាំង​នេះ​ ជួយ​រក្សាកម្រិត​អុកស៊ីសែន​​​​​​​​​​​​​​​​​​​​​​​​​​​​​​​​​​​​​​​​​​ក្នុងរាងកាយ

១. អាហារ​ដែល​សំបូរ​សារធាតុ​ប្រឆាំង​អុកស៊ីតកម្ម​

២. អាហារ​​សំបូរ​​ជាតិ​សរសៃ​

៣. ផ្លែ​ក្រូច​​ឆ្មារ​

សង្កេតមើលខ្លួន! លក្ខខណ្ឌបែបណាដែលគ្រូពេទ្យចាត់ទុកថា ឆ្លងកូវីដស្រាល ឬធ្ងន់ត្រូវបំពាក់អុកស៊ីសែន

មីយ៉ាន់ម៉ា កំពុងប្រឈមកង្វះអុកស៊ីសែនធ្ងន់ធ្ងរមែនទែន ក្រោយផ្ទុះកូវីដខ្លាំងទៅៗ

ខេត្តកោះកុង កំពុងត្រូវការបំពង់អុកស៊ីសែនបន្ថែម សម្រាប់ព្យាបាលអ្នកជំងឺកូវីដ-១៩

ខ្យល់អុកស៊ីសែន កំពុង​ជា​ទ័ព​ជួរ​មុខ​សង្គ្រោះ​ជីវិត​មនុស្ស​ដែល​ឆ្លង​កូវីដ ១៩

លោ​កស្រី យក់ សម្បត្តិ ៖ កម្ពុជាមិន​ខ្វះ​ធុងអុកស៊ីសែន សម្រាប់ព្យាបាល​អ្នក​ជំងឺកូវីដ១៩​ ទេ

របបអាហារទាំងនេះ ជួយរក្សាកម្រិតអុកស៊ីសែនក្នុងរាងកាយ

១. អាហារដែលសំបូរសារធាតុប្រឆាំងអុកស៊ីតកម្ម

២. អាហារសំបូរជាតិសរសៃ

៣. ផ្លែក្រូចឆ្មារ

ខ្យល់អុកស៊ីសែន កំពុងជាទ័ពជួរមុខសង្គ្រោះជីវិតមនុស្សដែលឆ្លងកូវីដ ១៩

លោកស្រី យក់ សម្បត្តិ ៖ កម្ពុជាមិនខ្វះធុងអុកស៊ីសែន សម្រាប់ព្យាបាលអ្នកជំងឺកូវីដ១៩ ទេ