១ ជីត្រចៀកជ្រូក

ជីត្រចៀកជ្រូក គឺជាគ្រឿងទេសដែលមានប្រេងសំខាន់ៗ សារធាតុប្រឆាំងអុកស៊ីតកម្ម និងលក្ខណៈសម្បត្តិប្រឆាំងនឹងការរលាក។ ស្លឹករបស់វាមានក្លិនក្រអូប រសជាតិហឹរ និងមានប្រេងសំខាន់ៗប្រហែល ១%។ ចំណែកផ្កា មានថាមពលខ្លាំងជាងស្លឹកក្នុងការជំរុញញើស។ រុក្ខជាតិទាំងមូលអាចប្រើស្រស់ អាំង ឬដុត អាស្រ័យលើគោលបំណងព្យាបាល។

ប្រេងសំខាន់ៗ Oregano មានផ្ទុកសារធាតុ phenol ដែលគាំទ្រសកម្មភាពប្រឆាំងអុកស៊ីតកម្ម លុបបំបាត់រ៉ាឌីកាល់សេរី និងរារាំងមេរោគមួយចំនួននៅពេលសាយភាយ។ នៅក្នុងឱសថបុរាណនៃជីត្រចៀកជ្រូកមានរសជាតិហឹរ និងលក្ខណៈសម្បត្តិក្តៅ ជួយបំបែកខ្យល់-ត្រជាក់ បណ្តាលឲ្យបែកញើស បំបាត់កំដៅ កាត់បន្ថយការឈឺក្បាល និងជួយរំលាយអាហារ។

២ ស្លឹក Perilla

Perilla គឺជាគ្រឿងទេសដែលធ្លាប់ស្គាល់ ប្រើទាំងក្នុងគោលបំណងធ្វើម្ហូប និងជាឱសថ។ ផ្នែកខ្លះនៃរុក្ខជាតិដូចជាស្លឹក មែកនិងផ្លែឈើ សុទ្ធតែមានតម្លៃជាឱសថ។ រុក្ខជាតិនេះមានប្រេងសំខាន់ៗប្រហែល ០.៥% រួមជាមួយនឹងសារធាតុ flavonoids (apigenin, luteolin) និងអាស៊ីតសរីរាង្គ (អាស៊ីត rosmarinic, caffeic acid)។

យោងតាមឱសថបុរាណ perilla មានរសជាតិហឹរ លក្ខណៈសម្បត្តិក្តៅ និងឥទ្ធិពលនៃការបែកខ្ញែកខ្យល់ និងត្រជាក់ គ្រប់គ្រងការរំលាយទឹករំអិល បំបាត់ការឈឺចាប់ និងស្ថេរភាពនៃការមានផ្ទៃពោះ។ វាត្រូវបានគេប្រើជាញឹកញាប់ដើម្បីព្យាបាលជំងឺផ្តាសាយ ក្អួត និងការគំរាមកំហែងរលូតកូន។ ស្លឹក Perilla អាច​ប្រើ​ក្នុង​ទឹក​ធ្វើ​ឲ្យបែកញើស ព្យាបាល​ការ​ក្អក និង​ផ្តាសាយ ជួយ​រំលាយ​អាហារ និង​បន្សាប​ជាតិពុល។ បបរ Perilla (ស្លឹកលាយជាមួយបបរក្តៅ) ក៏មានប្រសិទ្ធភាពខ្ពស់ក្នុងការបំបាត់ជំងឺផ្តាសាយផងដែរ។

ចំណាំ ហាមប្រើ perilla សម្រាប់អ្នកដែលខ្លាចត្រជាក់ ដៃជើងត្រជាក់ ទន់ខ្សោយ ឬអស់កម្លាំង មានមុខស្លេក និងមានអណ្តាតស្លេក។

សាច់ញាតិរបស់ basil, mint គឺជាឱសថដែលជារឿយៗត្រូវបានគេបរិភោគឆៅ។ បន្លែនេះជួយព្យាបាលជំងឺផ្តាសាយ សត្វល្អិតខាំ ធ្វើឲ្យប្រសើរឡើងនូវការរំលាយអាហារ កាត់បន្ថយការហើមពោះ ឈឺសន្លាក់ឆ្អឹង ហៀរសំបោរ សម្អាតបំពង់ក និងព្យាបាលរលាក sinusitis កម្រិតស្រាល។

ជីអង្កាមសម្បូរទៅដោយសារធាតុប្រឆាំងអុកស៊ីតកម្មដូចជា flavonoids និងអាស៊ីត rosmarinic រួមជាមួយនឹងបរិមាណតិចតួចនៃវីតាមីន A, C, B ក្រុម, ជាតិដែក, ផូស្វ័រ និងជាតិសរសៃដែលជួយបង្កើនប្រព័ន្ធភាពស៊ាំ។ ជាពិសេស ប្រេងសំខាន់ៗ menthol នៅក្នុងម្ទេស មានលក្ខណៈសម្បត្តិប្រឆាំងបាក់តេរីខ្លាំង ត្រជាក់ និងហឹរ និងជួយសម្អាតផ្លូវដង្ហើម។

ទោះជាយ៉ាងណាក៏ដោយ មនុស្សមួយចំនួនគួរតែចៀសវាងការប្រើប្រាស់ basil រួមទាំងកុមារអាយុក្រោម ២ ឆ្នាំ ស្ត្រីមានផ្ទៃពោះ អ្នកដែលមានជំងឺច្រាលក្រពះពោះវៀន ជំងឺថ្លើម ឬថង់ទឹកប្រមាត់ ឬអាឡ័កស៊ីទៅនឹងប្រេងសំខាន់ៗ ៕

អត្ថបទ៖ សាង ស្រីល័ក្ខ

ចុចអាន៖កុំព្រងើយកន្តើយចំពោះភាពមិនធម្មតាទាំង ៣ នេះក្នុងមាត់ វាអាចជាសញ្ញាមហារីក

The post ឱសថ​រុក្ខជាតិ​៣​ប្រភេទ ​ជួយ​ដល់សុខភាព​បានច្រើនអនេក appeared first on Kampuchea Thmey Daily.

អ្នកស្រី សាវៀន ជាអ្នកព្យាបាលជំងឺតាមបែបបុរាណ មានទីលំនៅភូមិទៀមលើ ឃុំកាចូន ស្រុកវើនសៃ ខេត្តរតនគិរី បានរៀបរាប់ថា អ្នកស្រីបានប្រកបរបរផ្សំថ្នាំនេះអស់រយៈពេល៩ ឆ្នាំមកហើយ បន្ទាប់ពីបានរៀនជំនាញផ្សំថ្នាំបុរាណជាមួយគ្រូជំនាញនៅឯភ្នំពេញ។ បច្ចុប្បន្ន អ្នកស្រីគឺជាអ្នកផ្តល់ប្រឹក្សា និងផ្សំថ្នាំសម្រាប់ជំងឺទូទៅដល់អ្នកភូមិ ដោយថ្នាំបុរាណ១កញ្ចប់តូចតម្លៃ ១ម៉ឺនរៀល និងកញ្ចប់ធំតម្លៃ ២ម៉ឺនរៀល។

ឱកាសបុរាណដែលអ្នកស្រីផ្សំលក់សម្រាប់ជំងឺទូទៅដូចជា ជំងឺទឹកនោមផ្អែម ប្រៃ ថ្នាំលើសឈាម ជំងឺថ្លើមគ្រប់ប្រភេទ ថ្នាំធ្លាក់ស ថ្នាំហឺត ថ្នាំទៀកទឹក ថ្នាំឬសដូងបាត ថ្នាំទាស់រីងរៃ ថ្នាំមហារីកឆ្អឹង ថ្នាំមហារីកសាច់ ថ្នាំមហារីកស្បូន ថ្នាំគីសដោះ រលាកច្រមុះ ថ្នាំក្រពះ ថ្នាំពោះវៀន ថ្នាំរបេងសួត ថ្នាំតំរងនោម ថ្នាំខ្សោយក្រលៀន ថ្នាំជំនួយកំលាំង ថ្នាំរក្សាក្រមុំកម្លោះ  ថ្នាំកូនខ្ចី ថ្នាំសម្រកទម្ងន់ ជំងឺគ្រួសក្នុងប្រម៉ាត់ ជំងឺគ្រួសក្នុងតំរងនោម ថ្នាំរក្សាសម្រស់ ជំងឺសន្លាក់ដៃជើង ជំងឺងាប់ដៃងាប់ជើង ជំងឺស្វាយក្រាប ជំងឺខ្សោយបេះដូង ជំងឺបេះដូងរីក ជំងឺខ្លួនខ្យល់ និងជំងឺប្រេញ ។

អ្នកស្រីបញ្ជាក់ថា៖«ថ្នាំលក់ទៅឲ្យអតិថិជន ខ្ញុំបានណែនាំយកទៅដាំទឹកក្តៅផឹកទៅតាមកម្រិត និងត្រឹមត្រូវក្នុងការផលិតនិងកំណត់ (១កញ្ចប់ ៣ឆ្នាំង ១ឆ្នាំងទឹក២លីត្រ) ច្បាស់លាស់ ដើម្បីចៀសវាងប្រតិកម្ម។ អ្នកស្រីបញ្ជាក់បន្ថែមទៀតថា  ចំពោះការផលិតវិញតាមស្តង់ដា មានការវេចខ្ចប់ត្រឹមត្រូវ និងអនាម័យល្អ។

ជាមួយគ្នានេះ អ្នកស្រីណែនាំដល់អ្នកផឹកថ្នាំផ្សំបុរាណ ត្រូវផឹកឱ្យបានទៀងទាត់ តមគ្រឿងសមុទ្រ និងម្ហូបអាហារផ្អាប់ជាដើម។ បើតាមគ្រូផ្សំថ្នាំមានបទពិសោធជិត ១០ឆ្នាំមកនេះ អ្នកផឹកថ្នាំបុរាណមានកម្រិតជាសះស្បើយពីជំងឺយឺតជាងប្រើថ្នាំវិទ្យាសាស្ត្រ ហើយទាមទារអ្នកជំងឺអត់ធ្មត់។

លោក ចំពូ កាំភឿង ជាជនជាតិដើមភាគតិចគ្រឹង បានប្រាប់ថា រាល់ពេលខ្លួនមានជំងឺ តែងទៅរកទិញថ្នាំបុរាណ  ដោយសារធ្លាប់ផឹកថ្នាំបុរាណតាំងពីតូចមក ជាពិសេសបានធូរស្បើយក្រោយផឹកថ្នាំទាំងនោះរួច។ លើសពីនេះ ការប្រើថ្នាំបុរាណអាចជួយសន្សំថវិកាផងដែរ ។

មុនក្លាយជាគ្រូផ្សំថ្នាំបុរាណ អ្នកស្រីរៀបរាប់ថា ដំបូងឡើយដោយសារម្តាយ និងបងប្អូនក្នុងភូមិឈឺជាបន្តបន្ទាប់ ក៏បានបញ្ជាទិញថ្នាំបុរាណ​ពីគ្រូបុរាណមួយឈុត ពីរឈុតប្រើទៅធូរស្បើយ ក៏សម្រេចចិត្តនាំម្តាយមកជួបគ្រូផ្សំថ្នាំនៅភ្នំពេញ។ ក្រោយពីអាការៈម្តាយបានធូរស្បើយពីការប្រើថ្នាំបុរាណនេះ ក៏សម្រេចចិត្តរៀនជំនាញផ្សំថ្នាំបុរាណតាំងពីពេលនោះមក ពោលប្រមាណ ១០ឆ្នាំមុន។ បើតាមអ្នកស្រី សាវៀន ជាអ្នកព្យាបាលជំងឺតាមបែបបុរាណ ការកែច្នៃពីស្លឹកឈើ ឬសឈើរុក្ខជាតិឲ្យក្លាយទៅជាប្រភេទថ្នាំឱសថបុរាណដែលមានគុណភាព ត្រូវមានជំនាញច្បាស់លាស់ នោះទើបអាចជួយព្យាបាលជំងឺជាច្រើនតាមប្រភេទទៅតាមស្ថានភាពអាការៈអ្នកជំងឺ៕

The post ឱសថបុរាណខ្មែរ នៅតែពេញនិយមសម្រាប់ព្យាបាលជំងឺ របស់ជនជាតិដើមភាគតិចនៅខេត្តរតនគិរី appeared first on Kampuchea Thmey Daily.

រាយការណ៍ពីកាសែត South China Morning Post កាលពីថ្ងៃទី២០ ខែមិថុនា បានដកស្រង់សម្ដីលោក Hong Shouhai អ្នកឯកទេសខាងចាក់ម្ជុលវិទ្យាសាស្ត្របាននិយាយថា “ការចាក់ម្ជុលវិទ្យាសាស្ត្រ ដំណើរការដោយការភ្ញោចក្បាល ធ្វើឲ្យកោសិកានិងជំរុញសកម្មភាពរបស់ពួកគេ។ និយាយឲ្យចំទៅ នេះជាវិធីដែលការចាក់ម្ជុលវិទ្យាសាស្ត្រជួយបង្កើនភាពវៃឆ្លាត” ។

អ្នកចាក់ម្ជុលវិទ្យាសាស្ត្រម្នាក់ទៀតឈ្មោះ Zhou Haijiang បាននិយាយថា ក្នុងចំណោមការព្យាបាលនៅគ្លីនិកនោះ ចំណុច Baihui ដែលស្ថិតនៅផ្នែកខាងលើបំផុតនៃក្បាល ត្រូវបានគេប្រើប្រាស់ដើម្បីជំរុញខួរក្បាល និងធ្វើឲ្យខួរក្បាលមានភាពស្វាហាប់។

លោក Zhou បាននិយាយថា “ចំនុចវៃឆ្លាតទាំងបួន រួមមានបួនចំនុចជុំវិញ Baihui ហើយត្រូវបានប្រើដើម្បីដោះស្រាយបញ្ហាដូចជាឈឺក្បាល ការគេងមិនលក់ និងការចងចាំយឺត។ ចំនុច Fengchi នៅផ្នែកខាងលើនៃកញ្ចឹងក ជួយជំរុញលំហូរអុកស៊ីសែនទៅកាន់ក្បាល និងមុខ ជួយបង្កើនការចងចាំ។

ទន្ទឹមនោះដែរ គ្លីនិចឃើញអ្នកជំងឺពី ៤០ ទៅ ៥០ នាក់ជារៀងរាល់ថ្ងៃ រួមទាំងសិស្ស និងបុគ្គលិកការិយាល័យ។​ ការអះអាងនេះផងដែរ បានបង្កឲ្យមានការជជែកវែកញែកតាមអ៊ីនធឺណិត ដោយអ្នកខ្លះចោទសួរអំពីភាពមិនត្រឹមត្រូវរបស់ពួកគេ។ ប៉ុន្តែយ៉ាងណា ការការចាក់ម្ជុលវិទ្យាសាស្ត្រគឺជាវិធីព្យាបាលជំងឺនៅក្នុងឱសថបុរាណចិន ដែលមានប្រវត្តិយូរអង្វែងមកហើយ។

លោក Ma Guanfusheng ដែលចូលរួមជាមួយគ្រូពេទ្យនៃនាយកដ្ឋានម៉ាស្សា Hexiangdong នៃមន្ទីរពេទ្យឱសថបុរាណចិន Xiamen បានប្រាប់ Xiamen News ថា “ភាពវៃឆ្លាត នៃការចាក់ម្ជុលវិទ្យាសាស្ត្រមិនអាចត្រូវបានគេហៅថាគ្រាន់តែធ្វើឲ្យ IQ ប្រសើរឡើងនោះទេ។ ជាគោលការណ៍ ការចាក់ម្ជុលវិទ្យាសាស្ត្រ គឺជាវិធីសាស្ត្រមួយក្នុងការគ្រប់គ្រងមុខងារសរីរវិទ្យានៃរាងកាយមនុស្ស ដោយការជំរុញចំណុចចាក់ម្ជុលវិទ្យាសាស្ត្រ។

លោកបានបាននិយាយបន្ថែមទៀតថា ប្រព័ន្ធឈាមរត់ក្នុងខួរក្បាលអាចប្រសើរឡើង បរិស្ថានខួរក្បាលអាចប្រសើរឡើង ហើយការស្តារមុខងារខួរក្បាលឡើងវិញក៏អាចជួយសម្រួលដល់តុល្យភាព របស់រាងកាយ និងឈាមរត់បានប្រសើរឡើង រោគសញ្ញានៃការគេងមិនលក់៕

អត្ថបទ៖ សាង ស្រីល័ក្ខ

ចុចអាន៖ក្មេងស្រី អាមេរិក ស្លាប់យ៉ាងអាណោចអាធ័ម បន្ទាប់ពីឪពុកភ្លេចក្នុងរថយន្ត ៣ ម៉ោង

The post មន្ទីរពេទ្យមួយនៅ ចិន​ អះអាង​ថា ការ​ចាក់​ម្ជុល​វិទ្យាសាស្ត្រ​ ជួយ​បង្កើន​ភាព​វៃឆ្លាត​ និងចងចាំយ៉ាងល្អ appeared first on Kampuchea Thmey Daily.

១.ផ្ការាក់

ផ្ការាក់ ជាប្រភេទផ្កាដែលមានដើមត្រឹមកម្ពស់  ២ម៉ែត្រ ទៅ៣ម៉ែត្រ មានពណ៌ពីរប្រភេទ គឺផ្ការាក់ពណ៌ស និងផ្ការាក់ពណ៌ក្រហម។ ផ្ការាក់ ជាផ្កាសម្រាប់ក្រងថ្វាយព្រះ ក្រងថ្វាយព្រះមហាក្សត្រ និងដាក់ក្នុងពិធីមង្គលការ ឬ ពិធីប្រពៃណីផ្សេងៗទៀត។ មិនត្រឹមតែជាផ្កាសម្រាប់លម្អ រាក់ ក៏ជាផ្កាមួយប្រភេទ ដែលមានប្រយោជន៍ជាច្រើន ចំពោះសុខភាពមនុស្ស។ ស្លឹកស្រស់របស់ផ្កានេះ អាចបុកយកទៅបិទលើរបួស រីឯ ស្លឹកក្រៀម អាចព្យាបាលសម្រាប់អ្នកកើតជំងឺហឺតបានល្អប្រសើរ។

-ព្យាបាលជំងឺសន្លាក់ផ្សេងៗ

ផ្ការាក់ខ្លាំងពូកែខាងព្យាបាលជំងឺរលាកសន្លាក់ ដូចជា សន្លាក់ជើង ឬ សន្លាក់ឆ្អឹង។ លោកអ្នកអាចយកស្លឹករបស់វាកិនជាមួយនឹងទឹកក្តៅ រួចលាបនៅត្រង់ចំណុចដែលឈឺនោះ។

-ព្យាបាលជំងឺទូទៅ

តាមរយៈថ្នាំបែបធម្មជាតិនេះ អាចព្យាបាលនូវជំងឺទូទៅបានដូចជា ជំងឺផ្តាសាយ ក្តៅខ្លួន ក្អក ក្អួតចង្អោរ រាកជាដើម។ រាក់ ក៏ជួយសម្រួលដល់ការទល់លាមក ជ័ររបស់វា អាចយកព្យាបាលការឈឺធ្មេញ។

២.ផ្ការំយោល

ផ្ការំយោល មានពណ៌ក្រហម ហើយផ្នែកស្លឹក សំបក ឫស និងផ្ការបស់វា អាចយកធ្វើជាជំនួយដល់សុខភាពមនុស្សបានល្អ។ ចំពោះផ្នែកស្លឹក និងផ្ការបស់វា អ្នកអាចយកទៅបុកឱ្យម៉ត់ រួចអាចយកបិទនៅលើមុខរបួស រមាស់ ពងបែក បូស ឬ កន្លែងដែលមានស្នាមជាំ និងហើម។ រីឯ ផ្នែកឫស និងសំបក អ្នកអាចយកវាទៅដាំជាមួយទឹកនឹងជួយសម្រួលដល់ការមករដូវរបស់ស្រ្តីបានល្អ ព្យាបាលការរាករូស ជួយផ្នែករលាកក្រពះ និងពោះវៀនទៀតផង។

៣.ផ្កាម៉ោង៤

ផ្កាមួយប្រភេទនេះ ក៏អាចកែនូវរោគមួយចំនួនដល់សុខភាពមនុស្សដែរ។ ផ្នែកឫស និងគល់ អាចយកទៅដាំជាមួយទឹកផឹក ជួយកាត់បន្ថយគ្រុនក្តៅ និងបញ្ចេញញើសបានល្អ។ ចំពោះស្លឹករបស់វាវិញ មិនខុសពីផ្កាដទៃទៀតឡើយ អាចដំឱ្យម៉ត់ រួចបិទលើរបួស ឬ ច្របាច់យកទឹកវាលាបនៅលើស្បែក អាចជួយកែរោគដូចជា បូស ជំងឺស្រែង រមាស់ជាដើម។

ទោះបីជាផ្កានេះជួយដល់សុខភាពមនុស្សមែន តែយើងមិនគួរយកគ្រាប់របស់វាមកប្រើប្រាស់ឡើយ ព្រោះអាចបង្កឱ្យកើតជាជំងឺរាករូសបាន។ ចំណែកស្រ្តីមានផ្ទៃពោះ មិនគួរប្រើរុក្ខជាតិមួយប្រភេទនេះទេ អាចប៉ះពាល់ដល់កូនក្នុងផ្ទៃ។

៤.ស្មៅថ្នក់ទឹក (ផ្កាលឿង)

ស្មៅថ្នក់ទឹក ផ្កាពណ៌លឿង មានរូបរាងតូច ហើយដុះនៅតាមវាលស្រែ តែក៏ជាឱសថបុរាណរបស់ខ្មែរ សម្រាប់ជួយព្យាបាលដល់អាការៈស្រាលរបស់មនុស្សដូចជា ឈឺក្បាល ឈឺធ្មេញ ឬ ហឹងត្រចៀកដ៏មានប្រសិទ្ធភាពបំផុត។ ចំពោះ ផ្ការបស់វា លោកអ្នកអាចដំបិទព្យាបាលជំងឺសើស្បែកដូចនឹងផ្កាឯទៀត។

៥.ប្រទាលកំភ្លឹង (ប្រទាលសរសៃមួយរយ)

ប្រទាលប្រភេទនេះ សឹងតែមានដាំនៅគ្រប់ផ្ទះរបស់ប្រជាជន ឬ តាមសារធារណៈនានា។ យ៉ាងណាមិញ ផ្នែកស្លឹក គ្រាប់ និងគល់ ជួយបានច្រើនយ៉ាងដូចជា ស្លឹក ជួយកែអាការៈឈឺក្បាល និងចុករោយផ្សេងៗ។ គ្រាប់របស់វា ក៏ជួយដល់វត្តរដូវរបស់ស្រ្តី ចំណែក ឫស របស់វាជួយកែដំបៅ ឬ ហើមជាំផ្សេងៗ៕

ដោយ៖ អុន ស្រីមាន

The post ផ្កា ៥ ប្រភេទ ដែលអាចធ្វើជាឱសថព្យាបាលរោគាផ្សេងៗតាមក្បួនបុរាណខ្មែរ appeared first on Kampuchea Thmey Daily.

លោក​សាស្ត្រាចារ្យ​វេជ្ជបណ្ឌិត​បង្រៀន​នៅ​សាកល​វិទ្យាល័យ​វិទ្យាសាស្ត្រ​សុខាភិបាល​រូប​នេះ បន្ត​ថា អ្នក​ជំងឺ​ទឹក​នោមផ្អែម​ដែល​ធ្លាក់​ខ្លួន​ធ្ងន់ធ្ងរ ដោយសារ​តែ​ខ្វះ​ការ​ព្យាបាល​ត្រឹម​ត្រូវ​តាម​ក្បូន​ពេទ្យ ច្រើន​ជឿ​ការ​ផ្សព្វផ្សាយ​ពី​ការ​ព្យាបាល​ដោយ​ថ្នាំបុរាណ។ ការ​ជឿ​លើ​ថ្នាំ​បុរាណ មិន​ត្រឹម​តែធ្វើ​ឲ្យ​ជំងឺ​កាន់​តែ​ធ្ងន់ធ្ងរ​នោះ​ទេ គឺ​ខាត​បង់​ទាំង​ពេល​វេលា ចំណាយ​លុយ​កាក់​ច្រើន ហើយ​ធ្លាក់​ខ្លួន​ពិការ​ទៀត។

“អ្នក​ជំងឺ​ច្រើន​តែ​ជឿ​ថា ស្លឹក​នេះ​ជាមួយ​ស្លឹក​នោះ ប្រើ​ទៅ​ជា​ទឹក​នោម​ផ្អែម ធ្វើ​អ៊ីចឹង​ដូច​សម្លាប់​អ្នក​ជំងឺ​វិញ​ទេ ដែល​យើង​ផ្សព្វផ្សាយ​បែប​ហ្នឹង បើ​គេ​ធ្វើ​អ៊ីចឹង​កើត ពិភព​លោក​គេ​មិន​ទុក​ឲ្យ​អ្នក​កើត​ទឹកនោម​ផ្អែម ដល់ ៥០០-៦០០ លាន​នាក់​នោះ​ទេ គេ​ព្យាបាល​ជា​ហើយ”។ លោក​សាស្ត្រាចារ្យ​វេជ្ជបណ្ឌិត រៀបរាប់។

ផ្ទុយ​មក​វិញ លោក​វេជ្ជបណ្ឌិត​ថា បើ​អ្នក​ជំងឺ​ទឹក​នោម​ផ្អែម​ដែល​ទទួល​បាន​ការ​ព្យាបាល​ត្រឹម​ត្រូវ ជាមួយ​គ្រូពេទ្យ​ជំនាញ ​អាច​រស់​បាន​យូរ​ដូច​មនុស្ស​ធម្មតា អាយុ​អាច​ដល់ ៧០-៨០ឆ្នាំ ធ្វើ​កិច្ចការងារ​អ្វី​ក៏​បាន។ ចំពោះ​អ្នក​ដែល​មាន​ជំងឺ​ទឹក​នោម​ផ្អែម ហើយ​មាន​ដំបៅ​ជើង ត្រូវ​កាត់​ជើង​ចោល ភាគ​ច្រើន​អ្នក​ជំងឺ​ទទួល​ការ​ព្យាបាល​មិន​បាន​ត្រឹម​ត្រូវ​ដូច​គ្នា។

ជា​ដំបូន្មាន​សម្រាប់​អ្នក​ជំងឺ​ទឹកនោម​ផ្អែម លោក​វេជ្ជបណ្ឌិត សេង សេរី ថា អ្ន​ក​ជំងឺ​ត្រូវព្យាបាល​ឲ្យ​បាន​ជាប់​លាប់ តាម​ដាន​កម្រិត​ជាតិ​ស្ករ​ក្នុង​ឈាម​ឲ្យ​បាន​ត្រឹម​ត្រូវ ឧស្សហ៍​ជួប​ពិគ្រោះ​ជាមួយ​គ្រូពេទ្យ ចំណែក​ចំណី​ចំណុក ត្រូវ​ចៀស​វាង​ពពួក​អាហារ​ណា​ផ្អែម​ខ្លាំង៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ វិធីហាត់ប្រាណ ទប់ទល់ផលវិបាកដោយសារទឹកនោមផ្អែម

ចុចអាន៖ កុំចេះតែហ៊ាន! កើតជំងឺ​ទឹកនោមផ្អែម មិនអាចស្ត្រេស​ផ្ដេសផ្ដាស​ទេ

The post កើតទឹកនោមផ្អែម ព្យាបាលដោយថ្នាំបុរាណ ដូចសម្លាប់អ្នកជំងឺ appeared first on Kampuchea Thmey Daily.

WHO បាន​ទទួល​ការ​ចាក់​ម្ជុល​វិទ្យាសាស្ត្រ

​ការ​ចាក់​ម្ជុល​វិទ្យាសាស្ត្រ​ត្រូវ​បាន​ទទួល​ស្គាល់​ថា​ជា​វិទ្យាសាស្ត្រ​ព្យាបាល​ពិត​ប្រាកដ​ ព្រោះ​មនុស្ស​ជា​ច្រើន​នៅ​តែ​យល់​ថា​គ្មាន​ស្តង់ដារ។ វិទ្យាសាស្ត្រ​នៃ​ការ​ចាក់​ម្ជុល​វិទ្យាសាស្ត្រ​ គឺ​ជា​វិធី​ព្យាបាល​មួយ​ផ្សេង​ទៀត ដែលមានការទទួលស្គាល់​ជាអន្តរជាតិ​ដោយសារ​អង្គការសុខភាព​ពិភពលោក (WHO) បានប្រកាសថា ខ្លួនទទួលយក​ការព្យាបាល​ជំងឺនេះ ​គឺកាត់​បន្ថយ​រោគ​សញ្ញា​ដោយ​ការ​ចាក់​ម្ជុល​វិទ្យាសាស្ត្រ។

ការស្រាវជ្រាវថ្មីៗ​បានបង្ហាញថា ជំងឺមួយចំនួនដូចជា ការចាល់អាស៊ីដ ​ឈឺក្បាល ឈឺក្បាលប្រកាំង ​ការ​ព្យាបាលដោយ​ចាក់ម្ជុល​វិទ្យាសាស្ត្រ​មាន​ឥទ្ធិពល​ព្យាបាលប្រហាក់ប្រហែល​ ឬ​ប្រហែល​ជាច្រើនជាង​ការ​ប្រើ​ថ្នាំ ​ព្រោះ​វា​មិន​ប្រថុយ​ផល​ប៉ះពាល់ដូច​ថ្នាំ។

តើ​ការ​ចាក់​ម្ជុល​វិទ្យាសាស្ត្រ​ជួយ​ព្យាបាល​ឬ​បន្ថយ​រោគ​សញ្ញា​យ៉ាង​ដូចម្តេច?

ការ​ចាក់ម្ជុលវិទ្យាសាស្ត្រមានទីតាំងស្ថិតនៅត្រង់ចំណុចត្រឹមត្រូវ ដែលមានច្រើនជាង ៣៤៩ ពិន្ទុ។ យោង​តាម​គោលការណ៍​របស់​ចិន​ ការចាក់ម្ជុលវិទ្យាសាស្ត្រគឺជាការធ្វើ​ឲ្យ​មាន​តុល្យភាព​ឡើងវិញ ជួយ​ជំរុញ​ថាមពល។ ការ​ចាក់​ម្ជុល​វិទ្យាសាស្ត្រ​រំញោច​សរសៃ​ប្រសាទ ​រំញោច​មុខងារ​ បំបាត់ការ​ឈឺចាប់​ ជួយ​ដល់​ការ​កន្ត្រាក់​សាច់ដុំ។

តើ​ការ​ចាក់​ម្ជុល​វិទ្យាសាស្ត្រ​ឈឺចាប់​ទេ?

ម្ជុល​ដែលវេជ្ជបណ្ឌិតប្រើ​គឺ​ស្តើង​និងតូច (ប្រហែល ០.១-០.៣ mm) នៅពេល​ដែល​ម្ជុល​ត្រូវ​បាន​ផ្សាំជាមួយ​សាច់។ នៅពេលយើងមាន​អារម្មណ៍​ឈឺចាប់​ នោះ​រាងកាយ​នឹងឆ្លើយតប​ដោយ​រំញោច​ប្រព័ន្ធ ហើយ​នឹង​បញ្ជូនលំហូរឈាម​ទៅតំបន់​នោះ។

ចាក់​ម្ជុល​វិទ្យាសាស្ត្រ​អាចព្យាបាលជំងឺអ្វីខ្លះ?

រោគសញ្ញានិងជំងឺដែលគេនិយមព្យាបាល​ដោយចាក់ម្ជុលវិទ្យាសាស្ត្រមានដូចខាងក្រោម៖ ការ​ឈឺចាប់​និងជំងឺសាច់ដុំ​ដូចជា រោគសញ្ញាឈឺខ្នងដោយសារ​អង្គុយយូររាប់ម៉ោង ​ឈឺក ឈឺស្មា ឈឺក្បាល ​ឈឺក្បាលប្រកាំង ។ ជំងឺប្រព័ន្ធប្រសាទដូចជា ស្ពឹកម្រាម​ជើង ខ្វិន​មុខ​ ខ្សោយសាច់ដុំ។ ជំងឺផ្លូវដង្ហើមដូចជា​ អាឡ័កស៊ី​ ផ្តាសាយ​រ៉ាំរ៉ៃ ​ ​ជំងឺ​ហឺត ជំងឺ​នៃប្រព័ន្ធ endocrine ដូចជា​ទឹកនោមផ្អែម​ លើស​ឈាម​ សម្ពាធ​ទាប ជំងឺក្រពះនិងពោះវៀនដូចជាការ​ចាល់អាស៊ីត ក្រពះ​ ទល់​លាមក ។ ជំងឺ​រោគស្ត្រីដូចជាការធ្វើ​ឲ្យ​មានតុល្យភាព ការ​កែតម្រូវ​អរម៉ូន​ ការមករដូវ​មិន​ទៀងទាត់។

​ទោះជា​ម្ជុល​វិទ្យាសាស្ត្រ​ល្អ​ក្ដី​ តែ​ក៏​មាន​ក្រុមមនុស្សដែលមិនគួរចាក់ដែរ។ ឧទាហរណ៍វា​ជា​ជំងឺ​ឆ្លង ​ជា​ជំងឺ​មហារីក​ដែលមិនទាន់បានព្យាបាល ជំងឺ​ដែល​ត្រូវការការ​ព្យាបាល​វះកាត់ ​ស្ត្រី​មានផ្ទៃពោះ ​អ្នក​ជំងឺ​សរសៃឈាម​ ដែល​មាន​បញ្ហា​កំណកឈាម ហើយ​បំពាក់​ឧបករណ៍​ការពារ​បេះដូង ៕

ប្រែសម្រួល៖​ សាង​ ស្រីល័ក្ខ

ចុចអាន៖ហូបសឹងរាល់ថ្ងៃ មានដឹងអាហារទាំងនេះ ផ្ទុកវីតាមីន D ដែលជួយបង្កើតភាពស៊ាំ ទប់ទល់នឹងវីរុសគ្រប់ប្រភេទ

ចុចអាន៖ប្រយ័ត្ន! ក្រោយជាពីកូវីដ បុរសអាចជួបបញ្ហាខ្សោយផ្លូវភេទ

The post ម្ជុលវិទ្យាសាស្ត្រចិន ដែលទទួលស្គាល់ដោយ WHO ពិតជាជួយព្យាបាលជំងឺជាងប្រើថ្នាំ ដូចពាក្យចចាមអារ៉ាម appeared first on Kampuchea Thmey Daily.

លទ្ធផលនៃការស្រាវជ្រាវដែលធ្វើឡើងដោយលោកវេជ្ជបណ្ឌិត Le Quang Huan និងសហការីរបស់គាត់នៅវិទ្យាស្ថានបច្ចេកវិទ្យាជីវសាស្រ្ត ត្រូវបានប្រកាសដោយបណ្ឌិត្យសភាវិទ្យាសាស្ត្រ និងបច្ចេកវិទ្យាវៀតណាម ក្នុងសន្និសីទសារព័ត៌មានមួយកាលពីថ្ងៃអង្គារ ។

សន្និសិទសន្និសីទនេះបានឲ្យដឹងថា ថ្នាំដែលមានមូលដ្ឋានលើរុក្ខជាតិឈ្មោះ VIPDERVIR ត្រូវបានបង្កើតឡើងក្នុងទម្រង់ជាថ្នាំគ្រាប់ និងត្រៀមផលិតសម្រាប់បម្រើអ្នកជំងឺកូវីដ ១៩ ។

ថ្នាំ VIPDERVIR ត្រូវបានគេវាយតម្លៃនៅវិទ្យាស្ថានធ្វើតេស្តឱសថ និងសាកលវិទ្យាល័យវេជ្ជសាស្ត្រហាណូយ ខណៈដែលប្រសិទ្ធភាពទប់ស្កាត់មេរោគអេដស៍ H5N1 និងវីរុស SARS-CoV-2 ឬជំងឺកូវីដ ១៩ ត្រូវបានគេវាយតម្លៃនៅវិទ្យាស្ថានជីវបច្ចេកវិទ្យា និងវិទ្យាស្ថានជាតិអនាម័យ និងរោគរាតត្បាត ។

ផ្អែកលើការវាយតម្លៃទាំងនេះ ក្រុមស្រាវជ្រាវបានធ្វើការពិសោធន៍ថ្នាំ VIPDERVIR លើទន្សាយ ហើយបានរកឃើញថា ថ្នាំនេះមានសមត្ថភាពការពារកោសិកាពីការតោងនៃវីរុស SARS-CoV-2 ។

ទន្ទឹមនោះថ្នាំ VIPDERVIR ក៏រារាំងការកើនឡើងនៃវីរុសក្នុងកោសិកា ហើយវាធ្វើឲ្យកោសិកាភាពស៊ាំមានភាពសកម្ម ដូច្នេះថ្នាំនេះអាចស្គាល់ រារាំង និងកម្ចាត់វីរុសតែម្ដង ។ បន្ថែមពីនេះ បណ្ឌិត្យសភាវិទ្យាសាស្ត្រ និងបច្ចេកវិទ្យាវៀតណាម បាននិយាយថា លទ្ធផលស្រាវជ្រាវបានបង្ហាញថា ថ្នាំ VIPDERVIR មានសុវត្ថិភាព និងប្រសិទ្ធភាពក្នុងការរាំងស្ទះដល់ការវិវត្តនៃជំងឺកូវីដ ១៩ ។

បណ្ឌិត្យសភាបានបន្ថែមថា ថ្នាំនេះក៏បានបង្ហាញពីប្រសិទ្ធភាពពង្រឹងប្រព័ន្ធភាពស៊ាំអ្នកជំងឺកូវីដ ក្នុងអំឡុងពេលសាកល្បងព្យាបាលនៅមន្ទីរពេទ្យជាតិ ។ ស្របពេលជាមួយគ្នានេះ ក្រសួងសុខាភិបាលវៀតណាមបាននិយាយថា បន្ទាប់ពីការបំពេញឯកសាររួចរាល់ ថ្នាំនេះនឹងត្រូវបានធ្វើតេស្តលើអ្នកជំងឺកូវីដស្រាល និងមធ្យម ។

គួរបញ្ជាក់ថា គិតត្រឹមពេលនេះ វៀតណាមបានកត់ត្រាករណីឆ្លងជំងឺកូវីដ ១៩ ជាង ២៣ ម៉ឺនករណីក្នុងនោះមានអ្នកស្លាប់ចំនួន ៤,១៤៥ នាក់ ចាប់តាំងពីជំងឺរាតត្បាតបានវាយលុកប្រទេសនេះ នៅដើមឆ្នាំ ២០២០ ៕

ប្រែសម្រួលដោយ ៖ ជីវ័ន្ត

ប្រភព ៖ Tuoi Tre

ចុចអាន ៖ ក្រោយផ្ទុះឆ្លងកូវីដជាចង្កោម ហាណូយ យកសំណាកប្រជាជនក្នុងទីក្រុងចំនួន ៣០ ម៉ឺននាក់

The post វៀតណាម អនុញ្ញាតឲ្យប្រើឱសថបុរាណមួយប្រភេទព្យាបាលកូវីដ appeared first on Kampuchea Thmey Daily.

មូលនិធិនេះ បាននិយាយថា រហូតមកដល់ពេលនេះ ខ្លួនបានចែកចាយថ្នាំស្មៅប្រមាត់មនុស្ស តាមរយៈភ្នាក់ងាររដ្ឋាភិបាល អង្គការមិនមែនរដ្ឋាភិបាលនិងម្ចាស់ជំនួយនានា។

តម្រូវការឱសថបុរាណនេះ បានស្ទុះឡើងខ្ពស់ បន្ទាប់ពីការសិក្សាថ្មីមួយដោយនាយកដ្ឋានឱសថបុរាណនិងវេជ្ជសាស្ត្រថៃ បានបង្ហាញថា ថ្នាំប្រភេទនេះ អាចព្យាបាលអ្នកជំងឺកូវីដដែលមានរោគសញ្ញាស្រាលនិងអ្នកមិនបញ្ចេញរោគសញ្ញា បាន។

ថ្នាំនេះ ត្រូវបានគេប្រើជាយូរមកហើយនៅក្នុងប្រទេសថៃ និងបណ្តាប្រទេសអាស៊ីជាច្រើនទៀត ដើម្បីព្យាបាលជំងឺផ្តាសាយ ឈឺបំពង់កនិងរលាក។

សេចក្តីថ្លែងការណ៍បាននិយាយថា “បច្ចុប្បន្ន មូលនិធិនេះ កំពុងពន្លឿនការផលិតថ្នាំស្មៅប្រមាត់មនុស្ស ដើម្បីឆ្លើយតបនឹងតម្រូវការដែលកំពុងហក់ឡើងខ្ពស់”។

មូលនិធិនេះ ក៏បានស្នើសុំឲ្យប្រជាជន កុំទិញថ្នាំនេះស្តុកទុកច្រើនពេក ឬឡើងថ្លៃថ្នាំ ដើម្បីជួយឲ្យប្រទេសថៃ អាចយកឈ្នះវិបត្តិកូវីដ-១៩បាន៕

ប្រែសម្រួល៖ Vann Vann

ប្រភព៖ The Nation

ចុចអាន៖ ថៃ ជំរុញឲ្យកសិករទូទាំងប្រទេស ដាំស្មៅប្រមាត់មនុស្ស បន្ទាប់ពីរកឃើញប្រសិទ្ធភាព ព្យបាលកូវីដ

The post ឱសថបុរាណព្យាបាលកូវីដ កំពុងត្រូវប៉ាន់នៅ ថៃ appeared first on Kampuchea Thmey Daily.