ឱសថបុរាណព្យាបាលកូវីដ កំពុងត្រូវប៉ាន់នៅ ថៃ

មូលនិធិមន្ទីរពេទ្យ Chaophraya Abhaibhubejhr កាលពីថ្ងៃចន្ទ បាននិយាយនៅក្នុងសេចក្តីថ្លែងការណ៍មួយថា ស្តុកថ្នាំគ្រាប់ Fah Talai Jone ដែលធ្វើឡើងពីស្មៅប្រមាត់មនុស្ស កំពុងធ្លាក់ចុះដល់កម្រិតទាប ដោយសារតែការកើនឡើងនៃតម្រូវការ។

មូលនិធិនេះ បាននិយាយថា រហូតមកដល់ពេលនេះ ខ្លួនបានចែកចាយថ្នាំស្មៅប្រមាត់មនុស្ស តាមរយៈភ្នាក់ងាររដ្ឋាភិបាល អង្គការមិនមែនរដ្ឋាភិបាលនិងម្ចាស់ជំនួយនានា។

តម្រូវការឱសថបុរាណនេះ បានស្ទុះឡើងខ្ពស់ បន្ទាប់ពីការសិក្សាថ្មីមួយដោយនាយកដ្ឋានឱសថបុរាណនិងវេជ្ជសាស្ត្រថៃ បានបង្ហាញថា ថ្នាំប្រភេទនេះ អាចព្យាបាលអ្នកជំងឺកូវីដដែលមានរោគសញ្ញាស្រាលនិងអ្នកមិនបញ្ចេញរោគសញ្ញា បាន។

ថ្នាំនេះ ត្រូវបានគេប្រើជាយូរមកហើយនៅក្នុងប្រទេសថៃ និងបណ្តាប្រទេសអាស៊ីជាច្រើនទៀត ដើម្បីព្យាបាលជំងឺផ្តាសាយ ឈឺបំពង់កនិងរលាក។

សេចក្តីថ្លែងការណ៍បាននិយាយថា “បច្ចុប្បន្ន មូលនិធិនេះ កំពុងពន្លឿនការផលិតថ្នាំស្មៅប្រមាត់មនុស្ស ដើម្បីឆ្លើយតបនឹងតម្រូវការដែលកំពុងហក់ឡើងខ្ពស់”។

មូលនិធិនេះ ក៏បានស្នើសុំឲ្យប្រជាជន កុំទិញថ្នាំនេះស្តុកទុកច្រើនពេក ឬឡើងថ្លៃថ្នាំ ដើម្បីជួយឲ្យប្រទេសថៃ អាចយកឈ្នះវិបត្តិកូវីដ-១៩បាន៕

ប្រែសម្រួល៖ Vann Vann

ប្រភព៖ The Nation

ចុចអាន៖ ថៃ ជំរុញឲ្យកសិករទូទាំងប្រទេស ដាំស្មៅប្រមាត់មនុស្ស បន្ទាប់ពីរកឃើញប្រសិទ្ធភាព ព្យបាលកូវីដ