បើ​និយាយ​ពី​រោគ​សញ្ញា ក្រុម​គ្រូពេទ្យ​សង្កេត​ឃើញ​ថា អ្នក​ជំងឺ​វ័យ​ចំណាស់​ទាំង​នោះ​ មាន​ចេញ​សញ្ញា​ជំងឺ​រលាក​សួត​ស្រួច​ស្រាល ​បន្ទាប់​ពី​ឆ្លង​វីរុស​អូមីក្រុង​បំប្លែង BA.2។

យោង​តាម​សារព័ត៌មាន The Daily Express លោក​វេជ្ជបណ្ឌិត Akira Kano នាយក​មន្ទីរពេទ្យ​សង្គ្រោះ​បន្ទាន់ Fujimino ក្នុង​ប្រទេស​ជប៉ុន​បាន​ឲ្យ​ដឹង​ថា កត្តា​នេះ​បាន​ធ្វើ​ឲ្យ​មនុស្ស​ចាស់​វិវត្ត​ទៅ​ជា​រោគ​សញ្ញា​កូវីដ-១៩​ កាន់​តែ​ធ្ងន់ធ្ងរ។

“ក្រុម​អ្នក​ជំងឺ​វ័យ​ចំណាស់​ បាន​ទទួល​វ៉ាក់សាំង​ការពារ​កូវីដ​-១៩ យ៉ាង​ហោច​ណាស់ ​ក៏​គ្រប់​ចំនួន​២​ដូស​ដែរ ប៉ុន្តែ​វា​ហួស​ពេល​យូរ​ដែរ​ហើយ​ បន្ទាប់​ពី​យុទ្ធនា​ការ​ចាក់​វ៉ាក់សាំង ហើយ​ឥឡូវ​នេះ​អ្នក​ជំងឺ​វ័យ​ចំណាស់ ​កំពុង​ទទួល​រង​នូវ​ជំងឺ​រលាក​សួត​ស្រួច​ស្រាល។”

វេជ្ជបណ្ឌិត​ខាង​លើ​បាន​ឲ្យ​ដឹង​ថា វីរុស​អូមីក្រុង​បំប្លែង BA.2 ត្រូវ​បាន​អ្នក​ជំនាញ​ជា​ច្រើន​លើក​ឡើង​ថា ​មិន​សូវ​បង្ក​គ្រោះ​ថ្នាក់​ដល់​សុខភាព​ធ្ងន់ធ្ងរ​នោះ​ទេ ប៉ុន្តែ​ការ​ពិត​ទៅ ​វា​អាច​ធ្វើ​ឲ្យ​សុខភាព​យើង​ប្រឈម​គ្រោះ​ថ្នាក់ ​បើ​ផ្អែក​ទៅ​តាម​អ្វី​ដែល​រក​​ឃើញលើមនុស្ស​វ័យ​ចំណាស់ ​​ក្នុងក្នុង​ប្រទេស​ជប៉ុន​​ ពេល​បច្ចុប្បន្ន​នេះ៕

អត្ថបទផ្ដល់ដោយ៖ Hello Krupet

ចុចអាន៖អ្នកវិទ្យាសាស្ត្រ បង្កើនការប្រុងប្រយ័ត្ន ខណៈ វីរុសអូមីក្រុងបំប្លែង BA.2 រាលដាល

ចុចអាន៖Omicron រាលដាលនៅ ជប៉ុន ខ្លាំង រហូតមន្ទីរពេទ្យ មិនទទួលអ្នកជំងឺស្រាលៗឡើយ

The post វីរុសអូមីក្រុងបំប្លែង BA.2 អាចវាយលុកខ្លាំង លើសុខភាពមនុស្សចាស់ appeared first on Kampuchea Thmey Daily.

នៅក្នុងការ Update រោគរាតត្បាតប្រចាំសប្តាហ៍របស់ខ្លួន ទីភ្នាក់ងារសុខភាពរបស់អង្គការសហប្រជាជាតិ បានកត់សម្គាល់កាលពីថ្ងៃអង្គារទី១ខែកុម្ភៈថា នៅក្នុងប្រទេសមួយចំនួន បច្ចុប្បន្ន វីរុសក្លាយពូជនេះ បានរួមចំណែកច្រើនជាងពាក់កណ្តាលនៃករណី អូមីក្រុង ទាំងអស់។

គេដឹងតិចតួចនៅឡើយអំពីភាពខុសគ្នារវាងពូជមេរោគទាំងនេះ ប៉ុន្តែការសិក្សាជាច្រើនបានបង្ហាញថា BA.2 ឬត្រូវបានគេស្គាល់ថាជា “វីរុសបំប្លែងខ្លួនអូមីក្រុងបំបាំងកាយ” គឺឆ្លងខ្លាំងជាងពូជមេរោគផ្សេងៗ។

លោកស្រី Maria Van Kerkhove អ្នកជំនាញខាងរោគរាតត្បាត និងជាអ្នកដឹកនាំបច្ចេកទេសរបស់ WHO លើជំងឺរាតត្បាតកូវីដ១៩ បានប្រាប់អ្នកយកព័ត៌មានថា ទិន្នន័យដំបូងបង្ហាញថា BA.2 មានអត្រាកំណើនឆ្លងលើស BA.1 ដែលជាកំណែដំបូងនៃវីរុសបំប្លែងខ្លួន អូមីក្រុង។

ទោះបីជាយ៉ាងណាក៏ដោយ លោកស្រី Van Kerkhove បានអះអាងថា មិនមានការចង្អុលបង្ហាញថា BA.2 បណ្តាលឲ្យមានជំងឺធ្ងន់ធ្ងរជាងវីរុសបំប្លែងខ្លួនដទៃនោះទេ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ WHO៖ អូមីក្រុង ក្លាយពូជ BA.2 ទំនងមិនធ្ងន់ធ្ងរជាងវីរុសទម្រង់ដើមទេ

The post វីរុសក្លាយពូជ “អូមីក្រុងបំបាំងកាយ” ឆ្លងខ្លាំង រាលដាលចូលប្រទេសចំនួន ៥៧ហើយ appeared first on Kampuchea Thmey Daily.

លោកវេជ្ជបណ្ឌិត Boris Pavlin នៃក្រុមឆ្លើយតបកូវីដ របស់ WHO បានប្រាប់សន្និសីទសារព័ត៌មានតាមអនឡាញថា វ៉ាក់សាំងក៏នៅតែបន្តផ្តល់ការការពារស្រដៀងគ្នា ប្រឆាំងនឹងទម្រង់ផ្សេងៗនៃ អូមីក្រុង ផងដែរ។

ការអត្ថាធិប្បាយកើតឡើង ស្របពេលដែលវីរុសអូមីក្រុងក្លាយពូជ BA.2 ចាប់ផ្តើមវៃផ្តាច់ BA.1 នៅក្នុងប្រទេសនានាដូចជា ដាណឺម៉ាក ជាដើម។

ដោយផ្អែកលើទិន្នន័យពីប្រទេសដាណឺម៉ាក បានបង្ហាញថា ដូចជាមិនមានភាពខុសប្លែកគ្នាអ្វីទេ ទាក់ទងនឹងស្ថានភាពធ្ងន់ធ្ងរនៃជំងឺ បើទោះបីជា BA.2 មានសក្តានុពលក្នុងការជំនួស BA.1 នៅទូទាំងពិភពលោកក៏ដោយ។

លោកនិយាយថា “ក្រឡេកមើលប្រទេសផ្សេងទៀតដែល BA.2 កំពុងវ៉ាដាច់ យើងមិនឃើញមានការកើនឡើងនៃការចូលព្យាបាលក្នុងមន្ទីរពេទ្យ ខ្ពស់ជាងការរំពឹងទុកទេ”។

BA.2 គឺអាចឆ្លងខ្លាំងជាង BA.1 ធម្មតា ហើយអាចឆ្លងទៅមនុស្សដែលចាក់វ៉ាក់សាំងរួច កាន់តែច្រើន។ នេះបើយោងតាមការសិក្សារបស់ដាណឺម៉ាក ដែលវិភាគការឆ្លងមេរោគកូវីដ១៩នៅក្នុងគ្រួសារដាណឺម៉ាកជាង៨,៥០០ ចន្លោះខែធ្នូឆ្នាំ២០២១ ដល់ខែមករាឆ្នាំ ២០២២។

បច្ចុប្បន្ន វីរុសអូមីក្រុង ក្លាយពូជនេះ កំពុងវាយលុក​ខ្លាំងនៅ​ក្នុង​ប្រទេស​ហ្វីលីពីន នេប៉ាល់ កាតា ឥណ្ឌា និង​ដាណឺម៉ាក៕

ប្រែសម្រួល៖ Vann Vann

ប្រភព៖ Reuters

ចុចអាន៖ ប្រទេសមានករណីឆ្លងអូមីក្រុងក្លាយពូជច្រើនបំផុត បញ្ជាក់ពីឥទ្ធិពលរបស់ BA.2

The post WHO៖ អូមីក្រុង​ ក្លាយពូជ BA.2 ទំនងមិនធ្ងន់ធ្ងរជាងវីរុសទម្រង់ដើមទេ appeared first on Kampuchea Thmey Daily.

ទោះបីជាយ៉ាងណាក៏ដោយ ការវិភាគដំបូងដោយវិទ្យាស្ថាន Statens Serum Institut (SSI) ​មិនបានបង្ហាញពីភាពខុសប្លែកគ្នាទេ នៃហានិភ័យចូលព្យាបាលក្នុងមន្ទីរពេទ្យសម្រាប់ BA.2 បើប្រៀបធៀបទៅនឹង BA.1។

លោក Tyra Grove Krause នាយកបច្ចេកទេសរបស់ SSI បាននិយាយក្នុងសន្និសីទមួយថា “មានសញ្ញាមួយចំនួនដែលបង្ហាញថា វាឆ្លងកាន់តែខ្លាំង ជាពិសេសសម្រាប់អ្នកដែលមិនចាក់វ៉ាក់សាំង ប៉ុន្តែវាក៏អាចឆ្លងទៅអ្នកដែលចាក់ថ្នាំបង្ការរួច ក្នុងកម្រិតកាន់តែច្រើនផងដែរ”។

ស្របពេលជាមួយគ្នានោះ មជ្ឈមណ្ឌលគ្រប់គ្រង និងបង្ការជំងឺ (CDC) បានបង្ហាញថា វីរុសបំប្លែងខ្លួនក្លាយពូជនេះ កំពុងចរាចរណ៍នៅក្នុងរដ្ឋជាងពាក់កណ្តាលនៃសហរដ្ឋអាមេរិក ខណៈការឆ្លងយ៉ាងហោចណាស់១២៧ករណី ត្រូវបានរាយការណ៍ទូទាំងប្រទេស។

ដោយឡែក របាយការណ៍មួយរបស់ទីភ្នាក់ងារសន្តិសុខសុខភាពចក្រភពអង់គ្លេស (UKHSA) បានរកឃើញថា មេរោគនេះរួមចំណែក ៣,៤ភាគរយនៃការឆ្លងថ្មីរបស់ប្រទេសអង់គ្លេស គិតត្រឹមថ្ងៃទី១៦ខែមករា ហើយវាមានការកើនឡើងទ្វេដងរៀងរាល់សប្តាហ៍។

យ៉ាងណាក្តី សាស្ត្រាចារ្យ Paul Hunter អ្នកឯកទេសខាងរោគរាតត្បាតនៅសាកលវិទ្យាល័យ East Anglia បានប្រាប់ MailOnline ថា គ្មានហេតុផលអ្វី ត្រូវភ័យស្លន់ស្លោចំពោះ BA.2 នោះទេ។

គួរបញ្ជាក់ជាថ្មីថា កាលពីសប្តាហ៍មុន BA.2 ត្រូវបានគេកំណត់ថាជាវីរុសបំប្លែងខ្លួនក្លាយពូជ ស្ថិតក្រោមការស៊ើបអង្កេត ហើយកាលពីថ្ងៃសុក្រ UKHSA និយាយថា គិតត្រឹមថ្ងៃទី២៤ខែមករា មានការឆ្លងចំនួន១,០៧២ករណី ត្រូវបានបញ្ជាក់នៅក្នុងប្រទេសអង់គ្លេស៕

ប្រែសម្រួល៖ Vann Vann

ប្រភព៖ Daily Mail

ចុចអាន៖​ អូមីក្រុង មានសមាជិកគ្រួសារចំនួន៤ កំពុងអុកឡុកពិភពលោក

The post វីរុសបំប្លែងខ្លួនក្លាយពូជប្រភេទថ្មី​ ឆ្លងខ្លាំងជាង អូមីក្រុង ទម្រង់ដើម ១.៥ដង appeared first on Kampuchea Thmey Daily.

តើ​វីរុស​អូមីក្រុង BA.2 ជាអ្វី?

វេជ្ជបណ្ឌិត​សាស្ត្រាចារ្យ Emma Hodcroft ឯកទេស​ខាង​រោគ​រាតត្បាត​នៅ​សាកល​វិទ្យាល័យ Bern នៃ​ប្រទេស​ស្វីស បាន​ឲ្យ​ដឹង​ថា៖ «យើង​អាច​គិត​ថា​វីរុស​អូមីក្រុង​បំប្លែង BA.2 ជា​បង​ប្អូន​បង្កើន​របស់ BA.1។ វីរុស​ទាំង​២​ នេះ​មានការ​​បម្រែបម្រួល​ស្រដៀង​គ្នា​ច្រើន​ប្រហែល ៣០​ប្រភេទ ឬ​ច្រើន​ជាង​នេះ ប៉ុន្តែ​វីរុស​ទាំង​នេះ​ក៏​មាន​ភាព​បម្រែបម្រួល​ពិសេស​ជា​ច្រើន​ទៀត​ផង​ដែរ»។

កាល​ពី​ខែ​វិច្ឆិកា​ឆ្នាំ​ទៅ​នេះ នៅ​ពេល​អ្នក​វិទ្យាសាស្ត្រ​នៅ​អាហ្វ្រិក​ខាង​ត្បូង និង​បូតស្វាណា​បាន​រក​ឃើញ​វីរុស​អូមីក្រុង ពួក​គេ​មិន​បាន​រក​ឃើញ​តែ​មួយ​ប្រភេទ​នោះ​ទេ គឺ​សរុប ៣​ប្រភេទ (BA.1, BA.2, និង BA.3) ដោយ​ក្រុម​អ្នក​ស្រាវជ្រាវ​នៃ​សាកល​វិទ្យាល័យ Edingburgh។ តាំង​ពី​ដើម​មក​វីរុស BA.1 មាន​ភាព​រាលដាល​លឿន​ជាង​ប្រភេទ BA.2 និង BA.3។

តើ​វីរុស​អូមីក្រុង​បំប្លែង BA.2 អាច​ឆ្លង​បាន​ដូច BA.1 ដែរ​ឬ​ទេ?

ច្រើន​សប្ដាហ៍​កន្លង​ទៅ​នេះ វីរុស​អូមីក្រុង BA.2 បាន​ចាប់​ផ្ដើម​ធ្វើ​ឲ្យ​អ្នក​វិទ្យាសាស្ត្រ​ភ្ញាក់​ផ្អើល ដោយសារ​នៅ​ក្នុង​ប្រទេស​មួយ​ចំនួន​មាន​ករណី​វិជ្ជមាន​វីរុស​អូមីក្រុង BA.2 កើន​ឡើង​ច្រើន។ បច្ចុប្បន្ន ស្រប​ពេល​ដែល​ករណី​វិជ្ជមាន​ជំងឺ​កូវីដ​ចាប់​ផ្ដើម​ធ្លាក់​ចុះ ប្រទេស​ដាណឺម៉ាក​កំពុង​រីក​រាល​ដាល​យ៉ាង​ឆាប់​រហ័ស​នៃ​វីរុស​អូមីក្រុង​បំប្លែង BA.2 ម្ដង។

ចាប់​តាំង​ពី​សប្ដាហ៍​ទី២​ ខែ​មករា​ នេះ​មក វីរុស​អូមីក្រុង​បំប្លែង BA.2 បាន​បណ្ដាល​ឲ្យ​មាន​ករណី​វិជ្ជមាន​ច្រើន​ជាង ៥០% នេះបើ​តាម​ការ​ឲ្យ​ដឹង​ពី​វិទ្យាស្ថាន Statens Serum Institut នៅ​ទី​ក្រុង Copenhagen ប្រទេស​ដាណឺម៉ាក។ យ៉ាង​ណា​មិញ វីរុស​អូមីក្រុង​បំប្លែង BA.2 ក៏​កំពុង​រីក​រាល​ដាល​ក្នុង​ល្បឿន​យ៉ាង​លឿន​នៅ​ក្នុង​ប្រទេស​អង់គ្លេស និង​អាល្លឺម៉ង់ ដែល​​បង្ក​ឲ្យ​មាន​ករណី​វិជ្ជមាន​យ៉ាង​ហោច​ណាស់ ៥% នៃ​ករណី​សរុប​ក្នុង​ប្រទេស​ទាំង​ពីរ។

តើ​វីរុស​អូមីក្រុង​បំប្លែង BA.2 គ្រោះ​ថ្នាក់​ជាង BA.1?

ការសិក្សាជាច្រើនបានបង្ហាញថា វីរុស​ប្រភេទ BA.1 គ្មាន​ហានិភ័យ​ខ្ពស់​បង្ក​ឲ្យ​យើង​ធ្លាក់​ខ្លួន​ឈឺ​ធ្ងន់​ទេ បើ​ប្រៀប​ធៀប​នឹង​វីរុស​បំប្លែង Delta​ នៃ​ជំងឺ​កូវីដ-១៩។ អ្នក​វិទ្យាសាស្ត្រ​បាន​រក​ឃើញ​ថា អ្នក​ជំងឺ​មិន​ប្រឈម​នឹង​ការ​ចូល​ព្យាបាល​នៅ​មន្ទីរពេទ្យ​ទេ ប្រសិន​បើ​ឆ្លង​វីរុស​ប្រភេទ BA.2​ ប៉ុន្តែ​ទៅ​ថ្ងៃ​ខាង​មុខ​ទៀត វា​អាច​ផ្លាស់​ប្ដូរ​យ៉ាង​ណា​ទៀត​នៅ​មិន​ទាន់​ដឹង​ច្បាស់​នៅ​ឡើយ។

ទោះ​ជា​យ៉ាង​ណា​ក៏​ដោយ យើង​ទាំង​អស់​គ្នា​នៅ​តែ​អាច​ការពារ​សុខភាព​ពី​ការ​ធ្លាក់​ខ្លួន​ឈឺ​ធ្ងន់​បាន​ប្រសិន​បើ​ឆ្លង​វីរុស​កូរ៉ូណា​គ្រប់​ប្រភេទ​ដោយ​ការ​ចាក់​វ៉ាក់សាំង​ការពារ​ឲ្យ​បាន​គ្រប់​ដូស រាប់​ទាំង​ដូស​ជំរុញ​ផង​ដែរ ដើម្បី​សុវត្ថិភាព​សុខភាព​ផ្ទាល់​ខ្លួន និង​ចៀសវាង​ការ​ចម្លង​ទៅ​មនុស្ស​ជា​ទី​ស្រលាញ់​ជុំ​វិញ​ខ្លួន៕

អត្ថបទផ្ដល់ដោយ៖ Hello Krupet

ចុចអាន៖ផ្ទុះចេញវីរុសក្លាយពូជមួយទៀត ឆ្លងខ្លាំងជាងអូមីក្រុង កំពុងអុកឡុកពិភពលោក

The post អ្នកវិទ្យាសាស្ត្រ បង្កើនការប្រុងប្រយ័ត្ន ខណៈ វីរុសអូមីក្រុងបំប្លែង BA.2 រាលដាល appeared first on Kampuchea Thmey Daily.

លោក Heunicke បានប្រាប់សន្និសីទសារព័ត៌មានមួយថា “មិនមានភ័ស្តុតាងណាមួយបង្ហាញថា វីរុសក្លាយពូជ BA.2 បង្កឲ្យមានជំងឺធ្ងន់ធ្ងរនោះទេ ប៉ុន្តែវាឆ្លងកាន់តែខ្លាំង”។

ត្រកូល BA.1 បច្ចុប្បន្នមានចំនួន៩៨ភាគរយនៃករណីទាំងអស់នៅទូទាំងពិភពលោក ប៉ុន្តែក្នុងប្រទេសដាណឺម៉ាក ករណីឆ្លងត្រូវបានជំរុញដោយពូជ BA.2 ដែលបានគ្របដណ្តប់យ៉ាងខ្លាំងនៅក្នុងសប្តាហ៍ទីពីរនៃខែមករានេះ។

ការគណនាបឋមបង្ហាញថា BA.2 អាចឆ្លងខ្លាំងជាង BA.1 ១.៥ដង។ នេះបើតាមការឲ្យដឹងពីអាជ្ញាធរជំងឺឆ្លងកំពូលរបស់ប្រទេសដាណឺម៉ាកគឺ វិទ្យាស្ថាន Statens Serum Institut (SSI)។

ទោះបីជាយ៉ាងណាក៏ដោយ ការវិភាគដំបូងដោយវិទ្យាស្ថាននេះ មិនបានបង្ហាញពីភាពខុសប្លែកគ្នានៃហានិភ័យចូលព្យាបាលក្នុងមន្ទីរពេទ្យដោយសារពូជ BA.2 នោះទេបើប្រៀបធៀបទៅនឹង BA.1។

ស្របពេលជាមួយគ្នានោះដែរ លោកស្រី Tyra Grove Krause នាយកបច្ចេកទេសរបស់ SSI បាននិយាយនៅក្នុងសន្និសីទសារព័ត៌មានថា “មានសញ្ញាមួយចំនួនដែលបង្ហាញថា វាឆ្លងកាន់តែខ្លាំង ជាពិសេសសម្រាប់អ្នកដែលមិនចាក់វ៉ាក់សាំង ប៉ុន្តែវាក៏អាចឆ្លងទៅអ្នកដែលទទួលថ្នាំបង្ការក្នុងកម្រិតកាន់តែច្រើនជាងមុនផងដែរ”។

គួរបញ្ជាក់ថា ករណី BA.2 ក៏ត្រូវបានចុះបញ្ជីនៅក្នុងប្រទេសអង់គ្លេស ស៊ុយអែត និងន័រវេសដែរ ប៉ុន្តែក្នុងកម្រិតតិចជាងនៅដាណឺម៉ាក៕

ប្រែសម្រួល៖ Vann Vann

ប្រភព៖ CNA

ចុចអាន៖ អូមីក្រុងក្លាយពូជថ្មី ចាប់ផ្តើមសម្លាប់មនុស្សទៅហើយ នៅថៃ ទោះទើបរកឃើញ១៤ករណី

The post ប្រទេសមានករណីឆ្លងអូមីក្រុងក្លាយពូជច្រើនបំផុត បញ្ជាក់ពីឥទ្ធិពលរបស់ BA.2 appeared first on Kampuchea Thmey Daily.

ការឆ្លងមានទាំងជនជាតិថៃ និងអ្នកដំណើរអន្តរជាតិ ហើយអ្វីដែលជាក្តីបារម្ភនោះគឺថា ក៏មានការបញ្ជាក់ផងដែរអំពីករណីស្លាប់លើកដំបូងដោយសារវីរុស អូមីក្រុង ក្លាយពូជនេះ នៅក្នុងប្រទេសថៃ។

ចំនួនអ្នកស្លាប់ដោយសារវីរុសបំប្លែងខ្លួន អូមីក្រុង នៅក្នុងប្រទេសថៃ បានកើនឡើងដល់៧នាក់ ពោលគឺស្មើនឹង ០,១% នៃការឆ្លងកូវីដទាំងអស់។ ការស្លាប់ដំបូងដោយសារវីរុសអូមីក្រុងក្លាយពូជ BA.2 គឺជាលោកយាយអាយុ៨៦ឆ្នាំនៅក្នុងខេត្ត Songkhla ភាគខាងត្បូងប្រទេសថៃ។

គិតត្រឹមពេលនេះ វីរុសបំប្លែងខ្លួន អូមីក្រុង ក្លាយពូជប្រភេទ BA.2 ត្រូវបានគេដឹងថា បានរីករាលដាលដល់ប្រទេសយ៉ាងតិច ៤០ហើយ ជុំវិញពិភពលោក។

វីរុសក្លាយពូជ BA.2 ត្រូវបានគេរាយការណ៍ជាលើកដំបូងនៅក្នុងប្រទេសឥណ្ឌា និងអាហ្រ្វិកខាងត្បូងកាលពីចុងខែធ្នូ ហើយក្រុមអ្នកវិទ្យាសាស្រ្តបានសន្និដ្ឋានថា វាមានសមត្ថភាពឆ្លងខ្លាំងជាង អូមីក្រុង ទៅទៀត ទោះម៉ាស៊ីនតេស្ត PCR ក៏ពិបាករកវីរុសនេះឃើញ ដល់ថ្នាក់គេហៅវាថា “អូមីក្រុងបំបាំងកាយ”៕

ប្រែសម្រួល៖ Vann Vann

ប្រភព៖ Thaiger

ចុចអាន៖ អូមីក្រុង មានសមាជិកគ្រួសារចំនួន៤ កំពុងអុកឡុកពិភពលោក

The post អូមីក្រុងក្លាយពូជថ្មី ចាប់ផ្តើមសម្លាប់មនុស្សទៅហើយ នៅថៃ ទោះទើបរកឃើញ១៤ករណី  appeared first on Kampuchea Thmey Daily.

BA.2 គឺជាប្រភេទមេរោគក្លាយពូជដែលក្រុមអ្នកវិទ្យសាស្រ្តអះអាងថា ឆ្លងខ្លាំងជាង អូមីក្រុង ហើយ​កំពុង​រីក​រាលដាល​ពាសពេញ​ពិភពលោក​ ដោយ​ប្រទេស​យ៉ាងតិច៤០បាន​រាយការណ៍​អំពី​ការ​ឆ្លង​ដែល​ពាក់ព័ន្ធ​នឹងមេរោគក្លាយពូជប្រភេទថ្មី​នេះ។

ការឆ្លងនៅក្នុងប្រទេសថៃ គឺមានទាំងជនជាតិថៃ និងអ្នកធ្វើដំណើរមកពីបរទេស ខណៈករណីទីមួយត្រូវបានរកឃើញកាលពីថ្ងៃទី២ខែមករា។

ទោះបីជាយ៉ាងណាក៏ដោយ មេរោគដែលលេចធ្លោនាពេលបច្ចុប្បន្នគឺវីរុសបំប្លែងខ្លួន អូមីក្រុង ប៉ុន្តែមេរោគបានប្រែប្រួលជាបន្តបន្ទាប់ និងផ្លាស់ប្តូរតាមពេលវេលា ដែលនេះមានន័យថា វាអាចពិបាកក្នុងការគ្រប់គ្រង។

វីរុសបំប្លែងខ្លួនអូមីក្រុងក្លាយពូជប្រភេទថ្មី BA.2 គឺត្រូវបានគេស្គាល់ថាជា “មេរោគអូមីក្រុងបំបាំងកាយ” ព្រោះវាមានសមត្ថភាព គេចផុតពីការធ្វើតេស្តទោះម៉ាស៊ីន PCR ក៏រកមើលមិនឃើញដែរ។

នេះ​ជា​ក្តី​ព្រួយ​បារម្ភ ព្រោះ​ការ​ធ្វើ​តេស្ត PCR គឺ​សំខាន់ណាស់​សម្រាប់​ការ​រក​ឃើញ​មេរោគឲ្យ​កាន់​តែ​ច្បាស់។ ការស្រាវជ្រាវបន្ថែមទៅលើវីរុសក្លាយពូជប្រភេទនេះ កំពុងដំណើរការដើម្បីសាកល្បង និងកំណត់ថាតើវាជាមូលហេតុនៃក្តីព្រួយបារម្ភដែរឬក៏អត់។

ស្របពេលជាមួយគ្នានោះដែរ ទីភ្នាក់ងារសន្តិសុខសុខភាពចក្រភពអង់គ្លេស (UKHSA) បានបញ្ជាក់ថា មេរោគនេះត្រូវបានចាត់ថ្នាក់ថាជា មេរោគបំប្លែងខ្លួនស្ថិតក្រោមការស៊ើបអង្កេត៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Thaiger

ចុចអាន៖ អូមីក្រុង ចេញពូជថ្មីទៀតហើយ មកលើកនេះ ចេះបំបាំងកាយ

The post វីរុសបំប្លែងខ្លួនក្លាយពូជថ្មី ឆ្លងខ្លាំងជាងអូមីក្រុង ចូលដល់ ថៃ ហើយ (មានវីដេអូ) appeared first on Kampuchea Thmey Daily.