យោងតាមភ្នាក់ងារ Sohu ស្ថានភាពរាងកាយរបស់តួស្រីចិន កាន់តែយ៉ាប់យ៉ឺនធ្ងន់ធ្ងរជាងអ្វីដែលមនុស្សដឹង។ បំពង់ករបស់នាងបានឆ្លងមេរោគអស់រយៈពេលជាងមួយខែមកហើយ ដោយមានការក្អកជាប់រហូត សំឡេងស្អក មុខស្លេកស្លាំង ហើយសរសៃឈាមស្តើងខ្លាំង ដែលអាចមើលឃើញនៅលើស្បែករបស់នាងតែម្ដង។

ជាងនេះទៀត តារាស្រីវ័យ៣៣ឆ្នាំ តែងតែត្រូវបិទកៅអៀកបន្ថយគ្រុនក្តៅនៅពីក្រោយឆាក។ ដោយសារតែសុខភាពរបស់ នាងកាន់តែយ៉ាប់យ៉ឺនដល់ចំណុចដែលនាងមិនអាចលាក់បាំងវាបានទៀតទេ ហើយអាចស្ថិតក្នុងគ្រោះថ្នាក់នៅពេលណាមួយ ក្រុមហ៊ុនគ្រប់គ្រងត្រូវបានបង្ខំឲ្យធ្វើការប្រកាសមួយដើម្បីផ្គាប់ចិត្តមតិសាធារណៈ។

បន្ទាប់ពីស្ថានភាពប្រកាសអាសន្នពណ៌ក្រហមរបស់ Dilraba Dilmurat ត្រូវបានប្រកាស មូលហេតុដែលសម្រស់ស្រស់ស្អាតរបស់ Xinjiang រូបនេះធ្លាក់ខ្លួនឈឺធ្ងន់ត្រូវបានផ្សព្វផ្សាយយ៉ាងទូលំទូលាយនៅក្នុងវិស័យសិល្បៈចិន។

យោងតាមប្រភពព័ត៌មាន បន្ថែមពីលើកាលវិភាគដ៏មមាញឹករបស់នាងពីអាស៊ីដល់អឺរ៉ុប ការហត់នឿយដោយសារក្រុមហ៊ុនគ្រប់គ្រង និងមិនមានជំនួយការមើលថែនាងនៅពេលថតរឿង ស្ថានភាពរាងកាយរបស់ Dilraba កាន់តែអាក្រក់ទៅៗ ដោយសារតែផលប៉ះពាល់នៃការសម្រាលកូន ប៉ុន្តែមិនមានពេលវេលាគ្រប់គ្រាន់ដើម្បីជាសះស្បើយ។ ដោយព្រួយបារម្ភថាសាធារណជននឹងរកឃើញអាថ៌កំបាំងដែលថានាង និងតារាសម្តែង Johnny Huang មានកូនជាមួយគ្នា Dilraba ត្រូវសម្រកទម្ងន់យ៉ាងឆាប់រហ័សដើម្បីទទួលបានរាងស្លីម និងត្រលប់ទៅការងារដែលមានអាំងតង់ស៊ីតេខ្ពស់វិញ ទោះបីជានាងទើបតែសម្រាលកូនក៏ដោយ។

កាលពីខែមិថុនា ឆ្នាំ២០២២ Dilraba ស្ទើរតែបាត់ខ្លួនពីឧស្សាហកម្មកម្សាន្ត។ នាងមិនបានសម្តែងក្នុងខ្សែភាពយន្ត ឬចូលរួមកម្មវិធីណាមួយឡើយ ទោះបីជានាងមានកិច្ចសន្យាផ្សាយពាណិជ្ជកម្មជាង ៣០ ក៏ដោយ។ តារាសម្ដែងរូបនេះក៏បានផ្លាស់ប្តូរស្ទីលភ្លាមៗពីសម្លៀកបំពាក់សិចស៊ីទៅជាសម្លៀកបំពាក់ក្រាស់ៗ អាវធំដែលគ្របដណ្តប់រាងកាយទាំងមូលរបស់នាង។ ភាពចៃដន្យមិនធម្មតាទាំងនេះបានបង្កឲ្យមានព័ត៌មានថានាងបានលាក់ខ្លួនដើម្បីសម្រាលកូន។ ចាប់តាំងពីពេលនោះមក នៅពេលណាដែលមានព័ត៌មានអំពី កំណើតសម្ងាត់របស់តារាល្បី Johnny Huang និង Dilraba គឺជាមនុស្សដែលគួរឲ្យសង្ស័យបំផុត៕

អត្ថបទ៖ សាង ស្រីល័ក្ខ

ចុចអានខាងក្រោមនេះ៖

Jungkook រងការរិះគន់ ក្រោយលេចធ្លាយរូបណាត់ជួបនារីមិនស្គាល់អត្តសញ្ញាណម្នាក់ទៀត

The post សុខភាពតារាចិន Dilraba កាន់តែទ្រុឌទ្រោមខ្លាំង appeared first on Kampuchea Thmey Daily.

Dilraba បាន​ជ្រើសរើស​ម៉ូដ​សក់លើក​ខ្ពស់ ហើយ​ពាក់​គ្រឿងអលង្ការ​ដ៏​ភ្លឺ​ចិញ្ចាច ដើម្បី​បង្ហាញ​ពី​ទិដ្ឋភាព​របស់​នាង។ យ៉ាង​ណា​មិញ អ្វី​ដែល​ធ្វើ​ឲ្យ​មនុស្ស​ចាប់​អារម្មណ៍​ខ្លាំង​បំផុត​នោះ​គឺ​ការ​តុបតែង​ខ្លួន​មិន​ស្អាត។ ជាពិសេស ពាក់ព័ន្ធនឹងស្បែក​ដងខ្លួន បានបង្ហាញ​យ៉ាង​ច្បាស់​ពី​ស្ថានភាព​មិន​ល្អ ដោយ​មាន​ស្នាម​មុន​តូចៗ​ជា​ច្រើន​សន្លឹក​ក្នុង​រូបថត​ជា​បន្តបន្ទាប់​ដែល​ថត​ដោយអ្នក​ដើរ​កាត់។

ទោះជាយ៉ាងណាក៏ដោយ នេះក៏មិនមែនជាលើកទីមួយទេដែល តួឯកស្រីចិនក្នុងរឿង «និស្ស័យស្នេហ៍ទេវតា៣ជាតិ» ធ្វើឲ្យមនុស្សខកចិត្តជាមួយនឹងស្បែកគ្រើម និងមុខមាត់មិនស្អាតផងរបសនាង។ មុន​នោះ​នាង​ក៏​បាន​បង្ហាញ​ពី​ពេលវេលា​មិន​ល្អ​ជា​ច្រើន​ជា​សាធារណៈ​ផង​ដែរ ។ ជាពិសេស គឺតារាស្រីតែងតែធ្វេសប្រហែសបង្ហាញស្បែកខ្លាញ់ និងការតុបតែងមុខក្រាស់ៗពេក។

មិនត្រឹមតែប៉ុណ្ណោះ Dilraba ក៏ចាប់ផ្តើមបង្ហាញសញ្ញានៃភាពចាស់ ដូចជាស្នាមជ្រួញលើថ្ងាសនៅពេលស្នាមញញឹម ម្តងៗ ដែលនោះនាំឲ្យនាងបាត់បង់តំណែងជាតារាកំពូលសម្រស់ របស់ពិភពកម្សាន្តក្នុងប្រទេសចិន៕

អត្ថបទ៖ សាង ស្រីល័ក្ខ

ចុចអាន៖ថៃកំពុងវឹកវរនយោបាយផ្ទៃក្នុង G-Dragon លុបចោលការប្រគំតន្ត្រីចោលភ្លាមៗ

The post ជាតារាល្បីមែនពិត តែ Dilraba នៅតែមានស្បែកគ្រើម និងមុខមិនស្អាត appeared first on Kampuchea Thmey Daily.

Dilraba មានភាពល្បីល្បាញក្នុងឧស្សាហកម្មកម្សាន្តរបស់ចិន។ សម្រស់ Xinjiang រូបនេះ គឺជាទេពធីតាសម្រស់ជំនាន់ថ្មី ប៉ុន្តែសមត្ថភាពសម្ដែងរបស់នាងអន់ ហើយតែងតែទទួលបានការរិះគន់ពីទស្សនិកជនជាច្រើន។ ភាពខ្លាំងរបស់តារាស្រី គឺជាប្រជាប្រិយភាពកំពូលរបស់នាង ដែលមានអ្នកគាំទ្ររាប់លាននាក់ តែងតែគាំទ្រនាងគ្រប់សកម្មភាពសិល្បៈនាពេលកន្លងមក។

ទោះ​ជា​យ៉ាង​ណា Dilraba មិន​មាន​សមិទ្ធផល​អ្វី​គួរ​ឲ្យកត់​សម្គាល់​នៅ​ក្នុង​វិស័យ​ភាពយន្ត។ ដូច្នេះ​ការ​ចូល​រួម​ក្នុង​ក្រុម​បាល់ទាត់​នារី​សៅលីន ​គឺ​ជា​ឱកាស​និង​ជា​ការ​ប្រជែង​សម្រាប់​សម្រស់។

ម្យ៉ាងវិញទៀត ទស្សនិកជនគិតថា Stephen ជាអ្នកកុហក បោកប្រាស់ និងហួសសម័យ។ ការរិះគន់ទាំងនេះគឺដោយសារតែកាលពីមុន លោកបានធ្វើសវនកម្មជាសាកលដើម្បីជ្រើសរើសតួសម្តែងសម្រាប់គម្រោង Shaolin Women’s Soccer។ គម្រោង​នេះ ​ត្រូវ​បាន​រៀប​ចំ​រយៈ​ពេល​ពីរ​ឆ្នាំ ប៉ុន្តែ​ដើម​ឡើយ​ទស្សនិកជន​គិត​ថា Stephen ជ្រើសរើស​មុខ​មាត់​ថ្មី​ដើម្បី​ផ្សព្វផ្សាយ។ នៅ​ទី​បញ្ចប់ សិល្បករ​ប្រុស​បាន​ជ្រើស​រើស Dilraba ។

នោះហើយជាមូលហេតុដែលទស្សនិកជនជាច្រើនមានអារម្មណ៍ថា Stephen កំពុងបង្កើតឈុតមួយដើម្បីទទួលបានការចាប់អារម្មណ៍សម្រាប់គម្រោងរបស់គាត់។ ទន្ទឹមនឹងនេះ មនុស្សជាច្រើនបានចង្អុលបង្ហាញថាពេលវេលារបស់ លោកក៏បាបញ្ចប់ កេរ្តិ៍ឈ្មោះបានធ្លាក់ចុះនៅពេលដែលគម្រោងដូចជា New King of Comedy និង A Chinese Odyssey ត្រូវបានបរាជ័យ។ នោះហើយជាមូលហេតុដែលតារាកំប្លែង មិនប្រថុយជ្រើសរើសតួសម្តែងថ្មីដោយគ្មានកិត្តិនាម ប៉ុន្តែត្រូវប្រើតារាដែលមានកេរ្តិ៍ឈ្មោះរួចហើយ និងមានអ្នកគាំទ្រច្រើន។

ទន្ទឹមនោះ ក្នុងចំណោមតួសម្តែងសំខាន់ មានតែ Zhang Xiaofei ប៉ុណ្ណោះដែលទទួលបានការរាប់អានពីសមត្ថភាពសម្តែងរបស់នាង។ នាងបានឈ្នះពានរង្វាន់ Golden Rooster Award សម្រាប់តារាសម្តែងស្រីល្អបំផុតជាមួយនឹងខ្សែភាពយន្ត Hi, Mom ។ តួឯកប្រុស Zhang Yixing រួមជាមួយនឹង Dilraba , Zhou Jieqiong និង Lin Yun សុទ្ធតែជាតារាចម្រូងចម្រាសទាំងអស់។

ហេតុផលមួយទៀតដែល Stephen Cទទួលបានការរិះគន់គឺ កង្វះការច្នៃប្រឌិតក្នុងសិល្បៈ។ កាលពីមុន ខ្សែភាពយន្ត Shaolin Soccer (២០០១) បានឈ្នះពានរង្វាន់ធំៗចំនួន ៩ នៅក្នុងទីក្រុងហុងកុង រួមទាំងភាពយន្តល្អបំផុត និងតារាសម្តែងល្អបំផុតសម្រាប់លោក ។ បច្ចុប្បន្ននេះ Stephen មិនអាចគិតពីប្រធានបទថ្មីបានទេ ដូច្នេះហើយគាត់កំពុងផលិតរឿង Shaolin Soccer ជានារីក្នុងគោលបំណងពឹងផ្អែកលើកេរ្តិ៍ឈ្មោះរបស់ភាពយន្តភាគចាស់ ដើម្បីទាក់ទាញអ្នកទស្សនា។

ទោះជាយ៉ាងណាក៏ដោយ ស្តេចកំប្លែងថ្មីដែលផ្អែកលើ King of Comedy (១៩៩៩) បានបរាជ័យ ហើយគម្រោង A Chinese Odyssey ក៏ត្រូវបានរិះគន់ថាជាខ្សែភាពយន្តសំរាម ដែលជាការចម្លងដែលមានគុណភាពអន់ មិនអាចប្រៀបធៀបទៅនឹងកំណែរបស់ A Chinese Odyssey (១៩៩៥) នោះទេ។ នេះ​បញ្ជាក់​ថា​រូបមន្ត​របស់​លោក Stephen ក្នុង​ការ​រៀបចំ​សៀវភៅ​បុរាណ​ឡើង​វិញ​មិន​បាន​ជោគជ័យ​ទេ។

Stephen និងអ្នកផលិតបានព្យាយាមប្រើការសន្ទនាបែបកំប្លែង និងព័ត៌មានលម្អិតនៅក្នុងខ្សែភាពយន្ត។ ទោះជាយ៉ាងណាក៏ដោយ ប្រភេទកំប្លែងមិនសមហេតុសមផលរបស់លោក លែងពេញនិយមទៀតហើយសព្វថ្ងៃនេះ មិនមែនទស្សនិកជនទាំងអស់អាចយល់បានពេញលេញ និងយល់ថាវាសមរម្យនោះទេ។ ដូច្នេះហើយ គម្រោងចាស់ៗរបស់ស្តេចកំប្លែងហុងកុង សុទ្ធតែបរាជ័យទាំងស្រុង៕

អត្ថបទ៖ សាង ស្រីល័ក្ខ

ចុចអាន៖Kim Ho-joong សរសេរសំបុត្រអង្វរហ្វេន ឲ្យគាំទ្រលោក ពេលចេញពីពន្ធនាគារ

The post Dilraba រងការរិះគន់ ពេលទិនហ្វី ជ្រើសជាតួឯកស្រីក្នុងរឿង «Shaolin Women’s Soccer» appeared first on Kampuchea Thmey Daily.

ព័ត៌មានដែល Jocie Guo បានផ្តល់ឲ្យរួមមាន តួប្រុសមកពីភាគឦសាន ប្រទេសចិន តារាស្រីមកពីស៊ីនជាំង ពួកគេសុទ្ធតែជាតារាធំៗ ហើយពេលនេះទារកបានកើតមកសម្រាប់មនុស្សគ្រប់ៗគ្នាក្នុងពិភពកម្សាន្ត។

ភ្លាមៗនោះ អ្នកនិយមលេងអ៊ីនធឺណេតចិនបានសន្និដ្ឋានថា គូស្នេហ៍ដែលត្រូវចោទសួរគឺប្រាកដជា Dilraba Dilmurat និង Johnny Huang ព្រោះលោកមកពី Liaoning (ភាគឦសានប្រទេសចិន) ហើយ Dilraba មកពី Xinjiang ។​​​ ជាពិសេស អ្នកទាំងពីរបានសហការគ្នាយ៉ាងល្អក្នុងរឿង Love Designer យ៉៉ាងរលូនថែមទៀតផង។

យ៉ាងណា ក្រោយមកភាគីរបស់ Dilraba បានបដិសេធព័ត៌មាននេះភ្លាមៗ។ ការិយាល័យ​របស់​តារា​សម្ដែង​រូប​នេះ​បាន​ប្រកាស​ថា «អត្ថបទ​នេះ​មិន​ពាក់ព័ន្ធ​នឹងរូបនាងទេ សូម​កុំ​ប្រាប់​ឈ្មោះ​នាង»។ តំណាង​របស់​នាង​ក៏​បាន​បញ្ជាក់​ដែរ​ថា នាង​នឹង​ស្វែង​រក​ការ​អន្តរាគមន៍​ផ្លូវ​ច្បាប់ ប្រសិន​បើ​ពាក្យ​ចចាម​អារ៉ាម​នេះ​រីក​រាល​ដាលកាន់តែខ្លាំងឡើង។

យោងតាម ​​Ettoday ក្រោមសម្ពាធពីមតិសាធារណៈ Jocie Guo ក៏បានបដិសេធថា Dilraba Dilmurat និង Johnny Huang មិនមែនជាមនុស្សពីរនាក់ដែលនាងបានលើកឡើងនោះទេ។ នាង​បាន​និយាយ​ថា​៖ «​ខ្ញុំ​មិន​ដែល​និយាយ​អំពី​មនុស្ស​ពីរ​នាក់​នោះ​ទេ សូម​បញ្ឈប់​រឿង​នេះ​ទៅ​»។

កាលពីមុន Dilraba Dilmurat និងJohnny Huang ធ្លាប់ធ្វើការជាមួយគ្នាក្នុងរឿង Happiness ក្នុងឆ្នាំ ២០២០ ហើយចាប់តាំងពីពេលនោះមក អ្នកទាំងពីរបានជាប់ពាក់ព័ន្ធពាក្យចចាមអារ៉ាមទាក់ទងគ្នាឥតឈប់ឈរ ហើយថែមទាំងមានព័ត៌មានថាពួកគេរៀបការ និងមានកូនទៀតផង៕

អត្ថបទ៖ សាង ស្រីល័ក្ខ

ចុចអាន៖Fan Bingbing ប្រើវិធីសម្រកទម្ងន់ដ៏សាហាវ ឮហើយមហាជនហួសចិត្តគ្រប់គ្នា

The post ធ្លាយចចាមអារ៉ាមថា Dilraba លួច​សម្រាល​កូន​​ ដោយ​មិន​បាន​រៀប​ការជាមួយ Johnny Huang appeared first on Kampuchea Thmey Daily.

Linghe និង Dilraba បាន​ចូល​រួម​ក្នុង​កម្មវិធី Let’s Start Thinking វគ្គ២ ហើយ​ទទួល​បាន​ការ​ចាប់​អារម្មណ៍​ពី​ទស្សនិកជន​យ៉ាង​ច្រើន​កុះករ នេះ​ក៏​ជា​កម្មវិធី​ប្រកួត​ដ៏​ពេញ​និយម​ទី​ពីរ​នា​ពេល​ថ្មីៗ​នេះផងដែរ។ ពេញ​មួយ​កម្មវិធី ទំនាក់ទំនង​ដ៏​គួរ​ឲ្យស្រលាញ់​របស់ Linghe ​តែង​តែ​យក​ចិត្ត​ទុក​ដាក់​ចំពោះ Dilraba ត្រូវ​ហើយបាន​ទស្សនិកជន​សរសើរ​មិន​ដាច់​ពី​មាត់ ពីភាពប៉ិនប្រសប់​ពូកែ​និយាយ​រវាង​អ្នក​ទាំង​ពីរ​នៅ​លើបណ្ដាញសង្គម Weibo។

ទោះយ៉ាងណាក៏ដោយ នៅក្នុងបទសម្ភាសន៍ថ្មីៗនេះ​ Linghe ក៏មិនស្ទាក់ស្ទើរបើកកាយពីអត្តចរិតពិតរបស់តារាស្រីវ័យ៣២ឆ្នាំរូបនេះផងដែរ។ ក្នុងនោះ លោកបានសរសើរពីភាពភាពចាស់ទុំរបស់នាង ហើយស្របពេលជាមួយគ្នាដែរ តួឯកក្នុងរឿង Story of Kunning Palace បាននិយាយទៀតថា “បន្ទាប់ពីបានប្រាស្រ័យទាក់ទងជាមួយនាង ខ្ញុំបានរកឃើញថានាងពិតជាមានភាពខុសប្លែកគ្នានៅលើអ៊ីនធឺណិត ឧទាហរណ៍ នៅពេលដែលខ្ញុំមើលនាងតាមអ៊ីនធឺណិត ខ្ញុំមានអារម្មណ៍ថានាងខុសពីគេ។ នាងស្រស់ស្អាតខ្លាំងប្លែក! ប៉ុន្តែ​តាម​ពិត​ពេល​ខ្ញុំ​បាន​ស្គាល់​នាង ខ្ញុំ​បាន​រក​ឃើញ​ថានាងពិត​ជា​ស្លូត​ត្រង់ និង​គួរ​ឲ្យស្រលាញ់​ជាងនៅលើកញ្ចក់ទូរទស្សន៍ទៅទៀត”។

ថ្វីបើយ៉ាងណា បន្ទាប់ពីកម្មវិធី Let’s Start Thinking 2 ត្រូវបានថត និងចាក់ផ្សាយជាសាធារណៈទស្សនិកជនជាច្រើនហាក់យល់ស្របនឹងការលើកឡើងរបស់តារាសម្ដែង​ Linghe ដោយសារតែម្នាក់ៗបានដឹងថា នាងពិតជាប្រភេទមនុស្សបែបនេះពិតប្រាកដមែន៕

អត្ថបទ៖ សាង ស្រីល័ក្ខ

ចុចអាន៖តារាហុងកុង Cecilia ត្រូវអតីតអ្នកគ្រប់គ្រងចោទថា ជាមនុស្សរមិលគុណ

The post Zhang Linghe ទម្លាយថា បុគ្គលិកលក្ខណៈពិតរបស់ Dilraba គឺខុសគ្នាខ្លាំង លើអ៊ីនធឺណិត appeared first on Kampuchea Thmey Daily.

តារាស្រីវ័យ ៣១ ឆ្នាំរូបនេះ កំពុងថតរឿងភាគថ្មីក្រោមចំណងជើងថា Love On The Turquoise Land ក្នុងទីក្រុង Ningbo ហើយហ្វូងអ្នកគាំទ្រ និងអ្នកទស្សនាយ៉ាងច្រើនកុះករបានប្រមូលផ្តុំគ្នានៅតាមផ្លូវដើម្បីបានឃើញរូបនាងឲ្យបានម្ដង។

នៅក្នុងវីដេអូដែលចែកចាយនៅលើ Weibo តារសម្ដែងស្រី Dilireba មើលទៅហាក់ដូចជាមិនស្រួលនៅពេលដែលនាងធ្វើដំណើរទៅកាន់ឡានរបស់នាង តាមរយៈការស្រែកកញ្ច្រៀវពីសំណាក់អ្នកគាំទ្រ។ ទោះបីជានាងត្រូវបានហ៊ុំព័ទ្ធដោយអ្នករួមដំណើរ និងអង្គរក្សក៏ដោយ ក៏បុរសម្នាក់នៅតែអាចចូលទៅជិតនាង ហើយបានលូកដៃទៅប៉ះដៃរបស់នាងយ៉ាងរហ័សសឹងតែចំណាំមុខមិនបាន។

ភ្លាមៗនោះដែរ Dilireba ហាក់មានការភ្ញាក់​ផ្អើល ហើយ​គេច​ពី​ដៃ​របស់​បុរសមិនស្គាល់អត្តសញ្ញាណនៅហ មុន​ពេល​មាន​បុគ្គលិក​ម្នាក់​ចូល​ទៅ​ក្នុង​ចន្លោះ​ពួក​គេដើម្បីដោះស្រាយស្ថានការណ៍។ ថ្វីបើយ៉ាងណាក៏ដោយ អាកប្បកិរិយារបស់អ្នកគាំទ្រនេះបានបង្កឲ្យមានការខឹងសម្បារ ក្នុងចំណោមអ្នកលេងអ៊ីនធឺណិតដែលបានថ្កោលទោសទង្វើរបស់គាត់និងកង្វះព្រំដែនក្នុងនាមជាបុរស។

អ្នក​លេង​អ៊ីនធឺណិត​ម្នាក់​បាន​និយាយ​ថា​ ​នេះ​មិន​ខុស​ពី​ការ​បៀតបៀន​នោះ​ទេ ខណៈ​អ្នក​លេង​អ៊ីនធឺណិត​ម្នាក់​ទៀត​សរសេរ​ថា​ ​សូម​ពិចារណា​ឲ្យ​បាន​ច្រើន​ពេល​ដេញ​តាម​តារា ។ ក៏មានការអំពាវនាវទៅកាន់ភ្នាក់ងារ និងក្រុមផលិតកម្មរបស់ Dilireba ដើម្បីបង្កើនវិធានការសន្តិសុខដល់រូបនាងជាងមុនផងដែរ។

យ៉ាងណាមិញ នេះ​មិន​មែន​ជា​លើក​ទី​មួយ​ទេ​ដែល​តារា​រូប​នេះ​ត្រូវ​អ្នក​គាំទ្រ​បង្ហាញចេតនាចង់បៀតបៀននិងប៉ះលើដងខ្លួនរបស់នាង។ កាល​ពី​ឆ្នាំ​មុន ស្ត្រី​ម្នាក់​បាន​ឈោង​ទៅ​ប៉ះក្បាលរបស់នាង ដែលជាហេតុធ្វើឲ្យ Dilireba ​មានភាពភ័យខ្លាចមិនដឹងគោលបំណងរបស់ស្រ្តីនោះមកលើរូបនាងឡើយ៕

អត្ថបទ៖ សាង ស្រីល័ក្ខ

ចុចអាន៖ហ្វាន់ ពីងពីង នៅតែទទួលការសរសើរលើឆាកដើរម៉ូដ ថ្វីបើបាត់មុខយូរក្ដី

The post Dilraba តក់ស្លុតខ្លាំង ក្រោយបុរសម្នាក់ព្យាយាម​ចាប់ដៃ​នាងនៅ​ក្នុង​ហ្វូង​មនុស្ស​ appeared first on Kampuchea Thmey Daily.

ក្នុងនាមជាអ្នកកាន់តួនាទីជាទូតសុឆន្ទៈពិភពលោក Jisoo បានក្លាយជាតួរអង្គដែលគេទន្ទឹងរង់ចាំបំផុតនៅក្នុងកម្មវិធីបង្ហាញម៉ូដរបស់ផ្ទះម៉ូដបារាំង។ ក្នុងអំឡុងពេលនៃព្រឹត្តិការណ៍ចាប់ផ្តើមនៃការប្រមូល Fall/Winter 2023 – 2024 នៅ Jardin des Tuileries (Paris) តារាចម្រៀងដែលកើតក្នុងឆ្នាំ ១៩៩៥ ​រូបនេះ​ ហាក់ទទួលបាននូវការចាប់អារម្មណ៍ជាមួយនឹងសំលៀកបំពាក់ទាន់សម័យ ពោរពេញដោយពន្លឺពណ៌ស្វាយលំដាប់ខ្ពស់។ រ៉ូប satin ដ៏ទាក់ទាញជាមួយនឹងការរចនាលម្អិតនៅចង្កេះលើដងខ្លួនរបស់នាងធ្វើឲ្យគេនឹកឃើញដល់រូបភាពរបស់ Christian Dior ក្នុងទសវត្សរ៍ឆ្នាំ ១៩៥០ ។ ទាក់​ទង​នឹង​គ្រឿង​បន្ថែម សមាជិក Blackpink ពាក់តិចតួចប៉ុណ្ណោះលើដងខ្លួនរបស់នាងអមដោយកាបូប Lady Dior ធម្មតា។

ទោះបីជាយ៉ាងណា រូបភាពរបស់តារាចម្រៀងស្រីរូបនេះ មិនត្រូវបានមហាជនចាប់អារម្មណ៍ខ្លាំងនោះទេ ហើយថែមទាំងទទួលបានមតិចម្រុះជាច្រើន ដោយសារតែការតុបតែងមុខក្រាស់ និងមានស្រមោលខ្មៅលើមុខមាត់របស់នាងពេក។ មានមតិជាច្រើនថា ការសង្កត់ធ្ងន់លើភ្នែក ក៏ដូចជាស្ទីលសក់ទឹករលកធ្វើឲ្យ Jisoo មើលទៅមានរូបរាងវ័យចំណាស់ជាងរូបភាពធម្មតារបស់នាង។

ដោយឡែក ងាកមកកាន់តារាចិន Dilraba ក៏បានជ្រើសយកឈុតពណ៌ស្វាយបែបស៊ីវល័យពី Dior Pre-Fall 2023 collection មិនខុសគ្នាពីសមាជិក្រុមនោះទេ។ ចូលរួមក្នុងព្រឹត្តិការណ៍បង្ហាញម៉ូតនៃមហោស្រពភាពយន្តអន្តរជាតិទីក្រុងសៀងហៃឆ្នាំ ២០២៣ តារាស្រីរូបនេះក៏បានបង្ហាញពីរូបភាពរបស់នារីទាន់សម័យអមជាមួយគ្រឿងលម្អមាសពណ៌សរបស់ Rose Dior Bagatelle ។ តាម​ការ​ប៉ាន់​ស្មាន​ថា គ្រឿង​អលង្ការ​ទាំង​មូល​មាន​តម្លៃ​សរុប​រាប់ម៉ឺនដុល្លារឯណោះ។

ស្រដៀងនឹងស្ថានភាពរបស់ Jisoo ដែរ Dilraba ក៏ទទួលបានមតិជាច្រើនផងដែរ ដោយសារតែរូបថតរបស់នាងបង្ហាញពី ឆ្អឹងដងកំបិតលេចធ្លោពេកលើដងខ្លួន វាបានធ្វើឲ្យប៉ះពាល់ដល់យុវវ័យក្នុងប្រទេសចិន។ ជាក់ស្តែង ទស្សនិកជនជាច្រើនជឿថា ការស្រកទម្ងន់ខ្លាំងពេក ធ្វើឲ្យតារាស្រីរូបនេះ ស្គមស្គាំង និងគ្មានជីវិត។ នៅពេលនោះ ពាក្យគន្លឹះ ឆ្អឹងដងកំបិតរបស់នាង បានជាប់ចំណាត់ថ្នាក់កំពូល ២ ដែលកំពុងស្វែងរកដោយជិតមួយលានដងថែមទៀតផង៕

អត្ថបទ៖ សាង ស្រីល័ក្ខ

ចុចអាន៖ស្លៀកឈុត​ពណ៌​ស្វាយ​ដូច​គ្នា Jisoo និង Dilraba ត្រូវគេប្រៀបធៀបសម្រស់គ្នា

The post ស្លៀកឈុត​ពណ៌​ស្វាយ​ដូច​គ្នា Jisoo និង Dilraba ត្រូវគេប្រៀបធៀបសម្រស់គ្នា appeared first on Kampuchea Thmey Daily.

​

តារា​វ័យ ៣១ ឆ្នាំ​រូប​នេះបានបង្កើតនិន្នាការកក្រើក​អ៊ីនធឺណិត​សារជាថ្មីម្តងទៀត តាមរយៈការបង្ហាញ​នូវសមត្ថភាពនិយាយភាសាបរទេសដ៏គួរឲ្យចាប់អារម្មណ៍របស់នាង។ ស្របពេលដែលកាល​ពី​សប្តាហ៍​មុន វីដេអូ​របស់ ​​Dilraba នៅ​ក្នុង​ព្រឹត្តិការណ៍ Dior បាន​ចាប់​ផ្តើម​ផ្សព្វផ្សាយ​នៅ​លើ Weibo​ ខណៈដែលនាងត្រូវ​បាន​គេ​មើល​ឃើញ​កំពុង​សន្ទនា​ជាមួយ​នឹង​នាយក​ផ្នែក​ច្នៃ​ប្រឌិត និង​រូបភាព​របស់ Dior គឺ​សិល្បករ​ផាត់មុខ​ជនជាតិ​បែលហ្ស៊ិកលោក Peter Phillips។

អ្វី​ដែល​គួរ​ឲ្យ​ចាប់​អារម្មណ៍​គឺ​របៀប​ដែល Dilraba សន្ទនា​ជា​មួយ ​Peter ​យ៉ាង​ស្ទាត់​ជំនាញ​ជា​ភាសា​អង់គ្លេស​ ពីរ​នាទី​ជាប់​គ្នា ដល់ថ្នាក់អ្នក​លេង​អ៊ីនធឺណិត​លាន់មាត់ស្របគ្នាថា “នាង​ពូកែ​ណាស់! ការ​និយាយភាសា​អង់គ្លេស​របស់​នាង​ធ្វើ​ឲ្យខ្ញុំ​មាន​មោទនភាព​ចំពោះ​នាងយ៉ាងខ្លាំង”។

ទោះយ៉ាងណាក៏ដោយ នេះមិនមែនជាលើកទីមួយទេ ដែល Dilraba ធ្វើឲ្យអ្នកលេងអ៊ីនធឺណិត ភ្ញាក់ផ្អើលជាមួយនឹងសមត្ថភាពនិយាយភាសាអង់គ្លេសរបស់នាង។​​ នៅពេលដែលនាងត្រូវបានគេដាក់ឈ្មោះថា ជាអ្នកចំណូលថ្មីល្អបំផុតនៅមហោស្រពភាពយន្តអន្តរជាតិទីក្រុងប៊ូសានក្នុងឆ្នាំ ២០២០ សម្រាប់ការសម្តែងជាតួឯកស្រីនៅក្នុងរឿងភាគចិន Three Lives, Three Worlds, The Pillow Book កន្លងមក។ ប៉ុន្តែ នាងនាងមិនអាចចូលរួមក្នុងពិធីនេះបានដោយសារតែការរឹតត្បិតរបស់ Covid ជំនួសមកវិញ Dilraba បានថតឃ្លិបវីដេអូថ្លែអំណរគុណជាភាសាអង់គ្លេសយ៉ាងស្ទាត់ជំនាញ ដែលកាណោះបានធ្វើឲ្យអ្នកគាំទ្រនាងមានការភ្ញាក់ផ្អើលជាខ្លាំង៕

អត្ថបទ៖ សាង ស្រីល័ក្ខ

ចុចអាន៖Lisa នឹងបង្ហាញខ្លួនលើកដំបូងក្នុងកុនហូលីវូដក្នុង ‘The White Lotus’ រដូវកាលទី ៣

The post Dilraba ត្រូវទស្សនិកជនសរសើរថា និយាយអង់គ្លេសបានយ៉ាងល្អ ក្នុងព្រឹត្តិការណ៍ Dior appeared first on Kampuchea Thmey Daily.