Dilraba ត្រូវទស្សនិកជនសរសើរថា និយាយអង់គ្លេសបានយ៉ាងល្អ ក្នុងព្រឹត្តិការណ៍ Dior

កាលពីប៉ុន្មានថ្ងៃមុននេះ​ តារាចិន Dilraba Dilmurat​ បានបង្ហាញខ្លួនក្នុងព្រឹត្តិការណ៍ Dior អមជាមួយឈុតពណ៌ក្រហមបែកខ្មៅយ៉ាងស្រស់សោភា។ ប៉ុន្តែអ្វីដែលធ្វើឲ្យទស្សនិកជនកាន់តែចាប់អារម្មណ៍ខ្លាំងក្នុងពិធី នោះគឺជំនាញនិយាយភាសាអង់គ្លេសបានយ៉ាងស្ទាតជំនាញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​

តារា​វ័យ ៣១ ឆ្នាំ​រូប​នេះបានបង្កើតនិន្នាការកក្រើក​អ៊ីនធឺណិត​សារជាថ្មីម្តងទៀត តាមរយៈការបង្ហាញ​នូវសមត្ថភាពនិយាយភាសាបរទេសដ៏គួរឲ្យចាប់អារម្មណ៍របស់នាង។ ស្របពេលដែលកាល​ពី​សប្តាហ៍​មុន វីដេអូ​របស់ ​​Dilraba នៅ​ក្នុង​ព្រឹត្តិការណ៍ Dior បាន​ចាប់​ផ្តើម​ផ្សព្វផ្សាយ​នៅ​លើ Weibo​ ខណៈដែលនាងត្រូវ​បាន​គេ​មើល​ឃើញ​កំពុង​សន្ទនា​ជាមួយ​នឹង​នាយក​ផ្នែក​ច្នៃ​ប្រឌិត និង​រូបភាព​របស់ Dior គឺ​សិល្បករ​ផាត់មុខ​ជនជាតិ​បែលហ្ស៊ិកលោក Peter Phillips។

អ្វី​ដែល​គួរ​ឲ្យ​ចាប់​អារម្មណ៍​គឺ​របៀប​ដែល Dilraba សន្ទនា​ជា​មួយ ​Peter ​យ៉ាង​ស្ទាត់​ជំនាញ​ជា​ភាសា​អង់គ្លេស​ ពីរ​នាទី​ជាប់​គ្នា ដល់ថ្នាក់អ្នក​លេង​អ៊ីនធឺណិត​លាន់មាត់ស្របគ្នាថា “នាង​ពូកែ​ណាស់! ការ​និយាយភាសា​អង់គ្លេស​របស់​នាង​ធ្វើ​ឲ្យខ្ញុំ​មាន​មោទនភាព​ចំពោះ​នាងយ៉ាងខ្លាំង”។

ទោះយ៉ាងណាក៏ដោយ នេះមិនមែនជាលើកទីមួយទេ ដែល Dilraba ធ្វើឲ្យអ្នកលេងអ៊ីនធឺណិត ភ្ញាក់ផ្អើលជាមួយនឹងសមត្ថភាពនិយាយភាសាអង់គ្លេសរបស់នាង។​​ នៅពេលដែលនាងត្រូវបានគេដាក់ឈ្មោះថា ជាអ្នកចំណូលថ្មីល្អបំផុតនៅមហោស្រពភាពយន្តអន្តរជាតិទីក្រុងប៊ូសានក្នុងឆ្នាំ ២០២០ សម្រាប់ការសម្តែងជាតួឯកស្រីនៅក្នុងរឿងភាគចិន Three Lives, Three Worlds, The Pillow Book កន្លងមក។ ប៉ុន្តែ នាងនាងមិនអាចចូលរួមក្នុងពិធីនេះបានដោយសារតែការរឹតត្បិតរបស់ Covid ជំនួសមកវិញ Dilraba បានថតឃ្លិបវីដេអូថ្លែអំណរគុណជាភាសាអង់គ្លេសយ៉ាងស្ទាត់ជំនាញ ដែលកាណោះបានធ្វើឲ្យអ្នកគាំទ្រនាងមានការភ្ញាក់ផ្អើលជាខ្លាំង៕

អត្ថបទ៖ សាង ស្រីល័ក្ខ

ចុចអាន៖Lisa នឹងបង្ហាញខ្លួនលើកដំបូងក្នុងកុនហូលីវូដក្នុង ‘The White Lotus’ រដូវកាលទី ៣