Connect with us

ជីវិតកម្សាន្ដ

Dilraba តក់ស្លុតខ្លាំង ក្រោយបុរសម្នាក់ព្យាយាម​ចាប់ដៃ​នាងនៅ​ក្នុង​ហ្វូង​មនុស្ស​

បានផុស

នៅ

តារាសម្ដែងចិន Dilraba Dilmurat បានបង្ហាញអារម្មណ៍តក់ស្លុតយ៉ាងខ្លាំងបន្ទាប់ពីអ្នកគាំទ្រជាបុរសបានឈោងទៅចាប់ដៃនាងនៅកណ្ដាលហ្វូងមនុស្សជាច្រើន។ ប៉ុន្តែនេះក៏មិនមែនជារឿងចម្លែកសម្រាប់ហ្វូងអ្នកគាំទ្រដែលប្រជៀតចង់ប៉ះនាង តែហេតុការណ៍នេះបង្ហាញចេតនាហួសហេតុពេក។

តារាស្រីវ័យ ៣១ ឆ្នាំរូបនេះ កំពុងថតរឿងភាគថ្មីក្រោមចំណងជើងថា Love On The Turquoise Land ក្នុងទីក្រុង Ningbo ហើយហ្វូងអ្នកគាំទ្រ និងអ្នកទស្សនាយ៉ាងច្រើនកុះករបានប្រមូលផ្តុំគ្នានៅតាមផ្លូវដើម្បីបានឃើញរូបនាងឲ្យបានម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងវីដេអូដែលចែកចាយនៅលើ Weibo តារសម្ដែងស្រី Dilireba មើលទៅហាក់ដូចជាមិនស្រួលនៅពេលដែលនាងធ្វើដំណើរទៅកាន់ឡានរបស់នាង តាមរយៈការស្រែកកញ្ច្រៀវពីសំណាក់អ្នកគាំទ្រ។ ទោះបីជានាងត្រូវបានហ៊ុំព័ទ្ធដោយអ្នករួមដំណើរ និងអង្គរក្សក៏ដោយ ក៏បុរសម្នាក់នៅតែអាចចូលទៅជិតនាង ហើយបានលូកដៃទៅប៉ះដៃរបស់នាងយ៉ាងរហ័សសឹងតែចំណាំមុខមិនបាន។

ភ្លាមៗនោះដែរ Dilireba ហាក់មានការភ្ញាក់​ផ្អើល ហើយ​គេច​ពី​ដៃ​របស់​បុរសមិនស្គាល់អត្តសញ្ញាណនៅហ មុន​ពេល​មាន​បុគ្គលិក​ម្នាក់​ចូល​ទៅ​ក្នុង​ចន្លោះ​ពួក​គេដើម្បីដោះស្រាយស្ថានការណ៍។ ថ្វីបើយ៉ាងណាក៏ដោយ អាកប្បកិរិយារបស់អ្នកគាំទ្រនេះបានបង្កឲ្យមានការខឹងសម្បារ ក្នុងចំណោមអ្នកលេងអ៊ីនធឺណិតដែលបានថ្កោលទោសទង្វើរបស់គាត់និងកង្វះព្រំដែនក្នុងនាមជាបុរស។

អ្នក​លេង​អ៊ីនធឺណិត​ម្នាក់​បាន​និយាយ​ថា​ ​នេះ​មិន​ខុស​ពី​ការ​បៀតបៀន​នោះ​ទេ ខណៈ​អ្នក​លេង​អ៊ីនធឺណិត​ម្នាក់​ទៀត​សរសេរ​ថា​ ​សូម​ពិចារណា​ឲ្យ​បាន​ច្រើន​ពេល​ដេញ​តាម​តារា ។ ក៏មានការអំពាវនាវទៅកាន់ភ្នាក់ងារ និងក្រុមផលិតកម្មរបស់ Dilireba ដើម្បីបង្កើនវិធានការសន្តិសុខដល់រូបនាងជាងមុនផងដែរ។

យ៉ាងណាមិញ នេះ​មិន​មែន​ជា​លើក​ទី​មួយ​ទេ​ដែល​តារា​រូប​នេះ​ត្រូវ​អ្នក​គាំទ្រ​បង្ហាញចេតនាចង់បៀតបៀននិងប៉ះលើដងខ្លួនរបស់នាង។ កាល​ពី​ឆ្នាំ​មុន ស្ត្រី​ម្នាក់​បាន​ឈោង​ទៅ​ប៉ះក្បាលរបស់នាង ដែលជាហេតុធ្វើឲ្យ Dilireba ​មានភាពភ័យខ្លាចមិនដឹងគោលបំណងរបស់ស្រ្តីនោះមកលើរូបនាងឡើយ៕

អត្ថបទ៖ សាង ស្រីល័ក្ខ

ចុចអាន៖ហ្វាន់ ពីងពីង នៅតែទទួលការសរសើរលើឆាកដើរម៉ូដ ថ្វីបើបាត់មុខយូរក្ដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១២ នាទី មុន

សេចក្ដីជូនដំណឹង ស្ដីពីការដេញថ្លៃការផ្គត់ផ្គង់សម្ភារបរិក្ខារពេទ្យ ជូនមន្ទីរពេទ្យព្រះអង្គឌួងឆ្នាំ ២០២៤

ព័ត៌មានជាតិ១៥ នាទី មុន

គេហទំព័រ Weather ៖ កម្តៅនៅទីក្រុងភ្នំពេញ អាចឈានដល់កម្រិតគ្រោះថ្នាក់ធ្ងន់ធ្ងរ ពេញមួយសប្តាហ៍ ដល់ថ្ងៃចូលឆ្នាំ

ព័ត៌មានជាតិ១៧ នាទី មុន

ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគជាង ១០០ សរុប​ទុន​ជាង ២ ពាន់លានដុល្លារ ក្នុងត្រីមាសទី១

ជីវិតកម្សាន្ដ២៥ នាទី មុន

Dilraba តក់ស្លុតខ្លាំង ក្រោយបុរសម្នាក់ព្យាយាម​ចាប់ដៃ​នាងនៅ​ក្នុង​ហ្វូង​មនុស្ស​

ព័ត៌មានជាតិ២៧ នាទី មុន

ឯកឧត្ដម ហ៊ុន ម៉ានី ៖ ក្រសួងមុខងារសាធារណៈ នឹងត្រូវប្រឹងប្រែងកាន់តែខ្លាំងក្លា ដើម្បីសម្រេចឲ្យបានសមិទ្ធផលថ្មីៗ បន្ថែមទៀត

Sokha Hotels

ព័ត៌មានពេញនិយម