Connect with us

ជីវិតកម្សាន្ដ

តារាហុងកុង Cecilia ត្រូវអតីតអ្នកគ្រប់គ្រងចោទថា ជាមនុស្សរមិលគុណ

បានផុស

នៅ

Yu Yuxing អតីតអ្នកគ្រប់គ្រងរបស់តារាហុងកុងសម្តែង Cecilia Cheung បានចោទប្រកាន់ថា នាងជាមនុស្ស​រមិលគុណមិនបានគោរពតាមកិច្ចសន្យា ហើយប្រើអ្នកដទៃជាស្ពានដើម្បីឆ្លងកាត់ក្រោយខ្លួនបានល្បីល្បាញ។

យោងទៅតាម Sohu បានរាយការណ៍ថា​ ពេលនេះ Cheung បានក្លាយជាចំណាប់អារម្មណ៍នៅក្នុងឧស្សាហកម្មកម្សាន្តរបស់ចិនកាលពីចុងសប្តាហ៍មុន នៅពេលដែល Yu Yuxing​ បានកំណត់គោលដៅរបស់នាងដោយការបង្ហោះបទចម្រៀងមួយបទដែលមានចំណងជើងថា “In the Name of the Dog” នៅលើប្រព័ន្ធផ្សព្វផ្សាយសង្គម។

តាមរយៈបទចម្រៀងដែលអតីតអ្នកគ្រប់គ្រងរូបនេះបានបង្ហោះកន្លងមកមានអត្ថន័យថា “ខ្ញុំដឹងច្បាស់ថាអ្នកមិនមែនជាមនុស្សស្លូតត្រង់ទេ មនុស្សគ្រប់គ្នាគេចពីអ្នក​។ ខ្ញុំដឹងថាអ្នកធ្វើបានល្អ អតីតកាលដ៏ខ្មៅងងឹត ប៉ុន្តែខ្ញុំនៅតែជឿការសន្យារបស់អ្នក”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់មក Yu បានពន្យល់ពីបញ្ហារបស់គាត់ជាមួយ Cheung ក៏ដូចជាហេតុផលនៅពីក្រោយចំណងជើងបទចម្រៀងនៅលើ Yiyu ។ គាត់បានរៀបរាប់ពីរបៀបដែលអាជីពរបស់តារាស្រីហុងកុងបានធ្លាក់ចុះ ហើយរូបភាពសាធារណៈរបស់នាងកាន់តែអាក្រក់នៅក្នុងឆ្នាំ ២០១១ បន្ទាប់ពីនាងលែងលះជាមួយតារាសម្តែងហុងកុង Nicholas Tse ។ បន្ទាប់មក នាង​បាន​ស្វែងរក​ជំនួយ​ពី Yu យ៉ាង​សកម្ម ដោយ​សន្យា​ថា ​ខ្លួនស្មោះត្រង់​ដូច​ឆ្កែ​ចំពោះ​ម្ចាស់​វា​។

យ៉ាងណាក៏ដោយ Yu បានចោទប្រកាន់ថា គាត់បានវិនិយោគ ៤០ លានដុល្លារហុងកុង (៥.១ លានដុល្លារអាមេរិក) ដែលជាការប្តេជ្ញាចិត្តផ្នែកហិរញ្ញវត្ថុដ៏សំខាន់សម្រាប់គាត់នៅពេលនោះនៅក្នុងកិច្ចសន្យាជាមួយ Cheung នៅឆ្នាំនោះដោយកំណត់ថា នាងនឹងសម្តែងក្នុងខ្សែភាពយន្តចំនួន ៤ ដែលបញ្ជាក់ដោយក្រុមហ៊ុនរបស់គាត់។

ក្រោយមក នៅឆ្នាំបន្ទាប់ ពួកគេបានចុះកិច្ចសន្យាថ្មីសម្រាប់ខ្សែភាពយន្តចំនួនពីរបន្ថែមទៀត ដោយក្រុមហ៊ុនរបស់ Yu បានបង់ប្រាក់ជាមុនដល់ Cheung ចំនួនជិត ២.៨ លានដុល្លារហុងកុង។

Yu បានអះអាងទៀតថា Cheung មិនបានគោរពកិច្ចសន្យា ដោយសម្តែងការខកចិត្ត និងរិះគន់នាងចំពោះការ មិនគោរព និងដុតស្ពានបន្ទាប់ពីឆ្លងកាត់ ។ គាត់បាននិយាយថា គាត់ក៏បានទាមទារឲ្យ Cheung ត្រឡប់មកវិញនូវទឹកប្រាក់ ៤០ លានដុល្លារហុងកុង ដែលគាត់បានវិនិយោគ និងសងសំណងសម្រាប់ការបំពានកិច្ចសន្យា ដោយកត់សម្គាល់ថាចំនួននេះតំណាងឲ្យប្រាក់ដែលគាត់រកបានយ៉ាងលំបាក។

មិនយូរប៉ុន្មាន តារាសម្ដែង Cheung បានចេញសេចក្តីថ្លែងការណ៍មួយតាមរយៈក្រុមហ៊ុនគ្រប់គ្រងថ្មីរបស់នាង​ កាលពីល្ងាចថ្ងៃអាទិត្យ​ថា បទ​ចម្រៀង និង​ការ​ចោទ​ប្រកាន់​របស់ Yu បាន​ធ្វើ​ឲ្យ​ខូច​កេរ្តិ៍​ឈ្មោះ​នាង​យ៉ាង​ធ្ងន់ធ្ងរ។ នាងបានចោទប្រកាន់ថា នៅក្នុងឆ្នាំ២០១៤ Yu បានក្លែងបន្លំឯកសារ និងបានប្រើប្រាស់តួនាទីគ្រប់គ្រងរបស់គាត់ខុស ដើម្បីចុះកិច្ចសន្យាជាមួយក្រុមហ៊ុនផ្សេងទៀតដោយគ្មានការយល់ព្រមពីនាង។ ចាប់តាំងពីពេលនោះមក នាងបានភ្ជាប់ពាក្យជាមួយមេធាវី ដើម្បីដោះស្រាយបញ្ហានេះ។

ទោះបីជាយ៉ាងណា មុនពេលនាងមិនចុះសម្រុងនឹង Yu នាង Cheung ក៏មានជម្លោះជាមួយអ្នកគ្រប់គ្រងផ្សេងទៀតផងដែរ ពោលគឺគូស្នេហ៍ផលិតករហុងកុង Tiffany Chen និង Charles Heung ដែលបានបរិហារជាសាធារណៈកាលពីឆ្នាំ ២០១៥ ថានាងមិនបង់ប្រាក់ ហើយមិនគោរពតាមកាលវិភាគរបស់ក្រុមការងារភាពយន្ត និងសម្រាប់ការគ្រប់គ្រង។ ជាពិសេស ពួកគេបានប្រកាសថា ពួកគេនឹងមិនធ្វើការជាមួយ Cheung ក្នុងខ្សែភាពយន្តរបស់ពួកគេទៀតទេ នោះគឺដោយសារតែចរិតរបស់នាង។ ប៉ុន្តែ Cheung មិនបានឆ្លើយតបជាសាធារណៈ ចំពោះការចោទប្រកាន់ទាំងនេះទេ៕

អត្ថបទ៖ សាង ស្រីល័ក្ខ

ចុចអាន៖តារា​ហុងកុង Roger បដិសេធសល់ទ្រព្យ ១១ លានដុល្លារ ក្រោយ​លែងលះ ខណៈអតីតភរិយាចុះចេញតែខ្លួន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៥ នាទី មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៣១ នាទី មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ២ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ២ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ២ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៤ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១០ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម