FIFA World Cup 2026 Archives - Kampuchea Thmey Daily

អាហ្សង់ទីន ជួប អេស្ប៉ាញ វគ្គផ្តាច់ព្រ័ត្រ World Cup 2026 មានរឿងពិសេស ៣ គួរឲ្យចាប់អារម្មណ៍

Kosal Sem — Sat, 18 Jul 2026 02:53:05 +0000

ការជួបគ្នារវាងក្រុមជម្រើសជាតិ អាហ្សង់ទីន និង អេស្ប៉ាញ នៅក្នុងវគ្គផ្តាច់ព្រ័ត្រ World Cup 2026 នាយប់រំលងអាធ្រាត្រឈានចូលថ្ងៃ ចន្ទ ទី ២០ ខែ កក្កដា ត្រូវបានគេចាត់ទុកជាការប្រកួតដ៏ធំបំផុតមួយនៅក្នុងប្រវត្តិសាស្ត្រ ហើយការប្រកួតនេះទៀតសោត ក៏មានរឿងពិសេស ៣ យ៉ាងគួរឱ្យចាប់អារម្មណ៍ផងដែរ។

រឿងចាប់អារម្មណ៍ទី ១ គឺជំនួបនេះ នឹងកំណត់ឱ្យខ្សែប្រយុទ្ធវ័យក្មេងរបស់ Barcelona កីឡាករ Lamine Yamal ជួបជាមួយវីរបុរស Lionel Messi។ ការប្រកួតនេះ ជាការប្រកួត ដែលអ្នកគាំទ្រទូទាំងពិភពលោកចង់ឃើញ ដោយសារតែ អេស្ប៉ាញ មានកីឡាករលំដាប់ពិភពលោកវ័យក្មេង Yamal ខណៈ អាហ្សង់ទីនមាន Messi។

មែនទែនទៅ ក្រុមទាំង ២ ក៏ដូចជាកីឡាករទាំង ២ ស្ទើរតែវបានជួបគ្នារួចទៅហើយ នៅក្នុងវគ្គផ្តាច់ព្រ័ត្រពាន Finalissima ដែលគ្រោងធ្វើកាលពីខែ មីនា ឆ្នាំ ២០២៦ នៅប្រទេស កាតា ប៉ុន្តែត្រូវបានរំសាយទៅវិញ ដោយសារបញ្ហាសង្គ្រាមនៅមជ្ឈិមបូព៌ា។ ចុងក្រោយ ក្រុមទាំង ២ បែរជាមកបានជួបគ្នានៅវគ្គផ្តាច់ព្រ័ត្រ World Cup 2026 ទៅវិញ។

រឿងចាប់អារម្មណ៍ទី ២ គឺជាការជួបគ្នានៅវគ្គផ្តាច់ព្រ័ត្រលើកដំបូងក្នុងប្រវត្តិសាស្ត្រ World Cup រវាងក្រុមជើង អឺរ៉ុប (Euro) និងជើងឯកអាមេរិកខាងត្បូង (Copa America)។ អាហ្សង់ទីន បានមកលេងនៅ World Cup 2026 នេះ ក្នុងនាមជាជើងឯកពាន Copa America 2024 ខណៈ អេស្ប៉ាញ គឺជាជើងឯក Euro 2024។ ជំនួបនេះ ក៏នឹងក្លាយជាការវាយតម្លៃដ៏ធំមួយផងដែរ ថា ក្រុមជើងឯក អឺរ៉ុប ខ្លាំងជាង ឬ ជើងឯក អាមេរិកខាងត្បូង ខ្លាំងជាង។

រឿងចាប់អារម្មណ៍ទី ៣ គឺប្រវត្តិជួបគ្នា។ ការជួបគ្នារវាងក្រុមទាំង ២ នឹងកាន់តែជក់ចិត្ត បន្ទាប់ពីស្ថិតិជួបគ្នាកន្លងមក ពួកគេមានស្ថិតិស្មើគ្នាតែម្តង។ ក្រុមទាំង ២ ធ្លាប់ជួបគ្នាចំនួន ១៤ លើក ក្នុងនោះ អាហ្សង់ទីន ឈ្នះ ៦ លើក ខណៈ អេស្ប៉ាញ ក៏ឈ្នះ ៦ លើក និងស្មើគ្នា ២ លើក។

សូមរម្លឹកអំពីស្ថិតិនៅ World Cup 2026 នេះ គឺក្រុមទាំង ២ សុទ្ធតែធ្វើបានល្អដូចគ្នា។ អាហ្សង់ទីន បានបញ្ចប់ការប្រកួតក្នុងពូល ដោយស្ថិតនៅកំពូលតារាងពូល J។ នៅវគ្គ ៣២ ក្រុម ពួកគេបានឈ្នះ កាបវែរ ៣-២, វគ្គ ១៦ ក្រុមឈ្នះក្រុម អេហ្ស៊ីប ៣-២, វគ្គ ៨ ក្រុមឈ្នះក្រុម ស្វីស ៣-១ និងវគ្គពាក់កណ្តាលផ្តាច់ព្រ័ត្រឈ្នះក្រុម អង់គ្លេស ២-១។

ចំណែក អេស្ប៉ាញ បានបញ្ចប់ការប្រកួតក្នុងពូល ដោយស្ថិតនៅកំពូលតារាងពូល H។ នៅវគ្គ ៣២ ក្រុម ពួកគេបានឈ្នះក្រុម អូទ្រីស ៣-០, វគ្គ ១៦ ក្រុមបានឈ្នះក្រុម ព័រទុយហ្គាល់ ១-០, វគ្គ ៨ ក្រុមបានឈ្នះក្រុម ប៊ែលហ្ស៊ិក ២-១ និងវគ្គពាក់កណ្តាលផ្តាច់ព្រ័ត្របានឈ្នះក្រុម បារាំង ២-០៕

អត្ថបទ៖ សេម កុសល

The post អាហ្សង់ទីន ជួប អេស្ប៉ាញ វគ្គផ្តាច់ព្រ័ត្រ World Cup 2026 មានរឿងពិសេស ៣ គួរឲ្យចាប់អារម្មណ៍ appeared first on Kampuchea Thmey Daily.

ភាពអស្ចារ្យគួរឲ្យចាប់អារម្មណ៍ ថ្ងៃផ្តាច់ព្រ័ត្រ អាហ្សង់ទីន ប៉ះ អេស្ប៉ាញ ដណ្តើមជើងឯកពិភពលោក

chean virakbot — Fri, 17 Jul 2026 08:42:04 +0000

ក្រុមម្ចាស់ការពារជើងឯកឆ្នាំចាស់ អាហ្សង់ទីន ឈានជើងចូលសមរភូមិបៃតង់ជាមួយ អេសស្ប៉ាញ វគ្គផ្តាច់ព្រ័ត្រ ដណ្តើមជើងឯកពិភពលោក វេលាម៉ោង ២ យប់អាធ្រាត្រ ថ្ងៃអាទិត្យ ទី១៩ ឈានចូលថ្ងៃចន្ទ ទី២០ ខែកក្កដា ឆ្នាំ ២០២៦ នៅកីឡដ្ឋាន MetLife ទីក្រុងញូវយ៉ក សហរដ្ឋអាមេរិក។

កីឡដ្ឋាន Metlite

នេះជាលើកទី១ នៅក្នុងប្រវត្តិបាល់ទាត់ពិភពលោក World Cup ដែលក្រុមជើងឯកប្រចាំតំបន់អាមេរិកឡាទីនគឺ អាហ្សង់ទីន ប៉ះ អេស្ប៉ាញ ដែលជាម្ចាស់ជើងឯកទ្វីបអឺរ៉ុប នៅវគ្គផ្តាច់ព្រ័ត្រ។ ក្រុមទាំងពីរសុទ្ធតែជាជើងខ្លាំងដូចគ្នាគឺ អាហ្សង់ទីន លេខ ១ ក្នុងតារាងចំណាត់ថ្នាក់ពិភពលោក ហើយ អេស្ប៉ាញ លេខ ២។

ការប្រកួតដណ្តើមចំណាត់ថ្នាក់លេខ ៣ រវាង បារាំង និង អង់គ្លេស ធ្វើនៅម៉ោង ៣ យប់អាធ្រាត្រ ថ្ងៃសៅរ៍ ទី១៨ ឈានចូល ថ្ងៃអាទិត្យ ទី១៩ ខែកក្កដា ឆ្នាំ ២០២៦ នៅកីឡដ្ឋាន Hard Rock ក្នុងទីក្រុងម៉ៃអាមី សហរដ្ឋអាមេរិក។

អាហ្សង់ទីន អបអរ ក្រោយឈ្នះ អង់គ្លេស វគ្គពាក់កណ្តាលផ្តាច់ព្រ័ត្រ

ជាទូទៅ ព្រឹត្តិការណ៍បាល់ទាត់ពិភពលោកមានរៀបចំពានរង្វាន់ឯកត្តជនចំនួន ៤ ផ្សេងគ្នាគឺទី១ ពានរង្វាន់កីឡាករល្អជាងគេបំផុតប្រចាំព្រឹត្តិការណ៍ទាំងមូល។ ទី២ ពានស្បែកជើងមាស សម្រាប់កីឡាកររកបានគ្រាប់បាល់ច្រើនជាងគេ។ ទី៣ ពានកីឡាករវ័យក្មេងល្អជាងគេ និងទី៤ពានស្រោមដៃមាស សម្រាប់កីឡាករចាំទីល្អជាងគេ។

សម្រាប់បេក្ខភាពដែលប្រជែងពានរង្វាន់កីឡាករល្អជាងគេបំផុតប្រចាំព្រឹត្តិការណ៍ទាំងមូលគឺបច្ចុប្បន្ននេះ Lionel Messi កំពុងឈានមុខគេ ហើយបន្ទាប់មកមានខ្សែប្រយុទ្ធរបស់អេស្ប៉ាញ Mike Oyarzabal ដែលបានជួយក្រុមយ៉ាងច្រើនឈានដល់វគ្គផ្តាច់ព្រ័ត្រ។

អេស្ប៉ាញ អបអរ ក្រោយឈ្នះ បារាំង វគ្គពាក់កណ្តាលផ្តាច់ព្រ័ត្រ

សម្រាប់ពានស្បែកជើងមាស គឺមានបេក្ខភាពពីររូបកំពុងឈានមុខគេ Lionel Messi និង Kylian Mbappe ដែលរកបាន ៨ គ្រាប់ដូចគ្នា។ កីឡាករទាំងពីរនៅមានការប្រកួតដូចគ្នា ដូច្នេះកីឡាករណារកបានគ្រាប់បាល់ច្រើនបន្ថែមទៀតនឹងក្លាយជាម្ចាស់ពាននេះ ហើយកីឡាករ Jude Bellingham និង Harry Kane មាន ៦ គ្រាប់ដូចគ្នាក៏នៅមានឱកាសដែរ។

កីឡាករអាហ្សង់ទីន Enzo Fernandez អបអរគ្រាប់បាល់ស៊ុតចូលអង់គ្លេស

ចំពោះកីឡាករវ័យក្មេងល្អជាងគេបច្ចុប្បន្នគឺ កីឡាករ Lamine Yamal ដែលមានអាយុទើប ១៩ឆ្នាំ ប៉ុន្តែបង្ហាញសមត្ថភាពដ៏ល្អជាមួយក្រុម បើទោះបីជារូបគេមិនទាន់រកបានគ្រាប់បាល់ក៏ដោយ។ ចំណែកក្រុមអាហ្សង់ទីន ដែលឈានដល់វគ្គផ្តាច់ព្រ័ត្រ មិនសូវប្រើកីឡាករវ័យក្មេងទេនៅក្នុងព្រឹត្តិការណ៍ឆ្នាំនេះ។ ម្ចាស់ពានស្បែកជើងមាស នឹងមិនទៅណាឆ្ងាយពីអ្នកចាំទីរបស់ អេស្ប៉ាញ Unai Simón និងអ្នកចាំទីអាហ្សង់ទីន Emiliano Martínez ឡើយ។

កីឡាករអេស្ប៉ាញ Lamine Yamal

ថ្ងៃប្រកួតបញ្ចប់ World Cup ឆ្នាំ ២០២៦ នឹងមានលក្ខណៈពិសេសគួរឲ្យចាប់អារម្មណ៍បំផុតសម្រាប់អ្នកទស្សនាផ្ទាល់ និងតាមអនឡាញ។ រយៈពេល ៩០ នាទីមុនការប្រកួតចាប់ផ្តើមនឹងមានការសម្តែងដ៏អស្ចារ្យដោយតារាល្បីៗលំដាប់ពិភពលោក។ តារាល្បីៗដែលនឹងសម្តែងមុនការប្រកួតចាប់ផ្តើមមានដូចជា តារាចម្រៀងអាមេរិក Post Malone តារាចម្រៀងអង់គ្លេស Robbie Williams តារាចម្រៀងស្រីរបស់អ៉ីតាលី Laura Pausini តារាចម្រៀងស្រីរបស់អាមេរិក Nicole Scherzinge និងបុរសដែលគេហៅកំពូលមនុស្សល្បីតាមអនឡាញ IshowSpeed ព្រមទាំងតារាសម្តែងហូលីវូដលោក Tom Cruise។ ជាមួយគ្នានេះ តារាចម្រៀង Jennifer Hudson នឹងច្រៀងបទភ្លេងជាតិ។

វាជាលើកដំបូងនៅក្នុងប្រវត្តិសាស្ត្របាល់ទាត់ពិភពលោកដែលមានរយៈជិត១០០ ឆ្នាំ គឺការសម្តែងសិល្បៈ បន្ទាប់ពីចប់ការប្រកួតវគ្គទី១។ តាមធម្មតា ការសម្រាក ត្រឹមតែ ១៥ នាទីប៉ុណ្ណោះ ប៉ុន្តែការប្រកួតវគ្គផ្តាច់ព្រ័ត្រ លើកនេះអាចសម្រាកចន្លោះពី ២០ ទៅ ២៥ នាទី។ ការសម្តែងត្រូវបានកំណត់ឲ្យប្រហែល ១១ នាទីប៉ុណ្ណោះសម្រាប់កំពូលតារាចម្រៀងបកស្រាយបទចម្រៀងកំដអ្នកទស្សនាដែលរួមគ្នាដោយកំពូលតារាចម្រៀង Madonna, Shakira, Justin Bieber, Burna Boy និងក្រុម BTS ជាដើម។

វាពិតជាពិសេសអស្ចារ្យខ្លាំងមែនទែនសម្រាប់អ្នកទស្សនាដែលចាប់ផ្តើមបានឃើញទស្សនីយភាពពីការសម្តែង ការប្រកួត និងពិធីប្រគល់ពានរង្វាន់ យ៉ាងហោចណាស់ចាប់ពីម៉ោង ១ យប់ រហូតដល់ពេលភ្លឺព្រឹកព្រលឹម៕

អត្ថបទ៖ វិរបុត្រ

The post ភាពអស្ចារ្យគួរឲ្យចាប់អារម្មណ៍ ថ្ងៃផ្តាច់ព្រ័ត្រ អាហ្សង់ទីន ប៉ះ អេស្ប៉ាញ ដណ្តើមជើងឯកពិភពលោក appeared first on Kampuchea Thmey Daily.

អស្ចារ្យ! FIFA នឹងផ្តល់រង្វាន់ ចិញ្ចៀនមាសដាំពេជ្រ បន្ថែមពីលើមេដាយ និងពាន ដល់ក្រុមជើងឯក World Cup 2026

Sok Sovann — Fri, 17 Jul 2026 07:18:10 +0000

ជារឿងដ៏មហស្ចារ្យ ដែលសហព័ន្ធកីឡាបាល់ទាត់អន្តរជាតិ (FIFA) បានប្រកាសជាផ្លូវការថា ម្ចាស់ជើងឯកពានរង្វាន់ពិភពលោក World Cup 2026 នឹងទទួលបាន «ចិញ្ចៀនជើងឯក» Championship Rings ជាលើកដំបូងក្នុងប្រវត្តិសាស្ត្រ ៩៦ឆ្នាំនៃព្រឹត្តិការណ៍នេះ។

ចិញ្ចៀនជើងឯក (រូប៖ FIFA)

តាមសេចក្តីប្រកាសលើគេហទំព័រ FIFA ផ្ទាល់ កាលពីថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ ចិញ្ចៀនទាំងនេះ ជាប្រភេទ Limited-Edition ដែលផលិតឡើង ត្រឹមតែ ២ ០២៦ វង់ប៉ុណ្ណោះ ដោយមានវាយលេខរៀងដាច់ដោយឡែកពីគ្នា ចាប់ពី ១ ដល់ ២ ០២៦។

ចិញ្ចៀនជើងឯក (រូប៖ FIFA)

ចិញ្ចៀននេះ ធ្វើពីមាសទឹកដប់ និងដាំពេជ្រ ដោយផ្នែកម្ខាងមានរូបពានរង្វាន់ FIFA World Cup ចំណែកម្ខាងទៀត មានរូបឡូហ្គោ និងអត្តសញ្ញាណផ្ទាល់ របស់ប្រទេសដែលឈ្នះជើងឯក។

ចិញ្ចៀនជើងឯក (រូប៖ FIFA)

យ៉ាងណា ចិញ្ចៀនដែលច្នៃឡើងជាពិសេសចំនួន ៣០វង់ ត្រូវបានបម្រុងទុក សម្រាប់ផ្តល់ជូនកីឡាករ និងក្រុមការងារគ្រូបង្វឹកនៃក្រុមឈ្នះពាន ខណៈ ១ ៩៩៦វង់ដែលនៅសល់ នឹងត្រូវដាក់លក់ទូទាំងសកលលោក ជាវត្ថុអនុស្សាវរីយ៍ស្របច្បាប់ផ្លូវការ ដែលអនុញ្ញាតឲ្យអ្នកគាំទ្រ អាចមានឱកាសក្លាយជាម្ចាស់របស់វា។

ចិញ្ចៀនជើងឯក (រូប៖ FIFA)

ក្រោយចប់ការប្រកួតភ្លាម, កីឡាករ និងគ្រូបង្វឹកនៃក្រុមឈ្នះជើងឯក នឹងត្រូវទទួលបានចិញ្ចៀនតំណាងជាបណ្តោះអាសន្នសិនប៉ុណ្ណោះ ហើយថ្ងៃក្រោយ ទើបម្ចាស់កម្មសិទ្ធ ត្រូវគេទៅវាស់ខ្នាត ដើម្បីផលិតឲ្យត្រូវទៅតាមទំហំម្រាមដៃ របស់បុគ្គលម្នាក់ៗ។

ចិញ្ចៀនជើងឯក (រូប៖ FIFA)

មកទល់ពេលនេះ ក៏មិនទាន់មានព័ត៌មានជាក់លាក់ អំពីតម្លៃនៃចិញ្ចៀន ដ៏អស្ចារ្យនេះឡើយ។

សូមជម្រាបថា ក្រុមម្ចាស់ការពារជើងឯក អាហ្សង់ទីន នឹងត្រូវប៉ះជាមួយ អេស្ប៉ាញ នៅវគ្គផ្តាច់ព្រ័ត្រ FIFA World Cup ២០២៦ នាវេលាម៉ោង ២ យប់អាធ្រាត្រ ថ្ងៃអាទិត្យ ទី១៩ ឈានចូលថ្ងៃចន្ទ ទី២០ ខែកក្កដា ឆ្នាំ ២០២៦ នៅកីឡដ្ឋាន MetLife ទីក្រុងញូវយ៉ក សហរដ្ឋអាមេរិក៕

អត្ថបទ៖ សុវណ្ណ

ហ្វេនអង់គ្លេស ផ្ទុះកំហឹង បង្កចលាចលពេញទីក្រុង មេនឆេស្ទើ និងឡុងដ៍ ក្រោយចាញ់អាហ្សង់ទីន

The post អស្ចារ្យ! FIFA នឹងផ្តល់រង្វាន់ ចិញ្ចៀនមាសដាំពេជ្រ បន្ថែមពីលើមេដាយ និងពាន ដល់ក្រុមជើងឯក World Cup 2026 appeared first on Kampuchea Thmey Daily.

ហ្វេនអង់គ្លេស ផ្ទុះកំហឹង បង្កចលាចលពេញទីក្រុង មេនឆេស្ទើ និងឡុងដ៍ ក្រោយចាញ់អាហ្សង់ទីន

Sok Sovann — Thu, 16 Jul 2026 08:21:39 +0000

ទោះការប្រកួតបញ្ចប់ហើយក្តី ប៉ុន្តែអ្នកគាំទ្រក្រុមតោកំណាចអង់គ្លេស មិនអស់ចិត្តទេ ចំពោះលទ្ធផលចាញ់អាហ្សង់ទីន ២-១ នៅវគ្គ Semi-Final ពានរង្វាន់ពិភពលោក ដោយអ្នកគាំទ្រជាមួយអារម្មណ៍មួម៉ៅ បាននាំគ្នាដើរបង្កចលាចលពេញផ្លូវក្នុងទីក្រុង មេនឆេស្ទើ ធ្វើឲ្យស្ថានការណ៍វឹកវរខ្លាំង។

(រូប៖ Reuters)

តាមការផ្សាយរបស់ Daily Mail នៅថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ ភាពចលាចលបានកើតឡើងតាមផ្លូវ Deansgate ក្រោយចប់ការប្រកួត ដោយសារអ្នកគាំទ្រអង់គ្លេស មិនពេញចិត្តនឹងលទ្ធផលឡើយ ពោលគឺពួកគេខឹងសម្បាខ្លាំងណាស់ ដល់ថ្នាក់ប៉ះទង្គិចជាមួយប៉ូលិសថែមទៀតផង។

មិនត្រឹមតែនៅ មេនឆេស្ទើ ទេ! នៅទីក្រុងឡុងដ៍ ក៏ហ្វេនៗ នាំគ្នាចេញបង្កភាពអសណ្តាប់ធ្នាប់ ពេញផ្លូវផងដែរ ធ្វើឲ្យប៉ូលិសប្រើធម៌ក្តៅ ឈានដល់ការចាប់ខ្លួនមនុស្ស ជាច្រើននាក់។

(រូប៖ Reuters)

មុននេះមួយថ្ងៃ នៅបារាំងឯណោះ ក៏មានការផ្ទុះកុបកម្មហិង្សា ក្នុងរដ្ឋធានីប៉ារីស និងទីក្រុងធំៗផ្សេងទៀតផងដែរ ហើយមនុស្សរាប់រយនាក់ ត្រូវបានប៉ូលិសចាប់ខ្លួន ក្រោយក្រុមបាល់ទាត់ជម្រើសជាតិរបស់ខ្លួន ធ្លាក់ចេញពីព្រឹត្តិការណ៍បាល់ទាត់ពិភពលោក FIFA World Cup 2026 ក្រោមថ្វីជើង អេស្ប៉ាញ។

នៅប៉ារីស ជាកន្លែងវឹកវរបំផុត ដោយមនុស្សម្នា នាំគ្នាដុតរថយន្ត បំផ្លាញទ្រព្យសម្បត្តិរដ្ឋ កម្ទេចទ្វារ-បង្អួចហាងនានា ថែមទាំងបាញ់កាំជ្រួចនិងគប់គ្រឿងផ្ទុះ ដាក់មន្ត្រីប៉ូលិសទៀតផង។

(រូប៖ Reuters)

ដោយសារតែស្ថានភាពធ្ងន់ធ្ងរទៅៗ ប៉ូលិសក្រុងប៉ារីស ក៏ចាត់វិធានការក្តៅ ដោយដាក់ពង្រាយក្រុមបង្ក្រាបកុបកម្ម ឈានដល់ការបាញ់ឧស្ម័នបង្ហូរទឹកភ្នែកទៀតផង ហើយចាប់ខ្លួនបានមនុស្ស ១៤១នាក់។

ចំណែកនៅទីក្រុង លីយ៉ុង! មានការប៉ះទង្គិចគ្នារវាងក្រុមយុវជន ជាមួយប៉ូលិស ជាលទ្ធផល មនុស្ស ២០នាក់ ត្រូវបានចាប់ខ្លួន ខណៈនៅទីក្រុងផ្សេងទៀត ក៏មានឈុតឆាកស្រដៀងគ្នា នេះដែរ។

មិនគួរទេ ដែលព្រឹត្តិការណ៍បាល់ទាត់ពិភពលោក ប្រែក្លាយបង្កឲ្យមានអំពើហិង្សា និងការប៉ះទង្គិចគ្នារវាងអ្នកគាំទ្រ បែបនេះទៅវិញ។ កីឡា គួរតែជាឧបករណ៍តភ្ជាប់ទំនាក់ទំនង បង្កើតមិត្តភាព និងនាំមកនូវភាពសប្បាយរីករាយ មិនមែនជាការបែកបាក់ និងវាយប្រហារគ្នានោះទេ៕

អត្ថបទ៖ សុវណ្ណ

FBI ព្រមានថា ការប្រកួតបាល់ទាត់ រវាងអង់គ្លេស និងអាហ្សង់ទីន មានហានិភ័យខ្ពស់

The post ហ្វេនអង់គ្លេស ផ្ទុះកំហឹង បង្កចលាចលពេញទីក្រុង មេនឆេស្ទើ និងឡុងដ៍ ក្រោយចាញ់អាហ្សង់ទីន appeared first on Kampuchea Thmey Daily.

លោក Tuchel សារភាព ថា ក្រុមលោកចាញ់ចិត្តសាស្ត្រ អាហ្សង់ទីន ទើបបង្ខំចិត្តទម្លាក់ការពារស្ទើរទាំងអស់

Kosal Sem — Thu, 16 Jul 2026 07:24:19 +0000

គ្រូបង្វឹករបស់ក្រុមជម្រើសជាតិ អង់គ្លេស លោក Thomas Tuchel បានទម្លាយអំពីមូលហេតុនៃការបរាជ័យទល់នឹងក្រុមជម្រើសជាតិ អាហ្សង់ទីន ហើយលោកក៏បានបង្ហើបផងដែរ អំពីការទម្លាក់កីឡាករមកលេងការពារស្ទើរទាំងអស់ បន្ទាប់ពី Anthony Gordon រកបានគ្រាប់បាល់នាំមុខ។

បន្ទាប់ពី អង់គ្លេស ចាញ់ អាហ្សង់ទីន ដោយលទ្ធផល ២-១ ក្នុងការប្រកួតវគ្គពាក់កណ្តាលផ្តាច់ព្រ័ត្រ World Cup 2026 កាលពីយប់រំលងអាធ្រាត្រឈានចូលថ្ងៃទី ១៦ ខែ កក្កដា លោក Thuchel បានក្លាយជាផ្ទាំងស៊ីបដ៏ធំនៃការស្តីបន្ទោសរបស់អ្នកគាំទ្រ អង់គ្លេស។

អ្វីដែលអ្នកគាំទ្រដាក់បន្ទុកខ្លាំង គឺលោកបានសម្រេចចិត្តដាក់ខ្សែការពារដល់ទៅ ៥ នាក់ ហើយបានឱ្យកីឡាករចុះមកការពារស្ទើរទាំងអស់ បន្ទាប់ពី Gordon ស៊ុតនាំមុខឱ្យ អង់គ្លេស នៅនាទីទី ៥៥។ ប៉ុន្តែការសម្រេចចិត្តលេងការពារខ្លាំងពេករបស់លោក បានធ្វើឱ្យ អាហ្សង់ទីន វាយបកបាន ២ គ្រាប់មកវិញនៅនាទីទី ៨៥ ដោយ Enzo Fernandes និង ៩០+២ ដោយ Lautaro Martinez។

ជុំវិញរឿងនេះ គ្រូបង្វឹកសញ្ជាតិ អាល្លឺម៉ង់ វ័យ ៥២ ឆ្នាំ បានពន្យល់ក្រោយការប្រកួត ថា៖ «យើងបានសម្រេចប្តូរទៅលេងប្រព័ន្ធការពារ ៥ នាក់ ព្រោះពួកយើងបានបើកចំហចន្លោះខ្លាំងពេក។ អាហ្សង់ទីនលេងដោយប្រថុយប្រថានជាងមុន លេងដោយល្បឿន និងចង្វាក់ល្អជាងមុន ហើយប្រហែលជាពួកគេមានអារម្មណ៍ថា ពួកគេគ្មានអ្វីត្រូវខ្វល់ខ្វាយទៀតនោះទេ»។

លោកបានបន្ត ថា៖ «អារម្មណ៍នោះបានធ្វើឱ្យពួកគេលេងដោយសេរី ហើយវាក៏បានបង្ខំឱ្យយើងត្រូវទម្លាក់ចុះក្រោម។ ចំណែកយើងវិញ ស្រាប់តែចាប់ផ្តើមលេងដោយអារម្មណ៍ ថា យើងមានអ្វីជាច្រើនដែលអាចបាត់បង់។ ជាការពិត ការទទួលខុសត្រូវគឺស្ថិតលើគ្រូបង្វឹក ហើយបើលទ្ធផលមិនល្អ វាងាយស្រួលណាស់ក្នុងការនិយាយថា ការសម្រេចចិត្តនោះគឺខុស»។

ការប្តូរយុទ្ធសាស្ត្ររបស់លោក Tuchel នៅពេលនេះ បានធ្វើឱ្យ អង់គ្លេស ធ្លាក់ចុះទម្រង់លេងជាខ្លាំង ដោយពួកគេគ្រង់គ្រងបាល់បានតែ ១២% ប៉ុណ្ណោះ ចាប់ពីពេលដែល Gordon ស៊ុតនាំមុខ រហូតដល់ពេល Martinez ស៊ុតវាយបកជ័យជម្នះមកវិញ៕

អត្ថបទ៖ សេម កុសល

The post លោក Tuchel សារភាព ថា ក្រុមលោកចាញ់ចិត្តសាស្ត្រ អាហ្សង់ទីន ទើបបង្ខំចិត្តទម្លាក់ការពារស្ទើរទាំងអស់ appeared first on Kampuchea Thmey Daily.

អាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026

chean virakbot — Wed, 15 Jul 2026 21:41:17 +0000

ក្រុមបាល់ទាត់ជម្រើសជាតិ អាហ្សង់ទីន បានឡើងទៅកាន់វគ្គផ្តាច់ព្រ័ត្រ ជើងឯកពិភពលោក ឆ្នាំ ២០២៦ World Cup 2026 បន្ទាប់ពីបានយកឈ្នះ អង់គ្លេស ដោយលទ្ធផល ២-១ នៅវគ្គពាក់កណ្តាលផ្តាច់ព្រ័ត្រ យប់ថ្ងៃទី១៥ ឈានចូលថ្ងៃទី១៦ ខែកក្កដា ឆ្នាំ ២០២៦។

អាហ្សង់ទីនអបអរ

ការប្រកួតនៅវគ្គទី១ ក្រុមទាំងពីរគ្មានគ្រាប់បាល់កើតឡើងទេដោយលទ្ធផលស្មើគ្នា ០-០ ប៉ុន្តែនៅវគ្គទី២ មាន ៣ គ្រាប់កើតឡើង។ អង់គ្លេស រកបានគ្រាប់បាល់នាំមុខ ១-០ មុនដោយកីឡាករ Anthony Gordon នៅនាទី៥៥ ប៉ុន្តែ អាហ្សង់ទីន បានវាយបកចុងម៉ោងតាមស្មើ ១-១ ដោយកីឡាករ Enzo Fernández នៅនាទី ៨៥ និងគ្រាប់បាល់ជ័យជម្នះ ២-១ ដោយកីឡាករ Lautaro Martínez នៅនាទីបន្ថែម ៩០+២។ គ្រាប់បាល់ទាំងពីររបស់អាហ្សង់ទីន សុទ្ធតែកីឡាករ Lionel Messsi ជាអ្នកបញ្ជូនឲ្យស៊ុតចូល។

កីឡាករ Lautaro Martinez អបអរគ្រាប់បាល់

ជ័យជម្នះដោយលទ្ធផល ២-១ របស់ អាហ្សង់ទីន បានបញ្ចប់ក្តីស្រមៃ របស់ អង់គ្លេស ក្នុងការឈានដល់វគ្គផ្តាច់ព្រ័ត្រ ជាលើកដំបូងក្នុងរយៈពេល ៦០ ឆ្នាំ នៅព្រឹត្តិការណ៍បាល់ទាត់ពិភពលោក។ អង់គ្លេស ធ្លាប់បានឡើងវគ្គផ្តាច់ព្រ័ត្រម្តងតាំងពីឆ្នាំ ១៩៦៦។ ចាប់តាំងពីពេលនោះមក ពួកគេមិនធ្លាប់បានឡើងវគ្គផ្តាច់ព្រ័ត្រឡើយ។ នៅឆ្នាំ ១៩៩០ និង ២០១៨ អង់គ្លេស បានឡើងដល់វគ្គពាក់កណ្តាលផ្តាច់ព្រ័ត្រ ដូចឆ្នាំ ២០២៦នេះដែរ។

កីឡាករ Lionel Messi ជាមួយកីឡាករ Rodrigo De Paul

ចំណែក អាហ្សង់ទីន បានឡើងដល់វគ្គផ្តាច់ព្រ័ត្រជាលើកទី៧ គិតទាំង ឆ្នាំ ២០២៦ នេះ។ សម្រាប់ការឡើងដល់វគ្គផ្តាច់ព្រ័ត្រ ៦ លើកកន្លង ពួកគេបានឈ្នះជើងឯក ៣ លើក និងរងជើងឯក ៣ លើក។

កីឡាករ Lionel Messi អបអរ

សម្រាប់ឆ្នាំ ២០២៦ ក្រុមពពកស អាហ្សង់ទីន ត្រូវជួបគោជល់ អេស្ប៉ាញ នៅវគ្គផ្តាច់ព្រ័ត្រ ដើម្បីដណ្តើមជើងឯក ខណៈ អង់គ្លេស ជួប បារាំង ដណ្តើមយកចំណាត់ថ្នាក់លេខ ៣៕

ក្រុមអាហ្សង់ទីនអបអរ

កីឡាករ Messi អបអរគ្រាប់បាល់ជ័យជម្នះ

កីឡាករ Enzo Fernandez

កីឡាករ Lionel Messi

កីឡាករ Lautaro Martinez អបអរគ្រាប់បាល់ជ័យជម្នះ

អត្ថបទ៖ វិរបុត្រ

The post អាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026 appeared first on Kampuchea Thmey Daily.

FBI ព្រមានថា ការប្រកួតបាល់ទាត់ រវាងអង់គ្លេស និងអាហ្សង់ទីន មានហានិភ័យខ្ពស់

Minea Neu — Wed, 15 Jul 2026 13:30:00 +0000

ប៉ូលិសបានត្រៀមខ្លួនរួចជាស្រេចសម្រាប់ចំណុចក្តៅគគុករវាងអ្នកគាំទ្រអង់គ្លេសនិងអាហ្សង់ទីន បន្ទាប់ពីការិយាល័យស៊ើបអង្កេតសហព័ន្ធ FBI បានចាត់ថ្នាក់ការប្រកួតវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ FIFA World Cup ២០២៦ ថាជាការប្រកួតដែលមានហានិភ័យខ្ពស់បំផុត។ នេះបើយោងតាមការចុះផ្សាយរបស់សារព័ត៌មាន Daily Mail នៅថ្ងៃទី១៥ ខែកក្កដា ឆ្នាំ២០២៦ ។

ការប៉ះទង្គិចគ្នារវាងអ្នកគាំទ្រគូប្រជែងបានផ្ទុះឡើងរួចហើយ ហើយក៏មានការភ័យខ្លាចថា ក្រុមបាល់ទាត់អាហ្សង់ទីនអាចនឹងធ្វើដំណើរទៅកាន់សហរដ្ឋអាមេរិក។

កម្លាំង FBI . រូបភាព៖ Getty Images

យ៉ាងណាមិញ មានការប៉ះទង្គិចគ្នាដាច់ដោយឡែករវាងអ្នកគាំទ្រគូប្រជែងនៅទីក្រុង Miami កាលពីសប្តាហ៍មុន ពេលអង់គ្លេសយកឈ្នះន័រវេស។

បច្ចុប្បន្ន សន្តិសុខត្រូវបានរឹតបន្តឹងនៅក្នុងទីក្រុង Atlanta ខណៈអ្នកគាំទ្ររាប់ពាន់នាក់បានមកដល់ទីក្រុងនេះ ចំពេលមានការប្រជែងគ្នាដណ្តើមសំបុត្រ ដោយកៅអីលើគេហទំព័រលក់បន្តរបស់ FIFA មានតម្លៃរហូតដល់ ៣ ៧០០ដុល្លារ។

នៅឯពហុកីឡដ្ឋាន Atlanta អាចផ្ទុកមនុស្ស ៦៨ ២៣៩នាក់ នឹងមានច្រកចូលដាច់ដោយឡែកសម្រាប់អ្នកគាំទ្រទាំងពីរក្រុម ប៉ុន្តែគ្មានការបែងចែក ពេលពួកគេចូលទៅក្នុងពហុកីឡដ្ឋានទេ។

មន្ត្រីសន្តិសុខកំពុងព្យាយាមផ្សព្វផ្សាយក្នុងទីក្រុង ឱ្យដាក់ក្រុមអង់គ្លេស និងអាហ្សង់ទីននៅដាច់ដោយឡែកពីគ្នា ដើម្បីធានាថាមានសុវត្ថិភាព៕

សម្រួល៖ ណឺ មិនា

The post FBI ព្រមានថា ការប្រកួតបាល់ទាត់ រវាងអង់គ្លេស និងអាហ្សង់ទីន មានហានិភ័យខ្ពស់ appeared first on Kampuchea Thmey Daily.

វីរបុរស អង់គ្លេស ២នាក់ លើកឡើងថា អាហ្សង់ទីន ទៅមិនរួចជាមួយ អង់គ្លេស ទេយប់នេះ

Kosal Sem — Wed, 15 Jul 2026 06:44:21 +0000

វីរបុរសរបស់ អង់គ្លេស លោក John Terry និង Joe Cole បានបង្ហាញក្តីជឿជាក់មុតមាំលើក្រុមជម្រើសជាតិ អង់គ្លេស នឹងឡើងទៅវគ្គផ្តាច់ព្រ័ត្រព្រឹត្តិការណ៍ World Cup 2026។ ជាមួយគ្នានេះ បុរសទាំង ២ ក៏បានសង្កត់ធ្ងន់ផងដែរ អំពីការប្រកួតរាត្រីនេះ គឺក្រុម អាហ្សង់ទីន នឹងទៅមិនរួចជាមួយក្រុមតោកំណាចឡើយ។

ក្រុមជម្រើសជាតិ អង់គ្លេស នឹងត្រូវធ្វើការងារធ្ងន់នៅក្នុងវគ្គពាក់កណ្តាលផ្តាច់ព្រ័ត្រ World Cup 2026 ដោយត្រូវជួបជាមួយក្រុមការពារតំណែងជើងឯក អាហ្សង់ទីន នាវេលាម៉ោង ២ រំលងអាធ្រាត្រឈានចូលថ្ងៃ ព្រហស្បតិ៍ ទី ១៦ ខែ កក្កដា ឆ្នាំ ២០២៦។

មុនជំនួបដ៏ធំនេះមកដល់ លោក John Terry បានថ្លែងនៅក្នុង FIFA Podcast ដូច្នេះ ថា៖ «ខ្ញុំមិនបារម្ភអំពីអាហ្សង់ទីនទេ។ ពេលខ្ញុំមើលទៅអាហ្សង់ទីន ខ្ញុំមិនមានអារម្មណ៍ថា ពួកគេល្អជាងយើង ឬធ្វើឱ្យយើងត្រូវបារម្ភនោះឡើយ។ ខ្ញុំគិតថា បើប្រៀបធៀបកីឡាករម្នាក់ទល់ម្នាក់ អង់គ្លេស មានគុណភាពល្អជាងអាហ្សង់ទីន»។

ដោយឡែកលោក Joe Cole វិញ ក៏បានលើកឡើងស្រដៀងគ្នានេះផងដែរ នាមុនការប្រកួតវគ្គពាក់កណ្តាលផ្តាច់ព្រ័ត្រមកដល់។ លោក Joe Cole បានថ្លែងប្រាប់ The Rest is Football ថា «Messi ត្រូវជួបអង់គ្លេសជាលើកដំបូងមែនទេ? យើងនឹងធ្វើឱ្យគាត់គេងលក់យ៉ាងស្កប់ស្កល់»។

អតីតខ្សែបម្រើរបស់តោខៀវ Chelsea បានបន្ថែមទៀត ថា៖ «យើងនឹងបញ្ឈប់គាត់បាន ១០០%។ ខ្ញុំកំពុងនិយាយនៅពេលនេះ ថា អង់គ្លេសនឹងឡើងដល់វគ្គផ្តាច់ព្រ័ត្រ FIFA World Cup។ យើងមានគុណភាពគ្រប់គ្រាន់ ដើម្បីទប់ទល់នឹងចំណុចខ្លាំងរបស់អាហ្សង់ទីន។ យើងនឹងយកឈ្នះពួកគេ ខ្ញុំមានអារម្មណ៍ថា វានឹងកើតឡើងពិតប្រាកដ»។

ការប្រកួតរវាងក្រុមក្រុមខ្លាំងទាំង ២ នឹងក្លាយជាការប្រកួតដ៏កក្រើកបំផុតមួយប្រចាំ World Cup 2026 នេះ។ ក្រុមណាឈ្នះ នឹងត្រូវឡើងទៅជួបក្រុមគោជល់ អេស្ប៉ាញ នៅវគ្គផ្តាច់ព្រ័ត្រនាថ្ងៃទី ១៩ ខែ កក្កដា ឆ្នាំ ២០២៦៕

អត្ថបទ៖ សេម កុសល

The post វីរបុរស អង់គ្លេស ២នាក់ លើកឡើងថា អាហ្សង់ទីន ទៅមិនរួចជាមួយ អង់គ្លេស ទេយប់នេះ appeared first on Kampuchea Thmey Daily.

FIFA World Cup 2026 Archives - Kampuchea Thmey Daily

អាហ្សង់ទីន ជួប អេស្ប៉ាញ វគ្គផ្តាច់ព្រ័ត្រ World Cup 2026 មានរឿងពិសេស ៣ គួរឲ្យ​ចាប់អារម្មណ៍

ភាព​អស្ចារ្យ​គួរ​ឲ្យ​ចាប់​អារម្មណ៍ ថ្ងៃ​ផ្តាច់​ព្រ័ត្រ អាហ្សង់ទីន ប៉ះ អេស្ប៉ាញ ដណ្តើម​ជើង​​ឯក​ពិភព​លោក

អស្ចារ្យ! FIFA នឹងផ្តល់រង្វាន់ ចិញ្ចៀនមាសដាំពេជ្រ បន្ថែមពីលើមេដាយ និងពាន ដល់ក្រុមជើងឯក World Cup 2026

ហ្វេនអង់គ្លេស ផ្ទុះកំហឹង បង្កចលាចលពេញទីក្រុង មេនឆេស្ទើ និងឡុងដ៍ ក្រោយចាញ់អាហ្សង់ទីន

លោក Tuchel សារភាព ថា ក្រុមលោកចាញ់ចិត្តសាស្ត្រ អាហ្សង់ទីន ទើបបង្ខំចិត្តទម្លាក់ការពារស្ទើរទាំងអស់

អាហ្សង់ទីន បញ្ចប់​ក្តី​ស្រមៃ​ ៦០ ឆ្នាំ របស់ អង់គ្លេស ឡើង​ទៅវគ្គ​ផ្តាច់​ព្រ័ត្រជើង​ឯក​ពិភព​លោក World Cup 2026

​FBI ព្រមាន​ថា ការប្រកួតបាល់​ទាត់ ​រវាងអង់គ្លេស ​និងអាហ្សង់ទីន មាន​ហានិភ័យ​ខ្ពស់​

វីរបុរស អង់គ្លេស ២នាក់ លើក​ឡើង​ថា អាហ្សង់ទីន ទៅមិនរួចជាមួយ អង់គ្លេស ​ទេយប់នេះ

អាហ្សង់ទីន ជួប អេស្ប៉ាញ វគ្គផ្តាច់ព្រ័ត្រ World Cup 2026 មានរឿងពិសេស ៣ គួរឲ្យចាប់អារម្មណ៍

ភាពអស្ចារ្យគួរឲ្យចាប់អារម្មណ៍ ថ្ងៃផ្តាច់ព្រ័ត្រ អាហ្សង់ទីន ប៉ះ អេស្ប៉ាញ ដណ្តើមជើងឯកពិភពលោក

អាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026

FBI ព្រមានថា ការប្រកួតបាល់ទាត់ រវាងអង់គ្លេស និងអាហ្សង់ទីន មានហានិភ័យខ្ពស់

វីរបុរស អង់គ្លេស ២នាក់ លើកឡើងថា អាហ្សង់ទីន ទៅមិនរួចជាមួយ អង់គ្លេស ទេយប់នេះ