កីឡា

អាហ្សង់ទីន បញ្ចប់ក្តីស្រមៃ ៦០ ឆ្នាំ របស់ អង់គ្លេស ឡើងទៅវគ្គផ្តាច់ព្រ័ត្រជើងឯកពិភពលោក World Cup 2026

បានផុស

៤ នាទី មុន

នៅ

ថ្ងៃព្រហស្បតិ៍ ១៦ កក្កដា ២០២៦

ដោយ

ក្រុមបាល់ទាត់ជម្រើសជាតិ អាហ្សង់ទីន បានឡើងទៅកាន់វគ្គផ្តាច់ព្រ័ត្រ ជើងឯកពិភពលោក ឆ្នាំ ២០២៦ World Cup 2026 បន្ទាប់ពីបានយកឈ្នះ អង់គ្លេស ដោយលទ្ធផល ២-១ នៅវគ្គពាក់កណ្តាលផ្តាច់ព្រ័ត្រ យប់ថ្ងៃទី១៥ ឈានចូលថ្ងៃទី១៦ ខែកក្កដា ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតនៅវគ្គទី១ ក្រុមទាំងពីរគ្មានគ្រាប់បាល់កើតឡើងទេដោយលទ្ធផលស្មើគ្នា ០-០ ប៉ុន្តែនៅវគ្គទី២ មាន ៣ គ្រាប់កើតឡើង។ អង់គ្លេស រកបានគ្រាប់បាល់នាំមុខ ១-០ មុនដោយកីឡាករ Anthony Gordon នៅនាទី៥៥ ប៉ុន្តែ អាហ្សង់ទីន បានវាយបកចុងម៉ោងតាមស្មើ ១-១ ដោយកីឡាករ Enzo Fernández នៅនាទី ៨៥ និងគ្រាប់បាល់ជ័យជម្នះ ២-១ ដោយកីឡាករ Lautaro Martínez នៅនាទីបន្ថែម ៩០+២។ គ្រាប់បាល់ទាំងពីររបស់អាហ្សង់ទីន សុទ្ធតែកីឡាករ Lionel Messsi ជាអ្នកបញ្ជូនឲ្យស៊ុតចូល។

ជ័យជម្នះដោយលទ្ធផល ២-១ របស់ អាហ្សង់ទីន បានបញ្ចប់ក្តីស្រមៃ របស់ អង់គ្លេស ក្នុងការឈានដល់វគ្គផ្តាច់ព្រ័ត្រ ជាលើកដំបូងក្នុងរយៈពេល ៦០ ឆ្នាំ នៅព្រឹត្តិការណ៍បាល់ទាត់ពិភពលោក។ អង់គ្លេស ធ្លាប់បានឡើងវគ្គផ្តាច់ព្រ័ត្រម្តងតាំងពីឆ្នាំ ១៩៦៦។ ចាប់តាំងពីពេលនោះមក ពួកគេមិនធ្លាប់បានឡើងវគ្គផ្តាច់ព្រ័ត្រឡើយ។ នៅឆ្នាំ ១៩៩០ និង ២០១៨ អង់គ្លេស បានឡើងដល់វគ្គពាក់កណ្តាលផ្តាច់ព្រ័ត្រ ដូចឆ្នាំ ២០២៦នេះដែរ។

កីឡាករ Lionel Messi ជាមួយកីឡាករ Rodrigo De Paul

ចំណែក អាហ្សង់ទីន បានឡើងដល់វគ្គផ្តាច់ព្រ័ត្រជាលើកទី៧ គិតទាំង ឆ្នាំ ២០២៦ នេះ។ សម្រាប់ការឡើងដល់វគ្គផ្តាច់ព្រ័ត្រ ៦ លើកកន្លង ពួកគេបានឈ្នះជើងឯក ៣ លើក និងរងជើងឯក ៣ លើក។

សម្រាប់ឆ្នាំ ២០២៦ ក្រុមពពកស អាហ្សង់ទីន ត្រូវជួបគោជល់ អេស្ប៉ាញ នៅវគ្គផ្តាច់ព្រ័ត្រ ដើម្បីដណ្តើមជើងឯក ខណៈ អង់គ្លេស ជួប បារាំង ដណ្តើមយកចំណាត់ថ្នាក់លេខ ៣៕