លោក Katz បានបញ្ជាក់ថា ការបំផ្លិចបំផ្លាញនេះ មិនមែនជារឿងចៃដន្យទេ ប៉ុន្តែវាជាលទ្ធផលនៃ «គោលនយោបាយដោយចេតនា» មួយ ដែលមានគោលដៅលុបបំបាត់រាល់ការគំរាមកំហែង។

បើយោងតាម​សារព័ត៌មាន TRT World ក្នុងឱកាសនោះដែរ លោក Katz បានប្រកាសពីការផ្លាស់ប្តូរយុទ្ធសាស្ត្រយោធាដ៏សំខាន់ ដោយលែងប្រើវិធីសាស្ត្រចូលវាយប្រហារ រួចដកខ្លួនចេញដូចមុនទៀតហើយ។ លោកបានថ្លែងយ៉ាងច្បាស់ថា «ជំនួសឱ្យការចូលហើយចេញ កងទ័ពរបស់យើងឥឡូវនេះគឺនៅខាងក្នុង ហើយផ្ទះសម្បែងទាំងឡាយ គឺត្រូវបានបំផ្លាញចោល»។ ក្រៅពីនេះ លោកក៏បានលើកឡើងពីផែនការបង្កើតប៉ុស្តិ៍យោធាថ្មីចំនួន ៣ នៅក្នុង​ភាគ​ខាង​ជើង​តំបន់ហ្គាហ្សា នៅលើទីតាំងដែលអ៊ីស្រាអែល ធ្លាប់បានដកខ្លួនចេញ កាលពីឆ្នាំ២០០៥។

ប៉ុស្តិ៍យោធាទាំងនេះ ត្រូវបានគេដឹងថា គឺជាកន្លែងស្នាក់នៅរបស់ក្រុមអ្នកតាំងទីលំនៅ ដែលជាជំហានដំបូង សម្រាប់ការបង្កើតជាសហគមន៍ជនស៊ីវិលអចិន្ត្រៃយ៍។ លោក Katz បានអះអាងថា ការបង្កើតប៉ុស្តិ៍ទាំងនេះ គឺមានភាពចាំបាច់ដើម្បីសន្តិសុខ និងដើម្បីពង្រឹងការគ្រប់គ្រងរបស់អ៊ីស្រាអែលលើតំបន់នោះ។

សូម​ជម្រាប​ថា ជា​ការ​ឆ្លើយតប​នឹង​ការ​វាយ​ប្រហារ​ពី​សំណាក់​ក្រុម​សកម្ម​ប្រយុទ្ធ​ហាម៉ាស ចាប់តាំងពីខែតុលា ឆ្នាំ២០២៣ មក អ៊ីស្រាអែល បានធ្វើសកម្មភាពយោធាវាយបក​យ៉ាងធំ ដែលបានបណ្តាលឱ្យជនជាតិប៉ាឡេស្ទីនជាង ៧៣ ០០០នាក់បាត់បង់ជីវិត ដែលក្នុងនោះភាគច្រើនជាស្ត្រី និងកុមារ ហើយមនុស្សជាង ១៧៣ ០០០នាក់ទៀតបានរងរបួស។ រហូតមកដល់ពេលនេះ ហេដ្ឋារចនាសម្ព័ន្ធស្ទើរតែទាំងស្រុងនៃតំបន់ហ្គាហ្សា ត្រូវបានកម្ទេចចោល ហើយប្រជាជនស្ទើរតែទាំងអស់នៅក្នុងតំបន់នេះ បានក្លាយជាជនភៀសខ្លួន ដោយសារតែជម្លោះដ៏បង្ហូរឈាមមួយនេះ៕

ប្រែសម្រួល៖ ឈាង

The post រដ្ឋមន្ត្រីការពារជាតិអ៊ីស្រាអែល៖ ឃើញហ្គាហ្សាខ្ទេចខ្ទី ខ្ញុំមានអារម្មណ៍ល្អ appeared first on Kampuchea Thmey Daily.

ចំណាត់ការនេះ បានធ្វើឱ្យមន្ត្រីប៉ាឡេស្ទីនចេញមុខព្រមានទាំងកំហឹងថា វានឹងធ្វើឱ្យទឹកដីប៉ាឡេស្ទីនត្រូវហែកហួរជាកង់ៗ និងកាត់ផ្តាច់តំបន់ហ្សេរុយសាឡឹមខាងកើត ចេញពីសហគមន៍ប៉ាឡេស្ទីនទាំងស្រុង។

តាមការចុះផ្សាយរបស់​សារព័ត៌មាន Anadolu នាថ្ងៃទី​៣ ខែ​កក្កដា ឆ្នាំ​២០២៦ គម្រោងដំណាក់កាលដំបូងរបស់​អ៊ីស្រាអែល នឹងត្រូវចាប់ផ្តើមអនុវត្ត ក្នុងពេលប៉ុន្មានខែខាងមុខ ដោយរដ្ឋាភិបាលគ្រោងនឹងបោះទុនរាប់លានដុល្លារ ដើម្បីបង្កើតសហគមន៍ដំបូងពី៤ ទៅ ៦កន្លែង ព្រមទាំងផ្តល់ថវិកានិងប្រព័ន្ធហេដ្ឋារចនាសម្ព័ន្ធ ដើម្បីទទួលស្គាល់សហគមន៍ខុសច្បាប់ចាស់ៗមួយចំនួន ឱ្យទៅជាស្របច្បាប់ថែមទៀតផង។ អាជ្ញាធរប៉ាឡេស្ទីន បានថ្កោលទោសយ៉ាងខ្លាំង ដោយចាត់ទុកថា វា​ជាល្បិចកលរបស់អ៊ីស្រាអែល ក្នុងការបង្កើតតថភាពភូមិសាស្ត្រថ្មីមួយនៅលើដី ដើម្បីលេបយកទឹកដីបន្ថែម និងរឹតបន្តឹងការគ្រប់គ្រងរបស់ខ្លួន។

មន្ត្រីប៉ាឡេស្ទីន បានបន្ថែមថា ការពន្លឿនគម្រោងពង្រីកទឹកដីយ៉ាងគំហុក​របស់អ៊ីស្រាអែលនៅពេលនេះ គឺធ្វើឡើងដើម្បីចំណេញនយោបាយក្នុងស្រុក ចំពេលដែលការបោះឆ្នោតជាតិរបស់អ៊ីស្រាអែល ជិតចូលមកដល់។ ទង្វើនេះ មិនត្រឹមតែជារំលោភលើច្បាប់អន្តរជាតិយ៉ាងធ្ងន់ធ្ងរប៉ុណ្ណោះទេ ប៉ុន្តែវាកំពុងតែបំផ្លាញក្តីសង្ឃឹម ក្នុងការបង្កើតរដ្ឋប៉ាឡេស្ទីនមួយ ដែលមានទឹកដីតជាប់គ្នាទៅថ្ងៃអនាគត។ បើតាមទិន្នន័យស្រាវជ្រាវ ការពង្រីកសហគមន៍របស់អ៊ីស្រាអែល បានហក់ឡើងក្នុងល្បឿនគួរឱ្យខ្លាច ដោយកាលពីចន្លោះឆ្នាំ២០១២ ដល់ ២០២២ មានការបង្កើតសហគមន៍​អ៊ីស្រាអែល​ត្រឹមតែ ៨កន្លែងក្នុងមួយឆ្នាំ ប៉ុន្តែចំនួននេះ បានហក់ឡើងដល់ ៦២កន្លែងក្នុងឆ្នាំ២០២៤ និងឡើងរហូតដល់ ៨៦កន្លែងក្នុងឆ្នាំ២០២៥ កន្លងទៅ៕

ប្រែសម្រួល៖ ឈាង

The post អ៊ីស្រាអែល គ្រោងសង់សហគមន៍ថ្មី ១៣កន្លែងនៅ West Bank ខណៈប៉ាឡេស្ទីនព្រមានថាជាការលេបទឹកដីជាកង់ៗ appeared first on Kampuchea Thmey Daily.

ដ្បិត​មាន​ឈ្មោះថាបទ​ឈប់បាញ់ក៏ដោយ ក៏​ទឹកដីហ្គាហ្សានៅតែបន្តរងការវាយប្រហារតាមអាកាស ការបាញ់ផ្លោង និងការផ្ទុះអាវុធស្ទើរតែរាល់ថ្ងៃ នៅតាមបណ្តោយខ្សែបន្ទាត់ខណ្ឌចែកទឹកដី ដែលការបាត់បង់ជីវិតចុងក្រោយ បានកើតឡើងបន្ទាប់ពីដ្រូនអ៊ីស្រាអែល បើកការវាយប្រហារជាបន្តបន្ទាប់លើទីប្រជុំជន និងជម្រកជនភៀសខ្លួននៅកណ្តាលក្រុងហ្គាហ្សា។

នៅក្នុងការ​វាយ​ប្រហារ​កាល​ពី​ថ្ងៃពុធ អ៊ីស្រាអែល បានសម្លាប់ជនជាតិប៉ាឡេស្ទីន ២​នាក់ និងរបួស ៦​នាក់ផ្សេងទៀត នៅក្នុងទីក្រុង Khan Younis ភាគខាងត្បូងហ្គាហ្សា ដោយក្រុមគ្រួសារជនរងគ្រោះ បានទម្លាយទាំងទឹកភ្នែកថា គ្រាប់បែកបានធ្លាក់ចំក្រុមមនុស្ស ដែលកំពុងស្នាក់នៅក្បែរឆ្នេរខ្សាច់ ក្នុងតំបន់តង់ភៀសខ្លួន Muwasi ដែលជាកន្លែងមនុស្សរាប់សែននាក់កំពុងជ្រកកោន។ ខាងកងទ័ពអ៊ីស្រាអែល បានចេញមុខទទួលស្គាល់ការវាយប្រហារនេះ ដោយអះអាងយ៉ាងខ្លីថា គោលដៅគឺជា «ភេរវករ» ប៉ុន្តែមិនបានផ្តល់ព័ត៌មានលម្អិតអ្វីឡើយ ខណៈដែលពួកគេ នៅតែបន្តពង្រីកទឹកដីគ្រប់គ្រងរបស់ខ្លួន និងចោទប្រកាន់គ្នាទៅវិញទៅមកថាជាអ្នករំលោភកិច្ចព្រមព្រៀងឈប់បាញ់មុន។

គិតត្រឹមថ្ងៃអាទិត្យ ទី១៤ ខែមិថុនា ឆ្នាំ២០២៦ ក្រសួងសុខាភិបាលហ្គាហ្សា បានគូសបញ្ជាក់ថា ចំនួនអ្នកស្លាប់សរុបនៅក្នុងសង្គ្រាមដ៏រ៉ាំរ៉ៃរវាងអ៊ីស្រាអែល និងក្រុមហាម៉ាសនេះ បានហក់ឡើងហួស ៧៣ ០០០នាក់ទៅហើយ ដោយទិន្នន័យនេះរួមបញ្ចូលទាំងជនស៊ីវិល និងខ្មាន់កាំភ្លើងលាយឡំគ្នា។ សង្គ្រាមដ៏មហាបំផ្លិចបំផ្លាញនេះ បានផ្ទុះឡើងដំបូងកាលពីថ្ងៃទី៧ ខែតុលា ឆ្នាំ២០២៣ នៅពេលដែលក្រុមសកម្មប្រយុទ្ធហាម៉ាស បានវាយឆ្មក់ចូលភាគខាងត្បូងអ៊ីស្រាអែល សម្លាប់មនុស្ស ១ ២០០នាក់ និងចាប់ជម្រិតមនុស្ស ២៥១នាក់ ដែលធ្វើឱ្យមេដឹកនាំអ៊ីស្រាអែលខឹងសម្បារយ៉ាងខ្លាំង រហូតបើកយុទ្ធនាការវាយលុកសងសឹកយ៉ាងចាស់ដៃ ក្នុងបំណងកម្ទេចក្រុមហាម៉ាសឱ្យរលាយសាបសូន្យ និងដោះលែងចំណាប់ខ្មាំងទាំងអស់ឱ្យមានសេរីភាពឡើងវិញ៕

ប្រែសម្រួល៖ ឈាង

The post មនុស្សជាង ១ ០០០នាក់ស្លាប់នៅហ្គាហ្សា អំឡុង​ពេល​បទ​ឈប់បាញ់ appeared first on Kampuchea Thmey Daily.

អ្វីដែលធ្វើឱ្យពិភពលោកកាន់តែចាប់អារម្មណ៍ខ្លាំង គឺលោកបានបង្ហើបពីផែនការមហិច្ឆតាបន្តទៀត គឺការជំរុញឱ្យមានការគ្រប់គ្រងទឹកដីនេះឱ្យបានរហូតដល់ ៧០ភាគរយ ដែលទង្វើនេះ គឺកំពុងតែដើរផ្ទុយស្រឡះពីលក្ខខណ្ឌនៃកិច្ចព្រមព្រៀងឈប់បាញ់គ្នា។

ប្រព័ន្ធផ្សព្វផ្សាយក្នុងស្រុករបស់អ៊ីស្រាអែល Channel 12 បានរាយការណ៍ថា នៅក្នុងកិច្ចពិភាក្សាមួយ កាលពីថ្ងៃព្រហស្បតិ៍ លោក ណេតាន់យ៉ាហ៊ូ បានថ្លែងទៅកាន់អ្នកចូលរួមយ៉ាងច្បាស់ៗថា អ៊ីស្រាអែល កំពុងតែក្តោបក្តាប់ដីហ្គាហ្សាបាន ៦០ភាគរយនៅក្នុងដៃ ហើយលោកបានបញ្ជាឱ្យកងកម្លាំងបន្តដំណើរឆ្ពោះទៅមុខ ដើម្បីដណ្តើមគ្រប់គ្រងឱ្យបានដល់ ៧០ភាគរយ។ យ៉ាង​ណាមិញ លោកនាយករដ្ឋមន្ត្រីរូបនេះ មិនបានពន្យល់លម្អិត ឬប្រាប់ពីវិធីសាស្ត្រថា តើអ៊ីស្រាអែលនឹងត្រូវធ្វើដូចម្តេច ដើម្បីសម្រេចផែនការពង្រីកទឹកដីថ្មីនេះឡើយ។

រឿងរ៉ាវនៅពីក្រោយការរំកិលព្រំដែននេះ បើក្រឡេកទៅមើលកាលពីខែតុលាឆ្នាំមុន កងទ័ពអ៊ីស្រាអែល ធ្លាប់បានប្រកាសថា ពួកគេគ្រប់គ្រងទឹកដីហ្គាហ្សាបានតែ ៥៣ភាគរយប៉ុណ្ណោះ បន្ទាប់ពីបានដកទ័ពទៅកាន់តំបន់មួយ ដែលគេហៅថា «ខ្សែបន្ទាត់ពណ៌លឿង»។ ខ្សែបន្ទាត់នេះ គឺជាតំបន់បែងចែកបណ្តោះអាសន្ននៅភាគខាងកើតនៃហ្គាហ្សា ដែលខណ្ឌដាច់រវាងតំបន់គ្រប់គ្រងដោយយោធាអ៊ីស្រាអែល និងតំបន់ដែលប្រជាជនប៉ាឡេស្ទីន ត្រូវបានអនុញ្ញាតឱ្យរស់នៅ។ កាលណោះ ការរៀបចំនេះ ធ្វើឡើង ក្រោមដំណាក់កាលទីមួយ នៃផែនការរបស់ប្រធានាធិបតីអាមេរិក លោក ដូណាល់ ត្រាំ ដើម្បីបញ្ចប់សង្រ្គាម ហើយគេរំពឹងថា អ៊ីស្រាអែល នឹងត្រូវដកទ័ពបន្ថែមទៀត នៅក្នុងដំណាក់កាលទីពីរ ដែលបានចាប់ផ្តើម កាលពីខែមករា។

ប៉ុន្តែ អ្វីៗមិនបានដើរទៅតាមការរំពឹងទុកនោះទេ ព្រោះប្រភពពីខាងប៉ាឡេស្ទីន បានអះអាងថា ខ្សែបន្ទាត់ព្រំដែនបណ្តោះអាសន្ននោះ ត្រូវបានអ៊ីស្រាអែលរំកិលរុលទៅទិសខាងលិចជាលំដាប់ ក្នុងរយៈពេលប៉ុន្មានខែចុងក្រោយនេះ។ លោក Bassem Naim មន្ត្រីជាន់ខ្ពស់ម្នាក់របស់ក្រុមហាម៉ាស បានប្រាប់ថា អ៊ីស្រាអែលបានលួចរំកិលខ្សែបន្ទាត់នោះ ចូលជ្រៅទៅក្នុងទឹកដីហ្គាហ្សាបន្ថែមពី ៨ ទៅ ៩ ភាគរយទៀត ដែលធ្វើឱ្យផ្ទៃដីក្រោមការកាន់កាប់របស់អ៊ីស្រាអែលហក់ឡើងហួសពី ៦០ភាគរយនាពេលបច្ចុប្បន្ន។

ការកាត់រំកិលយកដីនេះ បានធ្វើឱ្យទីធ្លារស់នៅ សម្រាប់ប្រជាជនប៉ាឡេស្ទីន ត្រូវរួញតូចមកនៅត្រឹមតែប្រហែល ៣៨ភាគរយប៉ុណ្ណោះនៃតំបន់ហ្គាហ្សាទាំងមូល។ ស្ថានភាពបែបនេះ បានធ្វើឱ្យវិបត្តិមនុស្សធម៌ ដែលកំពុងតែដុនដាបស្រាប់ ឱ្យកាន់តែធ្លាក់ដុនដាបខ្លាំងឡើងៗ និងបង្កជាក្តីទុក្ខវេទនាយ៉ាងខ្លាំងដល់ប្រជាជន ដែលគ្មានទីជម្រក។

គួរបញ្ជាក់ផងដែរថា ចាប់តាំងពីអ៊ីស្រាអែល បានចាប់ផ្តើមវាយប្រហារយ៉ាងសាហាវឃោរឃៅនៅតំបន់ហ្គាហ្សា កាលពីខែតុលា ឆ្នាំ២០២៣ មក មានប្រជាជនប៉ាឡេស្ទីនជាង ៧២ ០០០នាក់ហើយ ដែលបានបាត់បង់ជីវិត និងជាង ១៧២ ០០០នាក់ផ្សេងទៀត បានរងរបួស ដែលភាគច្រើនលើសលប់នៃជនរងគ្រោះទាំងនោះ គឺជាស្ត្រី និងកុមារស្លូតត្រង់៕

ប្រែសម្រួល៖ ឈាង

The post ណេតាន់យ៉ាហ៊ូ ប្រកាសថា គ្រប់គ្រងដីហ្គាហ្សាបាន ៦០% ហើយត្រៀមលេបយកថែមទៀត appeared first on Kampuchea Thmey Daily.

តាម​ការ​ផ្សាយរបស់ UPI នាថ្ងៃ​ទី​២៦ ខែមេសា ឆ្នាំ​២០២៦ វាគឺជាលើកដំបូងបំផុតក្នុងរយៈពេល ២០ឆ្នាំ ដែលការបោះឆ្នោតត្រូវបានរៀបចំឡើងនៅក្នុងតំបន់ហ្គាហ្សា ជាពិសេសនៅទីក្រុង Deir al-Balah ដែលជាតំបន់​រង​ការបំផ្លិចបំផ្លាញខ្លាំង​បំផុត បន្ទាប់ពីឆ្លងកាត់ការវាយប្រហារតាមអាកាសពីសំណាក់អ៊ីស្រាអែលអស់រយៈពេល ២ឆ្នាំ។

ការបោះឆ្នោតនេះ ត្រូវបានរៀបចំឡើងដោយអាជ្ញាធរប៉ាឡេស្ទីន ដោយមានលក្ខខណ្ឌតម្រូវឲ្យបេក្ខជនទាំងអស់ត្រូវយល់ព្រមតាមគោលការណ៍របស់ អង្គការរំដោះប៉ាឡេស្ទីន (PLO) ក្នុងការទទួលស្គាល់រដ្ឋអ៊ីស្រាអែល និងគាំទ្រដំណោះស្រាយរដ្ឋពីរទន្ទឹមគ្នា។ ចំណែកឯក្រុមហាម៉ាសវិញ មិនត្រូវបានអនុញ្ញាតឲ្យ​ចូលរួមក្នុងការបោះឆ្នោតនេះឡើយ បើទោះបីជាពួកគេធ្លាប់បានគ្រប់គ្រងតំបន់ហ្គាហ្សានេះអស់រយៈពេលជាង ២ទសវត្សរ៍ និងមិនដែលរៀបចំឲ្យមានការបោះឆ្នោតទាល់តែសោះចាប់តាំងពីឆ្នាំ២០០៦ មក។

បរិយាកាសនៃការបោះឆ្នោត ត្រូវបានពលរដ្ឋចាត់ទុកថាជា «ការអបអរសាទរលទ្ធិប្រជាធិបតេយ្យដ៏ពិតប្រាកដ»។ លោក Salama Badwan ដែលបានទៅបោះឆ្នោតជាមួយភរិយា និងកូនស្រី បានបង្ហាញក្ដីរំភើបថា ការផ្លាស់ប្តូរគ្រប់យ៉ាងត្រូវតែធ្វើឡើងតាមរយៈហិបឆ្នោត ហើយអ្នកដែលឈ្នះត្រូវតែទទួលបានសិទ្ធិដឹកនាំ តាមរយៈដៃរបស់ប្រជាជនផ្ទាល់ មិនមែនតាមរយៈការបន្តពូជពង្សនោះទេ។ ទោះបីជាមានពលរដ្ឋប្រហែលតែ ៥ភាគរយប៉ុណ្ណោះ នៃចំនួនប្រជាជនហ្គាហ្សាសរុបដែលបានចូលរួម ដោយសារទីតាំងបោះឆ្នោត និងសម្ភារៈជាច្រើនត្រូវបានបំផ្លាញក្នុងសង្គ្រាម ប៉ុន្តែនេះគឺជាជំហានដ៏សំខាន់មួយ។

នៅក្នុងការបោះឆ្នោតនេះ គណបក្សហ្វាតាហ៍ (Fatah) របស់អាជ្ញាធរប៉ាឡេស្ទីន គឺជាអ្នកនាំមុខគេនៅក្នុងបញ្ជីបោះឆ្នោតសម្រាប់ក្រុមប្រឹក្សាក្រុង និងភូមិជាច្រើន។ ជាមួយគ្នានេះដែរ ក្រុមហាម៉ាសក៏បានសម្តែងការគាំទ្រចំពោះការបោះឆ្នោតនៅហ្គាហ្សានេះ ហើយសង្ឃឹមថា តំបន់ដទៃទៀតនឹងមានឱកាសជ្រើសរើសមេដឹកនាំដោយខ្លួនឯងបែបនេះដែរ បើទោះបីជាកាលពីអតីតកាល ពួកគេធ្លាប់បានប្រើកម្លាំងបណ្តេញក្រុមហ្វាតាហ៍ចេញពីតំបន់ហ្គាហ្សាក៏ដោយ។ លទ្ធផលនៃការបោះឆ្នោតនេះ ត្រូវបានរំពឹងថានឹងប្រកាស​ឲ្យដឹងជាផ្លូវការ នៅចុងសប្តាហ៍នេះ៕

ប្រែសម្រួល៖ ឈាង

The post ពលរដ្ឋនៅហ្គាហ្សា បានបោះឆ្នោតជាលើកដំបូង ក្នុងរយៈពេល ២០ឆ្នាំ appeared first on Kampuchea Thmey Daily.

​​នៅ​ក្នុងសារ​បង្ហោះតាមបណ្តាញ​សង្គម​​​ហ្វេសប៊ុក​​នាយករដ្ឋមន្ត្រី​អ៊ីស្រាអែល លោក ណេតានយ៉ាហ៊ូ ​បាន​ផ្ញើ​ជាពិសេសដល់​​​មិត្ត​​សាសនិក​គ្រិស្តបរិស័ទ​​ក្នុង​ប្រទេសអ៊ីស្រាអែល សហរដ្ឋអាមេរិក និង​​​ជុំវិញពិភពលោក​ ដោយ​បាន​បង្ហញថា គ្រិស្តបរិស័ទត្រូវបានគេធ្វើទុក្ខបុកម្នេញនៅទូទាំងមជ្ឈិមបូព៌ា នៅក្នុងប្រទេសស៊ីរី លីបង់ នីហ្សេរីយ៉ា តួកគី និងលើសពីនេះ។

​នាយករដ្ឋមន្ត្រី​អ៊ីស្រាអែល​ដែល​ពិភព​លោក​ មើលឃើញ​ថា លែង​​ស្តាប់​ដំណោះស្រាយ​​ពហុភាគី​និង​ដំណោះស្រាយ​​អន្តរជាតិ បាន​​អះអាង​ថា៖«នៅក្នុងតំបន់របស់យើង មានតែអ៊ីស្រាអែលទេដែលការពារសហគមន៍គ្រិស្តបរិស័ទរបស់យើង ដែលកំពុង​កើន​ឡើង​ និងរីកចម្រើន»​។

​នាយករដ្នមន្ត្រី​ អ៊ីស្រាអែល បន្តថា នៅក្នុងទឹកដីនេះ ដែលរឿងរ៉ាវបានចាប់ផ្តើម នៅពេលដែលមីស៊ីលត្រូវបានបាញ់ទៅលើរដ្ឋធានីរបស់យើង គឺទីក្រុងយេរូសាឡឹមដ៏ពិសិដ្ឋ ហើយនៅពេលដែលសហរដ្ឋអាមេរិក និងអ៊ីស្រាអែលឈរយ៉ាងរឹងមាំប្រឆាំងនឹងរបបអ៊ីរ៉ង់ និងក្រុមភេរវកររបស់ខ្លួន យើងបន្តការពារសេរីភាពនៃការគោរពបូជាសម្រាប់ជំនឿទាំងអស់យ៉ាងខ្ជាប់ខ្ជួន ជាពិសេសនៅពេលវេលាដ៏ពិសិដ្ឋនេះ។

​សារ​របស់​នាយករដ្ឋមន្ត្រីអីស្រាអែល ក៏បាន​បញ្ជាក់ដែរថា សូម្បីតែស្ថិតនៅក្រោមការវាយប្រហារក៏ដោយ ការប្តេជ្ញាចិត្តរបស់យើងគឺមិនរង្គោះរង្គើឡើយ៖ ដើម្បីការពារជីវិត ការពារសេរីភាព និងធានាថាអ្នកជឿគ្រប់រូបអាចអធិស្ឋានដោយសន្តិភាព។.

​ក្នុងជម្លោះ​ដែលកំពុង​បន្ត​​​ជាមួយអ៊ីរ៉ង់​ដែលអ៊ីស្រាអែល​ចោទ​​ថា ជាមេក្លោង​នៅពីក្រោយ​​​​​ក្រុម​ភេរវករ​​នៅ​​ក្នុងប្រទេសជាច្រើន​ រួម​មានស៊ីរី ​លីបង់ យេម៉ែន និង​ប្រទេសដទៃទៀត ​នាយករដ្ឋមន្ត្រី​អ៊ីស្រាអែល ​​បាន​បើក​ការ​វាយប្រហារ​​អ៊ីរ៉ង់​រួម​គ្នា​ជាមួយសហរដ្ឋអាមេរិក​ ដោយ​​សម្លាប់មេដឹកនាំ​សាសនា​អ៊ីរ៉ង់ លោក ​អាយ៉ាតូលា អាលី ខេមមេណៃ​ (Ayattolah Ali Khemenei) ​កាល​ថ្ងៃទី​​១ខែ​មីនា ​និង​បណ្តាល​ឲ្យ​ប្រជាជន​អ៊ីស្លាម​​​រាប់លាន​នាក់​រងទុក្ខវេទនា​នៅទូទាំង​មជ្ឈិម​បូព៌ា​៕

​រ៉ាន់ រើយ​​

The post នាយករដ្ឋមន្ត្រី​អ៊ីស្រាអែល ទាញ​​គ្រិស្តបរិស័ទ​​​​ឲ្យឈឺចាប់ ​​​ក្នុងសង្គ្រាម​​ដែលខ្លួន​វាយ​ប្រហារ​​អ៊ិស្លាម​យ៉ាងដំណំ​​​ appeared first on Kampuchea Thmey Daily.

យោង​តាម BBC ចុះ​ផ្សាយ​ថ្ងៃទី​៣១​ខែ​មីនា​ឆ្នាំ​២០២៦ ច្បាប់ថ្មី​ទើប​អនុម័ត​នេះតម្រូវ​ឲ្យ​ជនជាប់ចោទត្រូវទទួលទោសដោយការព្យួរកក្នុងកំឡុងពេលពី​៣​​ទៅ​៦​ខែ បន្ទាប់ពីការកាត់ទោសបានបញ្ចប់ជាស្ថាពរ។ ការសម្រេចចិត្តនេះទទួលបានសំឡេង​គាំទ្រ៦២​ទល់នឹង​៤៨ ហើយក៏មានការជ្រោមជ្រែងយ៉ាងខ្លាំងពីសំណាក់លោកនាយករដ្ឋមន្ត្រី បេនចាមីន ណេតាន់យ៉ាហ៊ូ ផងដែរ។

នៅខាងភាគីរដ្ឋាភិបាល ជាពិសេសរដ្ឋមន្ត្រីសន្តិសុខជាតិ Itamar Ben Gvir ដែលជាអ្នកជំរុញច្បាប់នេះ បានសម្តែងការសប្បាយរីករាយយ៉ាងខ្លាំងដោយចាត់ទុកថា នេះគឺជាការសម្រេចតាមសន្យាដែលបានផ្តល់ជូនប្រជាពលរដ្ឋ។ ទោះជាយ៉ាងណាក៏ដោយ ច្បាប់នេះបានក្លាយជាប្រធានបទដ៏ចម្រូងចម្រាសបំផុត ដោយសារវាផ្ដោតសំខាន់ទៅលើតែការវាយប្រហារណាដែលមានបំណងចង់លុបបំបាត់រដ្ឋអ៊ីស្រាអែល ដែលចំណុចនេះហើយដែលធ្វើ​ឲ្យ​អ្នករិះគន់យល់ថា វាហាក់ដូចជាបង្កើតឡើងដើម្បីដាក់ទោសតែជនជាតិប៉ាឡេស្ទីន ប៉ុន្តែមិនបានរាប់បញ្ចូលជនជាតិអ៊ីស្រាអែលឡើយ ប្រសិនបើពួកគេបង្កកំហុសស្រដៀងគ្នានេះ។

ក្រៅពីការជជែកដេញដោលនៅក្នុងស្រុក បណ្តាប្រទេសនៅអឺរ៉ុប និងក្រុមសិទ្ធិមនុស្សនានាបានចេញមុខមកព្រមានថា ច្បាប់នេះគឺជាការរើសអើង និងកំពុងធ្វើឲ្យ​ប៉ះពាល់ដល់តម្លៃនៃលទ្ធិប្រជាធិបតេយ្យយ៉ាងធ្ងន់ធ្ងរ។ សូម្បីតែមេដឹកនាំបក្សប្រឆាំងនៅក្នុងប្រទេសអ៊ីស្រាអែលផ្ទាល់ ក៏បានរិះគន់ដែរថា ច្បាប់នេះគ្រាន់តែជាល្បិចកលនយោបាយដើម្បីយកចិត្តអ្នកគាំទ្រតែប៉ុណ្ណោះ ហើយវាមិនបានជួយពង្រឹងសន្តិសុខជាតិ​​ឲ្យ​បានប្រសើរជាងមុននោះឡើយ។

ខណៈពេលដែលក្រុមហាម៉ាស និងអាជ្ញាធរប៉ាឡេស្ទីនបានថ្កោលទោសថា នេះគឺជាការធ្វើ​ឲ្យ​ការសម្លាប់មនុស្សក្លាយជារឿងស្របច្បាប់ សមាគមសិទ្ធិស៊ីវិលនៅក្នុងប្រទេសអ៊ីស្រាអែលក៏មិនបាននៅស្ងៀមដែរ។ ពួកគេបានដាក់ពាក្យបណ្តឹងទៅកាន់តុលាការកំពូលភ្លាមៗ ដើម្បីតវ៉ាថាច្បាប់នេះគឺផ្ទុយនឹងរដ្ឋធម្មនុញ្ញ និងមិនមានអំណាចផ្លូវច្បាប់ទៅលើប្រជាជនដែលរស់នៅក្នុងតំបន់ West Bank នោះទេ។ ស្ថានភាពនេះកំពុងធ្វើ​ឲ្យ​បរិយាកាសនយោបាយ និងសន្តិសុខនៅក្នុងតំបន់កាន់តែមានភាពតានតឹងខ្លាំងឡើងពីមួយថ្ងៃទៅមួយថ្ងៃ៕

ប្រែសម្រួល៖ ឈាង

The post អ៊ីស្រាអែលអនុម័តច្បាប់ប្រហារជីវិត ចំពោះជនជាតិប៉ាឡេស្ទីនដែលជាប់ចោទពីបទភេរវកម្ម appeared first on Kampuchea Thmey Daily.

CNA បានដកស្រង់ទិន្នន័យរបស់អង្គការក្រៅរដ្ឋាភិបាលអ៊ីស្រាអែល Hatzlacha ដែលលាតត្រដាងថា បុគ្គលជិត២០០នាក់មកពីតំបន់អាស៊ីអាគ្នេយ៍ គឺស្ថិតក្នុងចំណោមទាហានជាង ៥០ ០០០នាក់ ក្នុងជួរកងទ័ពអ៊ីស្រាអែល ដែលកាន់លិខិតឆ្លងដែនលើសពីមួយ។

បើនិយាយត្រឹមក្របខ័ណ្ឌអាស៊ីអាគ្នយ៍, គិតត្រឹមខែមីនាឆ្នាំ២០២៥ ជនជាតិហ្វីលីពីនដែលចូលធ្វើទាហានឲ្យអ៊ីស្រាអែលគឺមានច្រើនជាងគេ រហូតដល់ទៅ១១១នាក់ បន្ទាប់មកគឺថៃ មាន៧១នាក់, វៀតណាម៤នាក់, សិង្ហបុរី២នាក់ និងឥណ្ឌូណេស៊ីម្នាក់។

ជុំវិញរឿងនេះ ក្រសួងការបរទេសថៃ បានប្រាប់ CNA ថា ខ្លួនមិនមានរក្សាទុកនូវទិន្នន័យនៃបុគ្គលដែលមានសញ្ជាតិពីរឡើយ។ ទិន្នន័យចុះបញ្ជីរដ្ឋប្បវេណី គឺស្ថិតនៅក្រោមការគ្រប់គ្រងរបស់ការិយាល័យរដ្ឋបាលចុះបញ្ជី នៃក្រសួងមហាផ្ទៃឯណោះទេ។

ចំណែកបើនិយាយសរុបជារួមវិញ អ្នកមានសញ្ជាតិអាមេរិកដែលចូលធ្វើទាហានឲ្យអីស្រាអែល មានច្រើនជាងគេ ពោលគឺក្នុងចំណោមពួកគេ មានអ្នកកាន់សញ្ជាតិឌុប (អ៊ីស្រាអែល-អាមេរិក) ១២ ១៣៥នាក់ ខណៈ ១ ២០៧ នាក់ផ្សេងទៀត កាន់លិខិតឆ្លងដែនយ៉ាងតិចមួយទៀត (សញ្ជាតិទីបី)»។

នៅអ៊ីស្រាអែល ការចូលបម្រើកងទ័ពគឺជាកាតព្វកិច្ចច្បាប់សម្រាប់ប្រជាពលរដ្ឋគ្រប់រូប ទាំងប្រុសទាំងស្រី។ ដូច្នេះ ជនជាតិណាដែលមានសញ្ជាតិអ៊ីស្រាអែល គឺត្រូវតែចូលបម្រើទ័ព ចៀសមិនរួចឡើយ។

សូមជម្រាបជាថ្មី អ៊ីស្រាអែលបានចាប់ផ្តើមប្រតិបត្តិការយោធាក្នុងតំបន់ហ្គាហ្សា បន្ទាប់ពីក្រុមសកម្មប្រយុទ្ធហាម៉ាស បើកការវាយប្រហារនៅភាគខាងត្បូងប្រទេសអ៊ីស្រាអែល នៅថ្ងៃទី៧ខែតុលា ឆ្នាំ ២០២៣ ដែលសម្លាប់មនុស្សប្រហែល ១ ២០០ នាក់ និងចាប់ខ្លួន ២៥១ នាក់ធ្វើជាចំណាប់ខ្មាំង។

ដោយឡែក បើយោងតាមក្រសួងសុខាភិបាលហ្គាហ្សា, គិតត្រឹមថ្ងៃទី២០ ខែកុម្ភៈ ឆ្នាំ២០២៦ ចំនួនពលរដ្ឋប៉ាឡេស្ទីនស្លាប់នៅហ្គាហ្សា ចាប់តាំងពីការចាប់ផ្ដើមនៃជម្លោះកាលពីថ្ងៃទី ៧ ខែតុលា ឆ្នាំ ២០២៣មក បានកើនឡើងដល់ ៧២ ០៦៩ នាក់ ខណៈ ១៧១ ៧២៨ នាក់ផ្សេងទៀតរងរបួស៕

អត្ថបទ៖ សុខ សុវណ្ណ

The post ជនជាតិថៃ៧១នាក់ ចូលធ្វើទាហានឲ្យអ៊ីស្រាអែល ប្រយុទ្ធក្នុងសង្គ្រាមនៅ ហ្គាហ្សា appeared first on Kampuchea Thmey Daily.