ការចេញមុខស្នើរបស់លោក អ៉ឹម ជីវ៉ា ខាងលើនេះ ស្របពេលកាលពីថ្មីៗកន្លងទៅមានលេចឮដំណឹងថា មានអ្នកចង់ទិញសិទ្ធិកម្មវិធីមួយនេះមកធ្វើនៅប្រទេសកម្ពុជា។ ដោយលោក អ៉ឹម ជីវ៉ា ក៏បានប្រកាសព្រមានដែរថា បើបវរកញ្ញាណាហ៊ានទៅប្រកួត MGI លោកនឹងនាំហ្វេនទៅស្វាគមន៍ដល់ព្រលានយន្តហោះ។

ផ្អែកតាមខ្លឹមសារដែលលោក អ៉ឹម ជីវ៉ា បានសរសេរបញ្ចេញនៅលើគណនីហ្វេសប៊ុកបានរៀបរាប់ថា “កាលពីមុនប្អូនស្រី អុឹម សុគន្ធា ឈ្លោះជាមួយកញ្ចាស់ណា វ៉ាត់ កាលណោះ ថៃមើលងាយខ្មែរមានគេលើកឡើងថា ជាជម្លោះឯកជនតែពេលនេះជនជាតិថៃម្ចាស់ Miss Grand international ផុសមើលងាយប្រមាថមេដឹកនាំខ្មែរ រដ្ឋាភិបាលខ្មែរ តើនេះជាជម្លោះឯកជនទៀតទេ?”។

លោកចោទសួរថា “តើគួឱ្យមានកម្មវិធីនេះលើទឹកដីខ្មែរទៀតទេ?” និងស្នើថា “ខ្ញុំបាទ អុឹម ជីវ៉ា សូមស្នើដល់ក្រសួងវប្បធម៌ និងវិចិត្រសិល្ប: ព្រមទាំងក្រសួងពាក់ព័ន្ធ មេត្តាត្រួតពិនិត្យបញ្ហានេះដោយក្តីអនុគ្រោះផង”។

ទន្ទឹមនេះ លោក អ៉ឹម ជីវ៉ា លើកឡើងដោយប្រើពាក្យពេចន៍ធ្ងន់ៗ ជាពិសេសទៅកាន់អ្នកដែលហ៊ាននាំយកកម្មវិធីមួយនេះមកកម្ពុជា ឬបវរកញ្ញារូបណាក៏ដោយដែលហ៊ានចូលរួមប្រកួតកម្មវិធីមួយនេះ ដោយព្រមានថា លោកនឹងនាំអ្នកគាំទ្រ ទៅស្វាគមន៍ដល់អាកាសយានដ្ឋានអន្តរជាតិតែម្តង៕ ចាន់រ៉ា

The post អ៉ឹម ជីវ៉ា ស្នើក្រសួងពាក់ព័ន្ធជួយពិនិត្យលើកម្មវិធី MGI ព្រោះយល់ថា មិនគួរឱ្យដំណើរការនៅកម្ពុជាទៀតឡើយ appeared first on Kampuchea Thmey Daily.

បវរកញ្ញាវ័យ ២១ឆ្នាំ បានទៅសម្រាកលំហែកាយនៅទីក្រុង Milano ប្រទេសអ៊ីតាលី។ នាងស្លៀកពាក់ទាន់សម័យ រីករាយនឹងទិដ្ឋភាពតាមដងផ្លូវ និងបានភ្លក់មុខម្ហូបធម្មតានៅទីនេះយ៉ាងសប្បាយរីករាយ ហាក់មិនបានបង្ហាញថាមានទុក្ខព្រួយឬកង្វល់ក្នុងចិត្តសូម្បីតែបន្តិចណាឡើយ។

មិនតែប៉ុណ្ណោះ កាលពេលកន្លង​មក Rachel បាន​បង្ហោះ​រូបថត​ជា​បន្តបន្ទាប់ ​ដែល​ចូលរួម​ព្រឹត្តិការណ៍​មួយ​នៅ​ប្រទេស​បារាំង។ នាង​បាន​ស្លៀក​រ៉ូប​ពណ៌​ខ្មៅ​ដែល​មាន​ការ​តុបតែង​យ៉ាង​ភ្លឺ​ចែងចាំង​ បង្ហាញ​ដើមទ្រូង​ដ៏​ទាក់ទាញ​ក្នុងនាមជារាជិនីសម្រស់ឯកប្រចាំប្រទេសកំណើត។

នៅខាងក្រោមការបង្ហោះនូវរូបភាពទាំងប៉ុន្មានរបសតារាស្រី ទស្សនិកជនជាច្រើនបានបន្សល់ទុកនូវការកោតសរសើរ និងលើកទឹកចិត្តចំពោះអតីតម្ចាស់មកុដ MGI យ៉ាងគគ្រឹកគគ្រេង។ ក្នុងនោះ នាង​ក៏​រក្សា​អារម្មណ៍​ធូរស្រាល​ពេល​ឆ្លើយ​តប​ទស្សនិកជន​តាម​បណ្តាញ​សង្គម។

លើសពីនេះ អ្នកលេងអ៊ីនធឺណិតបានបញ្ចេញមតិលើកទឹកចិត្តឲ្យរូបនាងដើរទៅមុខបន្តទោះជាគ្មានមកុដជារាជិនីក្ដី ប៉ុន្តែសូមឲ្យនាងក្រោកឈរឡើងសម្រាប់អ្នកដែលគាំទ្រនាងកន្លងមក។ អ្នកខ្លះថែមទាំងព្រលយសម្ដីថា ឥឡូវនេះពួកគេបានដឹងការពិតហើយថាអ្នកណាល្អ អ្នកណាអាក្រក់។ ទោះជាគេដកហូតមកុដ ប៉ុន្តែនាងហាក់ដូចជាមិនខ្វល់ច្រើនអំពីការដកហូតមកុដទេ ហើយហាក់កំពុងបន្តជីវិតយ៉ាងសប្បាយរីករាយ។

Rachel Gupta បានប្រកាសលាលែងពីតំណែង Miss Grand International 2024 កាលពីថ្ងៃទី ២៨ ខែឧសភា។ បន្ទាប់ពីដកតំណែងនេះ នាងបានធ្វើសន្និសីទសារព័ត៌មានមួយដោយថ្កោលទោសលោក Nawat និងស្ថាប័ន MGI ។

ទោះបីជាយ៉ាងណាក៏ដោយ មិនទុកឲ្យជូរផ្អូមឡើយភ្លាមៗនោះលោក Nawat ក៏​បាន​ធ្វើ​សន្និសីទ​កាសែតបរិហារ​លើ Rachel វិញ គណៈកម្មាធិការ​រៀបចំ​កម្មវិធី MGI ក៏​បាន​ធ្វើការ​ចោទប្រកាន់​ចំនួន​៩ ​ប្រឆាំង​នឹងរាជិនី​សម្រស់​ជនជាតិ​ឥណ្ឌា​ផងដែរ៕

អត្ថបទ៖ សាង ស្រីល័ក្ខ

ចុចអាន៖​ទស្សនិកជនចំហមាត់ភ្ញាក់ផ្អើល ក្រោយឃើញសម្រស់ឪពុក​ Fan Bingbing ​ក្នុងវ័យ ៧៣ ឆ្នាំ

The post រាជិនីសម្រស់ឥណ្ឌា Rachel មានស្ថានភាពយ៉ាងណាហើយ ក្រោយ​គ្រវាត់ចោលមកុដ MGI គ្មានស្រណោះ  appeared first on Kampuchea Thmey Daily.

បវរកញ្ញាបារាំងរូបនេះបានបង្ហោះវីដេអូឃ្លិបមួយទាំងនៅបណ្ដាញសង្គម TikTok និង Instagram អមដោយខេបសិនថា «បន្ទាប់ពីស្ងប់ស្ងាត់អស់ជាច្រើនខែ ខ្ញុំជ្រើសរើសបង្កើតភាពច្បាស់លាស់ មិនមែនព្រោះតែខឹងទេ តែដោយសារខ្ញុំស្រលាញ់សន្តិភាព។ នៅក្នុងតម្លៃផ្ទាល់ខ្លួនរបស់អ្នក និងភាពជាស្ត្រីដែលខ្ញុំជិតក្លាយជា ប៉ុន្តែថ្ងៃនេះខ្ញុំកំពុងឈានជើងចូលទៅក្នុងជំពូកថ្មីមួយ ដែលខ្ញុំមានសេរីភាពពេញលេញក្នុងការនិយាយ។ ដើរតាមលក្ខខណ្ឌរបស់ខ្ញុំជាមួយមនុស្សដែលគោរពខ្ញុំ។ វាមិនមែនដោយសារតែអ្វីដែលខ្ញុំតំណាងនោះទេ។ ប៉ុន្តែ​ដោយ​សារ​អត្តសញ្ញាណ​ពិត​របស់​ខ្ញុំ»។

លើសពីនេះទៀត លំដាប់រងលេខ៣ក៏បានបង្ហោះវីដេអូឃ្លីបពីរឿងរ៉ាវរបស់នាងឡើងវិញជាមួយនឹងចំណងជើងជាភាសាថៃដែលបកប្រែថា «តំណែងមិនបានធ្វើឲ្យខ្ញុំមានតម្លៃផ្ទាល់ខ្លួនទេ។ សូមអរគុណ MGI សម្រាប់ការធ្វើដំណើរនេះ ប៉ុន្តែខ្ញុំរងការអាម៉ាស់ ហើយមិនដែលបានទទួលការគោរពដែលសមនឹងទទួលបាននោះទេ»។

នៅក្នុងវីដេអូពេញដែលនាងបានបង្ហោះនោះ ខ្លឹមសារនៃអ៊ីមែលដែលនាងផ្ញើទៅ MGI ត្រូវបានបង្ហាញឲ្យដឹង ដែលជាភ្លើងចំបើងចុងក្រោយដែលនាំឲ្យនាងសម្រេចចិត្តចុះចេញពីតំណែង។ នាងបានចោទប្រកាន់អង្គការ MGI អំពីបញ្ហាសំខាន់ៗជាច្រើន ដោយអះអាងថាលោកណាវ៉ាត់បានប្រមាថនាងនៅក្នុងការផ្សាយផ្ទាល់ម្តង ដោយហៅនាងថាជាស្ត្រីដែលទាមទារចំណាប់អារម្មណ៍ ហើយ​និយាយ​បង្កប់ន័យ​ថា តិចនាង​យក​លុយរត់​បាត់​ទៅ​។ ប៉ុន្តែ​នាង​ពន្យល់វិញថា មូលហេតុ​ដែល​នាង​ត្រឡប់​មក​ប្រទេសកំណើត​មុន​ពេល​នោះ គឺ​ដោយសារ​ម្តាយ​នាង​ឈឺ ។ ប៉ុន្តែផ្ទុយទៅវិញ ពួកគេអនុញ្ញាតឲ្យមានការយល់ច្រឡំកើតឡើងដោយមិនពន្យល់ហេតុផលឲ្យច្បាសលាស់់។

ក្នុងរយៈពេលប៉ុន្មានខែកន្លងមកនេះ Safiethu បានអះអាងថា នាងបានក្លាយជាគោលដៅនៃការវាយប្រហារ ការប្រមាថ ទាំងក្នុងទម្រង់វីដេអូ និងបញ្ហាផ្សេងៗទៀត ប៉ុន្តែគ្មាននរណាម្នាក់មកពី MGI ចេញមុខការពារ ឬនិយាយការពិតនោះទេ។ បន្ទាប់ពីព្យាយាមទាក់ទងមនុស្សនៅក្នុងស្ថាប័ន ប៉ុន្តែត្រូវបានគេមិនអើពើហើយកាន់តែធ្វើឲ្យបញ្ហាអាក្រក់។ នាងអះអាងថា Teresa (អនុប្រធាន MGI) បានរារាំងនាងនៅលើ WhatsApp ហើយទាំង Teresa និង Boss Nawat បានឈប់តាមដាននាងនៅលើ Instagram ថែមទៀត។ ទោះបីជាមនុស្សនៅក្នុងស្ថាប័ននិយាយថា នាងនៅតែជាគ្រួសារ ប៉ុន្តែនាងមានអារម្មណ៍ថាមិនស្មោះត្រង់។ ដោយសារតែបណ្តាញទំនាក់ទំនងរបស់នាងត្រូវបានបិទសឹងទាំងអស់។

ម្ចាស់ជ័យលាភីលេខ៣ MGI បានបង្ហាញឲ្យទៀតដឹងថា មុននឹងប្រកាសអំពីបញ្ហានេះ នាងបានទុកពេលឲ្យភាគីស្ថាប័នចំនួន ៧២ ម៉ោង ដើម្បីចេញសេចក្តីថ្លែងការណ៍ផ្លូវការអំពីស្ថានភាពរបស់នាង។ ជាពិសេស ដើម្បី​បញ្ចប់​ពាក្យ​ចចាម​អារ៉ាម​ដែល​ថា​នាង​ត្រូវ​បាន​គេ​ដក​ចេញ​ពី​តំណែង។ ប៉ុន្តែ​នៅ​ពេលស្ថាប័ននានា​នៅ​ស្ងៀម ដូច្នេះ​នាង​ក៏​សម្រេច​ចិត្ត​ដក​ខ្លួន​ចេញដោយខ្លួនឯងតែម្ដង។

Safiethu Kabengele បានបង្ហើបពីមូលហេតុដែលនាងជ្រើសរើសនិយាយអំពីបញ្ហានេះនៅថ្ងៃនេះ ដោយសារតែកំឡុងពេលមុនបវរកញ្ញា Christine Juliane Hinkle Opiaza ដែលជាលំដាប់រងលេខមួយនឹងគ្រងមកុដ Miss Grand International 2024 ជំនួស Rachel Gupta អាចថាស្ថាប័នកំពុងតែរវល់ជាមួយពិធី ដូច្នេះហើយទើបនាងជ្រើសរើសនិយាយនៅពេលនេះតែម្ដង៕

អត្ថបទ៖ សាង ស្រីល័ក្ខ

ចុចអាន៖លោកណាវ៉ាត់ វាយបកទៅកាន់អតីតម្ចាស់មកុដ MGI ផាំងៗថា នាងមានក្លិនខ្លួននិងស្អុយក្លៀកខ្លាំង

The post បវរកញ្ញាបារាំង លើក​មូលហេតុនាំឲ្យបោះបង់​​លំដាប់រងលេខ៣ MGI ព្រោះតែរងការប្រមាថ appeared first on Kampuchea Thmey Daily.

ជាក់ស្ដែង ដំណឹងដែលមេធំ MGI ប្រកាសដកតំណែង Rachel Gupta ធ្វើឲ្យអ្នកលេងអ៊ីនធឺណេតអន្តរជាតិមានការភ្ញាក់ផ្អើលជាខ្លាំង។ ភ្លាមៗនោះដែរ អ្នក​ទាំង​ពីរ​បានចេញមុខវាយប្រហារគ្នាយ៉ាង​តានតឹង​ទៅ​វិញ​ទៅ​មក​ ដោយឥតសំចៃមាត់ឡើយ។

ក្នុង​កិច្ច​សម្ភាសន៍ដដែលនោះ លោកបាន​ធ្វើ​ការ​ភ្ញាក់ផ្អើល​ម្តង​ទៀត​ពេល​បញ្ចេញ​មតិ​ពី​រាជិនីសម្រស់​ឥណ្ឌាដោយន័យត្រង់ៗថា នាង Rachel ពិតជាមានក្លិនក្លៀកខ្លាំង ក្លិនគឺពិតជាមានមែន។ អាកប្បកិរិយា​របស់​លោក រឹតតែ​ខឹងសម្បារ​នៅពេល​និយាយដល់នាង ​ហើយថែមទាំងឆ្លៀត​សើចចំអកទៅលើរូបរាងរបស់នាងយ៉ាងសប្បាយក្អាកក្អាយ។

ទោះបីជាយ៉ាងណាក៏ដោយ មហាជនជាច្រើនយល់ឃើញថា ការរិះគន់ជាសាធារណៈរបស់លោកលើរូបរាងមនុស្សស្រី ឬសូម្បីតែលើកឡើងពីបញ្ហារសើប គឺជាការមិនគោរព រំលោភលើឯកជនភាពផ្ទាល់ខ្លួន និងមិនស័ក្តិសមសម្រាប់តំណែងជាប្រធានស្ថាប័នសម្រស់អន្តរជាតិឡើយ។

កន្លងមក ប្រធាន MGI រូបនេះ ក៏បានបង្កការខឹងសម្បារផងដែរ នៅពេលដែលលោកបង្ហោះរូបថតជាសាធារណៈ ដែលបង្ហាញពីការផ្លាស់ប្តូររូបរាងរបស់ Rachel ជាពិសេសបវរកញ្ញាឥណ្ឌា ដែលត្រូវបានគេសង្ស័យថាធ្វើការវះកាត់កែសម្ផស្សមុនពេលចូលប្រកួតលើឆាក។

នាពេលនោះ លោកបាននិយាយឡូងៗថា នាងមិនបាននិយាយប្រាបត្រង់ និងមិនបានទទួលការអនុញ្ញាតពីស្ថាប័ន។ នៅពេលពួកយើងសួរ នាងបែរជាឆ្លើយថា មកពីនាងញ៉ាំប្រូតេអ៊ីនច្រើន ហើយថែមទាំងអះអាងទៀតថា មិនមានការវះកាត់កែសម្ផស្សទេ។

ចំពោះ Rachel Gupta វិញ នាង​បាន​និយាយ​ថា នាង​បាន​សម្រេច​ចិត្ត​លាលែង​ពី​កម្មវិធី Miss Grand International 2024 ហើយ​ប្រគល់​មកុដ​វិញ។ អ្វី​ដែល​គួរ​ឲ្យ​កត់​សម្គាល់​នោះ រូប​សម្រស់​ឥណ្ឌាក៏​បាន​និយាយ​ថា​នាង​ត្រូវ​​គេ​រិះគន់​ឥត​ឈប់​ឈរ​ចំពោះ​រូបរាង​ផ្ទាល់ខ្លួន បង្ខំឲ្យស្រកទម្ងន់ ថែមទាំងជេរប្រមាថ និងបញ្ចេញមតិអវិជ្ជមានអំពីរាងកាយ ដោយមនុស្សមកពីស្ថាប័ន Miss Grand ។

ថ្វីបើយ៉ាងណាក៏ដោយ Rachel Gupta មិន​មែន​ជា​បវរកញ្ញាទី​មួយ​ ដែល​ទទួល​បាន​ការ​អត្ថាធិប្បាយ​បែបឈ្លើយនិងគញមានសុជីវធម៌​ពី​លោកណាវ៉ាត់ឡើយ។

រម្លឹកទៅកាន់នៅឆ្នាំ ២០២២ បវរកញ្ញា Doan Thien An ត្រូវបានប្រធាន Miss Grand រិះគន់ចំពោះការបង្ហាញខ្លួនរបស់នាង នៅពេលនាងតំណាងឲ្យប្រទេសវៀតណាមក្នុងកម្មវិធី Miss Grand International ។ ជាក់ស្តែងក្រោយកម្មវិធី MGI នៅវគ្គផ្តាច់ព្រ័ត្រ នៅពេលសួរអំពីមូលហេតុដែលបវរកញ្ញារូបនេះមិនជាប់ក្នុង Top 10 លោកណាវ៉ាត់ បាននិយាយថា Thien An គឺជាបេក្ខនារីតែមួយគត់ដែលមានរាងកាយផ្នែកខាងលើ​វែងពេក និងត្រគាកធំ ដូច្នេះមិនមានលក្ខណៈសម្បត្តិគ្រប់គ្រាន់ដើម្បីបំពេញតាមលក្ខណៈវិនិច្ឆ័យរាងកាយទេ។

ក្រៅ​ពី​នោះ លោក​បាន​លើក​ឡើង​ថា ចំណាត់​ថ្នាក់​កំពូល​ទាំង​២០ ជាសមិទ្ធិផល​ដ៏​មាន​ស្ថិរភាព និង​ល្អ​បំផុត​សម្រាប់​វៀត​ណាម៕

អត្ថបទ៖ សាង ស្រីល័ក្ខ

ចុចអាន៖អតីតម្ចាស់មកុដ MGI ធ្វើ​សន្និសីទ​កាសែត​បរិហារពីលោកណាវ៉ាត់ខ្ទេចខ្ទីគ្មានសល់

The post លោកណាវ៉ាត់ វាយបកទៅកាន់អតីតម្ចាស់មកុដ MGI ផាំងៗថា នាងមានក្លិនខ្លួននិងស្អុយក្លៀកខ្លាំង appeared first on Kampuchea Thmey Daily.

នៅក្នុងសន្និសីទសារព័ត៌មានមួយនៅក្នុងប្រទេសកំណើត Rachel បាននិយាយថា នាងត្រូវបានយាយី និងប្រមាថទាំងផ្លូវកាយ និងផ្លូវចិត្តដោយមនុស្សនៅក្នុងស្ថាប័ន ជាពិសេសប្រធាន MGI គឺលោក Nawat និងអនុប្រធានលោកស្រី Teresa ផ្ទាល់តែម្ដង។

ដើម្បីផ្តល់ឧទាហរណ៍អំពីរឿងនេះ Rachel បានលើកឡើងករណីជាច្រើនរួមទាំងតំណាងរបស់វៀតណាមនៅឯ Miss Grand International 2022 គឺនាង Doan Thien An ។ បន្ទាប់ពីជម្រុះ Thien An ចេញពី Top 20 លោកណាវ៉ាត់បានរិះគន់ជាសាធារណៈថា នាងមាន​ដងខ្លួន​វែងពេក និងត្រគាកធំ ដូច្នេះមិនមានលក្ខណៈសម្បត្តិគ្រប់គ្រាន់ទាក់ទិននឹងរូបរាង។

បន្ទាប់ពី Rachel ប្រកាសលាលែងពីដំណែង នាងបានអះអាងថា ស្ថាប័ន MGI បានចាប់ផ្តើមយុទ្ធនាការលាបពណ៌ប្រឆាំងនឹងនាង។ នាង​បាន​និយាយ​ថា​៖ «ពួក​គេ​បាន​យក​ការ​លើក​ឡើង​ពី​មនុស្ស​ដែល​មិន​ពាក់ព័ន្ធ​នឹង​ឧប្បត្តិហេតុ​នេះ​ដើម្បី​បង្ខូចកេរ្តិ៍ឈ្មោះ និង​បំផ្លាញ​កេរ្តិ៍ឈ្មោះ​របស់ខ្ញុំ​»​។

រាជិនីសម្រស់វ័យ២១ឆ្នាំ ក៏បានអះអាងថា MGI ដឹកនាំមតិសាធារណៈឲ្យរិះគន់ម្តាយនិងប្អូនស្រីរបស់នាង ហើយផ្សព្វផ្សាយពាក្យចចាមអារ៉ាមជាច្រើនអំពីអាយុ និងប្រវត្តិគ្រួសាររបស់នាង។ នេះ​ជា​រឿង​មិន​ចាំ​បាច់​ទេ ស្ថាប័នកំពុង​ធ្វើ​បែប​នេះ​ដើម្បី​បន្ទាប​ឈ្មោះ និង​កេរ្តិ៍ឈ្មោះ​ក្នុង​ប្រទេស​កំណើត​របស់​នាងតែប៉ុណ្ណោះ។

នាង Rachel បាននិយាយនៅចំពោះមុខអ្នកសារព័ត៌មានថា «ខ្ញុំធ្វើបែបនេះសម្រាប់នារីៗដែលមានក្តីស្រមៃដូចខ្ញុំ ខ្ញុំចង់ឲ្យពួកគេដឹងថា ស្ថាប័ននេះគួរឲ្យស្អប់ខ្ពើមយ៉ាងណា ខ្ញុំចង់ឲ្យក្មេងស្រីចេះការពារខ្លួន ដើម្បីកុំឲ្យនរណាម្នាក់ធ្លាក់ក្នុងស្ថានភាពដូចខ្ញុំ ព្រោះថាបើទោះជាអ្នកឈ្នះ ប៉ុន្តែនៅតែប្រព្រឹត្តបែបនេះ មានន័យថា អ្នករៀបចំមិនគោរពសិទ្ធិរបស់អ្នក សុវត្ថិភាពរបស់អ្នក ជាពិសេសមិនគោរពសិទ្ធិមនុស្សជាទូទៅ»។

ទោះជាយ៉ាងណាក៏ដោយ កាលពីថ្ងៃទី ២៨ ខែឧសភា Rachel Gupta បានបង្ហោះអត្ថបទមួយប្រកាសលាលែងពីតំណែង Miss Grand International 2024 ថា «ខ្ញុំពិតជាសោកស្តាយដែលបានចែករំលែកព័ត៌មាននេះ។ ខ្ញុំបានសម្រេចចិត្តលាលែងពីតំណែង MGI ហើយប្រគល់មកុដវិញ។ ប៉ុន្មានខែបន្ទាប់ពីការឡើងគ្រងរាជ្យរបស់ខ្ញុំគឺជាថ្ងៃដ៏អាក្រក់ជាច្រើនថ្ងៃ និងបរិយាកាសពុលដែលខ្ញុំមិនអាចទ្រាំទ្របានតទៅទៀត”។

ដោយមិនរង់ចាំយូរ ស្ថាប័ន MGI បានចេញសេចក្តីប្រកាសព័ត៌មានមួយដោយដកហូតមកុដពីនាង Rachel ។ សេចក្តីប្រកាសនោះបានសរសេរថាស្ថាប័ន MGI បានប្រកាសថា ខ្លួនបានដកតំណែងបវរកញ្ញា Rachel Gupta។ ការសម្រេចចិត្តនេះត្រូវបានធ្វើឡើងបន្ទាប់ពីនាងខកខានមិនបានបំពេញភារកិច្ចដែលបានកំណត់ ចូលរួមក្នុងគម្រោងខាងក្រៅដោយគ្មានការយល់ព្រមជាមុនពីស្ថាប័ន​ និងបដិសេធមិនចូលរួមក្នុងដំណើរកម្សាន្តទៅកាន់ប្រទេស Guatemala។

យ៉ាងណាមិញ បន្ទាប់ពី Rachel ធ្វើសន្និសីទកាសែតរួច លោកណាវ៉ាត់ក៏បានបញ្ជាក់ដែរថា នឹងធ្វើសន្និសីទសារព័ត៌មាននៅប្រទេសថៃដើម្បីបញ្ជាក់អំពីហេតុការណ៍នេះដែរ។ កាលពីមុន គេហទំព័រ MGI បានចេញផ្សាយភស្តុតាងជាច្រើនប្រឆាំងនឹង Rachel ។ ឧបទ្ទវហេតុ​ដ៏​ចម្រូងចម្រាសនេះបាន​ទាក់ទាញ​ចំណាប់អារម្មណ៍​អ្នកគាំទ្រាំរាជិនីសម្រស់​អន្តរជាតិយ៉ាងភ្លូកទឹកភ្លូកដី៕

អត្ថបទ៖ សាង ស្រីល័ក្ខ

ចុចអាន៖ត្រឹមកន្លះឆ្នាំ រាជិនីសម្រស់៣ប្រទេសផ្សេងគ្នា បោះ​បង់​មកុដ MGI ខណៈអ្នកខ្លះផ្ទុះរឿងស្រូវផ្លូវច្បាប់

The post អតីតម្ចាស់មកុដ MGI ធ្វើ​សន្និសីទ​កាសែត​បរិហារពីលោកណាវ៉ាត់ខ្ទេចខ្ទីគ្មានសល់ appeared first on Kampuchea Thmey Daily.

ដោយសារមហិច្ឆតាចង់គ្រងដំណែងបវរកញ្ញាចក្រវាល មេ MGI បានបណ្តោយឲ្យមានចន្លោះប្រហោង និងវិបត្តិធ្ងន់ធ្ងរជាច្រើនកើតចេញពីគំនិតដែលលោកបានខិតខំកសាងអស់ជាយូរ។ ជាងនេះទៀតដែរ ការ​ប្រកួត​បវរកញ្ញា Miss Grand ត្រូវ​បាន​គេ​និយាយ​ថា ​កំពុង​ឈាន​ចូល​ដល់​ដំណាក់កាល​ធ្លាក់​ចូល​ក្នុង​វិបត្តិដ៏​ជ្រាលជ្រៅ​​។

ត្រឹមតែកន្លះឆ្នាំ ក្រោយកម្មវិធីប្រកួត MGI ឆ្នាំ ២០២៤ វគ្គផ្តាច់ព្រ័ត្រ រាជិនីសម្រស់៣ រូបក្នុងចំណោម៥ នាក់បានគ្រងមកុដ។ ប៉ុន្តែមកដលបច្ចុប្បន្ននេះ បវរកញ្ញាទាំង៣ដួងមកពីប្រទេសផ្សេងគ្នាសុទ្ធតែបោះចោលមកុដ ក្រោមហេតុផលដូចគ្នា។

រម្លឹក​ទៅ​កាន់​ការប្រកួត Miss Grand International 2024 នៅក្នុងវគ្គផ្តាច់ព្រ័ត្រ លោក Nawat បានសម្រេចចិត្តដកតំណែងម្ចាស់ជ័យលាភីលេខ២ របស់បវរកញ្ញា Thae Su Nyein ដែលតំណាងឲ្យប្រទេសមីយ៉ាន់ម៉ា ដោយសារ​តែ​ពាក្យ​សម្តី​មិន​សមរម្យរបស់នាង។

ក្នុងអំឡុងពេលវគ្គផ្តាច់ព្រ័ត្រ នាយកប្រទេសមីយ៉ាន់ម៉ា (ND) បានដកមកុដរបស់បវរកញ្ញា Thae Su Nyein គ្រវែងចោល ហើយបាននាំនាងចេញពីឆាកភ្លាមៗ។ ពេលនោះ នាងក៏បានប្រកាសថា នាងមិនចង់បានតំណែងជើងឯករងទីពីរទេ ហើយក៏មិនចង់រក្សាវាសម្រាប់ខ្លួនឯងដែរ។

ក្រោយមក នៅខែធ្នូ ឆ្នាំ ២០២៤ លោក Nawat បានសម្រេចចិត្តដកតំណែងលំដាប់រងទី៣ ពីរាជិនីសម្រស់ Safiétou Kabengele បន្ទាប់ពីនាងបានរិះគន់ជាសាធារណៈទៅលើម្ចាស់មកុដ Rachel Gupta នៅលើបណ្តាញសង្គម។ រូបនាងផ្ទាល់ក៏បាននិយាយប៉ុន្មានម៉ាត់ទៅកាន់ស្ថាប័ន MGI ថា មិនចង់បានតំណែងក្លែងក្លាយនោះទេ។

ក្រោយ​ដក​មកុដ​ម្ចាស់​ជ័យលាភី​លេខ​២ និង​លេខ​៣ លោក Nawat មិន​បាន​លើក​បវរកញ្ញាផ្សេង​មក​ជំនួស​ពួកគេទាំងពីរឡើយ ។ ដោយឡែក កាលពីថ្ងៃទី ២៨ ខែឧសភា រាជិនីសម្រស់ឥណ្ឌានាង Rachel Gupta បានបង្ហោះអត្ថបទមួយប្រកាសលាលែងពីតំណែង MGI 2024។ នាងបានសរសេរថា «ខ្ញុំមានការសោកស្តាយយ៉ាងខ្លាំងដែលបានចែករំលែកព័ត៌មាននេះ។ ខ្ញុំបានសម្រេចចិត្តលាលែងក្នុងនាមជាម្ចាស់ជ័យលាភីឯកកាលឆ្នាំ២០២៤ ហើយប្រគល់មកុដនេះទៅស្ថាប័នវិញ»។

ជាមួយនឹងការបន្តដកហូតមកុដរបស់ Rachel Gupta ត្រូវបានចាត់ទុកថាជារដូវកាលដែលមិនស្ថិតស្ថេរបំផុតក្នុងប្រវត្តិសាស្ត្រ។ដំណឹងនៃការលាលែងរបស់នាង បានធ្វើឲ្យអ្នក​គាំទ្រ​វិស័យរាជិនីសម្រស់ពិតជាមានការភ្ញាក់​ផ្អើល​ជា​ខ្លាំងផងដែរ។

ជាងនេះទៅទៀត ក្នុងឆមាសទីមួយនៃឆ្នាំ ២០២៥ អ្នកជំនួញថៃរូបនេះហាក់ផ្តោតការខិតខំប្រឹងប្រែង និងថវិការ ដើម្បីដណ្តើមយកកម្មវិធីប្រកួតបវរកញ្ញាចក្រវាល។ កាលពីខែកុម្ភៈ លោកបានចំណាយប្រាក់ចំនួន ៥.៤ លានដុល្លារអាមេរិក ដើម្បីរក្សាសិទ្ធិរបស់ Miss Universe ថៃ ពីឆ្នាំ ២០២៥ ដល់ ២០២៩ ។ នៅចុងឆ្នាំ ២០២៥ លោក និងក្រុមការងារ MGI នឹងរៀបចំកម្មវិធី Miss Universe 2025 ដោយទទួលយករាល់ការផលិត ទីផ្សារ និងការចែកចាយសំបុត្រសម្រាប់រដូវកាលទី ៧៤ ។

ទន្ទឹមពេលដែលមេធំរូបនេះ កំពុងមមាញឹកក្នុងការដណ្តើមយកក្តីស្រមៃរបស់ខ្លួនអំពីកម្មវិធីចក្រវាឡនោះ កេរ្តិ៍ឈ្មោះរបស់ស្ថាប័ន MGI ត្រូវបានប៉ះពាល់ នៅពេលដែលម្ចាស់មកុដដែលបានឈ្នះការប្រកួតជាបន្តបន្ទាប់ជួបប្រទះរឿងអាស្រូវ។

កាលពីពាក់កណ្តាលខែឧសភា នាង Nguyen Thuc Thuy Tien ដែលជាម្ចាស់មកុដឆ្នាំ២០២៤ បានបង្កឲ្យមានការភ្ញាក់ផ្អើលនៅក្នុងវេទិការាជិនីសម្រស់ក្នុងស្រុក និងអន្តរជាតិ។ ទោះបីជាកិច្ចសន្យារបស់នាង ជាមួយ MGI បានផុតកំណត់យូរហើយក៏ដោយ ប៉ុន្តែក្រោមសម្ពាធពីមតិសាធារណៈអន្តរជាតិ លោក Nawat ត្រូវបង្ខំចិត្តនិយាយចេញមកថាមិនពាក់ព័ន្ធជាមួយបវរកញ្ញាវៀតណាមទៀតទេ។ ព្រោះកុងត្រាជាមួយស្ថាប័ននាងបានចប់យូរហើយ។

មិនយូរប៉ុន្មាន Miss Grand International 2023 នាង Luciana Fuster ក៏ត្រូវជាប់ក្នុងរឿងអាស្រូវផងដែរ។ នាង​ត្រូវ​បាន​អ្នក​ទិញលើបណ្ដាញសង្គម TikTok ចោទ​ប្រកាន់​ពី​បទ​លក់​ទំនិញ​ក្លែង​បន្លំ ដោយ​ប្រើ​ស្លាក​យីហោ​អន្តរជាតិ​ដើម្បី​ភ្ជាប់​ជាមួយ​នឹង​ផលិតផល​របស់​ខ្លួន។ ជាមួយនឹងកេរ្តិ៍ឈ្មោះជាសម្រស់ដ៏មានឥទ្ធិពលបំផុតមួយរបស់ប្រទេសប៉េរូ ឧបទ្ទវហេតុនេះបានធ្វើឲ្យរូបភាពរបស់នាងធ្លាក់ចុះក្នុងក្រសែភ្នែកអ្នកគាំទ្រ។

រឿងអាស្រូវរបស់ Thuy Tien និង Luciana Fuster ត្រូវបានគេនិយាយថា បានជះឥទ្ធិពលយ៉ាងខ្លាំងដល់កេរ្តិ៍ឈ្មោះរបស់លោក Nawat ជាពិសេសនិងស្ថាប័ន MGI ជាទូទៅតែម្ដង៕

អត្ថបទ៖ សាង ស្រីល័ក្ខ

ចុចអាន៖បវរកញ្ញា Gupta ​ទម្លាយថា ជីវិត​ដ៏​​វេទនា ​ចាប់​តាំង​ពី​​ឈ្នះ​​មកុដ​ MGI

The post ត្រឹមកន្លះឆ្នាំ រាជិនីសម្រស់៣ប្រទេសផ្សេងគ្នា បោះ​បង់​មកុដ MGI ខណៈអ្នកខ្លះផ្ទុះរឿងស្រូវផ្លូវច្បាប់ appeared first on Kampuchea Thmey Daily.

នៅក្នុង​វីដេអូ​ដែល​មាន​រយៈពេល​៥៦នាទី បវរកញ្ញា​អន្តរជាតិ​ដំបូង​គេ​​មក​ពី​ប្រទេស​ឥណ្ឌា បាន​រៀបរាប់​ពី​អ្វី​ដែល​ខ្លួន​បាន​ឆ្លងកាត់​ក្នុង​រយៈពេល៧​ខែ​ចុង​ក្រោយ​នេះ។ ​នាង​ Rachel បាននិយាយថា អ្នកជាច្រើនបានដឹងថា អ្វីមួយមិនត្រឹមត្រូវ។ រូបនាងផ្ទាល់ក៏បានអានមតិយោបល់ទាំងអស់ ហើយដឹងថាមនុស្សជាច្រើនបានលួចប្រាប់ថា សម័យកាលរបស់នាងជាជើង​ឯកនេះ មិនដំណើរការល្អទេ។ មុននិងក្រោយ នឹងមានបញ្ហាជាមួយស្ថាប័ន​​​ជាក់​ជា​មិនខាន។

បវរកញ្ញាឥណ្ឌាវ័យ២១ឆ្នាំរូបនេះបាននិយាយបន្ថែមទៀតថា កន្លងមកនាងបានខិតខំប្រឹងប្រែងយ៉ាងខ្លាំង ក្នុងក្តីសុបិនដ៏ធំ ក្នុងការឈ្នះមកុដ MGI។ ប៉ុន្តែ​អ្វី​ៗ​បាន​ត្រឹម​​ជាការ​ខកចិត្ត ព្រោះ​អ្វីដែលខ្លួនទទួលបានមកវិញគឺការបៀតបៀនឥតឈប់​ឈរ ការធ្វើទារុណកម្មផ្លូវចិត្ត ការធ្វើបាប ហើយវាស្ថិតក្នុងកម្រិតជាប្រព័ន្ធតែម្ដង។

Rachel បានបញ្ចាក់ថា វា​មិន​អាច​ទៅ​រួច​ក្នុង​ការ​ធ្វើ​ការ​ជាមួយ MGI ដោយ​សារ​ពួក​គេ​ប្រព្រឹត្ត​ចំពោះ​មនុស្សដូចមិនមែនមនុស្ស។ ​ពួកគេ​ខ្វល់​តែ​រឿង​លុយ​កាក់ប៉ុណ្ណោះ​។ នាងបាននៅក្នុងប្រទេសថៃជាច្រើនខែមកហើយ ប៉ុន្តែស្ថាប័នមិនបានផ្តល់ឲ្យនាងនូវគ្រឿងបរិក្ខារជាមូលដ្ឋានទេ។

នាង​បាន​បន្ថែម​ថា បន្ទាប់ពីឈ្នះ នាង​ត្រូវ​បាន​ផ្តល់​កន្លែង​ស្នាក់​នៅ​ទាប​នៅ​ជាយ​ក្រុង​បាងកក វាដូចជាផ្ទះដែលទ្រុឌទ្រោម ហើយ​ប្រាក់​ឧបត្ថម្ភ​ប្រចាំខែ​របស់​នាង​ក៏លែងមានឲ្យ បន្ទាប់​ពី​ខែ​ដំបូង។ នាង​មិន​មាន​​ឡាន​មកទទួល ស្ថាប័ន​ក៏​មិន​បាន​ផ្តល់​​ទូរស័ព្ទ​ដៃ​ឲ្យ​ប្រើ​ ឬចាន​ឆ្នាំង​នៅ​ក្នុង​ផ្ទះ​សម្រាប់​ធ្វើ​ម្ហូប​ដែរ។ នាងត្រូវកុម្ម៉ង់អាហារពីសេវាដឹកជញ្ជូន ប៉ុន្តែពួកគេមក​យឺត​ដោយសារផ្ទះនៅឆ្ងាយពីក្រុងពេក។​ ជាពិសេស ពួកគេបានបង្ខាំនិងចាក់សោរនាងនៅក្នុងផ្ទះ និងហាមឲ្យឡើងទម្ងន់ដើម្បីបង្ហាញខ្លួនក្នុងការលកផលិតផល។

រាជិ​នី​សម្រស់​ឥណ្ឌា បានបញ្ចាក់ជាចុងក្រោយថា តាមពិតមុនពេលមកប្រកួត នាង​ចង់​លើក​កម្ពស់​ការ​យល់​ដឹង​ពី​បញ្ហា​សង្គម។ «ហេតុផលតែមួយគត់ដែលខ្ញុំធ្វើនេះ គឺការប្រើសំឡេងរបស់ខ្ញុំក្នុងន័យសំខាន់ជ្រាបទៅដល់មនុស្សគ្រប់គ្នា មិនមែនលក់ទឹកម្ទេស និងទឹកសៀងនៅលើ TikTok ទេ ។ ពួកគេបានប្រើរឿងបញ្ឈប់សង្រ្គាម និងអំពើហិង្សា ប៉ុន្តែគ្រប់យ៉ាងសុទ្ធតែក្លែងក្លាយទាំងអស់។

ទន្ទឹមគ្នានោះដែរ នាង Rachel Gupta បានហៅលោក Nawat និងអ្នកស្រី Teresa ថា ជាអ្នកជំនួញចិត្តត្រជាក់ដែលគ្រាន់តែចង់ទាញយកប្រយោជន៍ និងប្រើប្រាស់បវរកញ្ញាដើម្បីរកលុយពីពួកគេប៉ុណ្ណោះ៕

អត្ថបទ៖ សាង ស្រីល័ក្ខ

ចុចអាន៖បវរកញ្ញា Rachel Gupta ប្រកាសលាលែងតំណែង MGI ឯស្ថាប័នសុំយកមកុដវិញឆាប់ៗ

The post បវរកញ្ញា Gupta ​ទម្លាយថា ជីវិត​ដ៏​​វេទនា ​ចាប់​តាំង​ពី​​ឈ្នះ​​មកុដ​ MGI appeared first on Kampuchea Thmey Daily.

យោងតាមការចុះផ្សាយពី thethaiger នៅថ្ងៃទី២៨ ខែឧសភា ដោយដកស្រងនូវសាររបស់រាជិនីសម្រសវ័យ២១ឆ្នាំបានបង្ហោះតាមរយៈ Instagram ផ្ទាល់​ខ្លួនថា ការឈ្នះតំណែងនេះគឺជាសុបិនមួយដែលបានក្លាយជាការពិត។ មោទនភាព​ក្នុង​ការ​តំណាង​ប្រទេស​និង​បង្កើត​ប្រវត្តិសាស្ត្រ ប៉ុន្តែ​ប៉ុន្មាន​ខែ​បន្ទាប់​ពី​ចូល​កាន់​តំណែង​ នាងបាន​ប្រឈម​មុខ​នឹង​ការ​សន្យា​ដែល​មិន​បាន​បំពេញ​ការ​អនុវត្ត​មិន​ត្រឹមត្រូវ និង​បរិស្ថាន​ពុល រញ៉េរញៃ ​រហូត​ដល់​នាង​មិន​អាច​ទ្រាំទ្រ​នឹង​ភាព​ស្ងៀមស្ងាត់​ទាំងនេះបាន​ទៀត​ទេ។

បវរកញ្ញាជនជាតិឥណ្ឌារូបនេះបានសង្កត់ធ្ងន់ថា ការសម្រេចចិត្តនេះមិនមែនជាការងាយស្រួលនោះទេ។ ព័ត៌មានលម្អិតនឹងត្រូវបានបង្ហាញតាមរយៈវីដេអូឆាប់ៗនេះ។ ពេលនេះ Rachel សុំការអាណិតអាសូរ និងការយោគយល់របស់អ្នករាល់គ្នា រួមទាំងការគាំទ្រ សម្រាប់ជំហានបន្ទាប់របស់នាង។

ក្នុង​សំណេរដ៏វែងអន្លាយនោះដែរ នាង Rachel ​ក៏​បាន​សុំ​ទោស​អ្នក​គាំទ្រ​ជុំវិញពិភពលោក ប្រសិនបើព័ត៌មានមួយនេះបានធ្វើឲ្យអ្នកគាំទ្រវិស័យសម្រស់ខកចិត្ត នាងសូមបញ្ជាក់ម្តងទៀតថា នេះគឺជាការសម្រេចចិត្តដ៏ត្រឹមត្រូវសម្រាប់មួយនិងអស់រយៈពេលជាយូរហើយ។

ដោយឡែក ងាកទៅកាន់ស្ថាប័ន Miss Grand International ក៏បានប្រកាសនៅក្នុងសេចក្តីថ្លែងការណ៍មួយថា ស្ថាប័នសូមប្រកាសពីការបញ្ចប់តំណែង Miss Grand International 2024 របស់បរកញ្ញា Rachel Gupta ។ ការ​សម្រេច​ចិត្ត​នេះ​ត្រូវ​បាន​ធ្វើ​ឡើង​ដោយ​សារ​នាង​អសមត្ថភាព​ក្នុង​ការ​បំពេញ​ភារកិច្ច​ដែល​នាង​បាន​កំណត់។ ការចូលរួមនៅក្នុងគម្រោងខាងក្រៅដោយគ្មានការយល់ព្រមជាមុនពីស្ថាប័ន និងការបដិសេធមិនចូលរួមក្នុងការធ្វើដំណើរដែលបានគ្រោងទុកទៅប្រទេសហ្គាតេម៉ាឡា។

ជា​លទ្ធផល ស្ថាប័នបាន​សម្រេច​ដក​តំណែង​នាង​ជា​បន្ទាន់! លោកស្រី Rachel Gupta នឹងមិនត្រូវបានអនុញ្ញាតឲ្យប្រើឈ្មោះជាម្ចាស់មកុដ និងលែងពាក់ព័ន្ធ MGI ទៀតហើយ។ ដូច្នេះ ពួកយើងស្នើសុំឲ្យប្រគល់មកុដនេះទៅទីស្នាក់ការកណ្តាល MGI ក្នុងរយៈពេល ៣០ រាប់ចាប់ពីថ្ងៃចាប់ពីថ្ងៃប្រកាសដំណឹងនេះតទៅ។

សូមជម្រាបជូនថា Rachel Gupta ជារាជិនីសម្រស់វ័យ ២១ ឆ្នាំ​ តំណាងឲ្យប្រទេស​ឥណ្ឌា កើត​នៅ​ថ្ងៃ​ទី ២៣ ខែ មករា ឆ្នាំ ២០០៤ នៅ Patiala រដ្ឋ Punjab ។ ជាមួយ​នឹង​សម្រស់​ដ៏​ស្រស់​ស្អាត និង​ភាសា​បរទេសល្អ នាងបានបង្កើត​ប្រវត្តិសាស្ត្រ​ជា​ជនជាតិ​ឥណ្ឌា​ដំបូង​គេ ​ដោយឈ្នះ​មកុដ Miss Grand International ឆ្នាំ២០២៤ យ៉ាងភ្លូកទឹកភ្លូកដី៕

អត្ថបទ៖ សាង ស្រីល័ក្ខ

ចុចអាន៖ជោគជ័យលើអាជីព តែជីវិត​គូ​តារា​ជើង​ចាស់ Choi Jung Woo ​បរាជ័យ​ដ៏​អាថ៌កំបាំ​ង​

The post បវរកញ្ញា Rachel Gupta ប្រកាសលាលែងតំណែង MGI ឯស្ថាប័នសុំយកមកុដវិញឆាប់ៗ appeared first on Kampuchea Thmey Daily.