ជីវិតកម្សាន្ដ

លោកណាវ៉ាត់ វាយបកទៅកាន់អតីតម្ចាស់មកុដ MGI ផាំងៗថា នាងមានក្លិនខ្លួននិងស្អុយក្លៀកខ្លាំង

បានផុស

២ ខែ មុន

នៅ

ថ្ងៃព្រហស្បតិ៍ ៥ មិថុនា ២០២៥

ដោយ

ក្នុងកិច្ចសម្ភាសន៍នាពេលថ្មីៗនេះ លោកណាវ៉ាត់ ជាថ្មីម្តងទៀតបានធ្វើឲ្យគ្រប់គ្នាភ្ញាក់ផ្អើលជាមួយនឹងការបញ្ចេញមតិរបស់លោកអំពីម្ចាស់ជ័យលាភី Miss Grand International 2024 (MGI) គឺបវរកញ្ញាឥណ្ឌានាង Rachel Gupta ដែលទើបនឹងដកខ្លួនចេញពីតំណែងក្ដៅៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែង ដំណឹងដែលមេធំ MGI ប្រកាសដកតំណែង Rachel Gupta ធ្វើឲ្យអ្នកលេងអ៊ីនធឺណេតអន្តរជាតិមានការភ្ញាក់ផ្អើលជាខ្លាំង។ ភ្លាមៗនោះដែរ អ្នកទាំងពីរបានចេញមុខវាយប្រហារគ្នាយ៉ាងតានតឹងទៅវិញទៅមក ដោយឥតសំចៃមាត់ឡើយ។

ក្នុងកិច្ចសម្ភាសន៍ដដែលនោះ លោកបានធ្វើការភ្ញាក់ផ្អើលម្តងទៀតពេលបញ្ចេញមតិពីរាជិនីសម្រស់ឥណ្ឌាដោយន័យត្រង់ៗថា នាង Rachel ពិតជាមានក្លិនក្លៀកខ្លាំង ក្លិនគឺពិតជាមានមែន។ អាកប្បកិរិយារបស់លោក រឹតតែខឹងសម្បារនៅពេលនិយាយដល់នាង ហើយថែមទាំងឆ្លៀតសើចចំអកទៅលើរូបរាងរបស់នាងយ៉ាងសប្បាយក្អាកក្អាយ។

ទោះបីជាយ៉ាងណាក៏ដោយ មហាជនជាច្រើនយល់ឃើញថា ការរិះគន់ជាសាធារណៈរបស់លោកលើរូបរាងមនុស្សស្រី ឬសូម្បីតែលើកឡើងពីបញ្ហារសើប គឺជាការមិនគោរព រំលោភលើឯកជនភាពផ្ទាល់ខ្លួន និងមិនស័ក្តិសមសម្រាប់តំណែងជាប្រធានស្ថាប័នសម្រស់អន្តរជាតិឡើយ។

កន្លងមក ប្រធាន MGI រូបនេះ ក៏បានបង្កការខឹងសម្បារផងដែរ នៅពេលដែលលោកបង្ហោះរូបថតជាសាធារណៈ ដែលបង្ហាញពីការផ្លាស់ប្តូររូបរាងរបស់ Rachel ជាពិសេសបវរកញ្ញាឥណ្ឌា ដែលត្រូវបានគេសង្ស័យថាធ្វើការវះកាត់កែសម្ផស្សមុនពេលចូលប្រកួតលើឆាក។

លោក Nawat បានបញ្ចេញជាសាធារណៈនូវរូបថត មុន និងក្រោយរបស់ Rachel ដោយសង្ស័យថានាងវះកាត់ពង្រីកដើមទ្រូង, រូបភាព៖2sao.vn

នាពេលនោះ លោកបាននិយាយឡូងៗថា នាងមិនបាននិយាយប្រាបត្រង់ និងមិនបានទទួលការអនុញ្ញាតពីស្ថាប័ន។ នៅពេលពួកយើងសួរ នាងបែរជាឆ្លើយថា មកពីនាងញ៉ាំប្រូតេអ៊ីនច្រើន ហើយថែមទាំងអះអាងទៀតថា មិនមានការវះកាត់កែសម្ផស្សទេ។

ចំពោះ Rachel Gupta វិញ នាងបាននិយាយថា នាងបានសម្រេចចិត្តលាលែងពីកម្មវិធី Miss Grand International 2024 ហើយប្រគល់មកុដវិញ។ អ្វីដែលគួរឲ្យកត់សម្គាល់នោះ រូបសម្រស់ឥណ្ឌាក៏បាននិយាយថានាងត្រូវគេរិះគន់ឥតឈប់ឈរចំពោះរូបរាងផ្ទាល់ខ្លួន បង្ខំឲ្យស្រកទម្ងន់ ថែមទាំងជេរប្រមាថ និងបញ្ចេញមតិអវិជ្ជមានអំពីរាងកាយ ដោយមនុស្សមកពីស្ថាប័ន Miss Grand ។

ថ្វីបើយ៉ាងណាក៏ដោយ Rachel Gupta មិនមែនជាបវរកញ្ញាទីមួយ ដែលទទួលបានការអត្ថាធិប្បាយបែបឈ្លើយនិងគញមានសុជីវធម៌ពីលោកណាវ៉ាត់ឡើយ។

រម្លឹកទៅកាន់នៅឆ្នាំ ២០២២ បវរកញ្ញា Doan Thien An ត្រូវបានប្រធាន Miss Grand រិះគន់ចំពោះការបង្ហាញខ្លួនរបស់នាង នៅពេលនាងតំណាងឲ្យប្រទេសវៀតណាមក្នុងកម្មវិធី Miss Grand International ។ ជាក់ស្តែងក្រោយកម្មវិធី MGI នៅវគ្គផ្តាច់ព្រ័ត្រ នៅពេលសួរអំពីមូលហេតុដែលបវរកញ្ញារូបនេះមិនជាប់ក្នុង Top 10 លោកណាវ៉ាត់ បាននិយាយថា Thien An គឺជាបេក្ខនារីតែមួយគត់ដែលមានរាងកាយផ្នែកខាងលើវែងពេក និងត្រគាកធំ ដូច្នេះមិនមានលក្ខណៈសម្បត្តិគ្រប់គ្រាន់ដើម្បីបំពេញតាមលក្ខណៈវិនិច្ឆ័យរាងកាយទេ។

ក្រៅពីនោះ លោកបានលើកឡើងថា ចំណាត់ថ្នាក់កំពូលទាំង២០ ជាសមិទ្ធិផលដ៏មានស្ថិរភាព និងល្អបំផុតសម្រាប់វៀតណាម៕