សាលក្រមរបស់សាលាឧទ្ធរណ៍លើការផ្តន្ទាទោសដាក់ពន្ធនាគាររយៈពេលប្រាំមួយខែ ព្យួររយៈពេលមួយឆ្នាំ ត្រូវបានតម្កល់ដោយតុលាការកំពូលកាលពីថ្ងៃសុក្រ ពីបទរំលោភលើច្បាប់ស្តីពីការដាក់ទណ្ឌកម្មធ្ងន់ធ្ងរនៃឧក្រិដ្ឋកម្មជាក់លាក់ ដែលរួមមានការគំរាមកំហែងសងសឹក និងការប្រជុំបង្ខិតបង្ខំ។

នាយកប្រតិបត្តិរូបនេះ ត្រូវបានចោទប្រកាន់ដោយគ្មានការឃុំខ្លួនក្នុងខែឧសភា ឆ្នាំ២០២០ បន្ទាប់ពីចោទប្រកាន់ពីបទជ្រៀតជ្រែកក្នុងការស៊ើបអង្កេតរបស់ប៉ូលិសទាក់ទងនឹងការប្រើប្រាស់គ្រឿងញៀនខុសច្បាប់ដោយតារាចម្រៀង B.I ដែលពេលនោះជាសមាជិកក្រុមចម្រៀង iKON ។

នៅពេលដែលអតីតសិក្ខាកាមស្រីក្រោមទ្រនំ YG បានផ្តល់សក្ខីកម្មប្រឆាំងនឹង B.I ដល់ប៉ូលិសក្នុងខែសីហា ឆ្នាំ ២០១៦ ក្នុងអំឡុងពេលស៊ើបអង្កេតផ្ទាល់លើការចោទប្រកាន់ពីបទប្រើប្រាស់គ្រឿងញៀនខុសច្បាប់ លោក Yang ពេលនោះបានទូរស័ព្ទទៅការិយាល័យរបស់គាត់ ហើយបានបង្ខំនាងឲ្យដកសក្ខីកម្មរបស់នាងឡើងវិញ។

ក្រោយមក Yang បានសារភាពថា ពិតជាបានជួបជាមួយសិក្ខាកាម ប៉ុន្តែបានបដិសេធការគំរាមកំហែងនាង ឲ្យផ្តល់សក្ខីកម្មមិនពិត។ ក្រោយមក B.I ទីបំផុតត្រូវបានកាត់ទោសឲ្យជាប់ពន្ធនាគាររយៈពេល៣ឆ្នាំ។

ការកាត់ក្តីលើកដំបូងក្នុងឆ្នាំ ២០២២ បានរកឃើញថា លោក Yang មិនមានកំហុសទេ ដោយលើកឡើងពីភស្តុតាងមិនគ្រប់គ្រាន់ ដែលថាលោកបានគំរាមកំហែងសិក្ខាកាម។ ការកាត់ក្តីលើកទីពីរក្នុងខែវិច្ឆិកា ឆ្នាំ ២០២៣ បានតម្កល់សេចក្តីសម្រេចនេះ ប៉ុន្តែបាននាំមកនូវការចោទប្រកាន់បន្ថែមលើការប្រជុំបង្ខិតបង្ខំ ដែលតុលាការបានចាត់ទុកថាលោកពិតជាមានពិរុទ្ធភាព។ ក្រោយមក មេ YG ត្រូវ​បាន​កាត់ទោស​ឲ្យជាប់​ពន្ធនាគារ​រយៈពេល​ប្រាំមួយ​ខែ​ដោយ​ព្យួរ​រយៈពេល​មួយ​ឆ្នាំ។

តុលាការ​ឧទ្ធរណ៍​បាន​និយាយ​ថា​ «​ផលិតករ Yang មាន​ឋានៈ​សង្គម និង​អំណាច​ល្អ​ជាង​គេ​ក្នុង​ឧស្សាហកម្ម​កម្សាន្ត បើ​ប្រៀបធៀប​នឹង​ជនរងគ្រោះ​។ ការជួបជាមួយជនរងគ្រោះក៏ធ្វើឡើងក្រោមកាលៈទេសៈមានការរឹតត្បិត។ បើទោះបីជា Yang មិនបានអះអាងច្បាស់ពីឋានៈ ឬអំណាចរបស់គាត់ ដោយបានផ្ដល់ទីតាំង កាលៈទេសៈ និងបរិបទដែលកិច្ចប្រជុំនេះកើតឡើងក៏ដោយ វាអាចត្រូវបានគេមើលឃើញថាជាការបង្ខិតបង្ខំ»។

ទោះជាយ៉ាងណាក៏ដោយ លោកបានប្តឹងឧទ្ធរណ៍ចំពោះការចោទប្រកាន់នេះ ប៉ុន្តែការកាត់ទោសត្រូវបានតម្កល់ដោយតុលាការកំពូល។ លោកក៏បាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា «ខ្ញុំមានការខកចិត្តចំពោះការសម្រេចចិត្តរបស់តុលាការកំពូល ប៉ុន្តែខ្ញុំទទួលយកសេចក្តីសម្រេចដោយរាបសារបំផុត។ ខ្ញុំនឹងអនុវត្តភារកិច្ចចម្បងរបស់ខ្ញុំដោយមានការប្រុងប្រយ័ត្ន និងការទទួលខុសត្រូវកាន់តែខ្លាំងទៅមុខ»៕

អត្ថបទ៖ សាង ស្រីល័ក្ខ

ចុចអាន៖ឃុំខ្លួនអត្តពលិកជម្រើសជាតិអ៊ីរ៉ង់៣រូប ក្រោយរំលោភបូកលើស្ត្រីជនជាតិកូរ៉េ

The post មេ YG ​មាន​ទោស​ ពី​បទបិទបាំងគ្រឿងញៀនតារាចម្រៀង B.I និងគំរាមគំហែងសិក្ខាកាម appeared first on Kampuchea Thmey Daily.

ផ្អែកតាមការបង្ហោះឡើងវិញដែលមានចំណងជើងថា «YG Composer បាត់ខ្លួនជាង ១០ ឆ្នាំ» កាលពីពេលថ្មីៗនេះ ស្រាប់តែរីករាលដាលនៅលើសហគមន៍អនឡាញរបស់កូរ៉េ theqoo ដោយបានទាក់ទាញអ្នកទស្សនាជាង ៩៣ម៉ឺនដង និងព្រួយបារម្ភពីការបាត់ខ្លួនដ៏អាថ៌កំបាំងរបស់លោក Perry ដែលជាអ្នកនិពន្ធបទចម្រៀងដំបូងបំផុតរបស់ផលិតកម្ម YG ។

គាត់ត្រូវបានគេស្គាល់ថាជាអ្នកសរសេរ និងផលិតបទចម្រៀងសម្រាប់សិល្បករលំដាប់កំពូលដូចជា Jinusean, 1TYM, Se7en, Lexy, និង Wheesung ។ ក្នុងចំណោមស្នាដៃដ៏ល្បីល្បាញបំផុតរបស់គាត់គឺ “Aesong-i” របស់តារាស្រី Lexy និង “One Time for Your Mind” របស់ក្រុម 1TYM ។ គាត់​ក៏​បាន​ចូល​រួម​ក្នុង​ការ​ផលិត​បទ​ដំបូង​ជា​ច្រើន​សម្រាប់​ក្រុម BIGBANG រួម​ទាំង​បទ​ចម្រៀង​ដូច​ជា «We Belong Together»។

ទោះបីជាយ៉ាងណាក៏ដោយ ថ្វីដ្បិតតែគាត់រួមចំណែកយ៉ាងធំធេងចំពោះឧស្សាហកម្មតន្ត្រីកូរ៉េក៏ដោយ ប៉ុន្តែ Perry បានបាត់ខ្លួនតាំងពីឆ្នាំ ២០១០។ យោងតាមរបាយការណ៍ ការបង្ហាញខ្លួនចុងក្រោយរបស់គាត់ គឺនៅប្រទេសកូរ៉េខាងត្បូងក្នុងឆ្នាំដដែល។ បន្ទាប់មកគាត់បានចាកចេញទៅសហរដ្ឋអាមេរិក ហើយបានកាត់ផ្តាច់ទំនាក់ទំនងជាមួយមិត្តរួមការងារ និងសមាជិកគ្រួសារទាំងស្រុង។ ចាប់តាំងពីឆ្នាំ២០១៣ មក តារាប្រុសមិនមានកិច្ចសន្យា សកម្មភាព ឬការមើលឃើញណាមួយនៅលើបណ្ដាញសង្គមទៀតឡើយ។

ចាប់តាំងពីពេលនោះមក គ្មានសមាជិកគ្រួសារ ឬមិត្តរួមការងារណាមួយបានឮពីគាត់ឡើយ។ ភ្លាមៗ របាយការណ៍អ្នកបាត់ខ្លួនត្រូវបានដាក់ទៅក្រសួងការបរទេសសហរដ្ឋអាមេរិក ដោយសារទីតាំងដែលគេស្គាល់ចុងក្រោយរបស់គាត់មិនអាចផ្ទៀងផ្ទាត់បាន ដែលធ្វើឲ្យវាពិបាកក្នុងការដាក់របាយការណ៍ប៉ូលិសស្តង់ដារ។ ទោះ​បី​ជា​និយាយ​ជាមួយ​សមត្ថកិច្ច​ក៏​ដោយ ក៏​ក្រុម​គ្រួសារ​ទទួល​បាន​ជំនួយ​តិចតួចប៉ុណ្ណោះ។

ឥឡូវនេះ វាមានរយៈពេល១៥ឆ្នាំហើយចាប់តាំងពីការបាត់ខ្លួន ហើយទោះបីជាអ្នកគាំទ្រ និងក្រុមគ្រួសារមិនបានបោះបង់ចោលការស្វែងរកក៏ដោយ ក៏ករណីនេះនៅតែជាអាថ៌កំបាំង។ អាជ្ញាធរ​បាន​បញ្ជាក់​ថា លុះត្រា​តែ​លោក Perry ខ្លួន​គាត់​ទៅ​ដល់ ឬ​មាន​ទីតាំង​នោះ វា​មាន​តិចតួច​ណាស់​ដែល​ពួក​គេ​អាច​ធ្វើ​បាន​ដោយ​សារ​តែ​សញ្ជាតិ​អាមេរិក​របស់​គាត់ និង​ភស្តុតាង​មិនគ្រប់គ្រាន់។

លើសពីនេះ ដោយសារតែការរួមចំណែកចុងក្រោយរបស់ Perry ដល់ផលិតកម្ម YG គឺក្នុងឆ្នាំ ២០១០។ មកដល់ឆ្នាំ ២០១៣គាត់លែងស្ថិតក្រោមកិច្ចសន្យាទៀតហើយ។ ចាប់តាំងពីពេលនោះមក សិល្បករ និងអ្នកសហការបានរាយការណ៍ជាបន្តបន្ទាប់អំពីភាពអសមត្ថភាពក្នុងការទាក់ទងទៅកាន់គាត់។ នៅក្នុងបទសម្ភាសន៍ ពួកគេនិយាយថា គ្រប់គ្នាឮពាក្យចចាមអារ៉ាមមិនច្បាស់លាស់ថា គាត់បានត្រឡប់ទៅសហរដ្ឋអាមេរិក។

ទោះជាយ៉ាងណាក៏ដោយ ដោយសារការការពារឯកជនភាពស្របច្បាប់ ប្រសិនបើ Perry នៅរស់ ហើយជ្រើសរើសមិនបង្ហាញកន្លែងលាក់ខ្លួន អាជ្ញាធរមិនអាចបង្ហាញទីតាំងរបស់គាត់បានទេ សូម្បីតែសមាជិកគ្រួសារក៏ដោយ។ អ្នកគាំទ្រ និងអ្នកក្នុងឧស្សាហកម្មតន្ត្រី បច្ចប្បន្ននេះកំពុងចែករំលែកការដឹងគុណ និងបង្ហាញពីក្តីសង្ឃឹមចំពោះសុវត្ថិភាពរបស់គាត់ ទន្ទឹមនឹងការកាន់ទុក្ខផងដែរចំពោះការបាត់បង់បុគ្គលច្នៃប្រឌិតដែលបានជួយបង្កើតយុគសម័យនៃប្រវត្តិសាស្រ្ត K-pop ឲ្យល្បីទូទាំងសកលោក៕

អត្ថបទ៖ សាង ស្រីល័ក្ខ

ចុចអាន៖ចៅស្រីថៅកែ Shinsegae និង Samsung បង្ហាញខ្លួនជាតារា K-pop ក្រោមស្លាក BLACK LABEL

The post ១៥ ឆ្នាំមកហើយ ដែលអ្នក​និពន្ធ​បទ​ចម្រៀងដំបូងគេ​​របស់ YG បាត់​ខ្លួនយ៉ាង​អាថ៌កំបាំង លើទឹកដីអាមេរិក appeared first on Kampuchea Thmey Daily.

ការត្រឡប់ទៅរកខ្លឹមសារនៃអាជីវកម្មតន្ត្រី និងការផ្តោតលើការបណ្តុះសិល្បករដោយផ្អែកលើទេពកោសល្យ និងការលើកកម្ពស់គុណភាពមាតិកា បណ្តាលឲ្យមានការបង្កើតឡើងវិញនូវវត្តមាននៅក្នុងឧស្សាហកម្មកម្សាន្ត ហើយរចនាសម្ព័ន្ធ​ហិរញ្ញវត្ថុ​ជាក់ស្តែងក៏សម្រេចបាននូវលទ្ធផលនៃការប្រែក្លាយ ទៅជាក្រុមហ៊ុនដែលរកប្រាក់ចំនេញយ៉ាងច្រើន។

ក្រុមហ៊ុន​ផលិតកម្ម YG បានកត់ត្រាប្រាក់ចំណូលចំនួនប្រាក់ ១០០.២ ពាន់លានវ៉ុន សម្រាប់ត្រីមាសទី១ ឆ្នាំ២០២៥ ដោយផ្អែកលើមូលដ្ឋានរួម ជាមួយនឹងប្រាក់ចំណេញប្រតិបត្តិការចំនួន ៩.៥ ពាន់លានវ៉ុន។ នេះ​ជា​ការ​បង្ហាញ​យ៉ាង​ច្បាស់​ថា ទ្រព្យ​សម្បត្តិ​បញ្ញា​កម្រិត​ទាប​ដែល​វិនិយោគ​ជា​យុទ្ធសាស្ត្រ​របស់ក្រុមចម្រៀងប្រុស Treasure និងក្រុមចម្រៀងស្រី Baby Monster កំពុង​ជំរុញ​កំណើន​តាំង​ពី​ឆ្នាំ​មុន។

ការផ្លាស់ប្តូរគួរឲ្យកត់សម្គាល់បំផុតគឺការរីកលូតលាស់យ៉ាងឆាប់រហ័សនៃក្រុមនារីថ្មីថ្មោង Baby Monster ។ ក្រុមនេះគឺជាគម្រោងដំបូងដែលដឹកនាំដោយលោក Yang Hyun-suk បានបង្កើតវត្តមានដ៏រឹងមាំនៅក្នុងទីផ្សារពិភពលោកចាប់តាំងពីការបង្ហាញខ្លួនជាផ្លូវការនៅក្នុងខែមេសាឆ្នាំមុន ដោយបានលេចចេញជាអនាគតរសម្រាប់ YG ។ ថ្វីដ្បិតតែជាក្រុមចម្រៀងដំបូងគេនៅឆ្នាំដំបូងក៏ដោយ ប៉ុន្តែពួកគេបានលក់ដាច់ជាង ១.៦ លានអាល់ប៊ុម ហើយសម្រេចបាននូវភាពអស្ចារ្យនៃការចូលទៅក្នុងតារាងសំខាន់ Billboard 200 របស់សហរដ្ឋអាមេរិក។

Baby Monster ដែលត្រូវបានទទួលស្គាល់ទាំងផ្នែកតន្ត្រី និងជំនាញផ្ទាល់របស់ពួកគេ បានទទួលជោគជ័យមិនធម្មតានៅលើតារាងតន្ត្រីក្នុងស្រុកសំខាន់ៗ រួមទាំង Melon TOP100 ដោយបង្ហាញខ្លួនឯងថាជា ជាក្រុមចម្រៀងវ័យក្មេងជំនាន់ក្រោយជាប់រហស្សនាមថា «monster rookies»។

មិនតែប៉ុណ្ណោះ សមាជិកទាំងអស់អាចរ៉េប និងបញ្ចេញការសម្តែងផ្ទាល់ៗបានយ៉ាងល្អឥតខ្ចោះ ដែលនាំទៅដល់ការវាយតម្លៃថា ពួកគេកំពុងធ្វើឲ្យក្រុមនារីដែលផ្តោតលើទេពកោសល្យឡើងវិញនៅក្នុងទីផ្សារ K-pop ។ នេះ​មិន​ត្រឹម​តែ​កំណត់​ទៅ​លើ​ភាព​ជោគជ័យ​របស់​ក្រុម​ចម្រៀង​ស្រី​ថ្មី​មួយ​ក្រុម​នោះ​ទេ។ ការកើនឡើងយ៉ាងឆាប់រហ័សនៃ Baby Monster បានជះឥទ្ធិពលដោយផ្ទាល់ទៅលើរចនាសម្ព័ន្ធប្រាក់ចំណូលរបស់ YG ។ ការកើនឡើងនៃការលក់មាតិកា និងប្រាក់ចំណូលពីសកម្មភាពសកល គឺជាកត្តាសម្រេចចិត្តក្នុងការបំប្លែង YG ត្រឡប់ទៅនិន្នាការទាញប្រាក់ចំណេញបានយ៉ាងច្រើនលើសលុប។

លើស​ពី​នេះ​ទៅ​ទៀត គន្លឹះ​នៃ​ការ​ស្ទុះ​ងើប​ឡើង​វិញ​នេះ​គឺ​យុទ្ធសាស្ត្រ ជ្រើសរើស និង​ការ​ផ្តោត​អារម្មណ៍ ហ្មត់ចត់​របស់មេធំ YG ។ បទពិសោធន៍របស់លោកដែលនៅពីក្រោមនៃការផលិតសិល្បករល្បីៗដូចជា «Big Bang, 2NE1, និង BLACKPINK» រួមជាមួយនឹងអារម្មណ៍នៃតន្ត្រីត្រូវបានឆ្លុះបញ្ចាំងនៅក្នុងក្រុម Baby Monster ដោយបញ្ជាក់ពីសារៈសំខាន់នៃការក្លាយជាក្រុមចម្រៀងនារីដែល YG មានមហិច្ឆតាបានចាប់ផ្តើមបន្ទាប់ពី BLACKPINK ក្នុងរយៈពេល៧ឆ្នាំ។

បច្ចុប្បន្ននេះ Baby Monster បន្តសកម្មភាពជាសាកលរបស់ខ្លួន រួមទាំងដំណើរទេសចរណ៍នៅអាមេរិកខាងជើង ហើយបានទទួលការសរសើរចំពោះការបង្ហាញពីជំនាញផ្ទាល់ដ៏លើសលប់ដោយការបង្ហាញខ្លួននៅលើការចាក់ផ្សាយក្នុងស្រុកដូចជា The Kelly Clarkson Show របស់ NBC ជាដើម។

YG គ្រោងនឹងចាប់ផ្តើមដំណើរទេសចរណ៍របស់ BLACKPINK នៅឆមាសទីពីរនៃឆ្នាំនេះ រួមជាមួយនឹងការចេញអាល់ប៊ុមថ្មី និងដំណើរកម្សាន្តសម្រាប់ក្រុម Treasure និងក្រុម Baby Monster ដោយផ្តោតជាពិសេសទៅលើការឆ្លើយតបយ៉ាងឆាប់រហ័សចំពោះការផ្លាស់ប្តូរនៅក្នុងទីផ្សារប្រទេសចិន ដែលការរំពឹងទុកកើនឡើង។

ជាមួយនឹងការត្រលប់មកវិញរបស់ Yang Hyun-suk ផលិតកម្ម YG បានរៀបចំឡើងវិញដើម្បីពង្រឹងស្ថានភាពរបស់ខ្លួនក្នុងនាមជាមហាអំណាច K-pop តាមរយៈវិធីសាស្រ្តដ៏រឹងមាំ ដែលផ្តោតលើសិល្បករដែលមានសមត្ថភាព។ ភាពជោគជ័យជាប់ៗគ្នារបស់ Baby Monster ការពង្រីកមាតិកាសកល និងការកសាងឡើងវិញនូវប្រព័ន្ធដែលផ្តោតលើសិល្បករជាសញ្ញាបង្ហាញពីអនាគតដ៏ជោគជ័យសម្រាប់ YG ក្នុងរយៈពេល ១០ឆ្នាំខាងមុខ៕

អត្ថបទ៖ សាង ស្រីល័ក្ខ

ចុចអាន៖បង្ហាញខ្លួនលើកណា ឈុតសម្លៀក​បំពាក់​របស់ Lisa ទាក់​ទាញ់​ការរិះគន់​ថា សិចស៊ីពេកនាំឲ្យខូចតម្លៃស្រ្តី

The post ក្រុមហ៊ុន​​​​​ផលិត​កម្ម​ YG រកប្រាក់ចំណេញ​ភ្លាម ដោយគ្រាន់​តែដូរក្បាល​ម៉ាស៊ីនដឹកនាំ​ appeared first on Kampuchea Thmey Daily.

អ្នកលេងអ៊ីនធឺណេតបានរកឃើញថា ផលិតកម្មពិតជាបង្ភាពរញ៉េរញ៉ៃដែលក្រុមហ៊ុនកំពុងត្រួតលើកាលវិភាគក្រុមនៅពេល BLACKPINK កំពុងផ្សព្វផ្សាយសកម្មភាពទោលផងដែរ។ ជាពិសេស Jisoo កំពុងតែស្ថិតក្នុងការត្រៀមរៀបចំការវិលវិញទោលរបស់នាង ហើយបាននឹងកំពុងបញ្ចេញនូវអាល់ប៊ុម Amortage ផ្ទាល់ខ្លួន និងដំណើរទេសចរណ៍នៅអាស៊ីរបស់នាងដែលមានឈ្មោះថា LIGHTS, LOVE, ACTION។

យ៉ាងណាក៏ដោយ នៅពេលដែលការប្រកាសដំណើរកម្សាន្តត្រូវបានធ្វើឡើង អ្នកលេងអ៊ីនធឺណិតបានរិះគន់ YG ហើយ គ្រប់គ្នាសុទ្ធតែគិតថា ក្រុមហ៊ុនបានធ្វើបាប Jisoo ពួកគេបានចង្អុលបង្ហាញថា​ វាខុសប៉ុណ្ណាក្នុងការចំអកដំណើរកម្សាន្តមួយថ្ងៃបន្ទាប់ពីការប្រកាសផ្ទាល់ខ្លួនរបស់ Jisoo និងជិតដល់ការចេញអាល់ប៊ុមរបស់នាង៕

អត្ថបទ៖​ សាង​ ស្រីល័ក្ខ

ចុចអាន៖BamBam បញ្ចប់កិច្ចសន្យាផ្តាច់មុខជាមួយ Abyss ក្រោយសហការគ្នាអស់ពេល ៤ឆ្នាំ

The post ផលិតកម្ម YG រងការចោទប្រកាន់ថា ធ្វើបាបក្រុម BLACKPINK ជាពិសេស Jisoo appeared first on Kampuchea Thmey Daily.

ស្លាកដដែលបានបញ្ចាក់ទៀត ផលិតកម្មនឹងធ្វើការលាគ្នាជាមួយនឹងបញ្ជីរាយនាមតារាសម្ដែង និងតារាសម្ដែងរបស់ខ្លួន ដែលរួមមាន Kim Hee Ae, Cha Seung Won, Jang Hyun Sung, Yoo In Na, Jung Hye Young, Yoo Seung Ho, Lee Sung Kyung, Jang Ki Yong, Lee Soo Hyuk, Kyung Soo Jin, Han Seungyeon, Son Na-Eun, Gal So Won, Park So Yi និងច្រើនទៀត។

ទន្ទឹមនឹងនេះ ការត្រៀមរៀបចំសម្រាប់ YG Entertainment ដើម្បីផ្លាស់ប្តូរត្រលប់ទៅជាទីភ្នាក់ងារផ្តោតលើតន្ត្រីបានចាប់ផ្តើមកាលពីដើមឆ្នាំមុន ដោយរៀបចំមជ្ឈមណ្ឌលបណ្តុះបណ្តាលតន្រ្តីករ YGX និងពង្រីកក្រុមផលិតក្នុងស្រុករបស់ខ្លួនដល់៥០ ។

លើសពីនេះ គេជឿថា YG បាននឹងកំពុងរៀបចំគម្រោងធំមួយ ក្នុងការវិលត្រលប់មកវិញ និងដំណើរទេសចរណ៍ពិភពលោកនៅឆ្នាំ ២០២៥ របស់ BLACKPINK។ សិល្បករដូចជា BABYMONSTER និង 2NE1 ក៏ត្រូវបានគេរំពឹងថានឹងពង្រីកសកម្មភាពរបស់ពួកគេនៅឆ្នាំ ២០២៥ ផងដែរ៕

អត្ថបទ៖ សាង​​ ស្រីល័ក្ខ

ចុចអាន៖ជិត​២០ឆ្នាំហើយ​ តើ​សមាជិក BIGBANG ម្នាក់ៗឥឡូវ​មានសភាពយ៉ាង​ណា?

The post ​YG ប្រកាសរំលាយផ្នែកសម្ដែងចោល ហើយងាកមកផ្ដោតតែតន្ត្រីប៉ុណ្ណោះ appeared first on Kampuchea Thmey Daily.

ក្នុងរយៈពេល ០២ នាទីដំបូងនៃវីដេអូ Yang Hyun Suk បានពិភាក្សាអំពីផែនការអនាគតរបស់ TREASURE រួមទាំងដំណើរទេសចរណ៍ពិភពលោក តន្ត្រីថ្មី និងការផ្លាស់ប្តូរភាពជាអ្នកដឹកនាំ។ ក្នុងរយៈពេល ២០ វិនាទីបន្ទាប់នៃវីដេអូ ផែនការរបស់សិល្បករជាច្រើនត្រូវបានលើកឡើង។ ដូច្នោះហើយ BABYMONSTER និង BLACKPINK ត្រូវបានលើកឡើងថាមានសកម្មភាពជាច្រើន ខណៈដែល WINNER ត្រូវបានគេនិយាយថា នឹងចាប់ផ្តើមដំណើរកម្សាន្តនៅឆ្នាំក្រោយ។

មិន​ត្រឹម​តែ​ប៉ុណ្ណោះ BLACKPINK របស់ YG ក៏​ត្រូវ​បាន​គេ​រំពឹង​ថា ​នឹង​ចេញ​ដំណើរ​ទេសចរណ៍​ពិភពលោក​នៅ​ឆ្នាំ​ក្រោយ​ដែរ ដែល​ត្រូវ​បាន​ប្រកាស​កន្លង​មក។ Yang Hyun Suk ក៏បានលើកឡើងផងដែរថា មានសិក្ខាកាមជាច្រើនកំពុងរង់ចាំការបង្ហាញខ្លួនដំបូង ហើយឆ្នាំ ២០២៥ នឹងក្លាយជាឆ្នាំដ៏សំខាន់សម្រាប់ក្រុមហ៊ុន។

ទោះជាយ៉ាងណាក៏ដោយ ការប្រកាសពី YG ភ្លាមៗទទួលបានការរិះគន់ជាច្រើនពីសហគមន៍អនឡាញចំពោះការមិនផ្តល់ព័ត៌មានលម្អិតជាក់លាក់អំពីសិល្បករណាមួយក្រៅពី TREASURE ។ មនុស្សជាច្រើនបានលើកឡើងជាពិសេសអំពី BABYMONSTER ដោយសារតែថ្មីៗនេះ YG បានប្រឈមមុខនឹងភាពចម្រូងចម្រាសយ៉ាងខ្លាំងពីអ្នកគាំទ្រទាក់ទងនឹងការគ្រប់គ្រង និងការផ្សព្វផ្សាយរូបភាពរបស់ក្រុម។

យ៉ាងណាមិញ ងាកមកកាន់មតិរបស់អ្នកលេង​អ៊ីនធឺណិត​កូរ៉េភាគច្រើនបានបញ្ចេញមតិខុសៗគ្នាថា Baemon (BABYMONSTER) តែងតែមានបទចម្រៀងល្អៗបន្ថែមទៀត។ វាមិនមែនជារឿងកំប្លែងទេ វាជាអ្វីដែលល្អជាង អ្នកមានទេពកោសល្យ ប៉ុន្តែបទចម្រៀងរបស់ពួកគេមិនគ្រប់គ្រាន់ទេ។

ស្របពេលដែលអ្នកមួយចំនួនទៀតថា ក្រុមហ៊ុន YG តែងតែឈ្លក់វង្វេងនឹងការបង្កើតការឃោសនាបំផ្លើស។ ជាពិសេស YG និយមប្រាប់ថាឆ្នាំនេះឬឆ្នាំតែមែណទែនទៅមិនមានបទចម្រៀងសម្រាប់អ្នកគាំទ្រណាម្នាក់ឡើយ៕

អត្ថបទ៖ សាង ស្រីល័ក្ខ

ចុចអាន៖មហាជនចោទថា Dispatch ជាខ្សែរបស់​ HYBE ខណៈតារាក្រោមទ្រនំនេះ មិនដែលលេចធ្លាយចចាមអារ៉ាមសោះ

The post ៣ ក្រុមដែល YG ប្រកាស បែររងភាពចម្រូងចម្រាសពីហ្វេនថា កុហកសុទ្ធសាធ appeared first on Kampuchea Thmey Daily.

YG Entertainment ដែលជាក្រុមហ៊ុន K-pop ដើមមួយក្នុងចំនោមក្រុមហ៊ុន K-pop ដើម​ដែលបានផលិតឈ្មោះ K-pop ដ៏ធំបំផុតមួយចំនួនបានបង្ហាញខ្លួនជាលើកដំបូងនូវ Idol ជាច្រើនដែលដើមឡើយបានបណ្តុះបណ្តាលនៅក្រោមភ្នាក់ងារកូរ៉េខាងត្បូងផ្សេងទៀត មុនពេលស្វែងរកកន្លែងរបស់ពួកគេនៅក្នុងបញ្ជីឈ្មោះរបស់ YG ។

ខាងក្រោមនេះ គឺសិល្បករទាំងនេះ និងភ្នាក់ងារដែលពួកគេហ្វឹកហាត់មុនពេលផ្លាស់ទៅ YG​ ៖

១ G-DRAGON

G-Dragon ដែលជាអ្នកដឹកនាំក្រុម BIGBANG ​ដ៏ល្បីល្បាញប្រចាំផលិតកម្ម YG ពីមុនមកលោកធ្លាប់ជាគ្រូបង្វឹកនៅ SM ។ ដំបូងលោកទទួលបានការចាប់អារម្មណ៍ក្នុងនាមជាសមាជិកនៃក្រុមកុមារ Little Roora ។ បន្ទាប់ពីការរំសាយក្រុម GD បានចូលរួមជាមួយ SM Entertainment នៅអាយុ៨ ឆ្នាំ ហើយបានហ្វឹកហាត់នៅទីនោះអស់រយៈពេល ៤ ឆ្នាំ។ ក្រោយមកដោយសារចំណង់ចំណូលចិត្តនៅក្នុងផ្នែកហ៊ីបហប និងរ៉េប G-Dragon បានប្តូរទៅផលិតកម្ម YG Entertainment ហើយបានក្លាយជាតារាក្នុងនាមជាសមាជិកនៃ BIGBNAG ។

២ CL

CL ដែលជាអ្នកដឹកនាំក្រុមចម្រៀងស្រី YG ដ៏ល្បីល្បាញ 2NE1 មានប្រវត្តិមុនការបង្ហាញដ៏គួរឲ្យចាប់អារម្មណ៍ ដែលរាប់បញ្ចូលទាំងពេលវេលារបស់នាង ក្នុងនាមជាអ្នកហ្វឹកហាត់ JYP ។ ស្ទីលប្លែកៗ ជំនាញរ៉េបដ៏កាចសាហាវ និងវត្តមានដ៏រឹងមាំរបស់ CL ក្រោយមកនឹងក្លាយជាលក្ខណៈពិសេសរបស់ 2NE1 ប៉ុន្តែមុនពេលចូលរួម YG នាងបានចំណាយពេលហ្វឹកហាត់នៅ JYP ដែលជាក្រុមហ៊ុនកម្សាន្តមួយក្នុងចំណោមក្រុមហ៊ុនកម្សាន្ត Big Three នៅក្នុងប្រទេសកូរ៉េខាងត្បូង។

៣ MINO

ដំណើរជីវិតរសប់ Mino សមាជិកក្រុម WINNER ទៅកាន់ YG Entertainment គឺនៅឆ្ងាយណាស់។ ដំបូងឡើយ គាត់បានហ្វឹកហាត់ក្រោម Brand New Stardom ហើយគ្រោងនឹងបង្ហាញខ្លួនជាមួយ BLOCK B។ ទោះជាយ៉ាងណាក៏ដោយ បន្ទាប់ពីចាកចេញ គាត់បានចំណាយពេលហ្វឹកហាត់ជិត ២ ឆ្នាំជាមួយក្រុមហ៊ុន Y2Y Contents Company ហើយបានបង្ហាញខ្លួនជាមួយ B.o.M. ក្រោមឈ្មោះឆាក Tagoon ។ ក្រោយមកគាត់បានចូលរួមជាមួយ YG Entertainment ក្នុងនាមជាអ្នកហ្វឹកហាត់ ហើយទីបំផុតបានប្រកួតប្រជែងក្នុងកម្មវិធី​ “WIN: Who Is​ និងបានបង្ហាញខ្លួនជាលើកដំបូងជាមួយ WINNER ជាចុងក្រោយ។

៤ Jung Chan-woo​ ឬ CHAN

CHAN មកពីក្រុម iKON បានចាប់ផ្តើមដំណើររបស់គាត់ក្នុងឧស្សាហកម្មកម្សាន្តជាមួយ Kids Planet Entertainment ពីឆ្នាំ ២០០៥ ដល់ឆ្នាំ ២០១០។ បន្ទាប់ពីចាកចេញពីក្រុមហ៊ុន គាត់បានហ្វឹកហាត់នៅក្រោម Fantagio Music រហូតដល់ឆ្នាំ ២០១៤ ជាផ្នែកនៃក្រុម i-Teen មុនដំបូង។ ក្នុងឆ្នាំ ២០១៤ គាត់បានចូលរួមក្នុងកម្មវិធីរបស់ YG ដែលមានចំណងជើងថា “MIX & MATCH” ដែលទីបំផុតនាំឲ្យគាត់ក្លាយជាសមាជិកវ័យក្មេងបំផុតរបស់ iKON ។

៥ RORA

មុនពេលបង្ហាញខ្លួនជាមួយ YG Entertainment ក្នុងនាមជាសមាជិកក្រុម BABYMONSTER, RORA គឺជាផ្នែកមួយនៃក្រុមកុមារី U.SSO Girl ហើយត្រូវបានគេស្គាល់ដោយឈ្មោះឆាក U.ha ។ ក្រុមនេះស្ថិតនៅក្រោមការគ្រប់គ្រងរបស់ Kids Planet ដែលជាក្រុមហ៊ុនបុត្រសម្ព័ន្ធរបស់ 4D Label Entertainment ដែលជាផ្នែកមួយរបស់ ON1 Entertainment ។ បទពិសោធន៍ដំបូងនៅក្នុងឧស្សាហកម្មតន្ត្រីនេះបានផ្តល់ឲ្យ​ RORA នូវមូលដ្ឋានគ្រឹះ និងជំនាញដ៏រឹងមាំ ដែលមានតម្លៃសម្រាប់អនាគតរបស់នាងក្នុងនាមជាសិល្បករ YG ។

យ៉ាងណាមិញ រឿងរ៉ាវរបស់តារា K-pop ទាំងនេះនៃការប្តូរភ្នាក់ងារមុនពេលបង្ហាញខ្លួនដំបូងក្រោមផលិតកម្ម YG Entertainment បង្ហាញថា រាល់បទពិសោធន៍ហ្វឹកហាត់បានដើរតួយ៉ាងសំខាន់ក្នុងការបង្រួបបង្រួមពួកគេទៅជាសិល្បករដែលពួកគេមានសព្វថ្ងៃនេះ៕

អត្ថបទ៖ សាង ស្រីល័ក្ខ

ចុចអាន៖​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ក្រុមច្បាប់ថា ការកាត់ទោសដំបូងលើតួលោ​​​​​​​​​​​​​​កតា​​ក្នុងរឿង ​«​Squid Game» ធ្ងន់ធ្ងរពេកហើយ

The post មុនពេលស្ថិតក្រោមទ្រនំ YG តារាកូរ៉េ ៥ រូប ធ្លាប់បណ្តុះ​បណ្តាល​​ក្រោម​ទីភ្នាក់ងារ​កម្សាន្ត​​ផ្សេង​ទៀត appeared first on Kampuchea Thmey Daily.

ទីភ្នាក់ងារ HYBE ដែលជាផលិតកម្មយក្សដ៏ធំបំផុតនៅប្រទេសកូរ៉េខាងត្បូង និងជាទ្រនំដ៏កក់ក្ដៅរបស់ក្រុម BTS និង SEVENTEEN បានរាយការណ៍ពីប្រាក់ចំណេញប្រតិបត្តិការដ៏គួរឲ្យចាប់អារម្មណ៍ចំនួន ៥០.៩ ពាន់លានវ៉ុន ស្មើនឹង ៣៧ លានដុល្លារ លើប្រាក់ចំណូល ៦៤០.៥ ពាន់លានវ៉ុន​ ស្មើនឹង ៤៦៥ លានដុល្លារ ។

សម្រាប់ SM Entertainment ដែលត្រូវគេស្គាល់ថាបានដឹកនាំសកម្មភាពដ៏មានឥទ្ធិពលដូចជាក្រុម EXO, NCT និង aespa បានប្រកាសប្រាក់ចំណេញប្រតិបត្តិការចំនួន ៣១.៨ ពាន់លានវ៉ុន ស្មើនឹង ២៣.១ លានដុល្លារ លើប្រាក់ចំណូល ២៤៤.១ ពាន់លានវ៉ុនស្មើនឹង ១៧៧ លានដុល្លារ។

ចំណែកឯ​ JYP ក៏ជាផលិតកម្មឈានមុខគេក្នុងប្រទេស មិនខុសពីផលិតកម្ម២ខាងលើនោះទេ។ ទីភ្នាក់ងារនេះមានក្រុមពេញនិយមដូចជា TWICE, Stray Kids និង ITZY បានកត់ត្រាប្រាក់ចំណេញប្រតិបត្តិការចំនួន ២០ ពាន់លានវ៉ុន ​ស្មើនឹង ១៤.៥ លានដុល្លារ​ លើប្រាក់ចំណូល ៩៦.៨ ពាន់លានវ៉ុន ស្មើនឹង ៧០.៣៥ លានដុល្លារ ។

ដោយឡែក ងាកមកកាន់ YG Entertainment ឯណោះក៏មិនធម្មតាដែរ។ ស្លាកនេះត្រូវគេដឹងថា នៅពីក្រោយ ក្រុម BABYMONSTER ក៏បានរាយការណ៍ពីប្រាក់ចំណេញប្រតិបត្តិការ ៣០០លានវ៉ុន ស្មើនឹង ២១ម៉ឺន៨ពាន់ដុល្លារ លើប្រាក់ចំណូល ១០១.៧ ពាន់លានវ៉ុន ស្មើនឹង ៧៣.៩លានដុល្លារ ។

ថ្វីដ្បិតតែក្នុងចំណោមក្រុមហ៊ុនកម្សាន្ត៤ខាងលើនេះ​​ ទទួលបានប្រាក់ចំណេញក៏មែនពិត ប៉ុន្តែក្នុងនោះទស្សនិកជនក្នុងប្រទេសកូរ៉េសុទ្ធតែដឹងហើយថា ទីភ្នាក់ងារខ្លះកំពុងរងនូវរឿងអាស្រូវកេរ្តិ៍ឈ្មោះ​ និងឈានដល់ការផ្ដឹងផ្ដល់គ្នាពុំទាន់ដាច់ស្រេចនូវឡើយទេ។ ប៉ុន្តែទោះបីជាយ៉ាងណាក៏ដោយ ផលិតកម្មទាំងនោះក៏បានសម្រេចដោះដូរ​ ដោយការផ្ទេរឈ្មោះនាយកប្រតិបិត្តជំនួស ព្រមទាំងព្យាយាមលក់ភាគហ៊ុនខ្លះៗ ដើម្បីស្វែងរកប្រាក់ចំណេញផងដែរ៕

អត្ថបទ៖ សាង ស្រីល័ក្ខ

ចុចអាន៖រំលងត្រឹម២ថ្ងៃ មេ Big Hit និង Suga មានរឿងអាស្រូវព្រមគ្នា ហាក់បង្កើនកម្ដៅរិះគន់ពីទស្សនិកជន

The post ផលិតកម្ម ៤ នាំមុខគេនៅកូរ៉េខាងត្បូង កើបប្រាក់ចំណេញរាប់លានដុល្លារ ពីវិស័យ K pop appeared first on Kampuchea Thmey Daily.