ជីវិតកម្សាន្ដ

ចៅស្រីថៅកែ Shinsegae និង Samsung បង្ហាញខ្លួនជាតារា K-pop ក្រោមស្លាក BLACK LABEL

បានផុស

២ នាទីutes មុន

នៅ

ថ្ងៃចន្ទ ៩ មិថុនា ២០២៥

ដោយ

កញ្ញា Moon Seo-yoon ដែលជាកូនស្រីច្បងរបស់លោកស្រី Jung Yoo Kyung ជាប្រធានក្រុមហ៊ុនលក់រាយធំជាងគេទីពីរនៅក្នុងប្រទេសកូរ៉េខាងត្បូង Shinsegae Group គ្រោងនឹងបង្ហាញខ្លួនជាលើកដំបូងក្នុងនាមជាតារា K-pop ក្រោមស្លាក THE BLACK LABEL ដែលជាផលិតកម្មតន្ត្រីដែលបង្កើតឡើង និងដឹកនាំដោយផលិតករ Teddy ។

សេចក្តីប្រកាសនេះត្រូវបានផ្សព្វផ្សាយជាសាធារណៈនៅថ្ងៃទី ៩ ខែមិថុនា តាមរយៈវេទិកាប្រព័ន្ធផ្សព្វផ្សាយសង្គមផ្លូវការរបស់ THE BLACK LABEL ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមតារាចម្រៀងថ្មីមានឈ្មោះថា ALLDAY Project នឹងបង្ហាញខ្លួនជាក្រុមរួមគ្នាដែលមានសមាជិកទាំងប្រុសទាំងស្រី។ សមាជិកក្រុមនេះរួមមាន Youngseo អតីតសមាជិកក្រុមចម្រៀងស្រី ILLIT របស់ផលិតកម្ម HYBE, អ្នករ៉េប Jo Woo-chan (អតីតតារាក្រោម BIGHIT និងត្រូវគេស្គាល់ពីកម្មវិធី Show Me the Money 6), អ្នករាំដ៏ល្បីល្បាញ Bailey Sok, តារាម៉ូដែល Lee Chae-won និង Moon Seo-yoon ផ្ទាល់តែម្ដង ។

**ក្រុម ALLDAY Project** **រូបភាព ៖kbizoom**

Moon Seo-yoon គឺជាចៅស្រីរបស់លោកស្រី Lee Myung-hee និងជាក្មួយស្រីរបស់អនុប្រធានលោក Chung Yong-jin (ក្រុមហ៊ុនយីហោយក្ស Shinsegae Group)។ ការចូលរួមរបស់នាងនៅក្នុងឧស្សាហកម្ម K-pop ពីមុនបានក្លាយជាប្រធានបទនៃការរំពឹងទុកនៅពេលដែលរូបថតរបស់សិក្ខាកាមស្រីនៅក្នុង THE BLACK LABEL បានលេចឡើងនៅលើអិនធើណេត។ នាពេលនោះបានបង្កឲ្យមានពាក្យចចាមអារ៉ាមអំពីការចូលរួមក្នុងក្រុមចម្រៀងស្រីរបស់ Teddy គឺក្រុម MEOVV ។ ក្រោយមក នាងបែរជាបង្ហាញខ្លួនជាលើកដំបូង តាមរយៈក្រុមចម្រៀងមានភេទចម្រុះ ដែលទើបបង្កើតថ្មីនេះតែប៉ុណ្ណោះ។

នៅក្នុងវីដេអូផ្សព្វផ្សាយខ្លីៗ សាររបស់ក្រុម ALLDAY បានសង្កត់ធ្ងន់ទៅលើការច្នៃប្រឌិត និងភាពជាបុគ្គល ដោយបញ្ជាក់ថា ពិភពលោកមិនទាន់ស្គាល់អំពី ALLDAY នៅឡើយទេ ប៉ុន្តែគម្រោងរួចរាល់ហើយ! ការស្វែងរកភាពថ្មី គឺជាសភាវគតិជាមូលដ្ឋានរបស់មនុស្ស ប្រហែលជានេះ គឺអំពីបុគ្គលផ្សេងគ្នាមករួមគ្នាដើម្បីផ្លាស់ប្តូរពិភពលោក។

នៅពេលដែលការរំពឹងទុកកើនឡើងសម្រាប់ការបង្ហាញខ្លួនលើកដំបូងរបស់ក្រុម ALLDAY Project ការចូលរួមរបស់ នាង Moon Seo-yoon ដែលជាតួរអង្គដែលមានទាំងត្រកូលសាជីវកម្មដ៏ឧត្តុង្គឧត្តម និងការហ្វឹកហ្វឺនជាតារាផ្លូវការ – បន្ថែមស្រទាប់នៃចំណាប់អារម្មណ៍កាន់តែខ្លាំង។ ការចាប់ផ្តើមរបស់ក្រុមនេះបង្ហាញពីជំហានដ៏សំខាន់មួយនៅក្នុងការពង្រីកបន្តរបស់ THE BLACK LABEL នៅក្នុងឧស្សាហកម្មកម្សាន្តសកល។

សម្រាប់ចៅស្រីវ័យ២២ឆ្នាំរបស់ក្រុមហ៊ុនយក្ស Shinsegae គឺជាអ្នកមានឥទ្ធិពលគួរឲ្យកត់សម្គាល់រួចទៅហើយ នាងមានអ្នកតាមដានជាង ៨ម៉ឺននាក់នៅលើ Instagram ។ មិនតែប៉ុណ្ណោះ នាងក៏ជាចៅស្រីបង្កើតរបស់ស្ថាបនិក Samsung លោក Lee Byung-chul ផងដែរ ខណៈដែលជីដូនរបស់នាងគឺលោកស្រី Lee Myung-hee ត្រូវគេប៉ាន់ប្រមាណទ្រព្យសម្បត្តិ មានចំនួន ៨៤០ លានដុល្លារ នេះបើយោងតាមទស្សនាវដ្តី Forbes៕

អត្ថបទ៖ សាង ស្រីល័ក្ខ

ចុចអាន៖ស្រ្តីម្នាក់ជេរប្រមាថ IU ត្រូវតុលាការផាកពិន័យឲ្យបង់លុយរាប់រយដុល្លារ