ខណៈបច្ចេកវិទ្យា AI កាន់តែទំនើប និងកំពុងតែផ្ទុះការគាំទ្រជាខ្លាំងពីសំណាក់មុខងារដល់ងាយស្រួលរបស់វាសម្រាប់បំពេញការងារ ពេលនេះមហាសេដ្ឋី Elon Musk ​ប្រកាសនឹងចូលរួមអភិវឌ្ឍន៍បច្ចេកវិទ្យា AI ផងដែរ​ដើម្បីប្រកួតប្រជែងជាមួយ​ Google និង Microsoft ។

ដោយកាលពីពេលថ្មីៗនេះ មហាសេដ្ឋី Elon Musk ប្រកាសថា នឹងដំណើរការអភិវឌ្ឍន៍បច្ចេកវិទ្យា​វ័យឆ្លាត AI ផ្ទាល់ខ្លួនដែលមានឈ្មោះថា ‘TruthGPT’ ។

លោកមហាសេដ្ឋីរូបនេះនិយាយថា លោកនឹងចាប់ផ្តើមបង្កើត​បច្ចេកវិទ្យា AI TruthGPT ដែលអាចស្វែងយល់ពីធម្មជាតិនៃសកលលោក ។ Elon Musk គិតថា​ TruthGPT គឺជាផ្លូវដ៏ល្អបំផុតសម្រាប់សុវត្ថិភាពសកលល ដែលវាទំនងជានឹងមិនអាចបំផ្លាញមនុស្សជាតិនោះទេ ។

ទោះជាយ៉ាងណា លោកក៏បានព្រមានដែរថា AI គឺមានគ្រោះថ្នាក់យ៉ាងខ្លាំងក្លា ហើយក៏មានឥទ្ធិពលបំផ្លាញ​អរិយធម៌ទាំងមូលផងដែរ បើសិនជាគ្រប់គ្រងមិនបានត្រឹមត្រូវ ។  

គួរឲ្យដឹងថា Elon Musk ក៏ជាអ្នកសហការបង្កើតបច្ចេកវិទ្យា OpenAI ក្នុងឆ្នាំ ២០១៥ ប៉ុន្តែបានលាឈប់ពីក្រុមប្រឹក្សាភិបាលរបស់ក្រុមហ៊ុននៅឆ្នាំ ២០១៨ ហើយនៅឆ្នាំ ២០១៩ Elon Musk បានចាកចេញពីក្រុមហ៊ុនដោយសារតែត្រូវផ្តោតលើ Tesla និង SpaceX ៕

ប្រែសម្រួលដោយ ៖ នាង​ រតនៈ

ប្រភព ៖ SCMP

ចុចអាន ៖ អាមេរិក នឹងលក់មីស៊ីលប្រឆាំងនាវាចម្បាំង ៤០០ គ្រាប់ទៅឲ្យ តៃវ៉ាន់ ប្រើទប់ទល់នឹង ចិន