បច្ចេកវិទ្យា
Samsung ត្រៀមដាក់សេវាផ្កាយរណបលើស្មាតហ្វូនរបស់ខ្លួន នៅដើមឆ្នាំក្រោយ
ក្រុមហ៊ុន Samsung នឹងតភ្ជាប់ផ្កាយរណបសម្រាប់សេវាសង្គ្រោះបន្ទាន់ នៅលើស្មាតហ្វូនរបស់ខ្លួន នៅដើមឆ្នាំ២០២៤ ខាងមុខ។ នេះបើតាមការបញ្ជាក់ពី នាយកប្រតិបត្តិក្រុមហ៊ុន Samsung លោក Park Yong កាលពីពេលថ្មីៗនេះ។
ការតភ្ជាប់សេវាផ្កាយរណបនេះ អាចជាការដើរតាមជំហានរបស់ក្រុមហ៊ុន Apple ដោយសារតែឆ្នាំមុន Apple បានបញ្ចេញមុខងារ Emergency SOS លើ iPhone 14 គ្រប់ម៉ូដែល ដោយអាចឱ្យ iPhone ភ្ជាប់ទៅកាន់ផ្កាយរណប និងរាយការណ៍ទៅភ្នាក់ងារសង្គ្រោះបន្ទាន់ ពេលទូរសព្ទមិនស្ថិតនៅទីតាំងមានសេវា ដូចជាតំបន់ព្រៃ ឬភ្នំជាដើម។
ក្រោយពីមុខងារពិសេសនេះ ត្រូវបានបញ្ចេញកាលពីឆ្នាំមុនរួចមក ក្រុមហ៊ុនផលិតស្មាតហ្វូនដទៃទៀត ក៏ចាប់ផ្តើមធ្វើការជាមួយក្រុមហ៊ុន Google ដើម្បីនាំយកមុខងារស្រដៀងគ្នានេះ បំពាក់លើប្រព័ន្ធប្រតិបត្តិការ Android ។
ទោះបីជាមិនទាន់មានព៏ត៌មានជាក់លាក់ ជុំវិញការបញ្ជាក់ថា Samsung នឹងបន្ថែមមុខងារអាចភ្ជាប់ទៅកាន់ផ្កាយរណប តែបើតាមការវិភាគ ក្រុមហ៊ុនទូរសព្ទដៃដ៏ធំនេះ អាចនឹងនាំយកមុខងារនេះ បំពាក់លើស្មាតហ្វូនកំពូលរបស់ខ្លួន « Galaxy S24 » ដែលនឹងប្រកាសលក់ នៅអំឡុងខែមករា ឬកុម្ភៈ ឆ្នាំក្រោយនេះ។
គួរបញ្ជាក់ថា មុនការបញ្ជាក់របស់ នាយកប្រតិបត្តិក្រុមហ៊ុន Samsung លោក Park Yong កាលពីដើមឆ្នាំ២០២៣ ក្រុមហ៊ុនកូរ៉េខាងត្បូង ធ្លាប់បានប្រកាសនូវផែនការ នៃការតភ្ជាប់សេវាផ្កាយរណបនេះម្តងរួចទៅហើយ រហូតដល់មានការបញ្ជាក់ជាថ្មី នាពេលថ្មីៗនេះ៕
ប្រែសម្រួល៖ សុធា ប្រភព៖ Ts2
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង