Connect with us

បច្ចេកវិទ្យា

មិត្តហ្វូនទទួលបានពានរង្វាន់ធុរកិច្ចអន្តរជាតិដ៏មានកិត្យានុភាពចំនួន៤

បានផុស

នៅ

ថ្មីៗនេះ ក្រុមហ៊ុន Viettel Cambodia (Metfone) បានឈ្នះពានរង្វាន់អន្តរជាតិចំនួន 4 ក្នុងឆ្នាំ 2023 ដែលក្នុងនោះមាន 3 ពី Globee Awards និង 1 ពី Stevie Award។ តាមរយៈ​ការ​សម្រេច​បាន​នូវ​ការ​លើក​សរសើរលើ​ឆាក​ដ៏​គួរ​ឱ្យ​គោរព​នេះ មិត្តហ្វូន​បន្ត​អះអាង​ខ្លួន​ឯង​ថា​ជា​អ្នក​ផ្តល់​សេវា​បច្ចេកវិជ្ជា​ទូរគមនាគមន៍​ឈាន​មុខ​គេ ដោយ​ដើរ​តួនាទី​យ៉ាង​សំខាន់​ក្នុង​ការ​ជំរុញ​ការ​ផ្លាស់​ប្តូរ​ឌីជីថល​របស់​កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Globee Awards ស្ថិតក្នុងចំណោមប្រព័ន្ធពានរង្វាន់ធុរកិច្ចកំពូលរបស់ពិភពលោក ដែលក្នុងនោះ មាន 11 ប្រភេទ ដើម្បីផ្តល់កិត្តិយសដល់អង្គការ ឬក្រុមហ៊ុននានាក្នុងវិស័យផ្សេងៗសម្រាប់ សមិទ្ធិផលឆ្នើម និងការអនុវត្តនៅក្នុងសហគ្រាសសកល។

ឆ្នាំនេះ ពានរង្វាន់ Globee Awards បានទាក់ទាញក្រុមហ៊ុនល្បីៗជុំវិញពិភពលោកដូចជា IBM, Cisco, Orange ជាដើម។ Metfone ទទួលបានពានរង្វាន់ចំនួន 3 ជាមួយនឹងក្រុមហ៊ុនបុត្រ សម្ព័ន្ធរបស់ខ្លួនគឺ eMoney ទទួលបានពានរង្វាន់ក្រុមហ៊ុនប្រចាំឆ្នាំ ក្នុងវិស័យបច្ចេកវិទ្យាហិរញ្ញវត្ថុ។ លើសពីនេះ មិត្តហ្វូនទទួលបានកិត្តិយសជាមួយនឹងពានរង្វាន់ អ្នកជំនាញផ្នែកសេវាកម្មអតិថិជនប្រចាំឆ្នាំ និងពានរង្វាន់ធុរកិច្ចអន្តរជាតិសម្រាប់ឧត្តមភាពក្នុងអាជីវកម្មអន្តរជាតិទាក់ទងនឹងកញ្ចប់សេវារ៉ូមីងរបស់ខ្លួន។

ជាងនេះទៅទៀត មិត្តហ្វូនក៏ទទួលបានពានរង្វាន់ Stevie ក្នុងប្រភេទយុទ្ធនាការទីផ្សារប្រចាំឆ្នាំសម្រាប់ “ចោលឈូងផ្សងសេ្នហ៍ ចោលឈូងផ្សងសំណាង”។ ពានរង្វាន់ធុរកិច្ចអន្តរជាតិឆ្នាំ 2022 (IBA) ដោយ Stevie Awards ត្រូវបានគេស្គាល់ថាជាពានរង្វាន់ដ៏មានកិត្យានុភាពបំផុតមួយនៅទូទាំងពិភពលោកបានក្លាយជាប្រភពនៃមោទនភាពសម្រាប់សាជីវកម្ម និងក្រុមហ៊ុនជាច្រើន។ ពានរង្វាន់នេះមានការតែងតាំងជាង 3000 ពីអាជីវកម្ម/អង្គការជាង 60 ប្រទេស និងតំបន់ដែលត្រូវបានវាយតម្លៃដោយអ្នកជំនាញទូទាំងពិភពលោកជាង 1000 នាក់។

ប្រព័ន្ធពានរង្វាន់ទាំងនេះស្ថិតក្នុងចំណោមប្រព័ន្ធដែលល្បីល្បាញ និងគួរឱ្យគោរពបំផុត ដោយសារកម្រិតជំនាញ មាត្រដ្ឋានអង្គការ និងសមាសភាពរបស់អ្នកចូលរួម។ ការផ្តោតសំខាន់នៃពានរង្វាន់ទាំងនេះគឺដើម្បីជំរុញការបភុសគំនិត ការច្នៃប្រឌិត និងការកែលម្អអាជីវកម្ម។

ក្នុងពិធីប្រគល់រង្វាន់ តំណាងក្រុមហ៊ុនមិត្តហ្វូនបានចែករំលែកដោយក្តីរីករាយថា៖ “មិត្តហ្វូនបានស្រាវជ្រាវ និងបង្កើតដំណោះស្រាយ និងផលិតផលជាច្រើន យកមកអនុវត្តក្នុងកម្មវិធីជីវិតពិតផ្សេងៗ រហូតក្លាយជាផលិតផល និងសេវាកម្មដែលបន្សល់ទុកនូវក្នុងបេះដូងរបស់អតិថិជន និងសង្គមកម្ពុជា។ ការសម្រេចបានពានរង្វាន់អន្តរជាតិដ៏មានកិត្យានុភាពចំនួន 4 ក្នុងពេលដំណាលគ្នាគឺជាការទទួលស្គាល់ និងការបញ្ជាក់អំពីសមត្ថភាពបច្ចេកវិទ្យាព័ត៌មានរបស់មិត្តហ្វូនក្នុងនិន្នាការផ្លាស់ប្តូរឌីជីថលដ៏រឹងមាំ បម្រើការបំប្លែងឌីជីថលរបស់សហគ្រាស និងប្រទេសជាតិ។

ការទទួលបានពានរង្វាន់ធុរកិច្ចអន្តរជាតិចំនួន 4 ជាថ្មីម្តងទៀតបញ្ជាក់ពីជំហររបស់ក្រុមហ៊ុនមិត្តហ្វូន និងជាកម្លាំងចិត្តសម្រាប់ក្រុមហ៊ុនក្នុងការធ្វើពិពិធកម្មផលិតផល និងសេវាកម្មរបស់ខ្លួន ដោយនាំមកនូវបច្ចេកវិទ្យាល្អបំផុតដើម្បីចូលរួមចំណែកក្នុងការអភិវឌ្ឍន៍ជីវិត និងសង្គមកម្ពុជា។ នេះក៏ជាសមិទ្ធិផលដ៏គួរឱ្យសរសើរសម្រាប់សហគ្រាសទូរគមនាគមន៍លើដំណើរនៃការកំណត់ម៉ាកយីហោ ភាពជឿជាក់ និងទំនុកចិត្តរបស់អតិថិជន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៤ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម