ចរាចរណ៍
រថយន្តក្រុមហ៊ុនវីរៈប៊ុនថាំ បុកម៉ូតូកម្មករធ្វើផ្លូវឆេះខ្ទេចកាប៊ីនមុខ កម្មកររងរបួសធ្ងន់
កម្មករខ្មែរធ្វើការឲ្យក្រុម ហ៊ុនជប៉ុនធ្វើផ្លូវម្នាក់ បានរងរបួសធ្ងន់ ចំណែករថយន្តក្រុមហ៊ុនវីរៈប៊ុនថាំ ១គ្រឿងបានរងការខូចខាតឆេះខ្ទេចកាប៊ីនមុខ នៅក្នុងហេតុការណ៍គ្រោះថ្នាក់ចរាចរណ៍។
ករណីនេះបានកើតឡើងនៅម៉ោង ៥ និង ២០ នាទី ព្រឹកថ្ងៃទី ២៨ ខែមិថុនា ឆ្នាំ ២០២១ នៅលើផ្លូវជាតិលេខ ៥ ច ន្លោះគីឡូម៉ែត្រលេខ ៨៥ និង៨៦ ស្ថិ តក្នុងភូមិព្រៃពួច ឃុំជ្រៃបាក់ស្រុករលាប្អៀរ។
លោក ទឹម ចន្ធី អធិការនគរបាលស្រុករលាប្អៀរ ដែលបានចុះទៅពិនិត្យកន្លែងកើតហេតុបានដឹងថា កម្មករ ធ្វើផ្លូវរបស់ក្រុមហ៊ុនជប៉ុន ជាជនរងគ្រោះរបួសធ្ងន់ មានឈ្មោះ សេង សុភក្រ្តា អាយុ ២២ ឆ្នាំ មានទីលំនៅភូមិចារថ្មី ឃុំអណ្តូងស្នាយ ស្រុករលាប្អៀរ។
មុនពេលកើតហេតុមានរថយន្តមួយគ្រឿងម៉ាក ហ៊ីយ៉ាន់ដាយ ពណ៌លឿង ជារថយន្តដឹកជញ្ជូនរបស់ក្រុមហ៊ុន វីរៈប៊ុនថាំ បើកបរដោយជនមិនស្គាល់ឈ្មោះ លុះមក ដល់ចំណុចកើតហេតុ ក៏បានបុកម៉ូតូមួយគ្រឿងម៉ាកសង់កូរ៉េ ពណ៌ក្រហម បើកបរដោយជនរងគ្រោះ ជាកម្មករធ្វើផ្លូវក្រុមហ៊ុនជប៉ុន បណ្ដាលឲ្យរងរបួសធ្ងន់ និងបានដឹកទៅសង្គ្រោះនៅមន្ទីរពេទ្យខេត្តកំពង់ឆ្នាំង។
លោក អធិការនគរបាល ស្រុករលាប្អៀរ បានបញ្ជាក់ថា៖ ខណៈពេលរថយន្តបុកជាមួយម៉ូតូ រថយន្តមិនបានឈប់នោះទេ គឺអូសម៉ូតូជាប់ពីក្រោមរថយន្តចម្ងាយជាង៦០ ម៉ែត្រ បង្ករចេញជាផ្កាភ្លើងឆេះម៉ូតូនិងបន្តឆេះរថយន្ត តែម្តង ចំណែកអ្នកបើកបររថយន្តបានចុះរត់គេចខ្លួនបាត់។
ក្នុងហេតុការនោះដែរ រថយន្តពន្លត់អគ្គីភ័យ២គ្រឿងបានចេញអន្តរា គមន៍ពន្លត់ ទើបភ្លើងបានឆេះត្រឹម តែកាប៊ីនរថយន្តបង្ក មិនរាលដាល មកឆេះផ្នែកខាងក្រោយ ដែលមានសម្ភារៈ របស់អ្នកផ្ញើពេញមួយខ្លុបរថយន្តខាងក្រោយនោះឡើយ ។
ក្រោយពេលកើតហេតុ សមត្ថកិច្ចបានយករថយន្តស្ទូច មកស្ទូចរថ យន្ត ទៅទុកនៅអធិការដ្ឋាន នគរ បាល ជាមួយម៉ូតូជនរងគ្រោះ។
ចំណែក បញ្ញើរបស់អតិថិជន ដែលនៅសេសសល់ ត្រូវសមត្ថកិច្ច ឱ្យក្រុមហ៊ុនវីរៈប៊ុនថាំ ផ្ទេរដាក់រថយន្តផ្សេង ដឹកបន្តទៅកសន់គោលដៅ៕ អត្ថបទ៖ ឈៀងថារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង