ចរាចរណ៍
រថយន្តដឹកដីបុកម៉ូតូពីក្រោយ កិនអូសជាច្រេីនម៉ែត្របណ្តាលឲ្យស្លាប់ម្នាក់របួសធ្ងន់ម្នាក់
យុវជនម្នាក់បានស្លាប់ និងម្នាក់ទៀតរងរបួសធ្ងន់ បន្ទាប់ពីជិះម៉ូតូឌុបគ្នាហើយត្រូវរថយន្តម៉ាកHino បែនដឹកដីបើកបុកពីក្រោយកិនអូសជាច្រើនម៉ែត្រ បង្កការភ្ញាក់ផ្អើលនាវេលាម៉ោង៨និង៣០នាទីព្រឹក ថ្ងៃទី១៣ ខែធ្នូ ឆ្នាំ២០២២ នៅចំណុចស្ពានព្រែកជ្រៃ តាមបណ្ដោយផ្លូវ២១៧ ក្នុងភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។
ជនរងគ្រោះដែលស្លាប់មានឈ្មោះ ឡៅ ជុំនោ ភេទប្រុស អាយុ១៨ឆ្នាំ មុខរបរបើកបររថយន្ត ស្នាក់នៅភូមិបាគូ សង្កាត់ដង្កោ ខណ្ឌដង្កោ (ជាអ្នកឌុប) រីឯជនរងគ្រោះរបួសធ្ងន់មានឈ្មោះ សៀង ឡុង ភេទប្រុស អាយុ២៤ឆ្នាំ មុខរបរ ព្រូរថយន្ត មានស្រុកកំណើតនៅស្រុកបារាយ៍ ខេត្តកំពង់ធំ (ជាអ្នករួមដំណើរ) ចំណែកអ្នកបើករថយន្តបង្កមានឈ្មោះ ដុក រ៉ាទិ ភេទប្រុស អាយុ២២ឆ្នាំ មុខរបរបើករថយន្ត ស្នាក់នៅភូមិចំបក់ ឃុំពោធិមរា ស្រុកបសេដ្ឋ ខេត្តកំពង់ស្ពឺ ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុ គេឃើញយុវជនពីរនាក់ជិះម៉ូតូមួយគ្រឿងម៉ាក ហុងដាឌ្រីម ពណ៌ខ្មៅ ស៊េរីឆ្នាំ២០២២ ពាក់ស្លាកលេខ ភ្នំពេញ 1JD-5513 បានឌុបគ្នាទិសដៅពីត្បូងមកជើង ខណៈមកដល់ចំណុចកើតហេតុ ស្រាប់តែមានរថយន្តម៉ាក HINO ប្រភេទរថយន្តបែកដឹកដី ក្បាលពណ៌ស ពាក់ស្លាកលេខ ខេមរភូមិន្ទ 02 3-3214 បានធ្វើដំណើរស្របទិសគ្នាក្នុងល្បឿនលឿន រួចបុកម៉ូតូពីក្រោយបណ្ដាលឲ្យម៉ូតូដួល រីឯមនុស្សម្នាក់ខ្ទាតចូលក្រោមរថយន្តកិនអូសជិត១០ម៉ែត្រស្លាប់ភ្លាមៗនៅកន្លែង និងអ្នករួមដំណើរម្នាក់ទៀតបានរងរបួសធ្ងន់ ។
ក្រោយកើតហេតុភ្លាមៗ កៃកុងរថយន្តបានឈប់រថយន្តបំរុងចុះគេចខ្លួន តែត្រូវប្រជាពលរដ្ឋឃាត់ខ្លួនប្រគល់ឲ្យសមត្ថកិច្ច យកទៅសួរនាំនៅអធិការដ្ឋាននគរបាលខណ្ឌដង្កោ និងចាត់ការតាមច្បាប់ ។ បន្ទាប់មកសមត្ថកិច្ចមូលដ្ឋាន សហការជាមួយជំនាញចរាចរណ៍ខណ្ឌដង្កោ និងសមត្ថកិច្ចជំនាញចរាចរណ៍ផ្លូវគោក រាជធានីភ្នំពេញ ធ្វើការវាស់វែងយកម៉ូតូ និងរថយន្តបង្កទៅរក្សាទុករង់ចាំដោះស្រាយនាពេលក្រោយ។ ដោយឡែកសពជនរងគ្រោះ ត្រូវបានសមត្ថកិច្ចជំនាញធ្វើកំណត់ហេតុ រួចប្រគល់ឲ្យសាច់ញាតិក្រុមគ្រួសារយកទៅធ្វើបុណ្យតាមប្រពៃណី ៕
អត្ថបទ៖ សុខា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ