រថយន្ដតាកូម៉ា បើកធ្លាក់ផ្លូវស្លាប់ និងរបួសធ្ងន់ស្រាល១២នាក់

មនុស្សក្មេងចាស់ប្រុសស្រីចំនួន១២នាក់ ក្នុងនោះមានម្នាក់បានស្លាប់ ក្នុងហេតុការណ៍គ្រោះថ្នាក់ចរាចរណ៍ដោយ​បើករថយន្ដធ្លាក់ផ្លូវ។ ករណីនេះបានកើតឡើងកាលពីវេលាម៉ោង១២និង៣០នាទី រសៀលថ្ងៃទី៨ ខែមិថុនា ឆ្នាំ២០២៣ លើផ្លូវជាតិលេខ៣៣ ចំណុចទល់មុខសាកលវិទ្យាល័យ តេជោ ហ៊ុន សែន ចំការដូច ចន្លោះបង្គោលគីឡូម៉ែត្រលេខ ២១-២២ ស្ថិតនៅភូមិដំណាក់ចង្អើរ សង្កាត់ព្រៃធំ ក្រុងកែប ខេត្តកែប។

របាយការណ៍ពីស្នងការដ្ឋាននគរបាលខេត្តកែប​បានឲ្យដឹងថា រថយន្ដរងគ្រោះក្នុងហេតុការណ៍នេះម៉ាក តាកូម៉ា ពណ៌ស ពាក់ផ្លាកលេខភ្នំពេញ 2BC-3606 បើកបរដោយឈ្មោះ ម៉ីន អាស៊ី ភេទប្រុស អាយុ ៣៨ឆ្នាំ មុខរបរកសិករ រងរបួសស្រាល។ ចំណែកអ្នករួមដំណើរមាន១១នាក់ របួសធ្ងន់៧នាក់ ស្រាល៣នាក់ និងស្លាប់កុមារ៉ាអាយុ៦ឆ្នាំម្នាក់។

ជនរងគ្រោះក្នុងហេតុការណ៍នេះមាន ១,ឈ្មោះ សារី ភេទ ប្រុស អាយុ ៥៨ ឆ្នាំ មុខរបរ កសិករ (របួសស្រាល)

២,ឈ្មោះ សាតាស់ ភេទ ស្រី អាយុ ៥៨ ឆ្នាំ មុខរបរ កសិករ (របួសធ្ងន់)

៣,ឈ្មោះ និច សូឡោះ ភេទ ប្រុស អាយុ ៧ ឆ្នាំ មុខរបរ សិស្ស (របួសធ្ងន់)

៤,ឈ្មោះ ហាហ្វីស ភេទ ប្រុស អាយុ ១៣ ឆ្នាំ មុខរបរ សិស្ស (របួសធ្ងន់)

៥,ឈ្មោះ រស់ មៃ ភេទ ស្រី អាយុ ៤០ ឆ្នាំ មុខរបរ កសិករ (របួសធ្ងន់)

៦,ឈ្មោះ ហូ ស៊ីត ភេទ ប្រុស អាយុ ៤ ឆ្នាំ មុខរបរ កុមារ (របួសស្រាល)

៧,ឈ្មោះ ស ហ្វីយ៉ា ភេទ ស្រី អាយុ ៣៣ ឆ្នាំ មុខរបរ កសិករ (របួសស្រាល)

៨,មៃ រ៉ា អាយុ ១ខួប ទារក ស្រី (របួសធ្ងន់)

៩,ឈ្មោះ អូម៉ារក់ ភេទ ស្រី អាយុ ៣ ឆ្នាំ មុខរបរ កុមារ (របួសធ្ងន់)

១០,ឈ្មោះ ម៉ូសើត ភេទ ប្រុស អាយុ ៦ ឆ្នាំ មុខរបរ សិស្ស (របួសធ្ងន់)

១១,ឈ្មោះ បូរីរ៉ោះ ភេទ ប្រុស អាយុ ៦ ឆ្នាំ (ស្លាប់) ទាំង១២នាក់ ខាងលើរស់នៅភូមិព្រៃក្រឡាខាងលិច ឃុំទូកមាសខាងលិច ស្រុកបន្ទាយមាស ខេត្តកំពត។

បច្ចុប្បន្នអ្នករងរបួសខាងលើនគរបាលបានសហការដឹកបញ្ជូនទៅសង្គ្រោះនៅមន្ទីរពេទ្យខេត្ត និងអ្នកស្លាប់បានរៀបចំប្រគល់ជូនសាច់ញាតិយកទៅធ្វើបុណ្យតាមប្រពៃណី៕

អត្ថបទ៖ សុខុម