ព័ត៌មានជាតិ
អ្នកនាំពាក្យរាជរដ្ឋាភិបាលថា ទោះបីកម្ពុជាអត់ធ្មត់មិនផ្ទុះអាវុធតែមិនបោះបង់ទឹកដីរបស់ខ្លួននោះទេ
អ្នកនាំពាក្យរាជរដ្ឋាភិបាលកម្ពុជា លោក ប៉ែន បូណា បានច្រានចោលការលើកឡើងរបស់យោធាថៃដែលថាកន្លែងដែលទាហានថៃជាន់នៅឃុំអូរបីជាន់គឺជាទឹកដីរបស់ថៃ ដោយថាយោធាគ្មានសិទ្ធិក្នុងការសម្រេចពីខណ្ឌសីមាប្រទេសនោះទេ ហើយការប្រកាសបែបនេះក៏គ្មានតម្លៃគតិយុត្តនោះដែរ។
ក្នុងសេចក្ដីថ្លែងការណ៍នៅថ្ងៃទី១៧ ខែតុលា ឆ្នាំ២០២៥នេះ លោក ប៉ែន បូណា បានបញ្ជាក់ថា គ្មានប្រទេសណាទាំងកម្ពុជា និងថៃអាចកែប្រែដោយឯកតោភាគីលើខ្សែព្រំដែនដែលកំណត់ដោយអនុសញ្ញាឆ្នាំ១៩០៤ ឆ្នាំ១៩០៧ដែលការពារដោយអង្គការសហប្រជាជាតិ និងច្បាប់អន្តរជាតិនោះទេ។
ក្នុងសេចក្ដីថ្លែងការណ៍នោះបានច្រានចោល មិនទទួលយកជាដាច់ខាតលើការលើកឡើងរបស់ទាហានថៃដែលថាដីដែលពួកគេចូលឈូសឆាយនៅភូមិព្រៃចាន់ និងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ គឺជាដីរបស់ថៃ។
អ្នកនាំពាក្យរាជរដ្ឋាភិបាលលើកឡើងថា៖«យោធាគ្មានសមត្ថកិច្ចក្នុងការសម្រេចអំពីខណ្ឌសីមា របស់ប្រទេសនោះឡើយ ហើយការប្រកាសបែបនេះក៏គ្មានតម្លៃគតិយុត្តិនោះដែរ»។
អ្នកនាំពាក្យរាជរដ្ឋាភិបាលទាមទារឱ្យថៃគោរពនូវអ្វីដែលបានព្រមព្រៀងគ្នាដោយទុកឱ្យ JBC ប្រជុំដោះស្រាយខណ្ឌសីមា ចៀសវាងការធ្វើសកម្មភាពបង្កហេតុណាមួយដែលនាំទៅដល់ការពង្រីកវិសាលភាពនៃទំនាស់។
អ្នកនាំពាក្យបានបញ្ជាក់ដល់សាធារណជនថា ទោះបីជារដ្ឋាភិបាលកម្ពុជាអត់ធ្មត់ក្នុងអំឡុងពេលអនុវត្តបទឈប់បាញ់ប៉ុន្តែរាជរដ្ឋាភិបាលកម្ពុជាមិនបោះបង់សិទ្ធិក្នុងការទាមទារដែនអធិបតេយ្យភាពជាតិនិងបូរណភាពទឹកដីរបស់ខ្លួន ស្របតាមអនុសញ្ញា សន្ធិសញ្ញា និងច្បាប់អន្តរជាតិឡើយ។
ទាហានថៃបានចូលមកចាប់ផ្ដើមរាយបន្លាលួសក្នុងភូមិជោគជ័យ និងភូមិព្រៃចាន់ ក្នុងទឹកដីកម្ពុជាកាលពីថ្ងៃទី១២ ខែសីហា បណ្ដេញពលរដ្ឋខ្មែរប្រមាណ១២គ្រួសារចេញពីទីលំនៅរបស់ពួកគេ ក្រៅពីនោះថៃបានប្រកាសដេញពលរដ្ឋខ្មែរជាង២០០គ្រួសារបន្ថែមទៀត។ កាលពីថ្ងៃទី១០ ខែតុលាកន្លងទៅទាហានថៃបានប្រើប្រាស់គ្រឿងចក្រឈូសដី និងរាវមីននៅទឹកដីដែលរាយលួសបន្លាយកផងដែរបើទៅបីរដ្ឋាភិបាលជាមានការតវ៉ាពីកម្ពុជាក្ដី៕
អត្ថបទដោយ ហ៊ុន សិរីវឌ្ឍន៍
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៣ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត