កីឡា

ទីបំផុតជំនួបរវាងជើងខ្លាំងទើបឡើងកូដ ឌឹម សារុំ និង មហាម៉ាត់ កើតឡើងហើយ

បានផុស

៨ ខែ មុន

នៅ

ថ្ងៃអង្គារ ២១ តុលា ២០២៥

ដោយ

ជំនួបរវាងជើងខ្លាំងទើបឡើងកូដ ឌឹម សារុំ និង មហាម៉ាត់ កើតឡើងជាផ្លូវការហើយក្រោយការផ្គូផ្គងលើបណ្ដាញសង្គមជាហូរហែ និងមហាជនអ្នកគាំទ្រគុនខ្មែរក៏ចង់ឃើញអ្នកទាំងពីរប៉ះគ្នាដែរនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ មហាម៉ាត់

នេះបើតាមវីដេអូបង្ហោះផ្សព្វផ្សាយលើផេកលោក ណឹម ពិសិដ្ឋ ដែលតំណាងឲ្យក្លឹបប្រដាល់ KKIF បានបញ្ជាក់ថា ជំនួបដែលមហាជនចង់ឃើញ និងចង់ឲ្យអ្នកទាំងពីរគឺ ឌឹម សារុំ និង មហាម៉ាត់ ជួបគ្នានោះឥលូវនេះឈានដល់ការចុះកុងត្រាប្រកួតរួចរាល់ហើយ។ ការប្រកួតនឹងធ្វើឡើងនៅថ្ងៃទី៩ ខែវិច្ឆិកា ឆ្នាំ២០២៥ ខាងមុខនេះ។

មហាម៉ាត់ ពេលចុះកុងត្រាប្រកួត

បន្ទាប់ពី ឌឹម សារុំ ឈ្នះ ពេជ្រ សឹង្ហៈ និង មហាម៉ាត់ យកឈ្នះ ឡៅ សៅណេត ជាលើកទី២ គឺធ្វើឲ្យអ្នកគាំទ្រគុនខ្មែរនៅមិនសុខនោះឡើយដោយចាប់ផ្ដើមផ្គូផ្គងរវាងអ្នកទាំងពីរជាថ្មីទៀត ព្រោះចង់ឃើញអ្នកដែលកំពុងឡើងកូដរូបនេះប៉ះគ្នា។

ជំនួបរវាង សារុំ និង មហាម៉ាត់ គឺពិបាកស្មានលទ្ធផលទុកមុនបន្តិចហើយសម្រាប់អ្នកគាំទ្រដោយសារម្នាក់ៗសុទ្ធតែមានផ្លែអាវុធល្អរៀងខ្លួន។ សារុំ ដៃលឿនហើយច្បាស់ ប៉ុន្តែនៅស្ទើបទពិសោធបន្តិច។ ចំណែក មហាម៉ាត់ កម្លាំងស៊ុហ្វបាន ទឹកចិត្តមោះមុតមិនចេះខ្លាចញញើតដៃគូ និងល្អគ្រប់ស្នៀតពិសេសការដើរបុកមិនឲ្យដៃគូដកដង្ហើម និងចាប់វាយជង្គង់តែម្ដង។ យ៉ាងណាមានតែរង់ចាំមើលទាំងអស់គ្នាថានរណានឹងអាចយកជ័យជម្នះបានក្នុងជំនួបនៅថ្ងៃទី៩ ខែវិច្ឆិកា ឆ្នាំ២០២៥ ឆាប់ៗខាងមុខនេះ៕

សារុំ និងលោក ណឹម ពិសិដ្ឋ

អត្ថបទដោយ៖ នួន ស៊ីណា

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា