Hegseth នឹងបំពេញទស្សនកិច្ច៤ប្រទេសនៅអាស៊ី គោលបំណងបង្កើនឥទ្ធិពលរបស់អាមេរិក

តាមការបញ្ជាក់ពីមន្ទីរបញ្ចកោណនៅថ្ងៃអាទិត្យទី២៦ខែតុលាឆ្នាំ២០២៥ រដ្ឋមន្ត្រីការពារជាតិអាមេរិក Pete Hegseth នឹងមកបំពេញទស្សនកិច្ចប្រទេសចំនួន៤នៅទ្វីបអាស៊ីដូចជាជប៉ុន ម៉ាឡេស៊ី វៀតណាម និងកូរ៉េខាងត្បូង ក្នុងរយៈពេលប៉ុន្មានថ្ងៃខាងមុខនេះ ខណៈគោលបំណងធំរបស់លោក ត្រូវគេអះអាងថា គឺដើម្បីពង្រឹងចំណងមិត្តភាពនិងបង្កើនឥទ្ធិពលរបស់សហរដ្ឋអាមេរិក ប្រឆាំងចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់ Straits Times, សេចក្តីប្រកាសរបស់មន្ទីរបញ្ចកោណគឺមិនបញ្ជាក់អំពីកាលបរិច្ឆេទនៃដំណើរទស្សនកិច្ចនេះឡើយ ហើយក៏មិនប្រាប់ដែរថា ដំណើរនេះមានរយៈពេលប៉ុន្មានថ្ងៃ។

យ៉ាងណា ក្រសួងការពារជាតិអាមេរិកបានឲ្យដឹងថា ដំណើរទស្សនកិច្ចរបស់លោក Hegseth នឹងផ្តោតសំខាន់លើការបង្កើនឥទ្ធិពលរបស់សហរដ្ឋអាមេរិក នៅក្នុងតំបន់ឥណ្ឌូប៉ាស៊ីហ្វិក។

ប្រភពខាងលើបន្តថា ក្នុងដំណើរនេះ លោក Hegseth នឹងឈប់នៅកោះហាវ៉ៃ ដើម្បីជួបបណ្តាមេដឹកនាំនៃបញ្ជាការដ្ឋានអាមេរិកឥណ្ឌូប៉ាស៊ីហ្វិក។ បន្ទាប់មក លោកនឹងបន្តដំណើរទៅជប៉ុន ហើយចូលរួមក្នុងកិច្ចប្រជុំថ្នាក់រដ្ឋមន្ត្រីការពារជាតិអាស៊ាននៅម៉ាឡេស៊ី រួចមានកិច្ចពិភាក្សានៅវៀតណាម និងចុងក្រោយធ្វើជាសហប្រធាន​ដឹកនាំ​កិច្ចប្រជុំ​សន្តិសុខ​ទ្វេភាគី​នៅប្រទេសកូរ៉េខាងត្បូង៕

អត្ថបទ៖ សុខ សុវណ្ណ

ចុចអាន៖ Pete Hegseth គំរាមរុស្ស៊ី ខ្លាំងៗ រឿងសង្គ្រាមនៅអ៊ុយក្រែន