អគ្គិសនីក្រចេះ នឹងផ្អាកការផ្គត់ផ្គង់ចរន្តអគ្គិសនីនៅតំបន់មួយចំនួន ដើម្បីជួសជុល ត្រួតពិនិត្យ​គ្រឿង​បរិក្ខា​រឡើងវិញ

អគ្គិសនីក្រចេះបានសេចក្តីជូនដំណឹងស្តីពីការផ្អាកការផ្គត់ផ្គង់ចរន្តអគ្គិសនីលើខ្សែបណ្តាញអគ្គិសនីតង់ស្យុងមធ្យម ២២ គីឡូវ៉ុល និង ៣៥ គីឡូវ៉ុល ចេញពីអនុស្ថានីយក្រចេះ (GS34) ក្នុងក្រុងក្រចេះ ខេត្តក្រចេះ នាព្រឹកថ្ងៃទី១៩ ខែវិច្ឆិកា ឆ្នាំ​២០២៥។

ការផ្អាកការផ្គត់ផ្គង់ចរន្តអគ្គិសនីនេះ ធ្វើឡើងនៅថ្ងៃអាទិត្យ ទី២៣ ខែវិច្ឆិកា ឆ្នាំ២០២៥ ខាងមុខនេះ ដើម្បីឲ្យ​ក្រុមការងារបច្ចេកទេសធ្វើតំហែទាំ ត្រួតពិនិត្យ ជួសជុលបរិក្ខារអគ្គិសនីប្រចាំឆ្នាំ ២០២៥ នៅក្នុងអនុស្ថានីយក្រចេះ និងកែសម្រួលខ្សែបណ្តាញតង់ស្យុងមធ្យម ២២ គីឡូវ៉ុល នឹងបណ្តាលឱ្យដាច់នៅតំបន់មួយចំនួនទៅតាមពេលវេលា និងទីកន្លែង។

នាថ្ងៃអាទិត្យ ទី២៣ ខែវិច្ឆិកា ឆ្នាំ២០២៥ មានរយៈពេល ១ ថ្ងៃ ចាប់ពីម៉ោង ៨:០០នាទី ដល់ម៉ោង ១៧:៣០នាទី មានទីតាំងមួយចំនួន ដូចជា៖ ទី១ នៅក្នុងសង្កាត់អូរឫស្សី ក្រុងក្រចេះ, ទី២ នៅឃុំដារ ស្រុកចិត្របុរី ខេត្តក្រចេះ, ទី៣ អគ្គិសនីត្បូងឃ្មុំ (កំពង់រាំង) ស្រុកតំបែរ ខេត្តត្បូងឃ្មុំ។

ទោះជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើអាចនឹងមានការរអាក់រអួលខ្លះៗ៕

អត្ថបទ៖ ប្រុញ វិធិន