Volleyball World បញ្ចេញចំណាត់ថ្នាក់កីឡាករកំ​ពូលទាំង១០ឆ្នាំ ២០២៥ ខណៈ Leon ធ្លាក់ទៅ​លេខ ៥

មុនដាច់ឆ្នាំ ២០២៥ ស្ថាប័ន Volleyball World បានវាយតម្លៃចំណាត់ថ្នាក់កីឡាករបាល់ទះកំពូលទាំង ១០ សម្រាប់ឆ្នាំ ២០២៥ ខណៈស្មាត់ធំរបស់ក្រុមជម្រើសជាតិ អ៉ីតាលី Alessandro Michieletto ត្រូវបានផ្តល់ចំណាត់ថ្នាក់ឱ្យស្ថិតនៅលេខរៀងទី ១។ ចំណែកស្មាត់កំពូលរបស់ ប៉ូឡូញ Wilfredo Leon បានធ្លាក់ចំណាត់ថ្នាក់ទៅលេខ ៥ ឯណោះ។

ការវាយតម្លៃរបស់ Volleyball World គឺផ្អែកលើសមិទ្ធផល ក៏ដូចជាសមត្ថភាពរបស់កីឡាករ ដែលបានបង្ហាញនៅឆ្នាំ ២០២៥ ជាមួយក្រុមជម្រើសជាតិរបស់ពួកគេរៀងៗខ្លួន ដូចជាក្នុងពានរង្វាន់ Volleyball Nations League (VNL) និង FIVB Volleyball Men’s World Championship។

ខាងក្រោមនេះ ជាចំណាត់ថ្នាក់របស់កីឡាករបាល់ទះលំដាប់កំពូលទាំង ១០ ក្នុងឆ្នាំ ២០២៥ ដែលវាយតម្លៃដោយ Volleyball World៖

១. ស្មាត់ជម្រើសជាតិ អ៉ីតាលី Alessandro Michieletto

២. ស្មាត់ជម្រើសជាតិ ប៊ុលហ្គារី Alex Nikolov

៣. អ្នកលើកបាល់ជម្រើសជាតិ អ៉ីតាលី Simone Gianelli

៤. អ្នកបាំងបាល់កណ្តាលសញ្ជាតិ ប៉ូឡូញ Jakub Kochanowski

៥. ស្មាត់ជម្រើសជាតិ ប៉ូឡូញ Wilfredo Leon

៦. អ្នកលើកបាល់Aleks Grozdanov ប៊ុលហ្គារី Simeon Nikolov

៧. លីប៉ើរ៉ូរបស់ក្រុមជម្រើសជាតិ អ៉ីតាលីFabio Balaso

៨. អ្នកបាំងបាល់កណ្តាលជម្រើសជាតិ ប៊ុលហ្គារី Aleks Grozdanov

៩. អ្នកបាំងបាល់កណ្តាលជម្រើសជាតិ ស្លូវេនី Jan Kozamernik

១០. ស្មាត់ជម្រើសជាតិ ឆេក Patrick Indra៕

អត្ថបទ៖ សេម កុសល