កីឡា

បាត់កីឡាករសំខាន់ HERRERA ម្នាក់ធ្វើឲ្យក្រុម ស្នងការរាជធានីភ្នំពេញធ្លាក់ខ្លាំងនៅតេជោលីគ

បានផុស

២ ខែ មុន

នៅ

ថ្ងៃព្រហស្បតិ៍ ២១ ឧសភា ២០២៦

ដោយ

បើកឆាកនៅ ២ប្រកួតដំបូងពានតេជោលីគ ស្នងការ ន.ប រាជធានីភ្នំពេញ បានធ្វើឲ្យអ្នកគាំទ្រហាក់ភ្ញាក់ផ្អើលខ្លាំងដោយសារតែទម្រង់លេងធ្លាក់ចុះ និងការលេងមិនមានស្មារតីរឹងមាំឲ្យដូចអំឡុងការប្រកួតនៅពានក្រឡាហោមនោះឡើយ ស្របពេលត្រូវបានគេថាមកពីបាត់កីឡាករសំខាន់ម្នាក់គឺ HERRERA ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទះស្នងការ

ក្រុមបាល់ទះស្នងការ ន.ប រាជធានីភ្នំពេញ គឺជាក្រុមខ្លាំងមួយ និងមានអ្នកគាំទ្រគិតថាអាចនឹងធ្វើព្យុះភ្លៀងនៅក្នុងពានរង្វាន់តេជោលីគឆ្នាំនេះទៀតផង។ តាមរយៈការលេងឈ្នះពានក្រឡាហោម នៅដើមឆ្នាំ២០២៦ នោះគឺក្រុមដែលមានមូលដ្ឋាននៅវាលស្បូវមួយនេះពិតជាល្អខ្លាំងមែន។

យ៉ាងណាក្នុង ២ប្រកួតដំបូងបើកឆាកពានតេជោលីគ ឆ្នាំ២០២៦ កន្លងទៅថ្មីៗនេះអ្នកគាំទ្រហាក់ភ្ញាក់ផ្អើលផងដែរចំពោះទម្រង់លេងមិនសូវត្រូវគ្នាសោះ និងបានចាញ់ជាប់ៗគ្នាបែបនេះ។ ប៉ុន្តែប្រកួតទី៣ និងទី៤ ក្រុមមួយនេះចាប់ផ្ដើមល្អឡើងវិញបន្តិច និងអាចស្វែងរកជ័យបានមកវិញផងដែរ។

ក្រុមបាល់ទះស្នងការ ប៉ះ អង្គរក្ស

ពាក់ពាក់ព័ន្ធទៅហ្នឹងទម្រង់លេងធ្លាក់ចុះនេះត្រូវបានគេដឹងថាមកពីការបាត់បង់កម្លាំងសំខាន់គឺស្មាត់ធំ HERRERA សញ្ជាតិគុយបា ដែលលឺដំណឹងមកថារូបគេបានចេញទៅលេងកម្មវីធីប្រកួតមួយនៅប្រទេសរុស្សីបាត់ទៅហើយតាំងពីចាប់ផ្ដើមលីគមកម្ល៉េះ។

ការប្រកួតកន្លងមកស្មាត់ធំរូបគេពិតជាកម្លាំងសំខាន់ក្នុងការជួយក្រុមស្នងការមែន ព្រោះរូបគេលេងបាល់រឹងល្អ និងអាចជួយដឹកនាំក្រុមថែមទៀត។ មិនថាការលោតវាយសេវា ការម៉ាត់ផ្ដាច់ ឬការលោតធ្វើរនាំងនោះទេ HERRERA អាចធ្វើបានយ៉ាងល្អជូនក្រុម។ ដូច្នេះការបាត់កីឡាករសំខាន់មួយនេះភ្លាមៗបានធ្វើឲ្យក្រុមពិតជាមានការលំបាក់ខ្លាំង និងពិបាកក្នុងការរៀបចំក្រុមឲ្យប្រសើរភ្លាមៗវិញណាស់។ មួយវិញទៀតស្របពេលកីឡាករសំខាន់ម្នាក់ទៀតគឺ រ៉ុន សុខជា មានរបួសទៀតនោះក្រុមរឹតតែយ៉ាប់តែម្ដង។

កីឡាករ HERRERA

បញ្ជាក់ដែរថា ក្រុមបាល់ទះស្នងការ ន.ប រាជធានីភ្នំពេញ នៅតេជោលីគ រដូវកាលទី៣ នេះប្រកួតបាន ៤ប្រកួតមកហើយក្នុងនោះឈ្នះ២ ចាញ់២ កំពុងមាន ៦ពិន្ទុ។ បើកឆាក ២ប្រកួតដំបូងចាញ់ ក្រសួងមហាផ្ទៃ ៣-១ ចាញ់បញ្ជាការដ្ឋានអង្គរក្ស ៣-១។ ២ប្រកួតចុងក្រោយឈ្នះកងពលអន្តរាគមលេខ៣ លទ្ធផល ៣-០ និងឈ្នះស្នងការខេត្តស្វាយរៀង ៣-១។ ការប្រកួតវិលជុំវគ្គទី១ នៅពេលនេះកំពុងសម្រាកសិនរហូតដល់ថ្ងៃទី៣១ ខែឧសភា ឆ្នាំ២០២៦ ប៉ុន្មានទៀតនោះទើបចាប់ផ្ដើមបន្តការប្រកួតលើកទី៥៕