ព្រះខ័នរាជស្វាយរៀង និង ភ្នំពេញក្រោន ជាក្រុម កម្ពុជា ២ គត់ស្ថិតនៅចំណាត់ថ្នាក់ IFFHS ២០២៥

ក្លិបបាល់ទាត់ ព្រះខ័នរាជស្វាយរៀង និង ភ្នំពេញក្រោន បានក្លាយជាក្រុម កម្ពុជា ២ គត់ ដែលស្ថិតនៅក្នុងចំណាត់ថ្នាក់របស់សហព័ន្ធអន្តរជាតិនៃប្រវត្តិ និងស្ថិតិបាល់ទាត់ (IFFHS) ឆ្នាំ ២០២៥។

តាមការវាយតម្លៃរបស់ IFFHS ដោយគិតពីថ្ងៃទី ០១ ខែ មករា ឆ្នាំ ២០២៥ ដល់ថ្ងៃទី ៣១ ខែ ធ្នូ ឆ្នាំ ២០២៥ គឺក្រុម ព្រះខ័នរាជស្វាយរៀង ស្ថិតនៅចំណាត់ថ្នាក់លេខ ៤៥៥ ពិភពលោក ក្នុងចំណោមក្លិបសរុបជាង ១,០០០ ក្លិប ដែលស្ថិតនៅក្នុងបញ្ជី។ ចំណែក ភ្នំពេញក្រោន វិញ ស្ថិតនៅចំណាត់ថ្នាក់ ៦៣៩ ពិភពលោក។

ការវាយតម្លៃរបស់ IFFHS គឺផ្តោតជាគោលលើ ការគណនារយៈពេល ១២ ខែអំពីសមិទ្ធផលរបស់ក្លិបនីមួយៗ។ ពិន្ទុនៃការគណនា គឺទទួលបានមកពីលទ្ធផលនៃការប្រកួតរបស់ក្លិបនីមួយៗ ក្នុងលីគ ពានរង្វាន់ក្នុងស្រុក និងពានរង្វាន់អន្តរជាតិ (AFC, UEFA, CAF ជាដើម)។

គួរបញ្ជាក់ផងដែរ ថា ក្រុមស្ថិតនៅចំណាត់ថ្នាក់លេខ ១ បានទៅលើក្រុម Paris Saint-Germain, លេខ ២ Real Madrid, លេខ ៣ Chelsea, លេខ ៤ Inter Milan, លេខ ៥ FC Bayern Munich៕

អត្ថបទ៖ សេម កុសល